EDUCATION
പൊതുവിദ്യാലയങ്ങളില് 84,000 കുട്ടികള് കുറഞ്ഞു; തലയെണ്ണല് കണക്ക് പുറത്തു വിടാതെ സര്ക്കാര്
ജൂലായ് 15നു പ്രസിദ്ധീകരിക്കേണ്ടിയിരുന്ന തലയെണ്ണല് കണക്ക് സര്ക്കാര് ഇതുവരെ പുറത്തുവിട്ടിട്ടില്ല.
ഈ അധ്യയന വര്ഷത്തെ ആറാം പ്രവൃത്തി ദിനത്തിലെ കണക്കെടുപ്പില് പൊതു വിദ്യാലയങ്ങളില് കഴിഞ്ഞ വര്ഷത്തേക്കാള് 84,000 വിദ്യാര്ഥികള് കുറഞ്ഞെന്ന് കണ്ടെത്തല്. എന്നാല്, ജൂലായ് 15നു പ്രസിദ്ധീകരിക്കേണ്ടിയിരുന്ന തലയെണ്ണല് കണക്ക് സര്ക്കാര് ഇതുവരെ പുറത്തുവിട്ടിട്ടില്ല. ഈ വര്ഷം ഇത്രയേറെ കുട്ടികള് എങ്ങനെ കുറഞ്ഞെന്ന് ആലോചിച്ചു തലപുകയ്ക്കുകയാണ് വിദ്യാഭ്യാസവകുപ്പ്.
കൊവിഡ് വേളയില് പൊതുവിദ്യാലയങ്ങളില് എത്തിച്ചേര്ന്ന വിദ്യാര്ഥികള് അണ് എയ്ഡഡ് സ്കൂളുകളിലേക്ക് മടങ്ങാന് തുടങ്ങിയത് ഒരു കാരണമായി ചൂണ്ടിക്കാട്ടുന്നു. ജനനനിരക്കിലെ കുറവും വിദ്യാര്ഥികള് കുറയാനുള്ള കാരണമാവാമെന്ന് വിദ്യാഭ്യാസവകുപ്പ് ഉദ്യോഗസ്ഥര് പറയുന്നു.
കഴിഞ്ഞ അധ്യയനവര്ഷത്തെ ആറാം പ്രവൃത്തിദിന കണക്കുകളനുസരിച്ച് ഒന്നുമുതല് പത്തുവരെ ക്ലാസുകളിലായി 38,32,395 കുട്ടികളുണ്ടായിരുന്നു. 3,03,168 കുട്ടികള് ഒന്നാം ക്ലാസില് പ്രവേശനം നേടിയിരുന്നു. ഈ വര്ഷം എത്രപേര് ഒന്നാം ക്ലാസിലും മറ്റു ക്ലാസുകളിലുമായി ചേര്ന്നുവെന്നതിന്റെ വേര്തിരിച്ചുള്ള കണക്കുകള് വിദ്യാഭ്യാസവകുപ്പ് വ്യക്തമാക്കിയിട്ടില്ല.
കഴിഞ്ഞവര്ഷംമുതല് വിദ്യാര്ഥികളുടെ കുറവ് പ്രകടമായിരുന്നു. 2021-22ല് 3.05 ലക്ഷം കുട്ടികള് ഒന്നാം ക്ലാസില് ചേര്ന്നെങ്കില് 202223ല് 3.03 ലക്ഷം പേരായി. 2246 കുട്ടികളുടെ കുറവ്. എന്നാല്, രണ്ടുമുതല് 10 വരെ ക്ലാസുകളിലായി 1.19 ലക്ഷം കുട്ടികള് പുതുതായിവന്നതിനാല് ഈ കുറവ് പ്രകടമായില്ല. ഈ വര്ഷം 84,000 വിദ്യാര്ഥികളുടെ കുറവുണ്ടെങ്കിലും ഇത്രയും കുട്ടികള് അണ്എയ്ഡഡ് ഉള്പ്പെടെയുള്ള സ്കൂളുകളിലേക്കു കൂടുമാറിയതാണോ എന്നതിന് വിദ്യാഭ്യാസവകുപ്പില് കണക്കില്ല. അതേസമയം, സി.ബി.എസ്.ഇ. സ്കൂളുകളില് അരലക്ഷത്തോളം വിദ്യാര്ഥികള് കൂടിയിട്ടുണ്ടെന്നാണ് അനൗദ്യോഗിക വിലയിരുത്തല്.
ആധാര് പിഴവുകള് തിരുത്താന് സമയം അനുവദിച്ചതിനാലാണ് ഈ വര്ഷത്തെ അന്തിമറിപ്പോര്ട്ട് വൈകുന്നതെന്നാണ് ഔദ്യോഗിക വിശദീകരണം.
