Connect with us

kerala

വെള്ള കാര്‍ഡുള്ളവരെ സര്‍ക്കാര്‍ അവഗണിക്കുന്നതായി പരാതി

സംസ്ഥാനത്ത് 14,235 റേഷന്‍ കടകളിലായി 26,33402 വെള്ള റേഷന്‍ കാര്‍ഡകളാണ് ഉള്ളത്

Published

on

വെള്ള റേഷന്‍ കാര്‍ഡുള്ളവരെ സര്‍ക്കാര്‍ പൂര്‍ണ്ണമായി അവഗണിക്കുന്നതായി പരാതി. സംസ്ഥാനത്ത് 14,235 റേഷന്‍ കടകളിലായി 26,33402 വെള്ള റേഷന്‍ കാര്‍ഡകളാണ് ഉള്ളത്. നിരവധി കുടുംബങ്ങള്‍ ബിപിഎല്‍ കാര്‍ഡിന് അര്‍ഹത ഉണ്ടായിട്ടും അതിന്റെ യാതൊരു ആനുകൂല്യങ്ങളും ലഭിക്കാതെ പോകുകയാണ്. റേഷന്‍ സാധനങ്ങളില്‍ കേന്ദ്ര സര്‍ക്കാര്‍ നല്‍കുന്ന അരിയും ഗോതമ്പും, സംസ്ഥാന സര്‍ക്കാര്‍ സബ്‌സിഡിയുള്ള സാധനങ്ങളും വെള്ള കാര്‍ഡുകാര്‍ക്ക് ലഭ്യമല്ല. ഈ മാസം കേവലം മൂന്ന് കിലോ അരി മാത്രമാണ് ഇവര്‍ക്ക് ഒരു മാസത്തേക്ക് ലഭിക്കുന്നത്. കാര്‍ഡില്‍ ഒരാള്‍ ആയാലും പത്ത് പേരായാലും ഈ മൂന്ന് കിലോ മാത്രമേ അവര്‍ക്കുള്ളൂ. ഇത് ഒരു മാസത്തേക്ക് എന്ത് ചെയ്യാനാവുമെന്നാണ് പലരും ചോദിക്കുന്നത്.

വീടിന്റെ വിസ്തീര്‍ണ്ണം ആയിരം സ്‌ക്വയര്‍ ഫീറ്റില്‍ അധികരിക്കുകയോ, പട്ടണപ്രദേശത്ത് സ്വന്തമായി വീട് വെയ്ക്കാന്‍ ആവശ്യമായ സ്ഥല സൗകര്യമില്ലാത്തതിനാല്‍ മുകളില്‍ നില നിര്‍മ്മിക്കുകയോ ചെയ്തവര്‍ക്ക് സാമ്പത്തിക നില പരിഗണിക്കാതെ വെള്ള കാര്‍ഡ് ആണ് നല്‍കുന്നത്. കിലോക്ക് 11 രൂപ നിരക്കിലാണ് ഈ വിഭാഗത്തിന് മൂന്ന് കിലോ നല്‍കുന്നത്.

പ്രസ്തുത വിഭാഗത്തിന്റെ അരി അതാത് താലൂക്കിലെ സ്‌റ്റോക്കിനനുസരിച്ചു കൊണ്ട് പച്ചരി, പുഴുക്കല്ലരി, കുത്തരി (മട്ട) എന്ന ക്രമത്തില്‍ വീതിച്ചു നല്‍കുന്നതു കൊണ്ട് ഉപഭോക്താക്കള്‍ റേഷന്‍ വാങ്ങുന്നതില്‍ നിന്ന് അകന്ന് നില്‍ക്കുന്നു. പലപ്പോഴും 3 കിലോ അരി വാങ്ങാന്‍ 3 സഞ്ചിയുമായി റേഷന്‍ കടയില്‍ എത്തേണ്ട സാഹചര്യമാണുള്ളത്. ഇതിനു പുറമേ ഇവര്‍ക്ക് നേരത്തെ നല്‍കിയിരുന്ന കിലോക്ക് പതിനഞ്ച് രൂപ നിരക്കിലുള്ള സ്‌പെഷല്‍ അരി വിതരണവും അവസാനിപ്പിച്ചതും മണ്ണെണ്ണയുടെ വിതരണം നിര്‍ത്തിവെച്ചത് കൊണ്ടും റേഷന്‍ വിതരണത്തില്‍ ഗണ്യമായ കുറവുകള്‍ ഉണ്ടായിരിക്കയാണ്. 13 മാസത്തെ കിറ്റ് ഓണത്തോട് കൂടി നിര്‍ത്തല്‍ ചെയ്തത് കാരണവും പലരും റേഷന്‍ കടകളില്‍ പോകാതെ നില്‍ക്കുന്ന മുന്‍ഗണനാ വിഭാഗത്തിലെ റേഷന്‍ കാര്‍ഡ്കാരുടെ ആയിരം സ്‌ക്വയര്‍ ഫീറ്റ് പരിധി എന്ന മാനദണ്ഡം ഉപേക്ഷിച്ചു കൊണ്ട് അവരുടെ ജീവിത നിലവാരം പരിഗണിച്ചു വെള്ള കാര്‍ഡുകാരില്‍ നിന്നും അര്‍ഹരായവരെ മുന്‍ഗണനാ വിഭാഗത്തില്‍ നിലനിര്‍ത്തണമെന്ന് ആവശ്യമുയരുന്നു.

വെള്ള കാര്‍ഡുകാര്‍ക്ക് വിതരണം ചെയ്യുന്ന അരി ഒന്നിച്ചു നല്‍കുന്നതിന്ന് വേണ്ടി ഇ.പോസ് മെഷീനില്‍ കോമ്പോ സംവിധാനം ഏര്‍പെടുത്തണമെന്ന് ആവശ്യമുയരുന്നുണ്ട്. റേഷന്‍ കടകളില്‍ സ്‌റ്റോക്കുള്ള സ്‌പെഷ്യല്‍ അരി വിറ്റുതീര്‍ക്കുവാനും ആവശ്യമുള്ള കടകളിലേക്ക് 5 കിലോ തോതില്‍ എല്ലാ മാസങ്ങളിലും വിതരണം നടത്തുവാനുള്ള അലോട്ട്‌മെന്റ് വ്യാപാരികള്‍ ആവശ്യപെടുന്ന അളവില്‍ അനുവദിക്കണമെന്നും ആള്‍ കേരളാ റീട്ടേയില്‍ റേഷന്‍ ഡീലേഴ്‌സ് അസോസിയേഷന്‍ സംസ്ഥാന ജനറല്‍ സെക്രട്ടറി ടി.മുഹമ്മദാലി ഹാജി ആവശ്യമുന്നയിച്ചു.

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കടുത്ത വേനലിൽ മൃഗങ്ങൾക്കും രക്ഷയില്ല; സംസ്ഥാനത്ത് ചത്തൊടുങ്ങിയത് 300 പശുക്കൾ

പോത്ത്, എരുമ, ആട്, കോഴി ഉൾപ്പെടെയുള്ള വർത്തുമൃഗങ്ങളും വലിയ തോതിൽ ചത്തിട്ടുണ്ട്.

Published

on

കടുത്ത വേനലിൽ സംസ്ഥാനത്തെങ്ങുമായി ചത്തൊടുങ്ങിയത് 300 പശുക്കൾ. മൃഗസംരക്ഷണ വകുപ്പ് മന്ത്രി ജെ. ചിഞ്ചു റാണി മീഡിയവണിനോടാണ് ഇക്കാര്യം വെളിപ്പെടുത്തിയത്. കർഷകർക്ക് ദുരന്തനിവാരണ ഫണ്ടിൽനിന്നു നഷ്ടപരിഹാരം നൽകുമെന്നും അവർ അറിയിച്ചു. കൊല്ലം ജില്ലയിലാണ് ഏറ്റവും കൂടുതൽ പശുക്കൾ ചത്തത്(85). പോത്ത്, എരുമ, ആട്, കോഴി ഉൾപ്പെടെയുള്ള വർത്തുമൃഗങ്ങളും വലിയ തോതിൽ ചത്തിട്ടുണ്ട്.

ഇവയുടെ ജില്ല തിരിച്ചുള്ള കണക്ക് രണ്ട് ദിവസത്തിനകം ശേഖരിക്കാൻ തീരുമാനിട്ടുണ്ട്. പഞ്ചായത്ത് അടിസ്ഥാനത്തിൽ ഇടപെടാൻ വെറ്ററിനറി ഡോക്ടർമാർക്ക് നിർദേശം നൽകിയതായും മന്ത്രി അറിയിച്ചു. ചൂട് കാരണമാണോ മരണം ഉണ്ടായതെന്ന് പോസ്റ്റുമോർട്ടത്തിലൂടെ പരിശോധിക്കും. കർഷകർക്ക് ദുരന്തനിവാരണ ഫണ്ടിൽനിന്നു നഷ്ടപരിഹാരം നൽകും. ഒരു പശുവിന് 16,000 രൂപ വീതം നഷ്ടപരിഹാരം നൽകുമെന്നും മന്ത്രി ചിഞ്ചു റാണി പറഞ്ഞു. ഇന്നു രാവിലെ മൃഗസംരക്ഷണ വകുപ്പ് ജില്ലാ ഉദ്യോഗസ്ഥരുടെ അടിയന്തരയോഗം വിളിച്ചിരുന്നു.

Continue Reading

kerala

സംസ്ഥാനത്ത് കൊടും ചൂടു തുടരുന്നു; 4 ജില്ലകളിൽ ഉഷ്ണതരംഗ സാധ്യത മുന്നറിയിപ്പ് തുടരും

കഴിഞ്ഞ 12 ദിവസത്തില്‍ 10 ദിവസവും 40°c മുകളില്‍ ചൂടാണ് പാലക്കാട് രേഖപ്പെടുത്തിയത്.

Published

on

സംസ്ഥാനത്ത് കൊടും ചൂട് തുടരുന്നു. പാലക്കാട്, തൃശൂര്‍, കോഴിക്കോട്, ആലപ്പുഴ എന്നീ 4 ജില്ലകളില്‍ ഉഷ്ണതരംഗ സാധ്യത മുന്നറിയിപ്പ് പ്രഖ്യാപിച്ച കേന്ദ്ര കാലാവസ്ഥാ വകുപ്പ്. ഇതടക്കം 12 ജില്ലകളില്‍ ഉയര്‍ന്ന താപനില മുന്നറിയിപ്പുണ്ട്.

കഴിഞ്ഞ 12 ദിവസത്തില്‍ 10 ദിവസവും 40°c മുകളില്‍ ചൂടാണ് പാലക്കാട് രേഖപ്പെടുത്തിയത്. പാലക്കാട് ഇന്നലെ സാധാരണയെക്കാള്‍ 4.4°c കൂടുതല്‍ ചൂട് രേഖപ്പെടുത്തിയപ്പോള്‍ കോഴിക്കോട് സിറ്റിയില്‍ സാധാരണയെക്കാള്‍ 4.6°c കൂടുതല്‍ ചൂടും രേഖപ്പെടുത്തി. പുനലൂര്‍, കണ്ണൂര്‍ എയര്‍പോര്‍ട്ട്, തൃശൂര്‍ വെള്ളാനിക്കര, കോട്ടയം എന്നിവിടങ്ങളില്‍ 37 മുതല്‍ 39 ഡിഗ്രി സെല്‍ഷ്യസ് വരെയായിരുന്നു താപനില.

സംസ്ഥാനത്ത് പൊള്ളുന്ന ചൂട് ഈ ആഴ്ച കൂടി തുടരുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. പാലക്കാട്, തൃശൂര്‍, കോഴിക്കോട്, ആലപ്പുഴ ജില്ലകളില്‍ ഉഷ്ണതരംഗ സാധ്യത മുന്നറിയിപ്പ് ഉള്‍പ്പെടെ 12 ജില്ലകളില്‍ ഉയര്‍ന്ന താപനില മുന്നറിയിപ്പ് നല്‍കിയിട്ടുണ്ട്. സാധാരണയേക്കാള്‍ 3 മുതല്‍ അഞ്ചു ഡിഗ്രി സെല്‍ഷ്യസ് വരെ താപനില വര്‍ദ്ധിക്കാന്‍ സാധ്യതയുണ്ട്. തീരദേശങ്ങളിലും ഉള്‍പ്രദേശങ്ങളിലും ചൂട് കൂടിയ, അസ്വസ്ഥതത സൃഷ്ടിക്കുന്ന അന്തരീക്ഷാവസ്ഥയ്ക്ക് സാധ്യതയുണ്ട്. പകല്‍ചൂടിനൊപ്പം രാത്രികാല താപനിലയും അസഹനീയമായ നിലയിലാണ്.

തിങ്കളാഴ്ച വരെ വിദ്യാഭ്യാസ സ്ഥാപനങ്ങള്‍ അടച്ച് ഇടണം എന്നതടക്കം ദുരന്തനിവാരണ അതോറിറ്റി പുറപ്പെടുവിച്ചിട്ടുള്ള ജാഗ്രത നിര്‍ദ്ദേശങ്ങള്‍ കര്‍ശനമായി പാലിക്കണം. എന്നാല്‍ കൊടുംചൂടില്‍ വിദ്യാഭ്യാസ സ്ഥാപനങ്ങള്‍ അടച്ചിടണമെന്ന സര്‍ക്കാര്‍ ഉത്തരവ് കോട്ടയത്തെ പാലാ സെന്റ് ജോസഫ് കോളജ് തള്ളി. വിദ്യാര്‍ത്ഥികള്‍ കോളേജില്‍ എത്തണമെന്നാണ് സര്‍ക്കുലര്‍ ഇറക്കി.ദേശീയ അക്രഡിറ്റേഷന്‍ ബോര്‍ഡിന്റെ സന്ദര്‍ശനം ഉണ്ടെന്നാണ് വിശദീകരണം. സംസ്ഥാനത്ത് വേനല്‍ മഴ തുടരും. ഉച്ചയ്ക്കുശേഷം മഴയ്ക്കൊപ്പം ഇടിമിന്നലിനും കാറ്റിനും സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണം.

