Fact Check
മണിപ്പുരില് ഭരണഘടന സംവിധാനം തകര്ന്നു, ഡി.ജി.പി നേരിട്ട് ഹാജരാവണം;അതിരൂക്ഷ വിമര്ശനവുമായി സുപ്രീംകോടതി
. ചീഫ് ജസ്റ്റിസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചാണ് മണിപ്പുര് വിഷയത്തില് രൂക്ഷവിമര്ശനം ഉന്നയിച്ചത്.
മണിപ്പുരില് ഭരണഘടന സംവിധാനം തകര്ന്നുവെന്നും ക്രമസമാധാനം തകര്ന്നിടത്ത് എങ്ങനെ നീതി നടപ്പാക്കുമെന്നും സുപ്രീം കോടതി. ചീഫ് ജസ്റ്റിസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചാണ് മണിപ്പുര് വിഷയത്തില് രൂക്ഷവിമര്ശനം ഉന്നയിച്ചത്.കലാപത്തില് എഫ്.ഐ.ആറുകള് റജിസ്റ്റര് ചെയ്യാന് വലിയ കാലതാമസം ഉണ്ടായെന്ന് വ്യക്തമാണെന്ന് ചീഫ് ജസ്റ്റിസ് പറഞ്ഞു. മെയ് ആദ്യം മുതല് ജൂലൈ വരെ നിയമം ഇല്ലാത്ത അവസ്ഥയാണ് മണിപ്പുരില്.
ക്രമസമാധാന സംവിധാനങ്ങള് പൂര്ണമായി തകര്ന്നതായും ചീഫ് ജസ്റ്റിസ് കുറ്റപ്പെടുത്തി. കേസുകള് എടുക്കുന്നതിലും എഫ്.ഐ.ആറുകള് റജിസ്റ്റര് ചെയ്യുന്നതിലും വലിയ വീഴ്ച ഉണ്ടായിട്ടുണ്ട്. വളരെ കുറച്ച് അറസ്റ്റുകള് മാത്രമാണ് ഉണ്ടായിട്ടുള്ളത്. വെള്ളിയാഴ്ച 2 മണിക്ക് ഡി.ജി.പി നേരിട്ടു ഹാജരായി വിവരങ്ങള് നല്കണമെന്നും ചീഫ് ജസ്റ്റിസ് നിര്ദേശിച്ചു.
മണിപ്പുര് കലാപവുമായി ബന്ധപ്പെട്ട് 6532 എഫ്.ഐ.ആറുകള് റജിസ്റ്റര് ചെയ്തതായി സോളിസിറ്റര് ജനറല് തുഷാര് മേത്ത കോടതിയെ അറിയിച്ചു. എന്നാല്, 6523 എഫ്.ഐ.ആറുകളില് വ്യക്തതയില്ലെന്നും കൊലപാതകം, ബലാത്സംഗം, സ്വത്തുക്കള് നശിപ്പിക്കല് തുടങ്ങീ കുറ്റകൃത്യങ്ങള് തരംതിരിച്ച് എഫ്.ഐ.ആറുകളുടെ വിവരം സംസ്ഥാന സര്ക്കാര് നല്കണമെന്നും ചീഫ് ജസ്റ്റിസ് ആവശ്യപ്പെട്ടു.
ആള്ക്കൂട്ടത്തിനു തന്നെ കൈമാറിയതു പൊലീസാണെന്നാണ് നഗ്നയാക്കി നടത്തി ബലാത്സംഗം ചെയ്യപ്പെട്ട സ്ത്രീയുടെ മൊഴിയില് പറയുന്നത്. യഥാര്ഥത്തില് എന്താണു നടന്നതെന്ന് കണ്ടെത്തേണ്ടത് ഡി.ജി.പിയുടെ ചുമതലയാണ്. എന്നാല്, ഈ സംഭവത്തില് ഏതെങ്കിലും പൊലീസ് ഉദ്യോഗസ്ഥരെ ചോദ്യം ചെയ്തോ എന്ന് ചീഫ് ജസ്റ്റിസ് ചോദിച്ചു. സി.ബി.ഐ അന്വേഷണം തുടരുകയാണെന്നും വെള്ളിയാഴ്ച റിപ്പോര്ട്ട് നല്കാമെന്നുമാണ് സോളിസിറ്റര് ജനറല് തുഷാര് മേത്ത കോടതിയെ അറിയിച്ചത്.