കൊവിഡ് വേളയില് രക്ഷിതാക്കള് വരുമാനപ്രതിസന്ധി നേരിട്ടതിനാല് പൊതുവിദ്യാലയങ്ങളില് കുട്ടികളുടെ എണ്ണം വര്ധിച്ചിരുന്നു. 202021 വര്ഷം ഒന്നാം ക്ലാസില് 2.76 ലക്ഷം പേര് ചേര്ന്നത് 202122ല് 3.05 ലക്ഷമായത് അങ്ങനെയായിരുന്നു. ഒന്നാം ക്ലാസില് മാത്രം 28,482 കുട്ടികള് കൂടി.
2022-23ല് ഒന്നാം ക്ലാസില് രണ്ടായിരത്തിലേറെ കുട്ടികള് കുറഞ്ഞെങ്കിലും അഞ്ചാം ക്ലാസില് 32,545 പേരും എട്ടില് 28,791 പേരും പുതുതായി ചേര്ന്നു. അണ് എയ്ഡഡ് സ്കൂളുകളില്നിന്നും 24 ശതമാനവും മറ്റു സിലബസുകളിലെ 76 ശതമാനവും കുട്ടികള് പൊതുവിദ്യാലയങ്ങളിലെത്തി
കൊവിഡിനെത്തുടര്ന്ന് സി.ബി.എസ്.ഇ. വിദ്യാര്ഥികളുടെ എണ്ണം ഏഴരലക്ഷമായി കുറഞ്ഞിരുന്നു. ഇത് കഴിഞ്ഞവര്ഷം എട്ടുലക്ഷമായി കൂടി. ഇത്തവണ 40,00050,000 വിദ്യാര്ഥികളുടെ വര്ധനയുണ്ടെന്നാണ് സി.ബി.എസ്.ഇ. സ്കൂള് മാനേജ്മെന്റ് അസോസിയേഷന്റെ തീരുമാനം.
EDUCATION
പത്താംതരാം തുല്യതാ പരീക്ഷയ്ക്ക് ഷാർജയിലും സെന്റർ, യുഎഇയിൽ പരീക്ഷ നടക്കുന്നത് അഞ്ച് വർഷത്തിന് ശേഷം
കേരള സംസ്ഥാന സാക്ഷരതാമിഷന്റെ നേതൃത്വത്തിൽ നടത്തിവരുന്ന പത്താംതരം തുല്യതാ കോഴ്സിലെ പതിനെട്ടാം ബാച്ചിന്റെ പരീക്ഷ നവംബർ എട്ട് മുതൽ പതിനെട്ട് വരെ വിവിധ പരീക്ഷാകേന്ദ്രങ്ങളിൽ നടക്കും.
മലയാളം, തമിഴ്, കന്നഡ മീഡിയങ്ങളിൽ ആകെ 8,252 പേരാണ് ഗ്രേഡിങ് രീതിയിലുള്ള പരീക്ഷ എഴുതുന്നത്. അഞ്ച് വർഷങ്ങൾക്ക് ശേഷം യു എ ഇ യിലെ പഠിതാക്കൾ തുല്യതാപഠനത്തിന്റെ ഭാഗമാകുന്നു എന്ന പ്രത്യേകതയും ഈ വർഷത്തെ പത്താംതരാം തുല്യതാപരീക്ഷയ്ക്കുണ്ട്.
കേരളത്തിലും യുഎഇയിലുമായി 181 പരീക്ഷാകേന്ദ്രങ്ങളാണ് ക്രമീകരിച്ചിരിക്കുന്നത്. ഷാർജയിലെ അജ്മാനിലുള്ള ന്യൂ ഇന്ത്യൻ മോഡൽ സ്കൂളാണ് യുഎഇയിലെ ഏക പരീക്ഷാകേന്ദ്രം. 24 പഠിതാക്കളാണ് ഇവിടെ പരീക്ഷ എഴുതുന്നത്.
ഒമ്പത് പേപ്പറുകൾ ഉൾപ്പെടുന്ന പരീക്ഷയിൽ എല്ലാ പേപ്പറുകൾക്കും എഴുത്തുപരീക്ഷയും തുടർമൂല്യനിർണ്ണയവും ഉണ്ടായിരിക്കും. 2025ൽ ആദ്യമായി പരീക്ഷ എഴുതുന്ന വിദ്യാർത്ഥികൾ മുഴുവൻ പേപ്പറുകളും എഴുതണം.
