kerala
മാലിന്യക്കൂനയിലെ മാണിക്യം തപ്പുന്ന വര്ഗമേ ആരുമില്ലാത്തവര്ക്ക് ദൈവം തുണയേകും
പാടത്തിക്കര കരീം.
എസ്.ടി.യു സംസ്ഥാന സെക്രട്ടറി
ബ്രഹ്മപുരത്ത് സ്ഥിതി ചെയ്യുന്ന കൊച്ചിന് കോര്പറേഷന്റെ മാലിന്യം അടിച്ച് കൂട്ടുന്ന യാര്ഡില് കഴിഞ്ഞ കുറെ കാലങ്ങളായി തീ പിടിച്ച് കത്തുന്ന അവസ്ഥ കാണുന്നു വിശാലമായി കിടക്കുന്ന യാര്ഡില് പല സ്ഥലങ്ങളിലായി ഒരേ സമയം തീ പിടിക്കുന്ന പ്രതിഭാസം പ്രകൃതിയുടേതല്ല ചില ഉന്നതങ്ങളില് വിലസുന്ന ചിലരുടെ വികൃതികളാണ് പണം മനുഷ്യനെ പിശാചാക്കി മാറ്റും എന്ന് പറയുന്നത് ശരിവക്കുന്നതാണ് ബ്രഹ്മപുരത്തെ തീ പിടിക്കലിന്റെ പിന്നാമ്പുറ ച ചരിത്രം കോര്പറേഷന്റെ വരുമാനം എത്രകണ്ട് വര്ദ്ധിക്കുന്നുവോ, അത്രകണ്ട് തീ കത്തലിന്റെ ദിവസവും, നാളുകളും വര്ദ്ധിക്കും.
മാര്ച്ച് മാസത്തിലെ കണക്ക് അവതരണ സമയത്താണ് തീപിടിത്തം ഉണ്ടാകാറ് എന്നതിലും ചില സത്യങ്ങളില്ലേ? മൊത്തം വരുമാനം കണക്കാക്കി വരുമാനത്തിന്റെ കണക്കനുസരിച്ച് തീ പിടിക്കുന്ന ഒരു പ്രത്യേക പ്രതിഭാസം ഭയങ്കര ഉയരത്തില് മാലിന്യക്കൂനകള് ഉണ്ടായിരുന്നുവെന്നും അത് തീപിടിച്ചതു മൂലം കത്തിയമര്ന്ന് പോയെന്നും ആരെയൊക്കെയോ ബോധ്യപ്പെടുത്താന് പാകത്തിനുള്ള ചാനലുകാരുടെ വാര്ത്ത വായനക്ക് പിന്നില് കോടികളുടെ മാലിന്യക്കൂനയുണ്ടായിരുന്നതാണ് കത്തിപ്പോയത് കൊണ്ട് ഇനി കണക്ക് തിട്ടപ്പെടുത്താന് പോലും സാധിക്കില്ല എന്ന റിപ്പോര്ട്ടിംഗ് ആണെന്ന് പാവങ്ങളായ ജനങ്ങള്ക്കറിയില്ലല്ലോ ആവേശത്തോടെയുള്ള റിപ്പോര്ട്ടിംഗ് കാണുമ്പോള് പൊതുജന ധാരണ തങ്ങള്ക്ക് വേണ്ടി കഷ്ടപ്പെടുന്ന പാവം ചാനലുകളെയോര്ത്ത് അഭിമാനം കൊള്ളുന്നതാണ്.
എന്തിന്നും ഏതിനും ഒളിക്യാമറ വക്കലും, രഹസ്യം കണ്ടു പിടിക്കാന് കേമന്മാരുമായ ഒരൊറ്റ ചാനലുകളും ഈ തീ പിടുത്തമുണ്ടാകുന്നതിന്റെ പിന്നാമ്പുറകഥകളിലേക്ക് പോകുന്നില്ല എന്ന് അറിയുമ്പോളാണ് ‘പണത്തിന് മീതെ ചാനലും ‘ എന്ന വസ്തുത ഓര്മപ്പെടുത്തുന്നത്. മുന് കാലങ്ങളിലെപ്പോലെ തന്നെ ഇപ്പഴും മൂന്ന് ദിവസം തീ നിന്ന് കത്തിയിട്ടും അനങ്ങാതിരുന്ന പല പ്രമുഖരും പെട്ടന്ന് ഒരു ദിവസം മുഴുവന് സന്നാഹങ്ങളം ഉപയോഗിച്ച് തീയണക്കാന് കാണിക്കുന്ന ആവേശം കണ്ടപ്പോഴാണ് ദൈവത്തിന്റെ ഇടപെടല് മനസിലായത്.’
ബ്രഹ്മപുരം, കരിമുകള്, പുത്തന്കുരിശ്, പെരിങ്ങാല, പിണര് മുണ്ട, പാടത്തിക്കര ,പള്ളിക്കര, അമ്പലമുകള് തുടങ്ങിയ പ്രദേശങ്ങളിലേക്കാണ് പുകശല്യം കൂടുതലായി ഉണ്ടാകാറും ജനങ്ങള്ക്ക് ബുദ്ധിമുട്ടനുഭവിക്കാറും മാസാമാസം 50 രൂപ വച്ച് കൊടുത്ത് ശേഖരിക്കുന്ന പ്ളാസ്റ്റിക് മാലിന്യങ്ങളെ ടണ് കണക്കിന് ഒരു മിച്ച് കൂട്ടിയിട്ട് തീയിടലാണ് കോര്പറേഷന്റെ കാലാകാലങ്ങളായിട്ടുള്ള പരിപാടി. ഇതിന്റെ കറുത്ത പുക ദൈവ നിയോഗം പോല കാറ്റിന്റെ ഗതിയ നുസരിച്ച് കോര്പറേഷന് അതിര്ത്തികളിലേക്ക് തിരിയുകയും എറണാകുളം, വൈറ്റില, കടവന്ത്ര തുടങ്ങിയ ഭാഗങ്ങളിലേക്ക് എത്തുകയും കടല്ക്കാറ്റ് വീശിയിട്ടാണെന്ന് പറയപ്പെടുന്നു.
ആ പുകശല്യം ശക്തമായി ആ ഭാഗങ്ങളില് ബാധിക്കുകയും ചെയ്തപ്പോഴാണ് ഉത്തരവാദിത്വപ്പെട്ടവര് സടകുടഞ്ഞ് എഴുന്നേറ്റ് ഹെലികോപ്ടറും മറ്റു പല ഉപകരണങ്ങളും ഒക്കെയായി സര്വ്വ ഉന്നത അധികാരികളും എത്തിപ്പെടാനായതും പുറം ലോകം അറിഞ്ഞതും അങ്ങിനെയാണ്. ഈ പുക ശ്വസിക്കാന് വിധിക്കപ്പെട്ടവര് ഏത് ഭാഗത്തുള്ളവരായാലും ഞങ്ങള്ക്ക് വിഷമമുണ്ട്. മനുഷ്യരാണ് എല്ലാരും.
ചിലര് സമ്പത്ത് കൊണ്ടും വിദ്യാഭാസം കൊണ്ടും ഉന്നത ജോലിയുള്ളതുകൊണ്ടും, അധികാരക്കസേരയുള്ളതുകൊണ്ടും, വാര്ത്താ ചാനലുകരായത് കൊണ്ടും പോലീസ് മേധാവികളായത് കൊണ്ടും അവര്ക്കും ഇത്തരം ദുരനുഭവം വരുന്നതിനോട് യോജിപ്പില്ല. അതുപോലെ തന്നെ പാവപ്പെട്ട തനി നാടന് ഗ്രാമീണ വാസികളായ ഒരു പറ്റം മനുഷ്യരും അവരുടെ പ്രായമായ മാതാപിതാക്കളും, കുഞ്ഞു മക്കളും ഈ പുക ശ്വസിക്കേണ്ടി വന്നപ്പൊ അവര് വാതിലടച്ച് വീട്ടിലിരിക്കാന് പറഞ്ഞ വരോട് ദൈവം ചോദിക്കട്ടെ എന്ന് പറയാനല്ലാതെ ഒന്നിനും കഴിയാത്തവരാണ് പ്രദേശവാസികള്.