 

Continue Reading

kerala

മേയർ ആര്യ രാജേന്ദ്രനെതിരായ ഡ്രൈവർ യദുവിന്റെ പരാതിയിൽ അന്വേഷണം ആരംഭിച്ച് പൊലീസ്

കേസിലെ നിര്‍ണായക തെളിവായ ബസ്സിലെ സിസിടിവി ക്യാമറ ദൃശ്യങ്ങളടങ്ങിയ മെമ്മറി കാര്‍ഡ് കണ്ടെത്താനുള്ള ശ്രമം മൂന്നാം ദിവസവും തുടരുകയാണ്.

Published

on

തിരുവനന്തപുരം മേയര്‍ ആര്യ രാജേന്ദ്രനെതിരായ ഡ്രൈവര്‍ യദുവിന്റെ പരാതിയില്‍ അന്വേഷണം ആരംഭിച്ച് പൊലീസ്. പ്രാഥമിക അന്വേഷണത്തിന്റെ ഭാഗമായി യദുവിന്റെ മൊഴി എടുക്കും. അതിനിടെ മെമ്മറി കാര്‍ഡ് കാണാതായ സംഭവത്തില്‍ തമ്പാനൂര്‍ പൊലീസ്, ഡിപ്പോയിലെ കെഎസ്ആര്‍ടിസി ജീവനക്കാരെ ചോദ്യം ചെയ്യും. ബസ് ടെര്‍മിനലിനുള്ളിലെ സിസിടിവി ദൃശ്യങ്ങളും പരിശോധിക്കും.

കേസിലെ നിര്‍ണായക തെളിവായ ബസ്സിലെ സിസിടിവി ക്യാമറ ദൃശ്യങ്ങളടങ്ങിയ മെമ്മറി കാര്‍ഡ് കണ്ടെത്താനുള്ള ശ്രമം മൂന്നാം ദിവസവും തുടരുകയാണ്. മെമ്മറി കാര്‍ഡ് എടുത്തു മാറ്റിയത് തിരുവനന്തപുരം സെന്‍ട്രല്‍ ഡിപ്പോയില്‍ നിന്നാവാം എന്ന പ്രാഥമിക നിഗമനത്തിലാണ് അന്വേഷണസംഘം.

കെഎസ്ആര്‍ടിസിയുടെ ആഭ്യന്തര അന്വേഷണവും ഇക്കാര്യത്തില്‍ തുടരുകയാണ്. ഇതുമായി ബന്ധപ്പെട്ട് കഴിഞ്ഞദിവസം ഫോറന്‍സിക് സംഘം കെഎസ്ആര്‍ടിസി ബസില്‍ പരിശോധന നടത്തിയിരുന്നു. അതിന്റെ ഫലം കൂടി കാത്തിരിക്കുകയാണ് അന്വേഷണസംഘം. അതേസമയം മെമ്മറി കാര്‍ഡ് കാണാത്ത പശ്ചാത്തലത്തില്‍ മേയര്‍ കൊടുത്ത പരാതിയില്‍ അന്വേഷണം എങ്ങനെ മുന്നോട്ടു പോകുമെന്ന സംശയത്തിലാണ് കണ്ടോണ്‍മെന്റ് പോലീസ് ഉള്ളത്.

എന്നാല്‍ മേയര്‍ക്കെതിരായ ഡ്രൈവര്‍ യദുവിന്റെ പരാതിയില്‍ കന്റോണ്‍മെന്റ് എസിപി പ്രാഥമിക അന്വേഷണം ആരംഭിച്ചിട്ടുണ്ട്. അന്വേഷണ റിപ്പോര്‍ട്ട് ഡിസിപി ക്ക് ലഭിക്കുന്ന മുറയ്ക്ക് ആയിരിക്കും കേസെടുക്കണമോ എന്ന കാര്യത്തില്‍ തീരുമാനമാവുക. യദു നല്‍കിയ പരാതിയില്‍ ഇനിയെന്ത് തുടര്‍നടപടി എന്നതും നിര്‍ണായകമാണ്.

 

Continue Reading

Trending