Connect with us

Culture

ഡിജിറ്റല്‍ ഇടപാടിന് ‘ഭീം’ ആപ്

Published

on

ന്യൂഡല്‍ഹി: നോട്ട് ദൗര്‍ലഭ്യം കാരണം നിലനില്‍ക്കുന്ന പ്രതിസന്ധി മറികടക്കുന്നതിന് ഡിജിറ്റല്‍ ഇടപാടുകള്‍ വേഗത്തിലാക്കാന്‍ സഹായിക്കുന്ന മൊബൈല്‍ ആപുമായി പ്രധാനമന്ത്രി നരേന്ദ്രമോദി. ഡല്‍ഹിയില്‍ നടന്ന ഡിജി ധന്‍ മേളയിലാണ് ‘ഭീം’ (ഭാരത് ഇന്റര്‍ഫേസ് ഫോര്‍ മണി) എന്ന പേരിലുള്ള പുതിയ മൊബൈല്‍ ആപ് പുറത്തിറക്കിയത്. സുരക്ഷിതവും വേഗത്തിലുള്ളതുമായ സാമ്പത്തിക ഇടപാടുകള്‍ക്ക് സൗകര്യം ഒരുക്കുകയാണ് ലക്ഷ്യമെന്നും ലോകത്തിലെ തന്നെ ഏറ്റവും വലിയ അത്ഭുതമായി ഇത് മാറുമെന്നും പ്രധാനമന്ത്രി പറഞ്ഞു. ആധാര്‍ വിവരങ്ങളുമായി ബാങ്ക് അക്കൗണ്ടിനെ ബന്ധിപ്പിച്ചാണ് ആപ് പ്രവര്‍ത്തിക്കുക. ബയോ മെട്രിക് വിവരങ്ങള്‍ ആയിരിക്കും ഇടപാടുകള്‍ക്ക് സുരക്ഷയൊരുക്കുക. ആധാര്‍ നമ്പറും ബാങ്ക് അക്കൗണ്ട് നമ്പറും ലിങ്ക് ചെയ്ത് പ്രവര്‍ത്തിക്കുന്ന ആപില്‍ ഫിംഗര്‍ പ്രിന്റ് മാത്രം ഉപയോഗിച്ച് ഉപഭോക്താവിന് ഇടപാട് നടത്താനാകുമെന്നതാണ് സവിശേഷത.

പുതിയ ആപ് പുറത്തിറക്കി പ്രധാനമന്ത്രി നടത്തിയ പ്രസംഗത്തിന്റെ പ്രസക്ത ഭാഗം ഇങ്ങനെ: – ദളിതരുടെയും ദരിദ്രരുടേയും ഉന്നതിക്കു വേണ്ടി പ്രവര്‍ത്തിച്ച ഡോ. ഭീം റാവു അംബേദ്കറുടെ സ്മരണാര്‍ത്ഥമാണ് പുതിയ ആപിന് ഭീം എന്ന് പേര് നല്‍കിയത്. ശക്തമായ സുരക്ഷ സംവിധാനങ്ങള്‍ ഇതില്‍ അടങ്ങിയിട്ടുണ്ട്. ഫിംഗര്‍ പ്രിന്റ് ഉപയോഗിച്ച് ഇടപാടുകള്‍ നടത്താം. ഡിജിറ്റില്‍ ഇടപാടിലെ രാജ്യത്തിന്റെ അഭിവൃദ്ധി ആരെയും അത്ഭുതപ്പെടുത്തും. പണരഹിത സമ്പദ് വ്യവസ്ഥ പ്രോത്സാഹിപ്പിക്കുന്നതിന് ജനുവരി ഒന്നുമുതല്‍ പ്രതിദിനം അഞ്ച് ഡിജിറ്റല്‍ ഇടപാടുകളെങ്കിലും എല്ലാ പൗരന്മാരും നടത്തണം.

65 ശതമാനം ജനങ്ങളും 35 വയസ്സിനു താഴെയുള്ളവരുടെ രാജ്യമാണ് ഇന്ത്യ. അവരെല്ലാം ഡിജിറ്റല്‍ ഇടപാട് സ്വീകരിച്ചാല്‍ ചരിത്രപരമായ പരിവര്‍ത്തനമാകും അത്. ഭീം ആപ് ദളിതരേയും ആദിവാസികളേയും കര്‍ഷകരേയും സാധാരണക്കാരേയും ശാക്തീകരിക്കും. ദരിദ്ര രാജ്യമായ ഇന്ത്യ ഇലക്ട്രോണിക് മെഷീന്‍ ഉപയോഗിച്ചുള്ള വോട്ടിങിലൂടെ ലോകത്തെ അത്ഭുതപ്പെടുത്തിയിട്ടുണ്ട്. ഇനി നമ്മള്‍ ഡിജിറ്റല്‍ പെയ്‌മെന്റ് വിപ്ലവത്തിലേക്കാണ്. സാങ്കേതിക വിദ്യയാണ് ഏറ്റവും വലിയ കരുത്ത്. അത് ദരിദ്രരില്‍ ദരിദ്രനേയും ശക്തനാക്കും. എനിക്ക് ഒരുപാട് ശുഭപ്രതീക്ഷയുണ്ട്. എന്നാല്‍ അശുഭ ചിന്തകള്‍ മാത്രമുള്ളവര്‍ക്ക് ഒരു വാഗ്ദാനവും തനിക്ക് നല്‍കാനില്ല.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending