അന്തരിച്ച മുന്‍മുഖ്യമന്ത്രി ഉമ്മന്‍ ചാണ്ടിയെ അവഹേളിച്ച നടന്‍ വിനായകനെതിരെ തെന്നിന്ത്യന്‍ നടന്‍ സ്വരൂപ് രൂക്ഷമായി പ്രതികരിച്ചു.
അയര്‍ലണ്ടിലെ തന്റെ വസതിയില്‍ ഇരുന്നാണ് നടന്‍ സ്വരൂപ് ചന്ദ്രികയോട് പ്രതികരിച്ചത്. മിസ്റ്റര്‍ വിനായകന്‍ താങ്കള്‍
എത്രയും പെട്ടെന്ന് ചികിത്സക്ക് വിധേയനാകണം, കാരണം താങ്കളുടെ സ്വയബുദ്ധി എന്നേ നഷ്ടമായിരിക്കുന്നു. പക്ഷെ താങ്കള്‍ ഒന്നാം തരം ഭീരുവുമാണ് സ്വന്തം വീടിന്റെ അകത്തു വാതില്‍ ലോക്ക് ചെയ്തു കട്ടിലിന്റെ അടിയില്‍ ഇരുന്നു ഉമ്മന്‍ചാണ്ടി സാറിനെ തെറി വിളിക്കുമ്പോള്‍ താങ്കളെ കുറിച്ച് വ്യക്തമായ ഒരു ധാരണ അരിയാഹാരം കഴിക്കുന്നവര്‍ക്ക് ഉണ്ടാകും.ഇത്രയും രോഷാകുലനും ധീരനുമായ താങ്കള്‍ കട്ടിലിന്റെ അടിയില്‍ ഇരുന്നു പ്രതികരിക്കുന്നതിനേക്കാള്‍ വേണ്ടിയിരുന്നത് ഒരു ബ്ലൂടൂത്ത് മൈക്കുമായി പുതുപ്പള്ളിയില്‍ പോയി ജനസാഗരത്തിന്റെ മുന്‍പില്‍ ചോദിക്കണമായിരുന്നു എങ്കില്‍ ഈ വിവരം കുറേകൂടി വൈറല്‍ ആവുമായിരുന്നു.

എങ്ങിനെ ആയിരിക്കും ആ വൈറല്‍ എന്നറിയുന്നതുകൊണ്ടു തന്നെയാണ് താങ്കള്‍ ഇപ്പോള്‍ പോസ്റ്റും മുക്കി പത്തായത്തില്‍ ഒളിച്ചിരിക്കുന്നത്. എനിക്ക് താങ്കളുടെ കൂടെ അഭിനയിക്കാനുള്ള നിര്‍ഭാഗ്യം ഇതുവരെ ഉണ്ടായിട്ടില്ല. എന്നാല്‍ അടുത്തടുത്ത വര്‍ഷങ്ങളില്‍ ദേശീയ അവാര്‍ഡ് വാങ്ങിയ രണ്ടു പേരുടെ കൂടെ തമിഴ് സിനിമയില്‍ അഭിനയിക്കാനുള്ള ഭാഗ്യവും അവരുടെ സ്‌നേഹവും കരുതലും അനുഭവിക്കാനും എനിക്ക് കഴിഞ്ഞിട്ടുണ്ട്, അവരൊക്കെ എങ്ങിനെ ആണ് പെരുമാറുന്നത് സംസാരിക്കുന്നത് എന്നൊക്കെ ഇടയ്ക്ക് യൂട്യൂബ് നോക്കിയെങ്കിലും പഠിക്കുക. ഉപജീവനത്തിന് വേണ്ടി കപ്പലണ്ടി വില്‍ക്കുന്ന സഹോദരന്മാരോടൊക്കെ ഇടക്കൊന്നു സംസാരിക്കുക അവര്‍ക്ക് താങ്കളേക്കാളും പെരുമാറാനും സംസാരിക്കാനും ഭൂമിയില്‍ ജീവിക്കാനും അറിയാം, സിനിമാരംഗത്തുള്ളവരുടെ പേര് നശിപ്പിക്കാന്‍ താങ്കളെപ്പോലെ ഒരെണ്ണം മതി, ലജ്ജ തോന്നുന്നു. ഞാന്‍ അധികം പറയുന്നില്ല. സ്വരൂപ് പറഞ്ഞു നിര്‍ത്തി. തമിഴ് ,തെലുങ്ക് , ഐറിഷ് സിനിമകളിലൂടെ പ്രസിദ്ധനായ സ്വരൂപ് ഉമ്മന്‍ചാണ്ടിയുടെ ഉറ്റ സ്‌നേഹിതന്‍ ആയിരുന്ന യശ്ശ:ശരീരനായ മുന്‍മന്ത്രി എസി ഷണ്‍മുഖദാസിന്റെയും കുടുംബത്തിന്റെയും പുത്രതുല്യനായ വ്യക്തിയാണ്.