കേരളസർക്കാരിന്റെ തുടർ സാക്ഷരതാ പ്രവർത്തനത്തിന്റെ ഭാഗമായി സംസ്ഥാന സാക്ഷരതാമിഷന്റെ നേതൃത്വത്തിൽ 2005ലാണ് തുല്യതാപഠനം ആരംഭിക്കുന്നത്. 2024-25 അധ്യയന വർഷത്തെ പഠിതാക്കൾക്കുള്ള പരീക്ഷയാണ് നിലവിൽ നടക്കാൻ പോകുന്നത്.
ഉപരിപഠനത്തിനോ മറ്റു ജോലി ആവശ്യങ്ങൾക്കോ പത്താംതരാം തുല്യതാ പരീക്ഷ സർട്ടിഫിക്കറ്റ് എസ് എസ് എൽ സിക്ക് തുല്യമായി കേരളസർക്കാർ അംഗീകരിച്ചിട്ടുണ്ട്.
തിരുവനന്തപുരം: ആയൂര്വേദ, ഹോമിയോ, സിദ്ധ, യുനാനി, മെഡിക്കല് അനുബന്ധ കോഴ്സുകളിലേക്കുള്ള മൂന്നാംഘട്ട അലോട്ട്മെന്റിനുശേഷം ഒഴിവുള്ള സീറ്റുകളിലേക്ക് സ്ട്രേ വേക്കന്സി ഫില്ലിങ് അലോട്ട്മെന്റ് നടത്തുന്നു. നവംബര് 10ന് ഉച്ചക്ക് 12.30 വരെ ഓണ്ലൈനായി ഓപ്ഷനുകള് രജിസ്റ്റര് ചെയ്യാം. വിശദ വിജ്ഞാപനം www.cee.kerala.gov.in ല്. ഹെല്പ് ലൈന് നമ്പര്: 0471-2332120, 2338487.
EDUCATION
സെറ്റ് ജനുവരി 2026; നവംബര് 28 വരെ അപേക്ഷിക്കാം
ഓണ്ലൈനില് നവംബര് 28 വൈകീട്ട് അഞ്ചുമണിവരെ രജിസ്റ്റര് ചെയ്യാം.
ഹയര്സെക്കന്ഡറി, നോണ് വൊക്കേഷനല് ഹയര്സെക്കന്ഡറി അധ്യാപക നിയമനത്തിനുള്ള സംസ്ഥാനതല യോഗ്യതാ നിര്ണയ പരീക്ഷയായ ‘സെറ്റ് ജനുവരി 2026’ന് ഇപ്പോള് അപേക്ഷിക്കാം. എല്.ബി.എസ്. സെന്ററിനാണ് പരീക്ഷാ ചുമതല. പരീക്ഷാതീയതി പിന്നീട് അറിയിക്കും. വിജ്ഞാപനവും വിശദവിവരങ്ങളുമടങ്ങിയ പ്രോസ്പെക്ടസ് https://www.lbscentre.kerala.gov.in ല് ലഭിക്കും. ഫീസ് 1300 രൂപ. എസ്.സി/എസ്.ടി/ഭിന്നശേഷി വിഭാഗത്തിന് 750 രൂപ മതി. ഓണ്ലൈനില് നവംബര് 28 വൈകീട്ട് അഞ്ചുമണിവരെ രജിസ്റ്റര് ചെയ്യാം.
വിഷയങ്ങള്: സെറ്റ് പേപ്പര് രണ്ടില് 31 വിഷയങ്ങള് ഉള്ക്കൊള്ളിച്ചിട്ടുണ്ട്. അറബിക്, ബോട്ടണി, കെമിസ്ട്രി, കോമേഴ്സ്, ഇക്കണോമിക്സ്, ഇംഗ്ലീഷ്, ഫ്രഞ്ച്, ജ്യോഗ്രഫി, ജിയോളജി, ജര്മന്, ഹിന്ദി, ഹിസ്റ്ററി, ഹോം സയന്സ്, ജേണലിസം, ലാറ്റിന്, മലയാളം, മാത്തമാറ്റിക്സ്, മ്യൂസിക്, ഫിലോസഫി, ഫിസിക്സ്, പൊളിറ്റിക്കല് സയന്സ്, സൈക്കോളജി, റഷ്യന്, സംസ്കൃതം, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക്, ഉര്ദു, സുവോളജി, ബയോടെക്നോളജി എന്നീ വിഷയങ്ങളിലാണ് പരീക്ഷ. 14 ജില്ലകളിലും പരീക്ഷാ കേന്ദ്രങ്ങളുണ്ടാവും.
പരീക്ഷ: സെറ്റില് രണ്ട് പേപ്പറുകളാണുള്ളത്. പേപ്പര് ഒന്ന് എല്ലാവര്ക്കും പൊതുവാണ്. പൊതുവിജ്ഞാനം, അധ്യാപന അഭിരുചി അളക്കുന്ന ചോദ്യങ്ങളുണ്ടാവും. പേപ്പര് രണ്ടില് പരീക്ഷാര്ഥി തിരഞ്ഞെടുക്കപ്പെടുന്ന വിഷയത്തെ ആസ്പദമാക്കിയിട്ടുള്ള ചോദ്യങ്ങളാണുണ്ടാവുക. ഓരോ പേപ്പറിനും രണ്ട് മണിക്കൂര് വീതം ലഭിക്കും. പേപ്പര് ഒന്നില് 120 ചോദ്യങ്ങള്. ഓരോ മാര്ക്കുവീതം. പേപ്പര് രണ്ടിലും 120 ചോദ്യങ്ങള്. ഇതില് 80 ചോദ്യങ്ങള് മാത്തമാറ്റിക്സിലും സ്റ്റാറ്റിസ്റ്റിക്സിലും. ഒന്നര മാര്ക്ക് വീതം. മറ്റ് വിഷയങ്ങള്ക്കുള്ള ചോദ്യങ്ങള്ക്ക് ഓരോ മാര്ക്ക് വീതം. പരീക്ഷാഘടനയും സിലബസും മൂല്യനിര്ണയ തീയതിയും പ്രോസ്പെക്ടസിലുണ്ട്.
സെറ്റില് യോഗ്യത നേടുന്നതിന് ജനറല് വിഭാഗത്തില്പ്പെടുന്നവര് പേപ്പര് ഒന്നിലും രണ്ടിലും 40 മാര്ക്ക് വീതവും മൊത്തത്തില് 48 മാര്ക്കും നേടണം. ഒ.ബി.സി, നോണ് ക്രീമിലെയര് വിഭാഗത്തിന് യഥാക്രമം 35, 45 മാര്ക്ക് വീതവും എസ്.സി/എസ്.ടി/ഭിന്നശേഷി വിഭാഗങ്ങളില്പ്പെടുന്നവര്ക്ക് 35, 40 മാര്ക്ക് വീതവും നേടേണ്ടതുണ്ട്. ഇങ്ങനെ യോഗ്യത നേടുന്നവര്ക്ക് ‘സെറ്റ് പാസ് സര്ട്ടിഫിക്കറ്റ്’ ലഭിക്കും.
യോഗ്യത: ബന്ധപ്പെട്ട വിഷയത്തില് 50 ശതമാനം മാര്ക്കില്/ തത്തുല്യ ഗ്രേഡില് കുറയാതെ മാസ്റ്റേഴ്സ് ബിരുദവും ഏതെങ്കിലും വിഷയത്തില് ബി.എഡും ഉള്ളവര്ക്ക് സെറ്റിന് അപേക്ഷിക്കാം.
മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി വിഷയത്തില് എം.എസ്.സി.എഡ് (50 ശതമാനം മാര്ക്കില് / തത്തുല്യ ഗ്രേഡില് കുറയരുത്) ഉള്ളവര്ക്കും അപേക്ഷിക്കാം.
കോമേഴ്സ്, ഫ്രഞ്ച്, ജര്മന്, ജിയോളജി, ഹോംസയന്സ്, ജേണലിസം, ലാറ്റിന്, മ്യൂസിക്, ഫിലോസഫി, സൈക്കോളജി, റഷ്യന്, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക് പി.ജികള്ക്ക് ബി.എഡ് വേണമെന്നില്ല.
അറബിക്, ഉര്ദു, ഹിന്ദി വിഷയങ്ങളില് ഡി.എല്.എഡ്/ എല്.ടി.ടി.സി ഉള്ളവര്ക്ക് ബി.എഡ് ഇല്ലെങ്കിലും അപേക്ഷിക്കാന് അര്ഹതയുണ്ട്. ബയോളജി പി.ജിക്കാര്ക്ക് നാച്വറല് സയന്സില് ബി.എഡ് മതിയാകും. പി.ജി നേടി അവസാനവര്ഷം ബി.എഡ് പഠിക്കുന്നവര്ക്കും ബി.എഡ് നേടി അവസാനവര്ഷം പി.ജിക്ക് പഠിക്കുന്നവര്ക്കും നിബന്ധനകള്ക്ക് വിധേയമായി അപേക്ഷിക്കാം. സെറ്റ് എഴുതുന്നതിന് പ്രായപരിധിയില്ല. രണ്ടാം വര്ഷ പി.ജി/ബി.എഡ് വിദ്യാര്ഥികള് സെറ്റിന് അപേക്ഷിക്കാന് അര്ഹരല്ല.
-
india19 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News20 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala19 hours agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി