News
നാളെ വാംഖഡെ, ദ്രാവിഡ് ആരെ തഴയും
പിന്നെ ആകെയുള്ള പോം വഴി ചേതേശ്വര് പുജാരയെ ഒപ്പണറാക്കി മാറ്റി കാണ്പൂരില് ഓപ്പണര്മാരായി കളിച്ചവരില് മായങ്ക് അഗര്വാള്, ശുഭ്മാന് ഗില് എന്നിവരില് ഒരാളെ ഒഴിവാക്കേണ്ടി വരും.
മുംബൈ: നാളെയാണ് ഇന്ത്യയും ന്യുസിലന്ഡും തമ്മിലുള്ള രണ്ടാം ടെസ്റ്റ് വാംഖഡെയില് ആരംഭിക്കുന്നത്. മുഖ്യ പരിശീലകന് രാഹുല് ദ്രാവിഡാവട്ടെ വലിയ പ്രതിസന്ധിയിലും. പ്രശ്നം നായകന് വിരാത് കോലി തിരികെ വരുന്നതാണ്. കോലി മടങ്ങിയെത്തുമ്പോള് ആരെ കോച്ച് പുറത്തിരുത്തും. മുമ്പ് ദ്രാവിഡ് ഇന്ത്യന് ക്യാപ്റ്റനായ സമയത്ത് ഇതേ പ്രതിസന്ധിയുണ്ടായിരുന്നു. അന്ന് പാകിസ്താനെതിരായ പരമ്പര. അതും പാകിസ്താനില്. രണ്ടാം ടെസ്റ്റ്. സീനിയര് താരം സൗരവ് ഗാംഗുലിക്ക് പരുക്കേല്ക്കുന്നു. പകരക്കാരനായി യുവരാജ് സിംഗ് വരുന്നു. അദ്ദേഹം തകര്പ്പന് പ്രകടനം നടത്തുന്നു. മൂന്നാം ടെസ്റ്റിലേക്ക് വരുമ്പോള് ദാദ തിരികെ വരുന്നു. യുവരാജിനെ എങ്ങനെ ഒഴിവാക്കുമെന്ന വലിയ പ്രതിസന്ധി മുഖത്തായിരുന്നു അപ്പോള് ദ്രാവിഡ്. സമാന പ്രതിസന്ധിയില് ദ്രാവിഡ് നില്ക്കുമ്പോള് ആരാണ് പുറത്താവുക.
കോലി നാലാം നമ്പറിലാണ് ബാറ്റ് ചെയ്യാറ്. ആ സ്ഥാനത്താണിപ്പോള് അജിങ്ക്യ രഹാനേ. കോലി വരുമ്പോള് രഹാനേ അഞ്ചാം നമ്പറിലേക്ക് പോവും. അവിടെ കളിച്ചിരുന്ന ശ്രേയാംസ് അയ്യരെ എങ്ങനെ ഒഴിവാക്കും…? കന്നി ടെസ്റ്റില് തന്നെ സെഞ്ച്വറിയും മാന് ഓഫ് ദ മാച്ച് പുരസ്ക്കാരവും നേടിയ താരമാണ്. പിന്നെ ആകെയുള്ള പോം വഴി ചേതേശ്വര് പുജാരയെ ഒപ്പണറാക്കി മാറ്റി കാണ്പൂരില് ഓപ്പണര്മാരായി കളിച്ചവരില് മായങ്ക് അഗര്വാള്, ശുഭ്മാന് ഗില് എന്നിവരില് ഒരാളെ ഒഴിവാക്കേണ്ടി വരും.
kerala
അറസ്റ്റിലായ സ്ത്രീയെ പീഡിപ്പിച്ചെന്ന ആരോപണം; ഡിവൈഎസ്പി എ ഉമേഷ് അവധിയില്
കോഴിക്കോട് ബീച്ച് ആശുപത്രിയില് ചികിത്സയിലാണെന്ന് ഡിവൈഎസ്പി ഉമേഷ് പറഞ്ഞു.
പാലക്കാട് ചെര്പ്പുളശേരിയില് ആത്മഹത്യ ചെയ്ത സിഐയുടെ ആത്മഹത്യ കുറിപ്പില് അറസ്റ്റ് ചെയ്യപ്പെട്ട സ്ത്രീയെ പീഡിപ്പിച്ചെന്ന് പേര് പരാമര്ശിച്ച ഡിവൈഎസ്പി എ ഉമേഷ് അവധിയില്. കോഴിക്കോട് ബീച്ച് ആശുപത്രിയില് ചികിത്സയിലാണെന്ന് ഡിവൈഎസ്പി ഉമേഷ് പറഞ്ഞു.
ഇസിജിയിലുണ്ടായ വ്യതിയാനത്തെ തുടര്ന്നാണ് ഡ്യൂട്ടില് നിന്ന് മാറി നില്ക്കുന്നത് എന്നാണ് ഔദ്യോഗിക വിശദീകരണം. ദേഹാസ്വാസ്ഥ്യം അനുഭവപ്പെടുകയും ഇന്നലെ വൈകിട്ട് ആശുപത്രിയില് പ്രവേശിപ്പിക്കപ്പെടുകയുമായിരുന്നുവെന്നാണ് വിവരം.
ഈ മാസം പതിനഞ്ചിന് പൊലീസ് ക്വാര്ട്ടേഴ്സില് മരിച്ച നിലയില് കണ്ടെത്തിയ പാലക്കാട് ചെര്പ്പുളശേരി സിഐ ബിനു തോമസിന്റെ ആത്മഹത്യാക്കുറിപ്പില് അനാശാസ്യത്തിന് അറസ്റ്റ് ചെയ്യപ്പെട്ട സ്ത്രീയെ പലവട്ടം ഡിവൈഎസ്പി പീഡിപ്പിച്ചെന്നാണ് പറയുന്നത്. ഇത് ശെരിവെക്കുന്നതാണ് യുവതിയുടെ മൊഴി. വിഷയത്തില് പാലക്കാട് എസ്പി അജിത് കുമാര് സംസ്ഥാന പൊലീസ് മേധാവിക്ക് കൈമാറിയ റിപ്പോര്ട്ടിലാണ് മൊഴി വിവരങ്ങള് ഉള്ളത്.
2014ല് പാലക്കാട് സര്വീസില് ഇരിക്കേ അനാശാസ്യ പ്രവര്ത്തനത്തിന് പിടിയിലായ സ്ത്രീയെ വീട്ടിലെത്തിച്ച് ഉമേഷ് പീഡിപ്പിച്ചെന്നും കേസ് ഒതുക്കാമെന്ന് ഉറപ്പു നല്കിയെന്നും കുറിപ്പിലുണ്ട്. ഇത് യുവതി സമ്മതിച്ചതായാണ് വിവരം. നിലവില് സംസ്ഥാന പൊലീസ് മേധാവിക്ക് നല്കിയ റിപ്പോര്ട്ടില് ഡിവൈഎസ്പി ഉമേഷിനെതിരെ പീഡനത്തിന് കേസെടുക്കണമെന്ന് ഉണ്ടെന്നാണ് സൂചന.
kerala
ഡിജിറ്റല് തട്ടിപ്പ്; കോഴിക്കോട് സ്വദേശിനിയില് നിന്ന് 2.04 കോടി തട്ടിയ കേസില് ഒരാള് അറസ്റ്റില്
കോഴിക്കോട് സ്വദേശിയായ പരാതിക്കാരിയില് നിന്ന് 2.04 കോടി തട്ടിയെടുത്ത ഇയാള്ക്കെതിരെ ലുക്ക്ഔട്ട് നോട്ടീസ് പുറപ്പെടുവിച്ചിരുന്നു.
കോഴിക്കോട് സ്വദേശിനിയില് നിന്ന് ഡിജിറ്റല് അറസ്റ്റ് വഴി 2.04 കോടി തട്ടിയെടുത്ത കേസില് ഒരാള് അറസ്റ്റില്. മലപ്പുറം സ്വദേശിയായ 28കാരന് റിനീഷിനെയാണ് പൊലീസ് അറസ്റ്റ് ചെയ്തത്. കോഴിക്കോട് സ്വദേശിയായ പരാതിക്കാരിയില് നിന്ന് 2.04 കോടി തട്ടിയെടുത്ത ഇയാള്ക്കെതിരെ ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. ടെലികമ്മ്യൂണിക്കേഷന് വകുപ്പിന്റെയും ഡല്ഹി സൈബര് ക്രൈംപൊലീസിന്റെയും പേരില് വ്യാജസന്ദേശങ്ങളും കോളുകളും അയച്ചായിരുന്നു ഇയാളുടെ ഭീഷണി. മുംബൈ വിമാനത്താവളത്തില് വെച്ചായിരുന്നു അറസ്റ്റ്.
