പഴയ വീഞ്ഞ് പുതിയ കുപ്പിയിലാക്കി; മോദി സര്‍ക്കാറിന്റെ പദ്ധതികള്‍ പലതും യു.പി.എ സര്‍ക്കാര്‍ പദ്ധതികള്‍ പേരുമാറ്റിയത്

ന്യൂഡല്‍ഹി: പ്രധാനമന്ത്രി നരേന്ദ്ര മോദിക്കു കീഴിലുള്ള കേന്ദ്രത്തിലെ എന്‍.ഡി.എ സര്‍ക്കാറിന്റെ പല പദ്ധതികളും മുന്‍ യു.പി.എ സര്‍ക്കാര്‍ കാലത്തെ പദ്ധതികള്‍ പേരുമാറ്റിയതെന്ന് വ്യക്തമാകുന്നു.
നേരത്തെ കോണ്‍ഗ്രസ് എം.പി ശശി തരൂര്‍ ഇത്തരത്തില്‍ കേന്ദ്ര സര്‍ക്കാറിനെതിരെ ആരോപണമുന്നയിച്ചിരുന്നു. തരൂരിന്റെ ആരോപണം ശരിവെക്കുന്നതാണ് പുതിയ റിപ്പോര്‍ട്ടുകള്‍. പദ്ധതികള്‍ ഇപ്രകാരമാണ്.
1. പ്രധാനമന്ത്രി ജന്‍ധന്‍ യോജന-യു.പി.എ കാലത്തെ ബേസിക് സേവിങ്‌സ് ബാങ്ക് ഡെപോസിറ്റ് അക്കൗണ്ട് (ബി.എസ്.ബി.ഡി.എ) പദ്ധതി തന്നെയാണിത്. യു.പി.എ സര്‍ക്കാര്‍ അവതരിപ്പിച്ച പദ്ധതി മിനിമം ബാലന്‍സ് ആവശ്യമില്ലാത്ത എല്ലാ സൗകര്യങ്ങളോടും കൂടിയ അക്കൗണ്ട്. നാല് തവണ മാത്രമേ അക്കൗണ്ടില്‍ നിന്നും തുക പിന്‍വലിക്കാവൂ എന്ന് നിയന്ത്രണം. 2012 ആഗസ്ത് 17നാണ് ആര്‍.ബി.ഐ ഇതു സംബന്ധിച്ച സര്‍ക്കുലര്‍ പുറത്തിറക്കിയത്. ഈ അക്കൗണ്ടിലുള്ളവര്‍ക്ക് എ.ടി.എം-കം ഡെബിറ്റ് കാര്‍ഡ് സൗകര്യവും ലഭ്യം.
മോദി സര്‍ക്കാര്‍ 2014 ആഗസ്ത് 28നാണ് പ്രധാനമന്ത്രി ജന്‍ ധന്‍ യോജന അവതരിപ്പിച്ചത്. ഇതില്‍ ഒരു ലക്ഷത്തിന്റെ അപകട ഇന്‍ഷൂറന്‍സ് കവറേജും ആറു മാസം വരെ 5,000 രൂപയുടെ ഓവര്‍ ഡ്രാഫ്റ്റ് സൗകര്യവും ലഭ്യം.
2. ബേട്ടി ബച്ചാവോ, ബേട്ടി പഠാവോ യോജന-യു.പി.എ കാലത്ത് നാഷണല്‍ ഗേള്‍ ചൈല്‍ഡ് ഡേ പ്രോഗ്രാം.
ഒന്നാം യു.പി.എ സര്‍ക്കാര്‍ 2008 -09ല്‍ ജനുവരി 24ന് ദേശീയ ഗേള്‍ ചൈല്‍ഡ് ഡേയായി പ്രഖ്യാപിക്കുകയും ഇതുമായി ബന്ധപ്പെട്ട് വിവിധ മന്ത്രാലയങ്ങള്‍ക്കു കീഴില്‍ നിരവധി പദ്ധതികള്‍ പ്രഖ്യാപിക്കുകയും ചെയ്തു.
