india
ആഗോളതലത്തില് പുതിയ അധിനിവേശ ശക്തികള് തലപൊക്കുന്നു: സമദാനി എംപി
യുക്രൈനില് നിന്നും തിരിച്ചെത്തിയ വിദ്യാര്ത്ഥികള്ക്ക് പഠനം തുടരാന് സൗകര്യമൊരുക്കണമെന്നും സമദാനി ആവശ്യപ്പെട്ടു.
ഏക ധ്രുവലോകമെന്ന് വിശേഷിപ്പിക്കപ്പെടുമ്പോഴും ആഗോളതലത്തില് സാമ്രാജ്യത്വത്തിന്റെയും അധിനിവേശത്തിന്റെയും പുതിയ ശക്തികള് തലപൊക്കുന്നുണ്ടെന്ന് ഡോ.എം.പി അബ്ദുസ്സമദ് സമദാനി ലോക്സഭയില് പറഞ്ഞു. യുക്രൈന് സാഹചര്യത്തെ കുറിച്ചുള്ള ചര്ച്ചയില് പങ്കെടുത്തു സംസാരിക്കുകയായിരുന്നു അദ്ദേഹം. അക്രമത്തിന്റെ ഈ സാഹചര്യത്തെ എന്ത് വില കൊടുത്തും നേരിട്ട് സമാധാനത്തിന്റെ അന്തരീക്ഷം നിലനിര്ത്താന് മുന്കയ്യെടുക്കേണ്ട രാജ്യമാണ് ഇന്ത്യ. മക്യവെല്ലിക്ക് മഹാത്മാഗാന്ധിയാണ് മറുപടി. അത് സാക്ഷാല്കരിക്കാന് ഇന്ത്യ പ്രയത്നിക്കണം.
റഷ്യ, യുക്രൈന് യുദ്ധവേളയില് രാജ്യം പണ്ഡിറ്റ് ജവഹര്ലാല് നെഹ്റുവിനെ ഏറെ ഓര്ക്കുകയുണ്ടായെന്ന് സമദാനി പറഞ്ഞു. ചേരിചേരാ നയം എന്ന നെഹ്രുറുവിന്റെ പാരമ്പര്യത്തെ നാം അഭിവാദ്യം ചെയ്യേണ്ട സമയമാണിത്. പക്ഷേ ചേരിചേരാ നയവും അന്താരാഷ്ട്ര നീതിയോടുള്ള പ്രതിബദ്ധതയും ഒരുമിച്ച് പോകേണ്ടതുണ്ട്. ഈ നയത്തില് ഉറച്ച് നിന്ന് കൊണ്ട് തന്നെ അക്രമത്തെ അപലപിക്കണം. അക്രമം എന്നും അപലനീയമാണ്. അധിനിവേശത്തെ ചെറുത്ത് കൊണ്ട് തര്ക്കങ്ങള് തീര്ക്കാനും ഇന്ത്യ മുന്നിട്ടിറങ്ങണം. സാംസ്കാരികവും മതപരവും വംശപരവും ഭാഷാപരവുമായ ബഹുത്വത്തിലൂന്നിയ ബഹുസ്വരതയെ ആഗോളതലത്തില് സംരക്ഷിക്കേണ്ടതുണ്ട്. പാര്ലിമെന്റിന്റെ മകുടത്തില് കൊത്തിവെച്ചിട്ടുള്ള ഉപനിഷദ് പ്രമാണത്തില് പറഞ്ഞിട്ടുള്ളത് പോലെ ‘ലോകമേ തറവാട് ‘ എന്ന ആശയത്തെ ഉള്ക്കൊണ്ട രാജ്യമാണ് ഇന്ത്യയെന്ന് ശ്ളോകമുദ്ധരിച്ചു കൊണ്ട് സമദാനി പറഞ്ഞു.
