Connect with us

Culture

പൊന്നു കായ്ക്കുന്ന മരം വെട്ടി മുലായം; നേട്ടം ആര്‍ക്ക്…?

Published

on

ലക്‌നോ: യു.പി മുഖ്യമന്ത്രിയും പാര്‍ട്ടിയുടെ യുവ മുഖവുമായ അഖിലേഷ് യാദവിനെ പുറത്താക്കിയതിലൂടെ പൊന്നു കായ്ക്കുന്ന മരം തന്നെയാണ് മുലായംസിങ് യാദവ് വെട്ടിക്കളഞ്ഞത്. എങ്കിലും പുരക്കുമേല്‍ ചാഞ്ഞാല്‍ എന്തു ചെയ്യുമെന്ന ചോദ്യത്തിന്റെ ഉത്തരമായിരുന്നു മുലായം പുറത്തെടുത്ത അച്ചടക്കത്തിന്റെ വടി. മാസങ്ങളായി പാര്‍ട്ടിയില്‍ നിലനിന്ന ആഭ്യന്തരകലഹം തെരഞ്ഞെടുപ്പ് പടിവാതിലില്‍ നില്‍ക്കെ രൂക്ഷമാവുകയും എല്ലാ സമവായ സാധ്യതകളും പരാജയപ്പെടുകയും ചെയ്തതോടെ മറുവഴികളൊന്നും മുലായത്തിനു മുന്നിലുണ്ടായിരുന്നില്ല.

അതേസമയം അഖിലേഷിനെയും ഒപ്പം തന്റെ സഹോദരനും രാജ്യസഭാംഗവുമായ രാം ഗോപാല്‍ യാദവിനെയും പുറത്താക്കിയതിലൂടെ പാര്‍ട്ടിയില്‍ പിളര്‍പ്പിന് വഴിയൊരുങ്ങി. ഫെബ്രുവരി- മാര്‍ച്ച് മാസങ്ങളിലായി നടക്കാനിരിക്കുന്ന നിയമസഭാ തെരഞ്ഞെടുപ്പില്‍ ഇത് ആര്‍ക്ക് ഗുണം ചെയ്യും എന്നു മാത്രമാണ് ഇനി അറിയാനുള്ളത്. രാജ്യത്തെ ഏറ്റവും വലിയ സംസ്ഥാനമായ യു.പി എന്നും ശ്രദ്ധാകേന്ദ്രമായിരുന്നു.

നിയമസഭാ തെരഞ്ഞെടുപ്പിനു പോലും ദേശീയ തെരഞ്ഞെടുപ്പിന്റെ വീറും വാശിയുമാണ് ഇവിടെ. ഇത്തവണയും അതിന് മാറ്റങ്ങളില്ല. ഒരു വര്‍ഷം മുമ്പു തന്നെ കോണ്‍ഗ്രസും ബി.ജെ.പിയും കരുനീക്കങ്ങള്‍ തുടങ്ങിയിരുന്നു. രാഹുല്‍ഗാന്ധിയുടെ 3500 കിലോമീറ്റര്‍ ബസ് യാത്രയും മോദിയുടെ തെരഞ്ഞെടുപ്പ് റാലികളുമെല്ലാം മാസങ്ങള്‍ക്കു മുമ്പേ യു.പിയെ തെരഞ്ഞെടുപ്പ് ചൂടിലേക്കുയര്‍ത്തി.