Fact Check
രാഹുല് ഗാന്ധി വീണ്ടും എം.പി; ലോക്സഭാംഗത്വം പുനഃസ്ഥാപിച്ചു
പാര്ലമെന്റംഗത്വം പുനഃസ്ഥാപിച്ചതോടെ ചൊവ്വാഴ്ച കേന്ദ്ര സര്ക്കാരിനെതിരെയുള്ള അവിശ്വാസപ്രമേയത്തില് രാഹുല് ഗാന്ധിക്ക് പങ്കെടുക്കാനാകും
രാഹുല് ഗാന്ധിയുടെ ലോക്സഭാംഗത്വം പുനഃസ്ഥാപിച്ചു. ലോക്സഭാ സെക്രട്ടറിയേറ്റ് വിജ്ഞാപനം ഇറക്കി. അപകീര്ത്തികേസില് രാഹുലിനെ ശിക്ഷിച്ച സൂറത്ത് കോടതി വിധി നാലാം തീയതി സുപ്രീംകോടതി സ്റ്റേ ചെയ്ത പശ്ചാത്തലത്തിലാണ് ലോക്സഭാ സെക്രട്ടറിയേറ്റിന്റെ നടപടി.
പാര്ലമെന്റംഗത്വം പുനഃസ്ഥാപിച്ചതോടെ ചൊവ്വാഴ്ച കേന്ദ്ര സര്ക്കാരിനെതിരെയുള്ള അവിശ്വാസപ്രമേയത്തില് രാഹുല് ഗാന്ധിക്ക് പങ്കെടുക്കാനാകും. ചൊവ്വാഴ്ചയും ബുധനാഴ്ചയുമായി 12 മണിക്കൂറാണ് അവിശ്വാസ പ്രമേയ ചര്ച്ചയ്ക്കു ലോക്സഭ നീക്കിവച്ചിരിക്കുന്നത്. വ്യാഴാഴ്ച പ്രധാനമന്ത്രി നരേന്ദ്രമോദി മറുപടി പറയും. അവിശ്വാസപ്രമേയത്തിന് നോട്ടീസ് നല്കിയ ഗൗരവ് ഗൊഗോയ്ക്കു ശേഷം രാഹുല് ഗാന്ധിയാകും പ്രതിപക്ഷത്ത് നിന്ന് പ്രസംഗിക്കുക.
137 ദിവസങ്ങള്ക്കു ശേഷമാണ് രാഹുല് ഗാന്ധി പാര്ലമെന്റിലേക്ക് മടങ്ങിയെത്തുക. കുറ്റക്കാരനാണെന്ന വിധിക്കു സ്റ്റേ വന്നതോടെ, രാഹുല് ഗാന്ധിക്കുള്ള അയോഗ്യത നീങ്ങിയിരുന്നു. എന്നാല്, ലോക്സഭാംഗത്വം റദ്ദാക്കിക്കൊണ്ടു ലോകസഭാ സെക്രട്ടേറിയറ്റ് നേരത്തെ വിജ്ഞാപനമിറക്കിയതിനാല് ഇതു പുനഃസ്ഥാപിച്ചുള്ള വിജ്ഞാപനവും വേണ്ടതുണ്ട്. ഇത് വേഗത്തില് വേണമെന്ന് ആവശ്യപ്പെട്ട് ലോക്സഭാ സ്പീക്കര് ഓം ബിര്ലയ്ക്ക് കോണ്ഗ്രസ് കത്ത് നല്കിയിരുന്നു.
എന്നാലിത് നേരിട്ട് സ്വീകരിക്കാതെ സ്പീക്കര് ഓം ബിര്ല ഒഴിഞ്ഞു മാറിയിരുന്നു. സമയം അനുവദിക്കാതിരുന്നതോടെ, കോണ്ഗ്രസ് ലോകസ്സഭാ കക്ഷി നേതാവ് അധീര് രഞ്ജന് ചൗധരി കത്ത് ലോക്സഭാ സെക്രട്ടേറിയറ്റിനെ എല്പ്പിക്കുകയായിരുന്നു. കഴിഞ്ഞ മാര്ച്ച് 23ലെ സുപ്രീംകോടതി ഉത്തരവു വന്ന് 24 മണിക്കൂറിനുള്ളിലാണ് രാഹുലിനെ അയോഗ്യനാക്കി ലോകസഭാ സെക്രട്ടേറിയറ്റ് ഉത്തരവിറക്കിയത്.
Fact Check
കരിപ്പൂര് വിമാനപകടത്തിന് ഇന്നേക്ക് മൂന്ന് വര്ഷം
2020 ഓഗസ്റ്റ് 7ന് വൈകുന്നേരമാണ് രാജ്യത്തെ നടുക്കിയ വിമാന അപകടം ഉണ്ടായത്.
കരിപ്പൂര് വിമാന അപകടം നടന്ന് ഇന്നേക്ക് മൂന്നാണ്ട് തികയുന്നു. സ്വന്തം ജീവന് പണയംവെച്ച് രക്ഷപ്രവര്ത്തനം നടത്തിയവര്ക്കുള്ള നന്ദി സൂചകമായി നെടിയിരുപ്പ് ഫാമിലി ഹെല്ത്ത് സെന്ററിന് അപകടത്തില് മരിച്ചവരുടെ ആശ്രിതരും രക്ഷപെട്ടവരും ചേര്ന്ന് പുതിയ കെട്ടിടം നിര്മിച്ച് നല്കും. വിമാന അപകടം നടന്നതിന് പിന്നാലെ നിര്ത്തിവെച്ച വലിയ വിമാനങ്ങളുടെ സര്വീസ് പുനരാരംഭിക്കണമെങ്കില് റണ്വേ നവീകരിക്കണം.
2020 ഓഗസ്റ്റ് 7ന് വൈകുന്നേരമാണ് രാജ്യത്തെ നടുക്കിയ വിമാന അപകടം ഉണ്ടായത്. റണ്വേക്ക് പുറത്ത് പോയി താഴ്ച്ചയിലേക്ക് വീണ എയര് ഇന്ത്യ വിമാനം മൂന്നു കഷ്ണങ്ങളായി മാറി. 21 പേരാണ് അപകടത്തില് മരിച്ചത്. നിരവധി പേര്ക്ക് പരിക്കേല്ക്കുകയും ചെയ്തു. കൊവിഡ് കാലത്ത് സ്വന്തം സുരക്ഷ പരിഗണിക്കാതെയാണ് നാട്ടുകാര് രക്ഷപ്രവര്ത്തനം നടത്തിയത്. ഈ നാട്ടുകാര്ക്ക് ആദരവ് അര്പ്പിച്ചാണ് നെടിയിരിപ്പ് ഫാമിലി ഹെല്ത്ത് സെന്ററിന് പുതിയകെട്ടിടം നിര്മ്മിക്കാന് വിമാന അപകടത്തില് നിന്നും രക്ഷപെട്ടവരും മരിച്ചവരുടെ കുടുംബങ്ങളും തീരുമാനിച്ചത്. അപകടം നടന്നതിന് പിന്നാലെ വലിയ വിമാനങ്ങള് പൂര്ണ്ണമായി നിര്ത്തിവെച്ചു. റണ്വേ നവീകരിച്ചാല് മാത്രമെ വലിയ വിമാനങ്ങള് ഇറക്കനാവൂ. റണ്വെയുടെ നീളം വര്ദ്ധിപ്പിക്കാനായി ഭൂമി ഏറ്റെടുക്കാനുളള നടപടികള് ഉടന് ആരംഭിക്കും.
Fact Check
മണിപ്പൂര് കത്തുന്നു; വീടുകള്ക്ക് തീയിട്ടു, വെടിവെയപ്; സംഘര്ഷത്തില് പരിക്കേറ്റ പൊലീസുകാരന് മരിച്ചു
മണിപ്പൂരില് സംഘര്ഷം തുടരുന്നു. ചെക്ക്ക്കോണ് മേഖലയില് വീടുകള് തീയിട്ടു. ക്വക്തയില് രാത്രിയിലും വെടിവെപ്പ് ഉണ്ടായി. കഴിഞ്ഞ ദിവസത്തെ സംഘര്ഷത്തില് പരിക്കേറ്റ ഒരു പൊലീസുകാരന് കൂടി കൊല്ലപ്പെട്ടതായി റിപ്പോര്ട്ട് പുറത്തുവന്നിട്ടുണ്ട്.
ഇംഫാല് വെസ്റ്റില് ആയുധങ്ങള് കൊള്ളയടിക്കാന് ശ്രമിച്ച 4 പേര് അറസ്റ്റിലായി. കേന്ദ്ര മന്ത്രി അമിത് ഷാ ഇന്ന് കുക്കി നേതാക്കളുമായി കൂടിക്കാഴ്ച്ച നടത്തും. മണിപ്പൂരിലെ കൂട്ട ബലാത്സംഗക്കേസുമായി ബന്ധപ്പെട്ട് 5 പൊലീസുകാര്ക്ക് കൂടി സസ്പെന്ഷന്. നിയമസഭാ സമ്മേളനം വിളിച്ചു കൂട്ടുന്നതിലെ കാലതാമസത്തിനെതിരെ സര്ക്കാരിനെ ബഹിഷ്ക്കരിക്കാന് മെയ്തെയ് സംഘടന ആഹ്വാനം ചെയ്തിട്ടുണ്ട്.
-
india3 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
News3 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala20 hours agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala19 hours agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala20 hours agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala16 hours agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala22 hours agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്