പണം നഷ്ടപ്പെട്ട വിവരം സൈബര് ഹെല്പ്പ്ലൈന് നമ്പറില് വിളിച്ച് പരാതിക്കാരി റിപ്പോര്ട്ട് ചെയ്തിരുന്നു. ഇതിന് പിന്നാലെ കോഴിക്കോട് സൈബര് പൊലീസ് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. പ്രതി തട്ടിപ്പ് സംഘങ്ങളെക്കൊണ്ട് ചതിവിലൂടെ തട്ടിയെടുത്ത തുകയിലെ 4.28 ലക്ഷം രൂപ തന്റെ പേരിലുള്ള കനറ ബാങ്ക് വള്ളുവമ്പ്രം ബ്രാഞ്ചിലുള്ള അക്കൗണ്ടില് ക്രെഡിറ്റ് ചെയ്യിപ്പിച്ച് ചെക്ക് വഴി പിന്വലിക്കുകയായിരുന്നു. പ്രതിയെ കോടതിയില് ഹാജരാക്കി 14 ദിവസത്തേക്ക് ജില്ലാ ജയിലില് റിമാന്ഡ് ചെയ്തു.
News
ജോ ബൈഡന് ‘ഉറക്കംതൂങ്ങി’, മൂന്നാം ലോകരാജ്യങ്ങളില് നിന്നുള്ള കുടിയേറ്റം പൂര്ണമായി നിര്ത്തലാക്കും; ഡോണള്ഡ് ട്രംപ്
ബൈഡന്റെ ഓട്ടോപെന് അംഗീകാര പ്രക്രിയയിലൂടെ പ്രവേശനം ലഭിച്ച ദശലക്ഷക്കണക്കിന് നിയമവിരുദ്ധ കുടിയേറ്റങ്ങളെല്ലാം അവസാനിപ്പിക്കുമെന്നും പറഞ്ഞു.
മൂന്നാം ലോകരാഷ്ട്രങ്ങളില് നിന്നുള്ള കുടിയേറ്റം പൂര്ണമായി നിര്ത്തിവയ്ക്കുമെന്നും പൗരന്മാരല്ലാത്തവര്ക്കുള്ള എല്ലാ ഫെഡറല് ആനുകൂല്യങ്ങളും സബ്സിഡികളും നിര്ത്തലാക്കുമെന്നും യുഎസ് പ്രസിഡന്റ് ഡോണള്ഡ് ട്രംപ്. ഇതിനിടെ ജോ ബൈഡനെ ‘ഉറക്കംതൂങ്ങി’ എന്ന് ട്രംപ് വിളിച്ചിരുന്നു. ബൈഡന്റെ ഓട്ടോപെന് അംഗീകാര പ്രക്രിയയിലൂടെ പ്രവേശനം ലഭിച്ച ദശലക്ഷക്കണക്കിന് നിയമവിരുദ്ധ കുടിയേറ്റങ്ങളെല്ലാം അവസാനിപ്പിക്കുമെന്നും പറഞ്ഞു. ട്രൂത്ത് സോഷ്യലിലൂടെയാണ് ട്രംപിന്റെ പ്രഖ്യാപനം.
”നാം സാങ്കേതികമായി പുരോഗമിച്ചപ്പോഴും കുടിയേറ്റ നയം ആ നേട്ടങ്ങളെയും പലരുടെയും ജീവിത സാഹചര്യങ്ങളെയും ഇല്ലാതാക്കി. യുഎസിന് പൂര്ണമായി കരകയറാന് മൂന്നാം ലോക രാജ്യങ്ങളില് നിന്നുള്ള കുടിയേറ്റം ഞാന് എന്നന്നേക്കുമായി നിര്ത്തിവയ്ക്കും. അമേരിക്കയ്ക്ക് ഒരു മുതല്ക്കൂട്ടല്ലാത്തവരെയോ, നമ്മുടെ രാജ്യത്തെ സ്നേഹിക്കാന് കഴിവില്ലാത്തവരെയോ നീക്കം ചെയ്യും. ആഭ്യന്തര സമാധാനം തകര്ക്കുന്ന കുടിയേറ്റക്കാരുടെ പൗരത്വം റദ്ദാക്കും, പൊതുജനങ്ങള്ക്ക് ഭാരമാവുകയോ സുരക്ഷാ ഭീഷണിയാവുകയോ, പാശ്ചാത്യ സംസ്കാരവുമായി പൊരുത്തപ്പെടാതിരിക്കുകയോ ചെയ്യുന്ന ഏതൊരു വിദേശ പൗരനെയും നാടുകടത്തും.”- ട്രംപ് പറഞ്ഞു.
-
india1 day ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment1 day agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india1 day ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india1 day agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala2 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala2 days agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala2 days agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്