‘വൈറസി’ന്റെ അക്രമണമേറ്റ ലോകത്തിനാണ് ‘വയലന്’സിന്റെ ആഘാതവുമേറ്റിരിക്കുന്നത് എന്നത് ഏറെ നിര്ഭാഗ്യകരമാണ്. മാനവരാശിക്ക് സംഭവിച്ചിരിക്കുന്ന പതനത്തെയാണ് ഇത് സൂചിപ്പിക്കുന്നത്. മനുഷ്യനാര്ജ്ജിച്ച ശാസ്ത്രസാങ്കേതിക വിദ്യകളും ബുദ്ധിപരമായ മുന്നേറ്റവും അക്രമത്തിന്റെ സംസ്കാരം വളര്ത്താനാണ് ഉപയോഗിക്കുന്നത്. യുദ്ധം വന്ശക്തികള് ഒരുക്കുന്ന ചെകുത്താന്റെ കെണിയാണ്. രാജ്യാന്തര രാഷ്ട്രീയ ചരിത്രത്തിലെ തന്ത്രപരമായ ഏറ്റവും വലിയ അബദ്ധമാണ് യുദ്ധം. അതിവിപുലമായ മാനവവിഭവശേഷിയുടെ കുറ്റകരമായ ദുരുപയോഗമാണ് അതിലുടെ സംഭവിക്കുന്നത്. ഈ ആഗോള നാടകത്തില് ഒളിഞ്ഞു പ്രവര്ത്തിക്കുന്ന വന്ശക്തികളെ അനാവരണം ചെയ്യേണ്ടതുണ്ട്. അവര് പുതിയ നാമരൂപാദികള് സ്വീകരിച്ചു വരികയാണെന്ന് സമദാനി പറഞ്ഞു.
സഭാദ്ധ്യക്ഷന് അല്പ്പം മുമ്പ് ആളുകളുടെ കണ്ണീരിനെ കുറിച്ച് പറഞ്ഞു. ‘പുരോഗതി നേടിയ ഈ ലോകത്ത് എല്ലാം സംഭവിക്കുന്നുണ്ട് എന്തൊരത്ഭുതം മനുഷ്യന്, മാനവനായി തീരുന്നില്ല!’ ഹിന്ദി കവിത ഉദ്ധരിച്ചു കൊണ്ട് സമദാനി പറഞ്ഞു. അത് കൊണ്ടാണ് കൊലയും കൊള്ളിവെപ്പും വൈര്യവും വിദ്വേഷവും രക്തപുഴയും ഉണ്ടാകുന്നത്.
യുക്രൈനില് നിന്നും തിരിച്ചെത്തിയ വിദ്യാര്ത്ഥികള്ക്ക് പഠനം തുടരാന് സൗകര്യമൊരുക്കണമെന്നും സമദാനി ആവശ്യപ്പെട്ടു. നിയമങ്ങളും ചട്ടങ്ങളും മാറ്റിക്കൊണ്ട് നാട്ടില് തന്നെ അവരുടെ വിദ്യാഭ്യാസം തുടരാനുള്ള സാഹചര്യം ഒരുക്കണം. ഉപരിവിദ്യാഭ്യാസത്തിനായി നമ്മുടെ വിദ്യാര്ത്ഥികള് നാടുവിട്ട് പോകേണ്ടി വരുന്ന സാഹചര്യത്തിനും അറുതി വരുത്തേണ്ടതുണ്ടെന്ന് സമദാനി കൂട്ടിചേര്ത്തു.
india
യുപിയില് വിവാഹാഭ്യര്ഥന നിരസിച്ചതിന് പെണ്സുഹൃത്തിനെ 26കാരന് വെടിവെച്ചുകൊന്നു
അംറോഹ സ്വദേശിയായ സോനു (25) എന്ന യുവതിയെയാണ് ഇവരുടെ ആണ്സുഹൃത്തായ ബിഹാര് സ്വദേശി കൃഷ്ണ കൊലപ്പെടുത്തിയത്. നോയ്ഡയിലാണ് സംഭവം.
ഉത്തര് പ്രദേശില് വിവാഹാഭ്യര്ഥന നിരസിച്ചതിന് പെണ്സുഹൃത്തിനെ 26കാരന് വെടിവെച്ചുകൊലപ്പെടുത്തി. അംറോഹ സ്വദേശിയായ സോനു (25) എന്ന യുവതിയെയാണ് ഇവരുടെ ആണ്സുഹൃത്തായ ബിഹാര് സ്വദേശി കൃഷ്ണ കൊലപ്പെടുത്തിയത്. നോയ്ഡയിലാണ് സംഭവം.