ഇതിനെ പ്രതികരിച്ചാല് ഈ പാവങ്ങള്ക്ക് നേരെ പല തരകേസുകളെടുക്കാനും ശിക്ഷിക്കാനും കഴിവുള്ളവരാണല്ലൊ ഉന്നത നിലയിലുള്ളവര്. തങ്ങളുടെ വീട്ടിലുള്ളവര് കഴിച്ച് ബാക്കി വരുന്ന ഉപയോഗശൂന്യമായ ഭക്ഷണ പദാര്ത്ഥങ്ങളും, മക്കളും കുഡുംബാംഗങ്ങളും ഉണ്ടാക്കി വക്കുന്ന ഉച്ചിഷ്ടങ്ങളും ഏതോ പ്രദേശവാസികളായ പാവപ്പെട്ട ജനതക്ക് മേല് വലിച്ചെറിയാന് അവകാശമുള്ള മേലാളന്മാര്. ഒരു പറ്റം പാവപ്പെട്ട ജനതയേയും അവരുടെ പുഴകളേയും പ്രകൃതികളേയും കീഴാളന്മാരായി കാണുന്നവരോട് ദൈവം ചോദിക്കട്ടെ എന്ന് മാത്രം പറയാനല്ലാതെ ഒന്നിനും കഴിയില്ല. കുഞ്ഞുമക്കള് എല്ലാം നിഷ്കളങ്കരാണ് പട്ടണത്തിലായാലും ഗ്രാമത്തിലായാലും ഈ പുക ശ്വസിച്ചാല് ഉണ്ടാകുന്ന ഭവിഷ്യത്തുകള് മക്കള്ക്കറിയില്ലല്ലോ.
കോടികള് കൊള്ളയടിക്കുന്നതിന് വേണ്ടി എല്ലാ വര്ഷവും മാലിന്യം കത്തിച്ച് പൊതുജനങ്ങളെ രോഗശയ്യയിലാക്കുന്നവരും. അതിന് ഒത്താശ നില്ക്കുന്ന ഉദ്യോഗസ്ഥരും ചാനലുകാരും ഭരണ കര്ത്താക്കളും ഒന്ന് ഓര്ത്തോ കണക്ക് പറയാതെ ഒരു കാലവും കടന്ന് പോയിട്ടില്ല.
മാലിന്യത്തിന് തീപിടിക്കാതിരിക്കാന് കോര്പറേഷന്റെ വരുമാനം കുറയുകയെന്നല്ലാതെ വേറെ വഴിയില്ല എന്നറിയാം. കോര്പറേഷന്റെ ഫണ്ട് ചില വഴിക്കാന് റോഡുണ്ടാക്കാനും തോടുണ്ടാക്കാനും കാനയുണ്ടാക്കാനും സ്ഥലമില്ലാത്തതു കൊണ്ട് ഫണ്ട് ചില വഴിക്കാനുള്ള ഏക മാര്ഗം മാലിന്യ സംസ്കരണ മെന്ന പേരില് നടത്തുന്ന പേക്കൂത്ത് മാത്രമാണ് എന്നറിയാം. ദയവ് ചെയ്ത് ഹെലികോപ്ടര് ഒന്ന് ഒഴിവാക്കുക ‘ഞങ്ങള് പ്രദേശവാസികള്ക്ക് നാണക്കേടാണ് ഹെലികോപ്ടര് പ്രയോഗം. തൊട്ടടുത്ത് പത്ത് മീറ്റര് പോലും അകലത്തിലല്ലാതെ കടമ്പറ യാര് ഒഴുകുന്നുണ്ട്. അതില് നിന്ന് പമ്പ് സ്ഥാപിച്ച് തീ കത്തിയാല് അണക്കാന് സാധിക്കുമെന്നും കത്തു പിടിച്ച് കഴിഞ്ഞ ശേഷം പമ്പ് സ്ഥാപിക്കാന് ശ്രമിക്കാതെ കോടികള് കണക്കുണ്ടാക്കാനുള്ള ശ്രമത്തില് നാണക്കേട് ഉണ്ടാക്കാതെ നോക്കണ്ട. എത്ര ലിറ്റര് വെള്ളം ഹെലികോപ്ടര് അടിച്ച് കാണും ഇനിയെങ്കിലും വരും കാലങ്ങളില് തീപിടുത്തമുണ്ടായാല് അണക്കാനുള്ള മാര്ഗം സ്വീകരിക്കാമോ?. കാലം ഇത്രയേറെ പുരോഗതി പ്രാപിച്ചിട്ടും ഒരു സംസ്കരണ പ്ളാന്റ് നിര്മിക്കാന് കഴിയില്ലെങ്കില്, തീ കെടുന്നത് വരെയെങ്കിലും മാലിന്യം അടിക്കാതിരിക്കാന് ശ്രമിക്കുമല്ലൊ.
kerala
ക്യാമ്പിനിടെ അശ്ലീലപ്രവര്ത്തനം; ബി.എല്.ഒക്കെതിരെ നടപടി
തൃപ്രങ്ങോട് പഞ്ചായത്തിലെ 38-ാം നമ്പര് ബൂത്തിലെ ആനപ്പടി വെസ്റ്റ് എല്.പി. സ്കൂളില് ചുമതലയുള്ള ബി.എല്.ഒ വാസുദേവനെ ചുമതലയില് നിന്ന് മാറ്റിയതായി ജില്ല കലക്ടര് അറിയിച്ചു.
