Connect with us

Culture

ബാങ്ക് ജീവനക്കാര്‍ പ്രക്ഷോഭത്തിലേക്ക്

Published

on

ന്യൂഡല്‍ഹി: നോട്ട് പിന്‍വലിക്കല്‍ തീരുമാനത്തെതുടര്‍ന്ന് ബാങ്കിങ് മേഖല നേരിടുന്ന പ്രശ്‌നങ്ങള്‍ പരിഹരിക്കണമെന്നാവശ്യപ്പെട്ട് ജീവനക്കാരും ഉദ്യോഗസ്ഥരും പ്രത്യക്ഷ പ്രക്ഷോഭത്തിലേക്ക്. ആദ്യ ഘട്ടമായി ഈ മാസം 28ന് രാജ്യത്തിന്റെ വിവിധ ഭാഗങ്ങളില്‍ പ്രതിഷേധ പരിപാടികള്‍ സംഘടിപ്പിക്കാന്‍ തീരുമാനിച്ചതായി ആള്‍ ഇന്ത്യാ ബാങ്ക് എംപ്ലോയീസ് അസോസിയേഷന്‍(എ.ഐ.ബി.ഇ.എ), ആള്‍ ഇന്ത്യാ ബാങ്ക് ഓഫീസേഴ്‌സ് അസോസിയേഷന്‍(എ.ഐ.ബി.ഒ.എ) എന്നിവ സംയുക്ത വാര്‍ത്താക്കുറിപ്പില്‍ അറിയിച്ചു.

തൊട്ടടുത്ത ദിവസം (ഡിസംബര്‍ 29) കേന്ദ്ര ധനമന്ത്രി അരുണ്‍ ജെയ്റ്റ്‌ലിയെ നേരില്‍കണ്ട് വിഷയങ്ങള്‍ ഉന്നയിക്കും. 2017 ജനുവരി രണ്ട്, മൂന്ന് തിയ്യതികളിലും പ്രതിഷേധ പരിപാടികള്‍ ആസൂത്രണം ചെയ്തതായി എ.ഐ.ബി.ഇ.എ ജനറല്‍ സെക്രട്ടറി സി.എച്ച് വെങ്കിടാചലം, എ.ഐ.ബി.ഒ.എ ജനറല്‍ സെക്രട്ടറി എസ് നടരാജന്‍ എന്നിവര്‍ പ്രസ്താവനയില്‍ പറഞ്ഞു.

നോട്ട് പിന്‍വലിക്കല്‍ തീരുമാനത്തെതുടര്‍ന്ന് ബാങ്കിങ് മേഖല നേരിടുന്ന പ്രശ്‌നങ്ങളെക്കുറിച്ച് ഇരു സംഘടനകളുടെയും യൂണിറ്റ് തലങ്ങളില്‍ ഇതിനകം തന്നെ ചര്‍ച്ചകള്‍ പൂര്‍ത്തിയാക്കിക്കഴിഞ്ഞു. റിസര്‍വ്ബാങ്ക് മേഖലാ എക്‌സിക്യൂട്ടീവുകള്‍ക്ക് യൂണിറ്റ് കമ്മിറ്റികള്‍ ഇതുസംബന്ധിച്ച നിവേദനങ്ങള്‍ സമര്‍പ്പിച്ചിട്ടുണ്ട്. ഇതിന്റെ തുടര്‍ച്ചയായാണ് ദേശീയ തലത്തില്‍ പ്രക്ഷോഭത്തിന് ഒരുങ്ങുന്നതെന്ന് നേതാക്കള്‍ വ്യക്തമാക്കി. എല്ലാ ബാങ്ക് ശാഖകളിലും ആവശ്യത്തിന് പുതിയ കറന്‍സികള്‍ എത്തിക്കുക, ബാങ്കുകള്‍ക്കുള്ള കറന്‍സി വിതരണത്തില്‍ സുതാര്യത പുലര്‍ത്തുക, എ.ടി.എമ്മുകളുടെ പ്രവര്‍ത്തനം പൂര്‍ണ തോതില്‍ പുനഃസ്ഥാപിക്കുക തുടങ്ങിയ ആവശ്യങ്ങളാണ് യൂണിറ്റ് കമ്മിറ്റികള്‍ സമര്‍പ്പിച്ച നിവേദനങ്ങളില്‍ ആവശ്യപ്പെട്ടിരിക്കുന്നത്.

