ന്യൂഡല്ഹി: മുന്പ്രധാനമന്ത്രി നരസിംഹറാവുവാണ് ഇന്ത്യയിലെ സാമ്പത്തിക പരിഷ്കാരങ്ങളുടെ പിതാവെന്ന് ഡോ. മന്മോഹന് സിങ്. റാവുവിന്റെ ജന്മദിനത്തോട് അനുബന്ധിച്ച് തെലങ്കാന കോണ്ഗ്രസ് സംഘടിപ്പിച്ച അനുസ്മരണ പരിപാടിയില് സംസാരിക്കുകയായിരുന്നു 1991ലെ റാവു മന്ത്രിസഭയില് ധനകാര്യമന്ത്രിയായിരുന്ന ഡോ. സിങ്.
1991ല് മന്മോഹന് സിങ് അവതരിപ്പിച്ച ബജറ്റാണ് രാജ്യത്തെ സാമ്പത്തിക ഉദാരീകരണ നടപടികള്ക്ക് തുടക്കം കുറിച്ചത്. നരസിംഹറാവുവിന്റെ ധൈര്യവും ഉള്ക്കാഴ്ചയും കൊണ്ടു മാത്രമാണ് ആ പരിഷ്കാരങ്ങള് സാദ്ധ്യമായത് എന്ന് അദ്ദേഹം കൂട്ടിച്ചേര്ത്തു.