മെഹന്തിയിട്ടു, തുടര്‍ന്ന് കൈക്ക് സംഭവിച്ചത്; മീരയുടെ പൊള്ളുന്ന അനുഭവക്കുറിപ്പ്

മെഹന്തിയിട്ടതിനെ തുടര്‍ന്ന് തനിക്കുണ്ടായ ദുരനുഭവം ഫെയ്‌സ്ബുക്കില്‍ പങ്കുവെച്ച് പാചക വിദഗ്ധയും മോഡലുമായ മീര മനോജ്. കുടുംബത്തോടൊപ്പം സഞ്ചരിക്കവെ, മുംബൈയിലെ ജുഹു ബീച്ചില്‍ വെച്ചാണ് സംഭവം. മെഹന്തിയിട്ടു തരാമെന്നു പറഞ്ഞ് ഒരു കച്ചവടക്കാരി നിര്‍ബന്ധിച്ചപ്പോള്‍ കൈ നീട്ടി നല്‍കി. തുടര്‍ന്നുണ്ടായ സംഭവങ്ങള്‍ മീരയുടെ ഫെയ്‌സ്ബുക് കുറിപ്പില്‍ വായിക്കാം.

ഫെയ്‌സ്ബുക് കുറിപ്പ്:
എന്റെ ഇടത്തേ കൈയുടെ ഇപ്പോഴത്തെ അവസ്ഥയാണിത്. ഈ ബുധനാഴ്ച (oct 2nd)ഉച്ചക്കാണ് ഞാനും കുടുംബവും mumbaiല്‍ എത്തിയത്.. ഞങ്ങള്‍ വൈകുന്നേരം juhu beachല്‍ പോയപ്പോഴാണ് സംഭവം.. മെഹന്തി ഇടാംന്ന് പറഞ്ഞ് ഒരു സ്ത്രീ പുറകേ തന്നെ. വേണ്ടെന്ന് എത്ര പറഞ്ഞിട്ടും അവരെന്നെ വിടുന്നില്ല. 20 രൂപയേ ഉളളൂ ഒരു design എന്ന് പറഞ്ഞ് എന്റെ കൈയുടെ നടുവില്‍ അവരൊരു design പതിപ്പിച്ചു. മതി, എനിക്ക് കൈ മുഴുവന്‍ ഇടാന്‍ താല്‍പര്യമില്ല എന്ന് പറഞ്ഞിട്ടും ആ സ്ത്രീ വീണ്ടും വീണ്ടും colour മുക്കിയ അച്ചുകള്‍ കൊണ്ട് റലശെഴി ചെയ്തുകൊണ്ടിരുന്നു.. ഒടുവില്‍ 100 രൂപയും മേടിച്ചു. പിറ്റേ ദിവസം മുതല്‍ കൈ മുഴുവന്‍ സാമാന്യം നല്ല രീതിയില്‍ ചൊറിയാന്‍ തുടങ്ങി. വ്യാഴാഴ്ച സന്ധ്യയായപ്പോഴേക്കും ഇതായി സ്ഥിതി. സഹിക്കാന്‍ പറ്റാത്ത വേദനയും പുകച്ചിലും. ഉറങ്ങാന്‍ പോലും പറ്റിയില്ല. self medicationഎനിക്ക് തീരെ ഇഷ്ടമല്ല. അതുകൊണ്ട് പ്രത്യേകിച്ച് മരുന്നൊന്നും കഴിച്ചില്ല. രാവിലെ ആയപ്പോഴേക്കും കൈ നീര് വെച്ചു തുടങ്ങി. നിറയെ പൊള്ളി വീര്‍ത്തു. (തനിയെ കുറയുമെന്ന് വിചാരിച്ചിരുന്നു, കൂടിയതല്ലാതെ ഒരു changeഉം ഉണ്ടായില്ല) ഇന്നലെ ഞങ്ങള്‍ gujarathല്‍ suratല്‍ manojന്റെ സുഹൃത്തിന്റെ വീട്ടിലെത്തി. അപ്പോഴേക്കും കൈ പൊക്കാന്‍ വയ്യാത്ത stage ആയതുകൊണ്ട് ഇവിടെ family drനെ കാണിച്ചു. 3 നേരം 6 tablets വീതമാണിപ്പോ ആഹാരം. നേരത്തെ എത്രയോ തവണ ഈ അച്ചു കൊണ്ടുള്ള printed mehandi ഇട്ടിട്ടുണ്ടെങ്കിലും ജീവിതത്തിലെ ആദ്യത്തെ ദുരനുഭവമാണിത്. എല്ലാവര്‍ക്കും ഇതേപോലെ സംഭവിക്കണമെന്നില്ല. എങ്കിലും എല്ലാവരും ഒന്ന് സൂക്ഷിച്ചേക്കുക. chemicals ചേര്‍ന്ന ഈ മെഹന്തി ഇതുപോലുള്ള allergyഉണ്ടാക്കിയേക്കാം.

SHARE