സോനു പേയിങ് ഗസ്റ്റായി താമസിക്കുന്ന നോയ്ഡ ഫേസ് 2 ഏരിയയില് വെച്ചായിരുന്നു ആക്രമണം. കൊലപാതകത്തിന് പിന്നാലെ സ്ഥലത്തുനിന്ന് കടന്നുകളഞ്ഞ കൃഷ്ണയ്ക്കായി പോലീസ് തിരച്ചില് ആരംഭിച്ചു. സോനുവിന്റെ മുറിയില് കൃഷ്ണ ചെല്ലുകയും ഇരുവരും തമ്മിലുണ്ടായ വാക്കേറ്റത്തിന് പിന്നാലെ യുവതിക്കു നേരെ വെടിയുതിര്ക്കുകയുമായിരുന്നെന്ന് സെന്ട്രല് നോയ്ഡ ഡിസിപി ശക്തി മോഹന് അവസ്തി പറഞ്ഞു.
മുന്പ് ഒരു ഫാക്ടറിയില് സോനുവും കൃഷ്ണയും ഒരുമിച്ച് ജോലിചെയ്തിരുന്നെന്നും ആ സമയത്ത് ഇരുവരും തമ്മില് ബന്ധമുണ്ടായിരുന്നെന്നും പോലീസ് പറഞ്ഞു. ഈയടുത്ത് വീട്ടുജോലിക്കാണ് സോനു പൊയ്ക്കൊണ്ടിരുന്നത്. തന്നെ വിവാഹം കഴിക്കാന് സോനുവിനോട് കൃഷ്ണ കുറച്ചുകാലമായി ആവശ്യപ്പെട്ടുകൊണ്ടിരിക്കുകയായിരുന്നു. എന്നാല്, ഈ ആവശ്യം സോനു നിരാകരിച്ചു. ഇതാകാം കൊലപാതകത്തിലേക്ക് നയിച്ചതെന്നും പോലീസ് കൂട്ടിച്ചേര്ത്തു.
Film
IFFIയില് പ്രേക്ഷക പ്രശംസ നേടി ‘സര്ക്കീട്ട്’; ബാലതാരം ഓര്ഹാന്ക്ക് മികച്ച പ്രകടനത്തിന് സ്പെഷ്യല് ജൂറി പരാമര്ശം
ഇന്ത്യന് പനോരമ വിഭാഗത്തില് പ്രദര്ശിപ്പിച്ച ഈ ചിത്രത്തില് അഭിനയിച്ച ബാലതാരം ഓര്ഹാന്, തന്റെ ജെഫ്റോണ് എന്ന കഥാപാത്രത്തിലൂടെ മികച്ച ബാലതാരത്തിനുള്ള സ്പെഷ്യല് ജൂറി പരാമര്ശം സ്വന്തമാക്കി
ഗോവയില് നടന്ന 56ാമത് ഇന്ത്യന് അന്താരാഷ്ട്ര ചലച്ചിത്രോത്സവത്തില് (IFFI) ആസിഫ് അലിയുടെയും സംവിധായകന് താമറിന്റെയും ചിത്രം സര്ക്കീട്ട് വലിയ പ്രേക്ഷകനിരൂപക പ്രശംസ നേടി. ഇന്ത്യന് പനോരമ വിഭാഗത്തില് പ്രദര്ശിപ്പിച്ച ഈ ചിത്രത്തില് അഭിനയിച്ച ബാലതാരം ഓര്ഹാന്, തന്റെ ജെഫ്റോണ് എന്ന കഥാപാത്രത്തിലൂടെ മികച്ച ബാലതാരത്തിനുള്ള സ്പെഷ്യല് ജൂറി പരാമര്ശം സ്വന്തമാക്കി. മേളയിലെ അന്താരാഷ്ട്ര മത്സരവിഭാഗത്തില് ഇടം നേടിയ മൂന്ന് ഇന്ത്യന് ചിത്രങ്ങളില് ഒന്നായിരുന്നു സര്ക്കീട്ട്.