മലപ്പുറം: എസ്.ഐ.ആര് എന്യൂമേറേഷന് ഫോം വിതരണ ക്യാമ്പിനിടെ മുണ്ട് പൊക്കിക്കാണിച്ച ബി.എല്.ഒക്കെതിരെ നടപടി. തൃപ്രങ്ങോട് പഞ്ചായത്തിലെ 38-ാം നമ്പര് ബൂത്തിലെ ആനപ്പടി വെസ്റ്റ് എല്.പി. സ്കൂളില് ചുമതലയുള്ള ബി.എല്.ഒ വാസുദേവനെ ചുമതലയില് നിന്ന് മാറ്റിയതായി ജില്ല കലക്ടര് അറിയിച്ചു. സര്ക്കാര് ജീവനക്കാര് പാലിക്കേണ്ട പെരുമാറ്റച്ചട്ടങ്ങള് ലംഘിച്ചതിനാലാണ് നടപടി.
സംഭവത്തിന് കാരണം കാണിക്കല് നോട്ടീസ് നല്കുമെന്ന് കലക്ടര് അറിയിച്ചു. വിശദീകരണം ലഭിച്ച ശേഷമാണ് തുടര്നടപടികള് തീരുമാനിക്കുക.
കഴിഞ്ഞ വ്യാഴാഴ്ചയാണ് സംഭവം നടന്നത്. പ്രായമായവരുള്പ്പെടെ ജനങ്ങളെ വെയിലത്ത് കാത്തുനിര്ത്തുന്നതിനെ കുറിച്ച് നാട്ടുകാര് ചോദ്യം ചെയ്തതിന് പിന്നാലെ പ്രകോപിതനായി മുണ്ട് പൊക്കി നഗ്നത പ്രദര്ശിപ്പിക്കുകയായിരുന്നു വാസുദേവന്. സ്ത്രീകള് ഉള്പ്പെടെയുള്ളവര് സാന്നിധ്യത്തിലായിരിക്കെയാണ് ഈ അശ്ലീലപ്രവര്ത്തനം നടന്നത്. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു.
താന് പെട്ടെന്നുള്ള പ്രകോപനത്തിലാണ് ഇത്തരം പ്രവൃത്തി ചെയ്തത് എന്നാണ് വാസുദേവന്റെ പ്രതികരണം.
kerala
കുതിരാൻ തുരംഗത്തിൽ ഭീകരാപകടം: മിനി ലോറി മറിഞ്ഞ് യുവാവിന്റെ കൈ അറ്റപോയി
കൊല്ലങ്കോട് സ്വദേശി സുജിൻ (22) ആണ് ഗുരുതരമായി പരിക്കേറ്റ് ആശുപത്രിയിൽ പ്രവേശിപ്പിച്ചിരിക്കുന്നത്.
തൃശൂർ: ദേശീയപാതയിലെ കുതിരാൻ തുരങ്കത്തിനുള്ളിൽ മിനി ലോറി അപകടത്തിൽ പെട്ട് യാത്രക്കാരനായ യുവാവിന്റെ കൈ അറ്റുപോയ ഭീകരദൃശ്യങ്ങളാണ് പുറത്തുവന്നിരിക്കുന്നത്. കൊല്ലങ്കോട് സ്വദേശി സുജിൻ (22) ആണ് ഗുരുതരമായി പരിക്കേറ്റ് ആശുപത്രിയിൽ പ്രവേശിപ്പിച്ചിരിക്കുന്നത്. സുജിന്റെ ഇടതു കൈ മുട്ടിന് മുകളിലൂടെ പൂർണമായും വേർപെട്ടു.