ആവശ്യത്തിന് പുതിയ നോട്ടുകള്‍ വിതരണം ചെയ്യാന്‍ റിസര്‍വ് ബാങ്കിന് കഴിയുന്നില്ലെങ്കില്‍, മതിയായ പണം എത്തിക്കുന്നതുവരെ ബാങ്കുകളിലെ എല്ലാ പണമിടപാടുകളും നിര്‍ത്തിവെക്കണമെന്ന് രണ്ട് യൂണിയനുകളും ആവശ്യപ്പെട്ടു. രാജ്യമൊട്ടാകെ നോട്ട് ക്ഷാമം നിലനില്‍ക്കുമ്പോള്‍ ചില വ്യക്തികളില്‍നിന്ന് വന്‍തോതില്‍ പുതിയ കറന്‍സികള്‍ പിടിച്ചെടുത്ത സംഭവങ്ങള്‍ സി.ബി.ഐ അന്വേഷിക്കണം. നോട്ട് പിന്‍വലിക്കല്‍ തീരുമാനവുമായി ബന്ധപ്പെട്ട് രാജ്യത്തുണ്ടായ എല്ലാ മരണങ്ങള്‍ക്കും മതിയായ നഷ്ടപരിഹാരം നല്‍കണം. എല്ലാ ബാങ്ക് ശാഖകളിലും ബാങ്ക് ജീവനക്കാര്‍ക്കും മതിയായ സുരക്ഷ ഉറപ്പാക്കണം. നോട്ട് പിന്‍വലിക്കല്‍ തീരുമാനത്തെതുടര്‍ന്ന് ബാങ്ക് ജീവനക്കാര്‍ ചെയ്യേണ്ടി വന്ന അധിക ജോലിക്ക് അധിക വേതനം നല്‍കണമെന്നും യൂണിയനുകള്‍ ആവശ്യപ്പെട്ടു.

ഒമ്പത് ലക്ഷത്തോളം വരുന്ന രാജ്യത്തെ മൊത്തം ബാങ്ക് ജീവനക്കാരില്‍ അഞ്ചര ലക്ഷം പേരും എ.ഐ.ബി.ഇ.എ, എ.ഐ.ബി.ഒഎ അംഗങ്ങളാണെന്ന് പ്രസ്താവനയില്‍ പറയുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

‘നന്‍പകല്‍ നേരത്ത് മയക്കം’ പ്രീമിയര്‍ ഐഎഫ്എഫ്‌കെയില്‍; തീയതി പുറത്തുവിട്ട് മമ്മൂട്ടി

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.

Published

on

ലിജോ ജോസ് പെല്ലിശ്ശേരിയുടെ സംവിധാനത്തില്‍ മമ്മൂട്ടി നായകനായി എത്തുന്ന ചിത്രം ‘നന്‍പകല്‍ നേരത്ത് മയക്കം’.ഐഎഫ്എഫ്‌കെയില്‍ പ്രദര്‍ശിപ്പിക്കുമെന്ന് നേരത്തെ വാര്‍ത്തകള്‍ വന്നിരുന്നു.  ഇപ്പോള്‍ ചിത്രം മേളയില്‍ പ്രദര്‍ശിപ്പിക്കുന്ന തീയ്യതി മമ്മുട്ടി പങ്കുവെച്ചു.

May be an image of 5 people and text

മൂന്ന് ദിവസമാണ് ‘നന്‍പകല്‍ നേരത്ത് മയക്കം’ ഐഎഫ്എഫ്‌കെയില്‍ പ്രദര്‍ശിപ്പിക്കുക.  12-ാം തിയതി ടാഗോര്‍ തിയറ്ററില്‍ 3. 30നും 13-ാം തിയതി ഉച്ചയ്ക്ക് 12 മണിക്ക് ഏരീസ് പ്ലക്‌സിലും 14ന് രാവിലെ 9. 30ക്ക് അജന്ത തിയറ്ററിലും ആണ് ചിത്രത്തിന്റെ പ്രദര്‍ശനം നടക്കുക.  പ്രീമിയര്‍ തീയതികള്‍ പുറത്തുവിട്ട് കൊണ്ട് പുതിയ പോസ്റ്ററും അണിയറ പ്രവര്‍ത്തകര്‍ പങ്കുവച്ചിട്ടുണ്ട്.

