Culture
യു.പി മുഖ്യമന്ത്രി അഖിലേഷ് യാദവിനെപാര്ട്ടിയില് നിന്ന് പുറത്താക്കി; എസ്പി പിളര്ന്നു
ഉത്തര്പ്രദേശ് മുഖ്യമന്ത്രി അഖിലേഷ് യാദവിനെ സമാജ്വാദി പാര്ട്ടിയില് നിന്ന് പുറത്താക്കി. യു.പിയിലെ യാദവ രാഷ്ട്രീയത്തില് ഏതാനും മാസമായി നിലനിന്ന ശീതസമരമാണ് ഇന്നലെ പൊട്ടിത്തെറിയില് കലാശിച്ചത്. പുറത്താക്കല് നടപടിയുടെ പശ്ചാത്തലത്തില് യു.പി മുഖ്യമന്ത്രി സ്ഥാനത്തുനിന്ന് അഖിലേഷ് രാജിവെച്ചേക്കുമെന്ന് റിപ്പോര്ട്ടുണ്ട്. ഇന്ന് കാലത്ത് ഒമ്പതു മണിക്ക് തന്നെ അനുകൂലിക്കുന്ന എം.എല്.എമാരുടെ യോഗം അഖിലേഷ് യാദവ് വിളിച്ചുചേര്ത്തിട്ടുണ്ട്. ഇതിനു ശേഷം പാര്ട്ടി നേതാക്കളുമായും കൂടിക്കാഴ്ച നടത്തും. തുടര്ന്നായിരിക്കും രാജിയും രാഷ്ട്രീയ ഭാവിയും സംബന്ധിച്ച തീരുമാനങ്ങള് പ്രഖ്യാപിക്കുക.
നിയമസഭാ തെരഞ്ഞെടുപ്പിന് രണ്ടു മാസം മാത്രം ശേഷിക്കെ ഭരണകക്ഷി കൂടിയായ സമാജ്വാദി പാര്ട്ടിയിലുണ്ടായ പിളര്പ്പ് യു.പി രാഷ്ട്രീയത്തിന്റെ ഗതിതന്നെ മാറ്റിമറിച്ചേക്കുമെന്നാണ് റിപ്പോര്ട്ട്. അഖിലേഷ് യാദവിനൊപ്പം പിതൃസഹോദരനും രാജ്യസഭാംഗവുമായ രാം ഗോപാല് യാദവിനെയും പാര്ട്ടിയില് നിന്ന് പുറത്താക്കിയിട്ടുണ്ട്. മുലായം സിങ് യാദവിന്റെ മറ്റൊരു സഹോദരന് ശിവപാല് യാദവിനെ യു.പി മുഖ്യമന്ത്രിയാക്കിയേക്കുമെന്ന് സൂചനയുണ്ട്. പുതിയ മുഖ്യമന്ത്രിയെ താന് തന്നെ തീരുമാനിക്കുമെന്ന് മുലയാംസിങ് വ്യക്തമാക്കി.
തുടര്ച്ചയായി അച്ചടക്ക ലംഘനം നടത്തിയ പശ്ചാത്തലത്തിലാണ് ഇരുവരേയും ആറു വര്ഷത്തേക്ക് പാര്ട്ടിയുടെ പ്രാഥമികാംഗത്വത്തില് നിന്ന് സസ്പെന്റു ചെയ്യുന്നതെന്ന് മുലായംസിങ് യാദവ് പറഞ്ഞു. ശിവപാല് യാദവിനെ എസ്.പി സംസ്ഥാന പ്രസിഡണ്ടു പദവിയില് നിയമിച്ചതുമായി ബന്ധപ്പെട്ടാണ് സമാജ്വാദി പാര്ട്ടിയില് ആഭ്യന്തര കലഹത്തിന് തുടക്കമായത്. ശിവപാല് അനുകൂലികളെ മന്ത്രിസഭയില് നിന്ന് പുറത്താക്കി അഖിലേഷും അഖിലേഷ് അനുയായികളെ പാര്ട്ടി നേതൃപദവിയില് നിന്ന് പുറത്താക്കി ശിവപാലും നേര്ക്കുനേര് നിലയുറപ്പിച്ചതോടെ കലഹം രൂക്ഷമായി. മുലായംസിങ് യാദവ് നടത്തിയ മാരത്തണ് മധ്യസ്ഥ ശ്രമങ്ങള്ക്കൊടുവില് ഇരുവരും വെടിനിര്ത്തലിന് തയ്യാറായതോടെ പ്രശ്നങ്ങള് ഒരുവിധം കെട്ടടങ്ങി.
നിയമസഭാ തെരഞ്ഞെടുപ്പിനുള്ള സ്ഥാനാര്ത്ഥി നിര്ണയവുമായി ബന്ധപ്പെട്ടാണ് പ്രശ്നങ്ങള് വീണ്ടും തലപൊക്കിയത്. സ്വന്തം നിലയില് സ്ഥാനാര്ത്ഥി പട്ടിക തയ്യാറാക്കി അഖിലേഷ് തന്നെയാണ് പടയൊരുക്കത്തിന് തുടക്കം കുറിച്ചത്. ഇത് തള്ളിയ മുലായം 325 സീറ്റുകളിലേക്കുള്ള സ്ഥാനാര്ത്ഥി പട്ടിക തയ്യാറാക്കി. ലിസ്റ്റിന് പാര്ട്ടി അംഗീകാരം നല്കിയതായി വ്യാഴാഴ്ച എസ്.പി വൃത്തങ്ങള് വ്യക്തമാക്കുകയും ചെയ്തു. എന്നാല് അന്നു രാത്രി തന്നെ 200 പേരുടെ ബദല് പട്ടികയുമായി അഖിലേഷ് യാദവ് രംഗത്തെത്തി. സമവായ ശ്രമങ്ങള് സാധ്യമല്ലെന്ന് വ്യക്തമായതോടെയാണ് മുലായം കടുത്ത നടപയിലേക്ക് നീങ്ങിയത്.
entertainment
ദുല്ഖര് സല്മാന് ചിത്രം ‘ ഐ ആം ഗെയിം’ ഫസ്റ്റ് ലുക്ക് റിലീസ് നവംബര് 28ന്
വൈകുന്നേരം 6 മണിക്കാണ് ചിത്രത്തിന്റെ ഫസ്റ്റ് ലുക്ക് പുറത്ത് വിടുക.
ദുല്ഖര് സല്മാന് നായകനാവുന്ന ‘ഐ ആം ഗെയിം’ ഫസ്റ്റ് ലുക്ക് റിലീസ് തീയതി പുറത്ത്. നവംബര് 28 വെള്ളിയാഴ്ച, വൈകുന്നേരം 6 മണിക്കാണ് ചിത്രത്തിന്റെ ഫസ്റ്റ് ലുക്ക് പുറത്ത് വിടുക. നഹാസ് ഹിദായത്ത് സംവിധാനം ചെയ്യുന്ന ചിത്രം, വേഫെറര് ഫിലിംസിന്റെ ബാനറില് ദുല്ഖര് സല്മാന്, ജോം വര്ഗീസ് എന്നിവര് ചേര്ന്നാണ് നിര്മ്മിക്കുന്നത്. സജീര് ബാബ, ഇസ്മായില് അബൂബക്കര്, ബിലാല് മൊയ്തു എന്നിവര് തിരക്കഥ രചിച്ച ചിത്രത്തിന്റെ സംഭാഷണങ്ങള് ഒരുക്കിയത് ആദര്ശ് സുകുമാരനും ഷഹബാസ് റഷീദുമാണ്. ആര്ഡിഎക്സ് എന്ന സൂപ്പര് ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ചിത്രമാണ് ‘ഐ ആം ഗെയിം’.
ഇപ്പൊള് ഈ ബിഗ് ബഡ്ജറ്റ് ആക്ഷന് ത്രില്ലര് ചിത്രത്തിന്റെ ചിത്രീകരണം പുരോഗമിക്കുകയാണ്. ദുല്ഖര് സല്മാന്റെ നാല്പതാം ചിത്രമായി ഒരുക്കുന്ന ‘ഐ ആം ഗെയിം’ ല് ദുല്ഖര് സല്മാനൊപ്പം ആന്റണി വര്ഗീസ്, തമിഴ് നടനും സംവിധായകനുമായ മിഷ്കിന്, കതിര്, പാര്ത്ഥ് തിവാരി, തമിഴ് നായികാ താരം സംയുക്ത വിശ്വനാഥന് എന്നിവരും വേഷമിടുന്നുണ്ട്. കബാലി, കെജിഎഫ് സീരിസ്, കൈതി, വിക്രം, ലിയോ, സലാര് എന്നീ പാന് ഇന്ത്യന് ചിത്രങ്ങളുടെ സംഘട്ടന സംവിധാനം നിര്വഹിച്ചിട്ടുള്ള അന്പറിവ് മാസ്റ്റേഴ്സ് ‘ആര്ഡിഎക്സ്’ എന്ന ചിത്രത്തിന് ശേഷം വീണ്ടും നഹാസ് ഹിദായത്തുമായി കൈകോര്ക്കുന്ന ചിത്രം കൂടിയാണ് ‘ഐ ആം ഗെയിം’.
ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമന് ചാക്കോ, പ്രൊഡക്ഷന് ഡിസൈനര്- അജയന് ചാലിശ്ശേരി, മേക്കപ്പ് – റോണക്സ് സേവ്യര്. കോസ്റ്റ്യൂം- മഷര് ഹംസ, പ്രൊഡക്ഷന് കണ്ട്രോളര്- ദീപക് പരമേശ്വരന്, അസോസിയേറ്റ് ഡയറക്ടര്- രോഹിത് ചന്ദ്രശേഖര്. ഗാനരചന- മനു മഞ്ജിത്ത്, വിനായക് ശശികുമാര്, VFX – തൗഫീഖ് – എഗ്വൈറ്റ്, പോസ്റ്റര് ഡിസൈന്- ടെന് പോയിന്റ്, സൗണ്ട് ഡിസൈന്- സിങ്ക് സിനിമ, സൗണ്ട് മിക്സ് – കണ്ണന് ഗണപത്, സ്റ്റില്സ്- എസ് ബി കെ, പിആര്ഒ- ശബരി
മമ്മൂട്ടി ആരാധകര് ഏറെ കാത്തിരുന്ന ‘കളങ്കാവല്’ റിലീസ് തീയതി ഒടുവില് പ്രഖ്യാപിച്ചു. ജിതിന് കെ. ജോസ് സംവിധാനം ചെയ്യുന്ന ചിത്രം ഡിസംബര് 5ന് തിയറ്ററുകളിലെത്തുമെന്ന് അണിയറ പ്രവര്ത്തകര് അറിയിച്ചു. മുമ്പ് നവംബര് 27 എന്നാണ് റിലീസ് നിശ്ചയിച്ചിരുന്നത്, എന്നാല് പിന്നീടാണ് തീയതി മാറ്റിയത്. ടീസറില് നിന്നുമാണ് മമ്മൂട്ടി ശക്തമായ വില്ലന് വേഷത്തില് എത്തുന്നുവെന്ന നിഗമനം പ്രേക്ഷകരിലുണ്ടായത്.
യഥാര്ത്ഥ സംഭവങ്ങളെ ആസ്പദമാക്കിയാണു തിരക്കഥ തയ്യാറാക്കിയിരിക്കുന്നത്. ജിഷ്ണു ശ്രീകുമാറും സംവിധായകന് ജിതിന് കെ. ജോസും ചേര്ന്നാണ് തിരക്കഥ രചിച്ചിരിക്കുന്നത്. ‘കുറുപ്പ്’ സിനിമയുടെ കഥയും ജിതിന് തന്നെയായിരുന്നു ഒരുക്കിയത്. ഈ ചിത്രത്തില് മമ്മൂട്ടി ഒരു സീരിയല് കില്ലറുടെ വേഷത്തിലാണ് എത്തുന്നത്. വിനായകന് ഒരുപ്രത്യേക പൊലീസ് ഓഫിസറുടെ വേഷം കൈകാര്യം ചെയ്യുന്നു. ജിബിന് ഗോപിനാഥും പ്രധാന കഥാപാത്രമായി അഭിനയിക്കുന്നു.
Film
ഐ.എഫ്.എഫ്.കെ : അന്താരാഷ്ട്ര മത്സരത്തില് രണ്ട് മലയാള ചിത്രങ്ങള്
ആദ്യ ദിവസമേ 5,000ത്തിലധികം പേരാണ് രജിസ്റ്റര് ചെയ്തത്.
തിരുവനന്തപുരം: ഡിസംബര് 12 മുതല് 19 വരെ നടക്കുന്ന 29ണ്ടാം കേരള രാജ്യാന്തര ചലച്ചിത്ര മേളക്കായുള്ള (ഐ.എഫ്.എഫ്.കെ) ഡെലിഗേറ്റ് രജിസ്ട്രേഷന് തുടങ്ങി. ആദ്യ ദിവസമേ 5,000ത്തിലധികം പേരാണ് രജിസ്റ്റര് ചെയ്തത്. മേളയിലെ ഇന്ത്യന് സിനിമ ഇന്ന് വിഭാഗത്തില് ആകെ ഏഴ് ചിത്രങ്ങളാണ്. ഈ വിഭാഗത്തിലെ ഏക മലയാളചിത്രമായി ദേശീയപുരസ്കാരജേതാവ് സജിന് ബാബു സംവിധാനം ചെയ്ത ‘തിയേറ്റര്’ ഉള്പ്പെടുത്തി.
കൂടാതെ കന്നഡ ചിത്രം അമ്മാങ് ഹില്ബെഡാ (Don’t tell mother), ഹിന്ദി ചിത്രങ്ങളായ ലാപ്റ്റീന്, ഫുള് പ്ലേറ്റ്, അലാവ്, സോങ്സ് ഓഫ് ഫര്ഗോട്ടണ് ട്രീസ്, ബംഗാളി ചിത്രം മൊറിചിക (Mirage) എന്നിവയും ഉള്പ്പെടുന്നു. അന്താരാഷ്ട്ര മത്സരവിഭാഗത്തില് 14 ചിത്രങ്ങളാണ് ഇത്തവണ. ഇതില് രണ്ട് മലയാള ചിത്രങ്ങള് ശ്രദ്ധേയമാണ് ഉണ്ണികൃഷ്ണന് ആവള സംവിധാനം ചെയ്ത ‘തന്തപ്പേര്’, സഞ്ജു സുരേന്ദ്രന്റെ ‘ഇഫ് ഓണ് എ വിന്റേഴ്സ് നൈറ്റ’്. അഞ്ച് സ്പാനിഷ് ചിത്രങ്ങള്ക്കും പ്രമുഖ സ്ഥാനമുണ്ട്.
ബിഫോര് ദി ബോഡി, ക്യൂര്പോ സിലെസ്റ്റ്, ഹൈഡ്ര, കിസ്സിങ് ബഗ്, ദി കറണ്ട്സ്. അന്താരാഷ്ട്ര മത്സരത്തില് റഷ്യന് ചിത്രം ‘ബാക്ക്’റാബിറ്റ്, വൈറ്റ്’റാബിറ്റ്’, അഫ്ഗാന്പേര്ഷ്യന് ചിത്രം ‘സിനിമാ ജസീറ’, ബംഗാളി ‘ഷാഡോ ബോക്സ്’, ഖസാക്കി ‘ദി എലീസ്യന് ഫീല്ഡ്’, അറബി ‘ദി സെറ്റില്മെന്റ്’, ജാപ്പനീസ് ‘ടു സീസണ്സ്, ടു ട്രെയ്ഞ്ചേഴ്സ്’, ചൈനീസ് ‘യെന് ആന്ഡ് ഐലീ’ എന്നിവയും പ്രദര്ശിപ്പിക്കും. മലയാള സിനിമ ഇന്ന് വിഭാഗത്തില് 12 ചിത്രങ്ങളുണ്ട്: സമസ്താ ലോക, അംബ്രോസിയ, കാത്തിരിപ്പ്, ചാവുകല്യാണം, മോഹം, എബ്ബ്, പെണ്ണും പൊറാട്ടും, ഒരു അപസാരക കഥ, അന്യരുടെ ആകാശങ്ങള്, ആദി സ്നേഹത്തിന്റെ വിരുന്നുമേശ, ശവപ്പെട്ടി, ശേഷിപ്പ് എന്നിവ.
-
News2 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
News10 hours agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala2 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
gulf2 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
kerala2 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
india2 days agoനീലഗിരിയില് കടുവ ആക്രമണം; വയോധികയെ കൊലപ്പെടുത്തി ശരീരഭാഗങ്ങള് ഭക്ഷിച്ചതായി റിപ്പോര്ട്ട്
-
kerala3 days ago5 ലക്ഷം വീടുകള്, എമര്ജന്സി റോഡ് ടീം, വാര്ഡുകള്ക്ക് ഉപാധിരഹിത ഫണ്ട്; യുഡിഎഫിന്റെ പ്രകടനപത്രിക പുറത്തിറക്കി