Connect with us

Culture

കുട്ടികളുടെ ക്യാപ്റ്റനായി മൈതാനത്ത് ജയസൂര്യ

Published

on

ടി.കെ ഷറഫുദ്ദീന്‍
കോഴിക്കോട്

ക്യാപ്റ്റന്‍ സിനിമയിലൂടെ വെള്ളിത്തിരയില്‍ വി.പി സത്യനെ മികവുറ്റതാക്കിയ നടന്‍ ജയസൂര്യ കുട്ടികളുടെ ക്യാപ്റ്റനായി വീണ്ടും കളിക്കളത്തിലേക്ക് മടങ്ങിയെത്തി. മഞ്ഞജഴ്‌സിയണിഞ്ഞ് കോര്‍പറേഷന്‍ സ്റ്റേഡിയത്തില്‍ കൗമാര ഫുട്‌ബോള്‍ താരങ്ങള്‍ക്കൊപ്പമെത്തിയ താരം, വിദ്യാര്‍ത്ഥികളുമായി സംവദിക്കാനും സമയംകണ്ടെത്തി. ജയസൂര്യക്കൊപ്പം സിനിമയിലെ അണിയറ പ്രവര്‍ത്തകരും പങ്കുചേര്‍ന്നപ്പോള്‍ ക്യാപ്റ്റന്‍സിനിമയുടെ വിജയാഘോഷ സംഗമവേദിയായി സ്റ്റേഡിയംമാറി. വി.പി സത്യനുള്ള അംഗീകാരണമാണ് സിനിമയെന്ന് ജയസൂര്യ അഭിപ്രായപ്പെട്ടു. ഈ പ്രോജക്ടുമായി സംവിധായകന്‍ സമീപിച്ചപ്പോള്‍ വി.പി സത്യനെയോ ഫുട്‌ബോളിനേയോ കുറിച്ച് തനിക്ക് യാതൊന്നും അറിയില്ലായിരുന്നു.

ഫുട്‌ബോള്‍ അറിയാതെ വി.പി സത്യനെ സ്‌ക്രീനില്‍ എങ്ങനെ ഇത്രമികവുറ്റതാക്കിയെന്ന വിദ്യാര്‍ത്ഥികളുടെ ചോദ്യത്തിന് മുന്നില്‍ നായകന്‍ മനസ് തുറന്നു. അഞ്ച്മാസമാണ് ഇതിനായി മാറ്റിവെച്ചത്. . അതിരാവിലെ ഫുട്‌ബോള്‍ പരിശീലനം നടത്തി. ആദ്യമെല്ലാം പരാജയപ്പെട്ടു. ഇത് ഇത്രബുദ്ധിമുട്ടുള്ള കളിയാണെന്ന് സ്വയംതിരിച്ചറിഞ്ഞു. വിട്ടുകൊടുക്കാതെ വീണ്ടും പരിശീലിച്ച് മുന്നേറി. ആത്മവിശ്വാസത്തോടെ ജയസൂര്യ പറഞ്ഞു. സദസില്‍നിന്ന് ക്യാപ്റ്റന്‍ വിളിയുമായി കുട്ടിഫുട്‌ബോളര്‍ എഴുന്നേറ്റു. എല്ലാവരും ഒരുനിമിഷം നിശബ്ദരായി. സിനിമയില്‍ സത്യനായി ജയേട്ടന്‍ അഭിനയിക്കുകയല്ല, ജീവിക്കുകയായിരുന്നുവെന്ന കുഞ്ഞുഅഭിപ്രായത്തെ ഹര്‍ഷാരവത്തോടെയാണ് സദസ് എതിരേറ്റത്.

ക്യാപ്റ്റന്‍ സിനിമയില്‍ അനിതാസത്യനായി വേഷമിട്ട നടി അനു സിതാരയോടും ചോദ്യമുണ്ടായിരുന്നു. ജീവിച്ചിരിക്കുന്ന കഥാപാത്രമായ അനിതചേച്ചിയെ അഭ്രപാളിയില്‍ അവതരിപ്പിക്കുമ്പോള്‍ എന്തൊക്കെ തയാറാടെപ്പാണ് നടത്തിയതെന്ന ചോദ്യത്തിന് ചെറുപുഞ്ചിരിയോടെ അവര്‍ മറുപടി നല്‍കി. ജീവിച്ചിരിക്കുന്ന കഥാപാത്രമായതിനാല്‍ വലിയവെല്ലുവിളിയായിരുന്നു.. അനിതചേച്ചിയുടെ വീട്ടില്‍പോയി അവരോട് ദീര്‍ഘനേരം സംസാരിച്ചു. പഴയകാല ഫോട്ടോയെല്ലാം കാണാനിടയായി. വേഷവിധാനവും സംസാരരീതിയുമെല്ലാം മനസിലാക്കി. ഒരിക്കല്‍ അവര്‍തന്നെ പറഞ്ഞു, എന്റെ കുട്ടികാലത്തേതിനു സമാനമാണ് എന്റെ രൂപമെന്ന്. ഈ പരാമര്‍ശം വലിയ അംഗീകാരമായി കണ്ട് ആത്മവിശ്വാസത്തോടെയാണ് ക്യാമറക്ക് മുന്നിലെത്തിയത്. സത്യന്റെ ആത്മാവ് ജയസൂര്യയ്‌ക്കൊപ്പമുണ്ടെന്നതുപോലെ അനിതസത്യന്‍ എന്നിലും നിലയുറപ്പിച്ചിരുന്നു-അനുസിതാര പറഞ്ഞു.

സ്‌പോര്‍ട്‌സ് കൗണ്‍സില്‍ സംസ്ഥാന പ്രസിഡന്റ് ടി.പി ദാസന്‍, സംവിധായകന്‍ പ്രജേഷ് സെന്‍, ഷറഫലിയായി സിനിമയില്‍ വേഷമിട്ട നടന്‍ ദീപക്, കമന്റേറ്റര്‍ ഷൈജു ദാമോദരന്‍, പത്രപ്രവര്‍ത്തകയൂണിയന്‍ സംസ്ഥാന പ്രസിഡന്റ് കമാല്‍വരദൂര്‍, ആന്റോ ജോസഫ് സംസാരിച്ചു.
നഗരത്തിലെ വിവിധ സ്‌കൂളുകളിലെ 50ഓളം വിദ്യാര്‍ത്ഥികളാണ് പരിപാടിയില്‍ പങ്കെടുത്തത്. ക്യാപ്റ്റന്റെ കൈയൊപ്പ് ചാര്‍ത്തിയ ഫുട്‌ബോള്‍ വിദ്യാര്‍ത്ഥികള്‍ക്ക് നല്‍കിയാണ് ജയസൂര്യയും സംഘവും സ്റ്റേഡിയം വിട്ടത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending