Video Stories
സോഷ്യല്‍ മീഡിയ സിഗരറ്റ് പോലെ: ചേതന്‍ ഭഗത്
ഷാര്‍ജ: സോഷ്യല്‍ മീഡിയയുടെ ഉപയോഗം സിഗരറ്റ് പോലെയെന്ന് വിഖ്യാത എഴുത്തുകാരന്‍ ചേതന്‍ ഭഗത്. മിഡില്‍ ഈസ്റ്റ് ചന്ദ്രികയും മൈക്രോ ടെക് ഗ്രൂപ്പും സംയുക്തമായി സംഘടിപ്പിച്ച ദി കരിയര്‍ ജേര്‍ണി വിദ്യാഭ്യാസ എക്‌സ്‌പോയില്‍ ‘ഹൗ ടു ബി സൂപ്പര്‍ അച്ചീവര്‍’ എന്ന വിഷയത്തിലൂന്നി സംവദിക്കുകയായിരുന്നു അദ്ദേഹം. ജീവിതത്തില്‍ ഉജ്ജ്വല നേട്ടങ്ങളിലേക്ക് ചെന്നെത്താനുള്ള ചുവടുകള്‍ വിശദീകരിക്കവേ, സോഷ്യല്‍ മീഡിയയുടെ ഉപയോഗത്തിലെ ദൂഷ്യത്തെക്കുറിച്ച് ചേതന്‍ ഭഗത് മുന്നറിയിപ്പ് നല്‍കി. സോഷ്യല്‍ മീഡിയ സിഗരറ്റ് പോലെയാണ്. ചെലവ് കുറവാണ്, എപ്പോഴും കീശയില്‍ തന്നെ കാണും. സിഗരറ്റ് പോലെ അപകടമാണ് അതിന്റെ ഉപയോഗമെന്നും ബെസ്റ്റ് സെല്ലറുകളുടെ രചയിതാവ് പറഞ്ഞു.
ദി കരിയര്‍ ജേര്‍ണി എക്‌സ്‌പോയുടെ രണ്ടാം ദിവസം ഷാര്‍ജ ചേംബര്‍ ഓഫ് കൊമേഴ്‌സിലെ അ്ല്‍ മജറ ഹാളില്‍ വൈകീട്ട് നാലരയോടെയാണ് ചേതന്‍ നിറഞ്ഞ സദസ്സിനെ അഭിസംബോധന ചെയ്തത്. ചെറിയ ചെറിയ ലക്ഷ്യങ്ങള്‍ കുറിച്ചാണ് വലിയ ലക്ഷ്യങ്ങളിലേക്ക് നീങ്ങേണ്ടതെന്ന് സൂപ്പര്‍ അച്ചീവറാകാനുള്ള ചുവടുകള്‍ അക്കമിട്ട് പറഞ്ഞ് അദ്ദേഹം വിശദീകരിച്ചു. ശരീര വണ്ണം കുറയ്ക്കാനൊരുങ്ങി പ്രാതല്‍ നിയന്ത്രിച്ചവര്‍ക്ക് സായാഹ്നമാകുമ്പോഴേക്കും പാര്‍ട്ടികളിലോ മറ്റോ ആ തീരുമാനം അവസാനിപ്പിക്കേണ്ടി വരുന്ന സമകാലിക പരിസരത്തെ ഉപമിച്ച് തീരുമാനങ്ങള്‍ ഉറച്ചതായിരിക്കണമെന്ന് അദ്ദേഹം ഓര്‍മിപ്പിച്ചു. എല്ലാ വലിയ ലക്ഷ്യങ്ങളും ദിനേനയെന്നോണം ചെയ്യുന്ന ചെറിയ ചുവടുകളിലൂടെയാണ് പ്രാപ്യമാകുന്നത്. ഒരു പുസതക രചന, മാരത്തണ്‍ മത്സരത്തിനുള്ള ട്രെയ്‌നിങ്, ഭാരം കുറയ്ക്കല്‍, എവറസ്റ്റ് കീഴടക്കല്‍, എന്‍ട്രന്‍സ് പരീക്ഷക്ക് തയാറെടുക്കല്‍ എന്നിങ്ങനെ എല്ലാ ലക്ഷ്യങ്ങള്‍ക്കും ദിനേനയെന്നോണമുള്ള ചിട്ട ശീലമാക്കണം. ഒരു ആനയെ തിന്നാന്‍ അതിനെ കഷ്ണങ്ങളാക്കേണ്ടി വരുമെന്ന പോലെ.
വലിയ ലക്ഷ്യങ്ങള്‍ കുറിക്കണമെന്നും അതിനു പിന്നില്‍ സ്വന്തമായി ഒരു കാരണം ഉണ്ടായിരിക്കണമെന്നും വിശദമായ ആക്്ഷന്‍ പ്ലാന്‍ തയാറാക്കണമെന്നും അതെല്ലാം നടക്കുമെന്ന വിശ്വാസം പുലര്‍ത്തണമെന്നും ചേതന്‍ ഭഗത് വിജയത്തിലേക്കുള്ള വഴി വിശദീകരിച്ചു കൊണ്ടു പറഞ്ഞു. സ്വയം വളരുന്നതിലായിരിക്കണം ശ്രദ്ധയെന്നും മറ്റുള്ളവരെ പഴി പറയാന്‍ നമുക്ക് സയമില്ലെന്നും അദ്ദേഹം വിദ്യാര്‍ത്ഥികളെ ഉണര്‍ത്തി.
കഠിനാധ്വാനം വിജയത്തില്‍ ഒഴിച്ചുകൂടാനാകാത്തതാണ്. അത് വേദനയിലും കഷ്ടപ്പാടിലും കൂടിക്കുഴഞ്ഞാണ് കിടക്കുന്നത്. വേദനയെ ഒഴിച്ചുനിര്‍ത്തി മറ്റെന്തു പരിശ്രമങ്ങള്‍ക്കും തയാറാകാമെന്ന് കരുതരുത്. വേദനയെ സ്വീകരിക്കാതെ വിജയത്തിലേക്ക് വഴിവെട്ടാനാകില്ല. ജീവിതത്തില്‍ എപ്പോഴും പ്രചോദനം കണ്ടെത്താന്‍ ശ്രമിക്കണം. പ്രചോദനം കണ്ടെത്തല്‍ അംഗശുദ്ധിവരുത്തും പോലെയാണ്. പതിവായി കുളിക്കുന്നുണ്ടെന്ന് ഉറപ്പുവരുത്തുക. ഒരു വഴി തെരഞ്ഞെടുക്കുമ്പോള്‍ അതിന്റെ കാരണം അച്ഛനോ അമ്മയോ ആകാതിരിക്കുക, പകരം ഹൃദയത്തെ പിന്തുടരുക. പ്രവാസികളുടെ കുട്ടികള്‍ക്ക് ശ്രദ്ധ കിട്ടുന്നതു കുറവാണെന്നും കുട്ടികളില്‍ ആത്മവിശ്വാസമുണര്‍ത്താന്‍ ജാഗ്രതയോടെയിരിക്കണമെന്നും ചേതന്‍ ഭഗത് രക്ഷിതാക്കളെ ഓര്‍മപ്പെടുത്തി.
local
റീഗല്‍ ജ്വല്ലേഴ്സിന്റെ ബ്രാന്റ് അമ്പാസിഡറായി മഞ്ജു വാര്യര്‍
കേരളത്തിലെ സ്വര്‍ണ്ണാഭരണ വ്യാപാര ചരിത്രത്തില്‍ ഹോള്‍സെയില്‍ ജ്വല്ലറി എന്ന ആശയം ആദ്യം അവതരിപ്പിച്ച റീഗല്‍ ജ്വല്ലേഴ്സിന്റെ പുതിയ ബ്രാന്റ് അമ്പാസിഡറായി മഞ്ജു വാര്യരെ തിരഞ്ഞെടുത്തു.
കൊച്ചി: കേരളത്തിലെ സ്വര്‍ണ്ണാഭരണ വ്യാപാര ചരിത്രത്തില്‍ ഹോള്‍സെയില്‍ ജ്വല്ലറി എന്ന ആശയം ആദ്യം അവതരിപ്പിച്ച റീഗല്‍ ജ്വല്ലേഴ്സിന്റെ പുതിയ ബ്രാന്റ് അമ്പാസിഡറായി മഞ്ജു വാര്യരെ തിരഞ്ഞെടുത്തു. ഇനിമുതല്‍ റീഗല്‍ ജ്വല്ലേഴ്സ് എന്ന ബ്രാന്റിന്റെ പരസ്യചിത്രങ്ങള്‍ ഉള്‍പ്പെടെയുള്ള എല്ലാ പ്രമോഷണല്‍ ആക്ടിവിറ്റികളിലും മഞ്ജു വാര്യരുടെ നിറസാന്നിദ്ധ്യം ഉണ്ടായിരിക്കും.
റീഗല്‍ ജ്വല്ലേഴ്സിന്റെ പുതിയ ബ്രാന്‍ഡ് അംബാസിഡര്‍ ആയി മഞ്ജു വാര്യരെ തന്നെ തിരഞ്ഞെടുക്കാന്‍ സാധിച്ചതില്‍ ഞങ്ങള്‍ അഭിമാനം കൊള്ളുന്നു’ റീഗല്‍ ജ്വല്ലേഴ്സ് മാനേജിംഗ് ഡയറക്ടര്‍ വിപിന്‍ ശിവദാസ് പറഞ്ഞു. മഞ്ജു വാര്യര്‍ എന്ന അഭിമാന താരത്തോടൊപ്പമുള്ള റീഗല്‍ ജ്വല്ലേഴ്സിന്റെ ഇനിയുള്ള യാത്ര തങ്ങളുടെ വളര്‍ച്ചക്ക് വലിയ ശക്തി പകരുമെന്ന് ഉറച്ചു വിശ്വസിക്കുന്നതായി അദ്ദേഹം കൂട്ടിചേര്‍ത്തു.
കേരളത്തിലും കര്‍ണ്ണാടകയിലും നിറസാന്നിദ്ധ്യമുള്ള സ്വര്‍ണ്ണാഭരണ നിര്‍മ്മാണവിപണന രംഗത്തെ ഏറ്റവും വലിയ ഹോള്‍സെയില്‍ ആന്റ് മാനുഫാക്ച്ചറിംഗ് ജ്വല്ലറിയായ റീഗല്‍ ജ്വല്ലേഴ്സില്‍ എല്ലാ സ്വര്‍ണ്ണാഭരണങ്ങള്‍ക്കും, ഇന്റര്‍നാഷണല്‍ സര്‍ട്ടിഫൈഡ് ഡയമണ്ട് ആഭരണങ്ങള്‍ക്കും ഹോള്‍സെയില്‍ പണിക്കൂലി മാത്രമാണ് ഈടാക്കുന്നത്. 100% 916 ഒഡകഉ ആകട ആഭരണങ്ങള്‍ മാത്രം വിപണനം ചെയ്യുന്ന റീഗല്‍ ജ്വല്ലേഴ്സില്‍ നിന്നും ആന്റിക്ക് കളക്ഷന്‍സ്, ലൈറ്റ് വെയിറ്റ്, ടെമ്പിള്‍ ജ്വല്ലറി, ഉത്തരേന്ത്യന്‍ ഡിസൈന്‍സ്, കേരള കളക്ഷന്‍സ്, പോള്‍ക്കി കളക്ഷസന്‍സ്, ചെട്ടിനാട് തുടങ്ങി വളരെ വൈവിധ്യമായ ആഭരണ ശേഖരവും ബ്രൈഡല്‍ ജ്വല്ലറിയുടെ എക്സ്‌ക്ലൂസീവ് കളക്ഷനുകളും ഏറ്റവും ലാഭകരമായി പര്‍ചേസ് ചെയ്യാം.
Video Stories
വോട്ട് കൊള്ള; കൃത്യമായ ഉത്തരമില്ലാതെ കേന്ദ്ര തെരഞ്ഞെടുപ്പ് കമ്മീഷന്‍
വാര്‍ത്താ സമ്മേളനത്തില്‍ പങ്കെടുത്ത മാധ്യമ പ്രവര്‍ത്തകര്‍ക്കും പല ചോദ്യങ്ങള്‍ക്കും കൃത്യമായ മറുപടി ലഭിച്ചില്ല.
പ്രതിപക്ഷ നേതാവ് രാഹുല്‍ രാഹുല്‍ ഗാന്ധി ഉന്നയിച്ച ചോദ്യങ്ങള്‍ക്ക് ഉത്തരമില്ലാതെ കേന്ദ്ര തെരഞ്ഞെടുപ്പ് കമ്മീഷന്‍. ഞായറാഴ്ച നടത്തിയ വാര്‍ത്താ സമ്മേളനത്തില്‍ രാഹുല്‍ ഗാന്ധിക്ക് മാത്രമല്ല, വാര്‍ത്താ സമ്മേളനത്തില്‍ പങ്കെടുത്ത മാധ്യമ പ്രവര്‍ത്തകര്‍ക്കും പല ചോദ്യങ്ങള്‍ക്കും കൃത്യമായ മറുപടി ലഭിച്ചില്ല.
വൈകിട്ട് അഞ്ച് മണിക്ക് ശേഷം പോളിങ് നിരക്ക് കുത്തനെ ഉയരുന്നത് ബിജെപിയെ സഹായിക്കാന്‍ ആണെന്ന് നേരത്തെ രാഹുല്‍ ഗാന്ധി ആരോപിച്ചിരുന്നു. പോളിംഗ് ബൂത്തിലെ സിസി ടിവി ദൃശ്യങ്ങള്‍ രാഹുല്‍ ഗാന്ധി ചോദിക്കുമ്പോള്‍, സ്വകാര്യത എന്ന പരിച ഉപയോഗിച്ചാണ് കമ്മീഷന്‍ തടയുന്നത്. പരേതര്‍ എന്ന് രേഖപ്പെടുത്തി പട്ടികയില്‍ നിന്നും വെട്ടി നിരത്തപ്പെട്ടവര്‍ സുപ്രിം കോടതിയില്‍ നേരിട്ട് ഹാജരായതിനെ പറ്റിയും മൗനമായിരുന്നു ഉത്തരം . ഒരേ വോട്ടര്‍ വിവിധ ബൂത്തുകളിലും വിവിധ സംസ്ഥാനങ്ങളിലും ഉണ്ടായത് എങ്ങനെയെന്ന ചോദ്യത്തിനും കൃത്യമായ ഉത്തരമില്ല. വീഴ്ച സംഭവിച്ചു എന്നതില്‍ പരോക്ഷ സമ്മതവുമായി ഇറക്കിയ വാര്‍ത്താ കുറിപ്പിലെ വാചകങ്ങള്‍ പോലും വാര്‍ത്താ സമ്മേളനത്തില്‍ ഉണ്ടായില്ല. രാഹുല്‍ ഗാന്ധി ഉന്നയിച്ച പ്രശനങ്ങളില്‍ അന്വേഷണമില്ല എന്നത് മാത്രമായിരുന്നു കൃത്യമായ മറുപടി .
Film
വീണ്ടും ഞെട്ടിക്കാൻ മമ്മൂട്ടി; “കളങ്കാവൽ” പുത്തൻ പോസ്റ്റർ പുറത്ത്
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിക്കുന്ന കളങ്കാവൽ എന്ന ത്രില്ലർ ചിത്രത്തിന്റെ പുതിയ പോസ്റ്റർ പുറത്ത്.
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിക്കുന്ന കളങ്കാവൽ എന്ന ത്രില്ലർ ചിത്രത്തിന്റെ പുതിയ പോസ്റ്റർ പുറത്ത്. നിഗൂഢവും വിചിത്രവുമായ പശ്ചാത്തലത്തിൽ അവതരിപ്പിച്ചിരിക്കുന്ന മമ്മൂട്ടിയെയാണ് പോസ്റ്ററിൽ കാണാൻ സാധിക്കുന്നത്. ചിത്രത്തിൻ്റെതായി ഇതിന് മുമ്പ് പുറത്ത് വന്ന സ്റ്റിൽ വലിയ പ്രേക്ഷക ശ്രദ്ധ നേടിയിരുന്നു. മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഈ ചിത്രം വേഫറർ ഫിലിംസാണ് കേരളത്തിൽ വിതരണത്തിനെത്തിക്കുന്നത്.
ജിഷ്ണു ശ്രീകുമാറും ജിതിൻ കെ ജോസും ചേർന്നാണ് ചിത്രത്തിൻ്റെ തിരക്കഥ രചിച്ചത്. ദുൽഖർ സൽമാൻ നായകനായെത്തിയ സൂപ്പർഹിറ്റ് ചിത്രം ‘കുറുപ്പ്’ന്റെ കഥ ഒരുക്കി ശ്രദ്ധ നേടിയ ജിതിൻ കെ ജോസ് ആദ്യമായ് സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഏഴാമത്തെ ചിത്രം കൂടിയാണ്.
എക്സിക്യൂട്ടീവ് പ്രൊഡ്യൂസർ – ജോർജ് സെബാസ്റ്റ്യൻ, ഛായാഗ്രഹണം- ഫൈസൽ അലി, സംഗീതം – മുജീബ് മജീദ്, എഡിറ്റർ – പ്രവീൺ പ്രഭാകർ, ലൈൻ പ്രൊഡ്യൂസർ- സുനിൽ സിംഗ്, പ്രൊഡക്ഷൻ കൺട്രോളർ- അരോമ മോഹൻ, പ്രൊഡക്ഷൻ ഡിസൈനർ- ഷാജി നടുവിൽ, ചീഫ് അസോസിയേറ്റ് ഡയറക്ടർ- ബോസ് വി, മേക്കപ്പ്- അമൽ ചന്ദ്രൻ, ജോർജ് സെബാസ്റ്റ്യൻ, വസ്ത്രാലങ്കാരം-അഭിജിത്ത് സി, സ്റ്റിൽസ്- നിദാദ്, പബ്ലിസിറ്റി ഡിസൈൻസ്- ആൻ്റണി സ്റ്റീഫൻ, ആഷിഫ് സലിം, ടൈറ്റിൽ ഡിസൈൻ- ആഷിഫ് സലിം, ഡിജിറ്റൽ മാർക്കറ്റിംഗ്- വിഷ്ണു സുഗതൻ, പിആർഓ – വൈശാഖ് സി വടക്കേവീട്, ജിനു അനിൽകുമാർ, ഓവർസീസ് ഡിസ്ട്രിബൂഷൻ പാർട്ണർ- ട്രൂത് ഗ്ലോബൽ ഫിലിംസ്.
-
Film18 hours agoപൂര്ണ ആരോഗ്യത്തോടെ മമ്മൂട്ടി തിരിച്ചു വരുന്നു; ഫെയ്സ്ബുക്ക് പോസ്റ്റിലൂടെ പങ്കുവെച്ച് ജോര്ജും ആന്റോ ജോസഫും
-
india3 days agoഎസ്.ഐ.ആറില് നിന്ന് പിന്മാറില്ല; ആരോപണങ്ങളില് അന്വേഷണമില്ല -തെരഞ്ഞെടുപ്പ് കമ്മീഷന്‍
-
kerala3 days agoകണ്ണൂരില് എംഡിഎംഎയുമായി ഷുഹൈബ് കൊലക്കേസ് പ്രതി ഉള്പ്പടെ ആറ് പേര് പിടിയില്
-
kerala3 days agoകോട്ടയത്ത് റിട്ടയേര്ഡ് എസ്ഐയെ ലോഡ്ജില് മരിച്ച നിലയില് കണ്ടെത്തി
-
india3 days agoജമ്മു കശ്മീരില് വീണ്ടും മേഘവിസ്ഫോടനം; ഏഴ് പേര് മരിച്ചു
-
kerala3 days agoവനിതകള് അമ്മയുടെ തലപ്പത്തേക്ക് വരണമെന്നത് നേരത്തെയുള്ള അഭിപ്രായമായിരുന്നു; ആസിഫ് അലി
-
kerala2 days agoസുല്ത്താന് ബത്തേരിയില് ഒമ്പതാം ക്ലാസ് വിദ്യാര്ത്ഥി വീട്ടില് മരിച്ച നിലയില്
-
News2 days agoഗസ്സയില് ഇസ്രാഈല് ആക്രമണം; കഴിഞ്ഞ 24 മണിക്കൂറിനിടെ 251 ഫലസ്തീനികളെ കൊലപ്പെടുത്തി