പൂര്ണ്ണമായും ഗള്ഫ് രാജ്യങ്ങളിലായി ചിത്രീകരിച്ച ഈ ചിത്രം വിനായക അജിത് നിര്മ്മിച്ച അജിത് വിനായക ഫിലിംസിന്റെ ബാനറിലൂടെയാണ് പുറത്തിറങ്ങിയത്. സഹനിര്മ്മാണം ആക്ഷന് ഫിലിംസും ഫ്ലോറിന് ഡൊമിനിക്കും ചേര്ന്നായിരുന്നു. ഒരിക്കലും സംഭവിക്കില്ലെന്ന് ലോകം കരുതുന്നൊരു മനോഹര സൗഹൃദത്തിന്റെ കഥയാണ് ചിത്രം അവതരിപ്പിക്കുന്നത്. ആസിഫ് അലിയുടെ ആമിര്, ഓര്ഹാന് അവതരിപ്പിച്ച ജെഫ്റോണ് എന്നിവരുടെ കഥാപാത്രങ്ങളിലൂടെ പ്രവാസി ജീവിതത്തിന്റെ വ്യക്തിപരവും വൈകാരികവുമായ പോരാട്ടങ്ങളെ വളരെ യാഥാര്ത്ഥ്യത്തോടെ സംവിധായകന് താമര് പ്രേക്ഷകരിലേക്ക് എത്തിച്ചു. ദിവ്യപ്രഭ, ദീപക് പറമ്പോല്, രമ്യ സുരേഷ്, പ്രശാന്ത് അലക്സാണ്ടര്, സ്വാതിദാസ് പ്രഭു, ഗോപന് അടാട്ട്, സിന്സ് ഷാന് തുടങ്ങിയവരാണ് മറ്റ് പ്രധാന വേഷങ്ങളില് അഭിനയിച്ചത്.
സര്ക്കീട്ട് താമറിന്റെ രണ്ടാം ചിത്രം കൂടിയാണ്. ആദ്യ ചിത്രം ആയിരത്തൊന്നു നുണകള് നിരൂപകരും പ്രേക്ഷകരും ഏറ്റെടുത്തിരുന്നു. സോണി ലിവില് റിലീസ് ചെയ്ത ആ ചിത്രം ഐ.എഫ്.എഫ്.കെ യില് പ്രദര്ശിപ്പിക്കപ്പെട്ടിരുന്നു. യുഎഇയിലെ ഷാര്ജ, റാസല് ഖൈമ, ഫുജൈറ മുതലായ സ്ഥലങ്ങളിലായി ചിത്രീകരിച്ച സര്ക്കീട്ട് സാങ്കേതികമായി ശക്തമായ ചിത്രമാണെന്ന് സംഘത്തിന്റെ ക്രെഡിറ്റുകള് വ്യക്തമാക്കുന്നു. ഛായാഗ്രഹണം-അയാസ് ഹസന്, സംഗീതം-ഗോവിന്ദ് വസന്ത, എഡിറ്റിംഗ്-സംഗീത് പ്രതാപ്, കല-അരവിന്ദ് വിശ്വനാഥന്, വസ്ത്രാലങ്കാരം-ഇര്ഷാദ് ചെറുകുന്ന്, മേക്കപ്പ്-സുധി സുരേന്ദ്രന്, സിങ്ക് സൗണ്ട്-വൈശാഖ് തുടങ്ങിയവരാണ് പ്രധാന വിഭാഗങ്ങള് കൈകാര്യം ചെയ്തത്. പോസ്റ്റര് ഡിസൈന് ആനന്ദ് രാജേന്ദ്രന്, സ്റ്റില്സ് എസ്ബികെ ഷുഹൈബ് എന്നിവരാണ് നിര്വഹിച്ചത്. 2025 നവംബര് 20ന് ഗോവയില് ആരംഭിച്ച 56ാമത് ഇന്ത്യന് അന്താരാഷ്ട്ര ചലച്ചിത്രോത്സവം നവംബര് 28ന് സമാപിച്ചു.