വെള്ളി രാവിലെയോടെയായിരുന്നു അപകടം. കോഴി കയറ്റി കൊണ്ടുവന്ന മിനി ലോറിയുടെ നിയന്ത്രണം നഷ്ടപ്പെട്ടതിനെ തുടർന്ന് വാഹനം തുരങ്കത്തിന്റെ വശത്തേക്ക് അടർന്നു. നിയന്ത്രണം വിട്ട ലോറി കൈവരിയിൽ ഇടിക്കുന്ന ദൃശ്യങ്ങളും സുജിന്റേതായി തിരിച്ചറിഞ്ഞ കൈ കൈവരിയിൽ പെടുന്ന നിമിഷവും പുറത്തുവന്നിട്ടുണ്ട്.
അപകടത്തെ തുടർന്ന് സുജിനെ ഒരു ആംബുലൻസിൽ ആശുപത്രിയിലേക്ക് മാറ്റി. വേർപ്പെട്ട കൈ മറ്റൊരു ആംബുലൻസിൽ കൊണ്ടുപോയി. യുവാവിന്റെ കൈ ശസ്ത്രക്രിയയിലൂടെ പൊരുത്തപ്പെടുത്താൻ മെഡിക്കൽ സംഘം പരിശ്രമിക്കുന്നു.
പോലീസ് സംഘവും ഹൈവേ അതോറിറ്റി ഉദ്യോഗസ്ഥരും സ്ഥലത്തെത്തി പരിശോധന നടത്തി. നിയന്ത്രണം നഷ്ടപ്പെടൽ തന്നെയാണ് അപകടകാരണമെന്ന് പ്രാഥമിക വിലയിരുത്തൽ.
kerala
നടി ആക്രമിക്കപ്പെട്ട കേസ്: വിധി ഡിസംബര് 8ന്
എറണാകുളം പ്രിന്സിപ്പല് സെഷന്സ് കോടതിയിലാണ് വിധി വരുന്നത്.
കൊച്ചി: നടി ആക്രമിക്കപ്പെട്ട കേസില് എട്ടുവര്ഷത്തിലേറെ നീണ്ട നിയമനടപടികള്ക്ക് വിരാമമായി ഡിസംബര് 8ന് വിധി പ്രഖ്യാപിക്കുന്നു. എറണാകുളം പ്രിന്സിപ്പല് സെഷന്സ് കോടതിയിലാണ് വിധി വരുന്നത്. ഇന്ന് നടന്ന പരിഗണനയില് തന്നെയാണ് കോടതി തീയതി നിശ്ചയിച്ചത്. പള്സര് സുനി അടക്കം അഞ്ച് പ്രതികള് കോടതിയില് ഹാജരായി.
2017 ഫെബ്രുവരിയില് കൊച്ചിയിലോട്ടു പോവുന്ന വാഹനത്തില് നടിയെ തട്ടിക്കൊണ്ടുപോയി ക്രൂരമായി ആക്രമിച്ച കേസില് പള്സര് സുനി (സുനില് കുമാര്) ഒന്നാം പ്രതിയും നടന് ദിലീപ് എട്ടാം പ്രതിയുമാണ്. ഒന്പത് പേരാണ് കേസിലെ പ്രതികള്. വര്ഷങ്ങളെടുത്ത സാക്ഷിമൊഴികളും കടുത്ത വാദപ്രതിവാദങ്ങളും കഴിഞ്ഞാണ് കേസ് വിധിയിലേക്ക് നീങ്ങുന്നത്. ആകെ 28 സാക്ഷികളാണ് കൂറുമാറിയത്.
2025 ഏപ്രിലില് അന്തിമ വാദം പൂര്ത്തിയായ കേസില്, ഇരുപതാം തീയതിയും ഇന്ന് നടന്ന പരിഗണനയും കഴിഞ്ഞ് കേസ് വിധിക്ക് തയ്യാറായിരിക്കുകയാണ് കോടതി. കുറ്റകൃത്യം നടന്നിട്ട് എട്ടുവര്ഷത്തിന് ശേഷമാണ് നിര്ണായക വിധി വരുന്നത്.
രണ്ടുപേരെ മുമ്പ് പ്രതിപ്പട്ടികയില് നിന്ന് ഒഴിവാക്കിയിരുന്നു. ഒരാളെ മാപ്പു സാക്ഷിയാക്കി. 2024 സെപ്റ്റംബറിലാണ് പള്സര് സുനിക്ക് ഏഴര വര്ഷത്തിന് ശേഷം ജാമ്യം ലഭിച്ചത്.