പുറത്തേക്ക് നിശബ്ദമാകുമ്പോഴും മായാവതിയുടെ നേതൃത്വത്തിലുള്ള ബി.എസ്.പി ഗ്രാമങ്ങളില്‍ ശക്തി തിരിച്ചുപിടിക്കുന്നതിനുള്ള കഠിന പ്രയത്‌നത്തിലാണ്. തദ്ദേശ തെരഞ്ഞെടുപ്പുകളില്‍ ഉള്‍പ്പെടെയുണ്ടായ ബി.എസ്.പിയുടെ മുന്നേറ്റത്തില്‍ ഇത് പ്രതിഫലിക്കുകയും ചെയ്തിരുന്നു. മുലായംസിങും മായാവതിയും നല്‍കുന്ന യാദവ രാഷ്ട്രീയത്തിന്റെ കൈപിടിയിലാണ് കുറേ വര്‍ഷങ്ങളിലായി യു.പി. ഇത്തവണ അതില്‍നിന്നൊരു മാറ്റമാണ് ബി.ജെ.പിയും കോണ്‍ഗ്രസും പ്രതീക്ഷിക്കുന്നത്. ലോക്‌സഭാ തെരഞ്ഞെടുപ്പില്‍ നേടിയ വിജയമാണ് ബി.ജെ.പിയുടെ പ്രതീക്ഷ. അതേസമയം ബിഹാര്‍ തെരഞ്ഞെടുപ്പില്‍ ആര്‍.ജെ. ഡി-ജെ.ഡി.യു സഖ്യത്തിന് വിജയവഴി മെനഞ്ഞ പ്രശാന്ത് കിഷോറിന്റെ നയതന്ത്ര നീക്കമാണ് കോണ്‍ഗ്രസ് ക്യാമ്പിന്റെ പ്രതീക്ഷ.

ചുവടും മറുചുവടുകളുമായി പാര്‍ട്ടികള്‍ തമ്മിലുള്ള അങ്കം മുറുകുമ്പോഴാണ് ഭരണകക്ഷി കൂടിയായ സമാജ് വാദി പാര്‍ട്ടിയില്‍ അപ്രതീക്ഷിത പിളര്‍പ്പിന് വഴിയൊരുങ്ങിയിരിക്കുന്നത്. തെരഞ്ഞെടുപ്പില്‍ ഇത് ആര്‍ക്ക് ഗുണം ചെയ്യും എന്ന ചോദ്യം പ്രസക്തമാണ്. തെരഞ്ഞെടുപ്പില്‍ കോണ്‍ഗ്രസുമായി എസ്.പി സഖ്യമുണ്ടാക്കണമെന്ന നിലപാടിനെ പാര്‍ട്ടിയില്‍ ശക്തമായി പിന്തുണച്ചിരുന്നയാളാണ് അഖിലേഷ് യാദവ്. രാജിവെച്ച് പുതിയ ചേരിയാകുന്നതോടെ അഖിലേഷ് യാദവ് കോണ്‍ഗ്രസിനൊപ്പം നിലയുറപ്പിച്ചേക്കുമെന്ന് റിപ്പോര്‍ട്ടുകളുണ്ട്. എസ്.പിയിലെ പിളര്‍പ്പിനോട് പ്രതികരിക്കുന്നില്ലെന്നും മറ്റു പാര്‍ട്ടിയുടെ ആഭ്യന്ത കാര്യങ്ങളില്‍ ഇടപെടുന്നില്ലെന്നുമായിരുന്നു കോണ്‍ഗ്രസ് നേതാക്കളുടെ പ്രതികരണം.

ന്യൂനപക്ഷ വോട്ടുകള്‍ എതിരാകും എന്നതിനാല്‍ ബി.ജെ.പിയുമായി സഖ്യമുണ്ടാക്കാന്‍ അഖിലേഷോ മുലായംസിങോ തയ്യാറാകില്ലെന്ന് ഉറപ്പാണ്. അതുകൊണ്ടുതന്നെ ബി.ജെ.പിക്ക് പിളര്‍പ്പിന്റെ ഗുണം ലഭിക്കില്ലെന്നാണ് വിലയിരുത്തല്‍. അതേസമയം നിഷ്പക്ഷ യാദവ വോട്ടുകളില്‍ കുറേയെങ്കിലും ബി.എസ്.പിയുടെ അക്കൗണ്ടിലേക്ക് ഒഴുകിയേക്കും. അതുകൊണ്ടുതന്നെ ചതുഷ്‌കോണ മത്സരം നടക്കുന്ന യു.പി നിയമസഭാ തെരഞ്ഞെടുപ്പിനെ മുമ്പെങ്ങുമില്ലാത്ത വിധം പ്രവചനാധീതമാക്കുന്നതാണ് സമാജ്്‌വാദി പാര്‍ട്ടിയിലെ പുതിയ രാഷ്ട്രീയ സംഭവ വികാസങ്ങള്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ട്രാഫിക് റൂള്‍സ് തെറ്റിച്ചു; ചോദ്യം ചെയ്ത ട്രാഫിക് പൊലീസിനെ കൈയ്യേറ്റം ചെയ്ത് നടി സൗമ്യ ജാനു- വീഡിയോ

കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു

Published

on

ഹൈദരാബാദ് ∙ റോഡ് നിയമം ലംഘിച്ചുള്ള യാത്ര തടഞ്ഞതിന് ട്രാഫിക് പൊലീസ് ഉദ്യോഗസ്ഥനുമായി കലഹിച്ച് തെലുങ്ക് നടി സൗമ്യ ജാനു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു.

നടി എതിർവശത്തെ റോഡിലൂടെ വാഹനമോടിച്ചു വരുന്ന വഴിയാണ് പൊലീസ് വണ്ടി നിർത്താൻ ആവശ്യപ്പെട്ടത്. ഇതോടെ ഉദ്യോഗസ്ഥന് നേരെ നടി കയർത്തു. വാക്കു തർക്കം കയ്യേറ്റം വരെയെത്തുകയും ചെയ്തു. റോഡിൽ കൂടിയ ജനം പ്രശ്നം പരിഹരിക്കാൻ ശ്രമിച്ചുവെങ്കിലും സൗമ്യ വഴങ്ങിയില്ല. കാര്‍ തെറ്റായ ദിശയിലാണ് വന്നതെന്ന് നടി സമ്മതിക്കുന്നത് വീഡിയോയിൽ കാണാനാകും.

കഴിഞ്ഞ 24ന് രാത്രി എട്ടിന് ഹൈദരാബാദിലെ ബഞ്ജാര ഹിൽസിലായിരുന്നു കേസിനാസ്‍പദമായ സംഭവം. തന്റെ ആഡംബര കാറിൽ സ്വയം ഡ്രൈവ് ചെയ്യുമ്പോഴാണു നിയമം തെറ്റിച്ച് വൺവേ റോഡിലൂടെ കടന്നുപോകാൻ താരം ശ്രമിച്ചത്. ഇതേതുടർന്ന്  പൊലീസ് തടഞ്ഞു. അത്യാവശ്യമായി പോകണമെന്ന് പറഞ്ഞു നടി അലറുകയും ഉദ്യോഗസ്ഥനെ അധിക്ഷേപിക്കുകയായിരുന്നു.

Continue Reading

Film

നടിയെ ആക്രമിച്ച കേസ്: ദിലീപിന് ആശ്വാസം; ജാമ്യം റദ്ദാക്കില്ല

ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു.

Published

on

നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്റെ ആവശ്യം ഹൈക്കോടതി തള്ളി. ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു. കേസിൽ എട്ടാം പ്രതിയാണ് ദിലീപ്. ജസ്റ്റിസ് സോഫി തോമസ് അധ്യക്ഷയായ സിംഗിൾ ബെഞ്ചാണ് അപ്പീലിൽ വിധി പറഞ്ഞത്.

ജാമ്യത്തിൽ പുറത്തിറങ്ങിയതിന് ശേഷം സാക്ഷികളെ സ്വാധീനിക്കാൻ ദിലീപ് ശ്രമം നടത്തിയെന്നും തെളിവുകൾ അട്ടിമറിക്കാൻ ശ്രമിച്ചുവെന്നും ആരോപിച്ചാണ് ഹർജി നൽകിയത്.

ദിലീപിൻ്റെ ജാമ്യം റദ്ദാക്കണമെന്ന ആവശ്യവുമായി സർക്കാർ വിചാരണ കോടതിയെ സമീപിച്ചിരുന്നെങ്കിലും കോടതി അത് തള്ളിയിരുന്നു. ഇതിന് പിന്നാലെയാണ് ജാമ്യം റദ്ദാക്കണമെന്നാവശ്യപ്പെട്ട് സർക്കാർ ഹൈക്കോടതിയെ സമീപിച്ചത്.

Continue Reading

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Trending