Continue Reading

Culture

iffk ഡെലിഗേറ്റ് സെല്ലും ആദ്യപാസ് വിതരണവും ഉദ്ഘാടനം ചെയ്തു

iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു.

Published

on

ഇരുപത്തേഴാം രാജ്യാന്തര ചലച്ചിത്ര മേളയുടെ iffk ഡെലിഗേറ്റ് സെല്‍ ഉദ്ഘാടനവും ആദ്യപാസ് വിതരണവും വഴുതക്കാട് ടാഗോര്‍ തിയറ്ററില്‍ മന്ത്രി വി.എന്‍ വാസവന്‍ ഉദ്ഘാടനം ചെയ്തു. ആദ്യ ഡെലിഗേറ്റ് പാസ് ചലച്ചിത്രതാരം ആനിക്ക് മന്ത്രി നല്‍കി.

‘നോ ടു ഡ്രഗ്സ്’ സന്ദേശം രേഖപ്പെടുത്തിയ ഡെലിഗേറ്റ് കിറ്റ് മന്ത്രി എംബി രാജേഷ് നടന്‍ ഗോകുല്‍ സുരേഷിന് നല്‍കി. ചടങ്ങില്‍ ചലച്ചിത്ര അക്കാദമി ചെയര്‍മാനും സംവിധായകനുമായ രഞ്ജിത് അധ്യക്ഷത വഹിച്ചു.

 

Continue Reading

Culture

ഒരേ യുവാവിനെ വിവാഹം ചെയ്ത് ഐടി എഞ്ചിനീയര്‍മാരായ ഇരട്ട സഹോദരിമാര്‍

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Published

on

ഒരേ യുവാവിനെ വിവാഹം കഴിച്ച്‌ ഇരട്ട സഹോദരിമാര്‍. മഹാരാഷ്ട്രയിലെ സോലാപൂരിലാണ് സംഭവം. ഐടി എഞ്ചിനീയര്‍മാരായ പിങ്കി, റിങ്കി എന്നിവരാണ് അതുല്‍ എന്ന സുഹൃത്തിനെ വിവാഹം കഴിച്ചത്.ഇവരുടെ വീഡിയോ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.ഒപ്പം വിമർശനങ്ങളും.

മുംബൈയില്‍ ഐടി എഞ്ചിനീയര്‍മാരായ ഇവര്‍ വെള്ളിയാഴ്ച മഹാരാഷ്ട്രയിലെ സോലാപൂര്‍ ജില്ലയിലെ മല്‍ഷിറാസ് താലൂക്കിലെ അക്ലൂജില്‍ വച്ചാണ് ഒരേ പുരുഷനെ വിവാഹം കഴിച്ചത്. കുട്ടിക്കാലം മുതല്‍ ഒരുമിച്ച്‌ വളര്‍ന്ന ഇവര്‍ക്ക്, പരസ്പരം പിരിയാനുള്ള ബുദ്ധിമുട്ടാണ് ഇത്തരം ഒരു തീരുമാനമെടുക്കുവാന്‍ കാരണമായത് എന്ന് പറയുന്നു. വിവാദമായ വിവാഹത്തിന് യുവതികളുടെയും പുരുഷന്റെയും വീട്ടുകാര്‍ സമ്മതിച്ചു. അമ്മയ്ക്കൊപ്പമാണ് അച്ഛന്‍ മരിച്ച പെണ്‍കുട്ടികള്‍ താമസിച്ചിരുന്നത്. അതുലിന്റെ കാറിലാണ് അമ്മയുടെ ചികിത്സയ്ക്കായി ഇവര്‍ ആശുപത്രിയില്‍ പോയിരുന്നത്. ഇങ്ങനെ പരസ്പരം അടുക്കുകയായിരുന്നു.

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Continue Reading

Trending