കേസില് സിബിഐ അന്വേഷണം ആവശ്യപ്പെട്ട് ദിലീപ് ഹൈക്കോടതിയെ സമീപിച്ചു. എന്നാല് കേസ് വിചാരണ അന്തിമഘട്ടത്തിലാണെന്ന് ചൂണ്ടിക്കാട്ടി ഹൈക്കോടതി ഹര്ജി തള്ളി.
മാധ്യമവിചാരണ നടത്തി തന്റെ മേല് ജനവികാരം ഉണ്ടാക്കാന് അന്വേഷണ സംഘം ശ്രമിക്കുന്നുവെന്നും രഹസ്യ വിചാരണ ഉത്തരവ് ലംഘിക്കുന്ന മാധ്യമങ്ങള്ക്ക് നടപടി വേണമെന്നും ദിലീപ് കോടതിയില് ഹര്ജി നല്കിയിരുന്നു.
കുറ്റകൃത്യത്തിന്റെ നാള്വഴി
ഫെബ്രുവരി 17: തൃശൂരില്നിന്ന് കൊച്ചിയിലേക്ക് ഡബ്ബിങ്ങിന് വന്ന നടിയെ രാത്രി ഒമ്പതോടെ അങ്കമാലി അത്താണിക്കടുത്തുവെച്ച് തട്ടിക്കൊണ്ടുപോകുകയും ഓടുന്ന വാഹനത്തില്വെച്ച് ക്രൂരമായി ആക്രമിക്കുകയും ചെയ്യുന്നു. അര്ധരാത്രിയോടെ പ്രതി ഡ്രൈവര് മാര്ട്ടിന് ആന്റണി അറസ്റ്റില്.
19: സംഭവത്തില് ആലപ്പുഴ സ്വദേശി വടിവാള് സലിം, കണ്ണൂര് സ്വദേശി പ്രദീപ് എന്നിവര്കൂടി പിടിയില്. കൊച്ചിയില് സിനിമ പ്രവര്ത്തകരുടെ പ്രതിഷേധ ഐക്യദാര്ഢ്യ കൂട്ടായ്മ.
20: തമ്മനം സ്വദേശി മണികണ്ഠന് പിടിയില്. ക്വട്ടേഷന് സാധ്യതയെക്കുറിച്ച് അന്വേഷണസംഘത്തിന് സൂചന ലഭിക്കുന്നു.
21: സംവിധായകന് കൂടിയായ പ്രമുഖ നടന്റെ മൊഴി രേഖപ്പെടുത്തി.
22: ശത്രുക്കള് കുപ്രചാരണം നടത്തുന്നതായി ദിലീപിന്റെ ആരോപണം. തന്നെ ചോദ്യം ചെയ്തിട്ടില്ലെന്നും അവകാശവാദം. ക്രിമിനല്, ലഹരി ബന്ധമുള്ളവരെ സിനിമയില് സഹകരിപ്പിക്കില്ലെന്ന് സിനിമ സംഘടനകള്.
23: കോടതിയില് കീഴടങ്ങാനെത്തിയ മുഖ്യപ്രതി സുനില് കുമാറിനെയും (പള്സര് സുനി) കൂട്ടാളി വിജീഷിനെയും കോടതി മുറിയില്നിന്ന് പൊലീസ് അറസ്റ്റ് ചെയ്തു. ബൈക്കില് കോടതി പരിസരത്തെത്തിയശേഷം മതില് ചാടിക്കടന്നാണ് ഇരുവരും കോടതി മുറിയില് പ്രവേശിച്ചത്.
24: ക്വട്ടേഷന് ഏറ്റെടുത്തത് 50 ലക്ഷം രൂപക്കെന്ന് സുനിയുടെ വെളിപ്പെടുത്തല്. പ്രതികള് റിമാന്ഡില്.
25: സംഭവത്തില് ഗൂഢാലോചന നടന്നിട്ടില്ലെന്ന് മുഖ്യമന്ത്രി. എന്നാല്, ഗൂഢാലോചന അന്വേഷിക്കണമെന്ന് പൊലീസ് കോടതിയില്. നാല് പ്രതികളെയും നടി തിരിച്ചറിഞ്ഞതോടെ സുനിയെയും വിജീഷിനെയും മാര്ച്ച് എട്ടുവരെ പൊലീസ് കസ്റ്റഡിയില് വിടുന്നു.
26: കേസില് ഗൂഢാലോചന ഇല്ലെന്ന് പറഞ്ഞിട്ടില്ലെന്ന് മുഖ്യമന്ത്രി. കോയമ്പത്തൂരില്നിന്ന്? പ്രതികളുടെ മൊബൈല് ഫോണും കമ്പ്യൂട്ടറും കണ്ടെടുക്കുന്നു.
27: നടി ആക്രമിക്കപ്പെട്ടതി?േന്റതെന്ന പേരില് കൊച്ചി കേന്ദ്രീകരിച്ച് ദൃശ്യങ്ങള് പ്രചരിപ്പിക്കാന് ശ്രമം നടക്കുെന്നന്ന ആരോപണം പരിശോധിക്കണമെന്ന് ഫെയ്സ്ബുക്കിനോട് സുപ്രീംകോടതി. പൊലീസ് ചോദ്യം ചെയ്യലില് ദൃശ്യങ്ങളെക്കുറിച്ച് മറുപടി നല്കാതെ സുനില്.
28: മൊബൈല് ഫോണ് ഉപേക്ഷിച്ചതായി സുനി മൊഴിനല്കിയ ബോള്ഗാട്ടി പാലത്തില് നാവികസേനയുടെ തിരച്ചില്.
മാര്ച്ച് 3: കൂടുതല് അന്വേഷണം ആവശ്യപ്പെട്ട് പൊലീസ് കോടതിയില്. നാലുപ്രതികളുടെയും കസ്റ്റഡി കാലാവധി നീട്ടിവാങ്ങി.
മാര്ച്ച് 19: സുനിയുമായി അടുപ്പമുള്ള ഷൈനിയെന്ന യുവതി അറസ്റ്റില്.
ജൂണ് 24: ബ്ലാക്മെയില് ചെയ്ത് പണം തട്ടാന് ശ്രമം നടക്കുന്നെന്ന് ആരോപിച്ച് ദിലീപും നാദിര്ഷായും പൊലീസിന് പരാതി നല്കിയെന്ന വിവരം പുറത്ത്. സുനി എഴുതിയതെന്ന് കരുതുന്ന കത്തും അയാളുടേതെന്ന് കരുതുന്ന ഫോണ് സംഭാഷണവും പുറത്തുവരുന്നു.
ജൂണ് 26: നടന് ദിലീപിനെ ബ്ലാക്മെയില് ചെയ്യാന് ശ്രമിച്ച കേസില് സുനിയുടെ സഹതടവുകാരനായിരുന്ന വിഷ്ണു അറസ്റ്റില്. ദിലീപിനെ പിന്തുണച്ച് സലിംകുമാറും അജുവര്ഗീസും ലാല്ജോസും ഫേസ്ബുക്ക് പോസ്റ്റുമായി രംഗത്തെത്തി. നടിയെ നുണപരിശോധനക്ക് വിധേയമാക്കണമെന്ന സലിംകുമാറിെന്റ വിവാദ പ്രസ്താവന അദ്ദേഹത്തെ മാപ്പ് പറയിക്കുന്നതില് എത്തിച്ചു. നടിയുടെ പേര് പരാമര്ശിച്ച അജുവര്ഗീസിനും മാപ്പുപറയേണ്ടി വന്നു.
ജൂണ് 27: ദിലീപിന്റെയും നാര്ദിഷായുടെയും മൊഴിയെടുത്തു. ആലുവ പൊലീസ് ക്ലബില് മൊഴിയെടുക്കല് 13 മണിക്കൂര് നീണ്ടു.
ജൂണ് 29: കൊച്ചിയില് താരസംഘടനയായ ‘അമ്മ’ യുടെ വാര്ഷിക ജനറല് ബോഡി യോഗം. നടി ആക്രമിക്കപ്പെട്ടത് യോഗം ചര്ച്ച ചെയ്തില്ല. മാധ്യമപ്രവര്ത്തകരുടെ ചോദ്യങ്ങള്ക്കുമുന്നില് പൊട്ടിത്തെറിച്ച് താരങ്ങള്.
ജൂലൈ 5: ജയിലില് ഫോണ് ഉപയോഗിച്ച കേസില് സുനിയെ അഞ്ചുദിവസത്തേക്ക് പൊലീസ് കസ്റ്റഡിയില് വിട്ടു.
ജൂലൈ 10: നടിയെ ആക്രമിച്ച കേസില് ദിലീപ് അറസ്റ്റില്.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News18 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world3 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala21 hours agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala20 hours agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala18 hours agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്