india
ഭക്ഷണം ചോദിച്ച് വീട്ടിലെത്തിയ മൂന്ന് തീവ്രവാദികള്ക്കായി ജമ്മുവില് വന് തിരച്ചില്
ബസന്ത്ഗഡിന്റെ ഉയര്ന്ന പ്രദേശമായ ചിംഗ്ല-ബലോത്തയിലെ ഒരു ബക്കര്വാള് കുടുംബത്തിന്റെ വാതിലില് രാത്രി മൂന്നു പേര് എത്തി ഭക്ഷണം ചോദിച്ചതിനെ തുടര്ന്ന് വീട്ടുടമസ്ഥന് ഭയന്ന് ഓടി രക്ഷപ്പെട്ടു;
ജമ്മു-കശ്മീരിലെ ഉധംപുര് ജില്ലയിലെ ബസന്ത്ഗഡ് പ്രദേശത്ത് ഭക്ഷണം ആവശ്യപ്പെട്ടെത്തിയ മൂന്ന് തീവ്രവാദികളെ തേടി സുരക്ഷാസേന വന് തിരച്ചില് തുടരുന്നു. ബസന്ത്ഗഡിന്റെ ഉയര്ന്ന പ്രദേശമായ ചിംഗ്ല-ബലോത്തയിലെ ഒരു ബക്കര്വാള് കുടുംബത്തിന്റെ വാതിലില് രാത്രി മൂന്നു പേര് എത്തി ഭക്ഷണം ചോദിച്ചതിനെ തുടര്ന്ന് വീട്ടുടമസ്ഥന് ഭയന്ന് ഓടി രക്ഷപ്പെട്ടു; പിന്നാലെ വിവരം പൊലീസിനെ അറിയിക്കുകയും ചെയ്തു.
സൈന്യം, ജമ്മു-കശ്മീര് പൊലീസ്, സി.ആര്.പി.എഫ് എന്നിവയുടെ സംയുക്തസേന ഇടതൂര്ന്ന വനങ്ങളിലും ദുര്ഘടപ്രദേശങ്ങളിലും വ്യാപകമായ തിരച്ചില് ആരംഭിച്ചു. പ്രദേശത്ത് സംശയാസ്പദ നീക്കങ്ങളുണ്ടെന്ന റിപ്പോര്ട്ടുകള് ലഭിച്ചിട്ടുണ്ടെങ്കിലും ഇതുവരെ പ്രതികളെ കണ്ടെത്താനായിട്ടില്ലെന്ന് ഉദ്യോഗസ്ഥര് അറിയിച്ചു.
ചിംഗ്ല-ബലോത്തയില് സംശയാസ്പദരുടെ നേരിട്ടുള്ള സാന്നിധ്യം സ്ഥിരീകരിച്ചതിനെ തുടര്ന്ന് തിരച്ചില് കൂടുതല് ശക്തമാക്കി. പാകിസ്താനുമായി അതിര്ത്തി പങ്കിടുന്ന കത്വ സെക്ടറിലൂടെ തീവ്രവാദികള് നുഴഞ്ഞുകയറുന്ന പാതയിലാണ് ബസന്ത്ഗഡ് സ്ഥിതി ചെയ്യുന്നത്. കഴിഞ്ഞ വര്ഷങ്ങളിലും ഈ പ്രദേശം നിരവധി ഏറ്റുമുട്ടലുകള്ക്കും ഒളിത്താവളങ്ങള് തകര്ത്ത നടപടികള്ക്കും സാക്ഷ്യം വഹിച്ചിട്ടുണ്ട്.
സ്നിഫര് ഡോഗുകളും യുഎവികളും പ്രത്യേക സംഘങ്ങളും ഉപയോഗിച്ച് തിരച്ചില് വ്യാപകമാക്കിയിരിക്കുകയാണ്. സമീപ ഗ്രാമങ്ങളിലെ ജനങ്ങളോട് വീടുകളില് തന്നെ തുടരാനും സംശയാസ്പദമായ പ്രവര്ത്തനങ്ങള് കണ്ടാല് ഉടന് അറിയിക്കാനും നിര്ദ്ദേശം നല്കി. ഇതുവരെ ഏറ്റുമുട്ടലൊന്നും ഉണ്ടായിട്ടില്ലെങ്കിലും, തീവ്രവാദികള് വനത്തിലൊളിച്ചിരിക്കാമെന്നതിനാല് സേന അതീവ ജാഗ്രത തുടരുകയാണ്. പ്രതികളെ കണ്ടെത്തുന്നതുവരെ ഓപ്പറേഷന് തുടരുമെന്ന് ഉദ്യോഗസ്ഥര് വ്യക്തമാക്കി.
-
india1 day ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment1 day agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india1 day ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india1 day agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala2 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala2 days agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
india2 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala2 days agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്