മോദി സര്‍ക്കാര്‍ 2015 ജനുവരി 15നാണ് ബേട്ടി ബച്ചാവോ, ബേട്ടി പഠാവോ യോജന അവതരിപ്പിച്ചത്. യു.പി.എ സര്‍ക്കാറിന്റെ കാലത്ത് വിവിധ മന്ത്രാലയങ്ങള്‍ക്കു കീഴില്‍ ചിതറിക്കിടന്ന പദ്ധതികള്‍ ഏകോപിപ്പിച്ചു. ശൈശവ ലിംഗ അനുപാതം വര്‍ധിപ്പിക്കുകയും സ്‌കൂള്‍ പഠനം ഉപേക്ഷിക്കുന്നത് കുറക്കുകയുമാണ് ബേട്ടി ബച്ചാവോ, ബേട്ടി പഠാവോ യോജനയുടെ മറ്റൊരു പദ്ധതി ഇതാവട്ടെ യു.പി.എ സര്‍ക്കാര്‍ ധനലക്ഷ്മി, സബ്്‌ല പദ്ധതികളിലൂടെ അവതരിപ്പിച്ചതാണ്.
3. സ്വച്ഛ്ഭാരത് അഭിയാന്‍-യു.പി.എ കാലത്ത് നിര്‍മല്‍ ഭാരത് അഭിയാന്‍
2014 സെപ്തംബറിലാണ് സ്വച്ഛ് ഭാരത് പദ്ധതി മോദി സര്‍ക്കാര്‍ ആരംഭിച്ചത്. എന്നാല്‍ ഈ പദ്ധതി 2012 ഏപ്രില്‍ ഒന്നിന് യു.പി.എ സര്‍ക്കാര്‍ അവതരിപ്പിച്ച സമ്പൂര്‍ണ ശുചിത്വ പദ്ധതിയായ നിര്‍മല്‍ ഭാരത് അഭിയാന്‍ പേരുമാറ്റിയതാണ്.
4. സര്‍ദാര്‍ പട്ടേല്‍ ദേശീയ നഗര ഭവന പദ്ധതി-യു.പി.എ കാലത്ത് രാജീവ് ആവാസ് യോജന
5. പ്രധാനമന്ത്രി ആവാസ് യോജന- യു.പി.എ കാലത്ത് ഇന്ദിരാ ആവാസ് യോജന
6. ദീന്‍ദയാല്‍ ഉപാധ്യായ് ഗ്രാമ ജ്യോതി യോജന- യു.പി.എ കാലത്ത് രാജീവ് ഗ്രാമീണ്‍ വൈദ്യുതീകരണ്‍ യോജന
2015 ജൂലൈ 23ലെ സര്‍ക്കാര്‍ റിലീസ് പ്രകാരം രാജീവ് ഗ്രാമീണ്‍ വൈദ്യുതികരണ്‍ യോജന പേരുമാറ്റിയതാണ് പദ്ധതിയെന്ന് വ്യക്തം.
7. അടല്‍ മിഷന്‍ ഫോര്‍ റെജുവനേഷന്‍ ആന്റ് അര്‍ബന്‍ ട്രാന്‍സ്‌ഫോര്‍മേഷന്‍ (അമൃത്)-. യു.പി.എ കാലത്ത് ജവഹര്‍ലാല്‍ നെഹ്‌റു അര്‍ബന്‍ റിന്യൂവല്‍ മിഷന്‍
8. പ്രധാനമന്ത്രി കൃഷി സിഞ്ചയീ യോജന-യു.പി.എ കാലത്ത് ആക്‌സിലറേറ്റഡ് ഇറിഗേഷന്‍ ബെനിഫിറ്റ്‌സ് പദ്ധതി
9. നീം-കോട്ടഡ് യൂറിയ-യു.പി.എ കാലത്ത് സമാന പദ്ധതി
10. സോയില്‍ ഹെല്‍ത്ത് കാര്‍ഡ് പദ്ധതി-.യു.പി.എ കാലത്ത് നാഷണല്‍ പ്രൊജക്ട് ഓണ്‍ മാനേജ്‌മെന്റ് ഓഫ് സോയില്‍ ഹെല്‍ത്ത് ആന്റ് ഫെര്‍ട്ടിലിറ്റി.
ജൈവ കൃഷിയുടെ ഭാഗമായി യു.പി.എ കാലത്ത് ദേശീയ കാര്‍ഷിക സുസ്ഥിര പദ്ധതിയിലാണ് സോയില്‍ ഹെല്‍ത്ത് കാര്‍ഡ് പ്രഖ്യാപിച്ചിരുന്നത്. 2015-16 ബജറ്റിന്റെ ഭാഗമായി സോയില്‍ ഹെല്‍ത്ത് കാര്‍ഡ് പദ്ധതി മോദി സര്‍ക്കാര്‍ അവതരിപ്പിച്ചു.
11. പരംപരാഗത് കൃഷി വികാസ് യോജന-യു.പി.എ കാലത്ത് രാഷ്ട്രീയ കൃഷി വികാസ് യോജന
നിലവിലുണ്ടായിരുന്ന പല പദ്ധതികളും യോജിപ്പിച്ച് 2015-16 ബജറ്റില്‍ പരംപരാഗത് കൃഷി വികാസ് യോജന എന്ന പേരില്‍ പുതിയ പദ്ധതി അവതരിപ്പിച്ചു.
12. പ്രധാനമന്ത്രി മാതൃത്വ വന്ദന യോജന-യു.പി.എ കാലത്ത് ഇന്ദിരാ ഗാന്ധി മാതൃത്വ സഹയോഗ് യോജന
13. അടല്‍ പെന്‍ഷന്‍ യോജന-യു.പി.എ കാലത്ത് സ്വവലംബന്‍ യോജന
14. പ്രധാനമന്ത്രി ജന്‍ ഔഷധി യോജന-യു.പി.എ കാലത്ത് ജന്‍ ഔഷധി പദ്ധതി
15. പ്രധാനമന്ത്രി ഫസല്‍ ഭീമ യോജന- കോണ്‍ഗ്രസ് ഭരണ കാലത്ത് കോംപ്രഹന്‍സീവ് ക്രോപ് ഇന്‍ഷൂറന്‍സ് പദ്ധതി
16. മെയ്ക് ഇന്‍ ഇന്ത്യ-യു.പി.എ കാലത്ത് നാഷണല്‍ മാനുഫാക്ചറിങ് പൊളിസി
മെയ്ക് ഇന്‍ ഇന്ത്യ വെബ്‌സെറ്റില്‍ പ്രവേശിച്ചാല്‍ നിങ്ങളെ നേരിട്ട് 2011ലെ നാഷണല്‍ മാനുഫാക്ചറിങ് പോളിസിയിലേക്കാണ് എത്തിക്കുക. രണ്ടു പദ്ധതികളുടേയും പ്രത്യേകത ഒന്നു തന്നെ.
17. ഡിജിറ്റല്‍ ഇന്ത്യ-യു.പി.എ കാലത്ത് നാഷണല്‍ ഇ ഗവേണന്‍സ് പദ്ധതി
18. സ്‌കില്‍ ഇന്ത്യ-യു.പി.എ കാലത്ത് നാഷണല്‍ സ്‌കില്‍ ഡവലപ്‌മെന്റ് പദ്ധതി
19. മിഷന്‍ ഇന്ദ്രധനുഷ്-യു.പി.എ കാലത്ത് യൂണിവേഴ്‌സല്‍ ഇമ്യൂണൈസേഷന്‍ പദ്ധതി
20.ദീന്‍ദയാല്‍ ഉപാധ്യായ് ഗ്രാമീണ്‍ കൗശല്‍ യോജന-നാഷണല്‍ റൂറല്‍ ലിവ്‌ലിഹുഡ് മിഷന്‍
21. പഹല്‍-യു.പി.എ കാലത്ത് ഡയരക്ട് ബെനഫിറ്റ്‌സ് ട്രാന്‍സ്ഫര്‍ ഫോര്‍ എല്‍.പി.ജി
22. ഭാരത് നെറ്റ്-യു.പി.എ കാലത്ത് നാഷണല്‍ ഒപ്റ്റിക് ഫൈബര്‍ നെറ്റ്‌വര്‍ക്‌

SHARE