gulf
മദീനയിലേക്കുള്ള പാത: സമദാനിയുടെ പ്രഭാഷണം അബുദാബിയില്‍ 22ന്‌
മൂന്നാം തവണയാണ്‌ അബുദാബിയില്‍ വേദിയൊരുങ്ങുന്നത്‌.
അബുദാബി: കോഴിക്കോട്‌ കടപ്പുറം ഉള്‍പ്പെടെയുള്ള സ്ഥലങ്ങളില്‍ പ്രഭാഷണത്തിന്റെ വസന്തവും ജനസാഗരവും തീര്‍ത്ത അബ്ദുസ്സമദ്‌ സമദാനിയുടെ ‘മദീനയിലേക്കുള്ള പാത’ പ്രഭാഷണം ഈ മാസം 22ന്‌ ഞായറാഴ്‌ച അബുദാബിയില്‍ നടക്കും.
‘വിശ്വവിമോചകനാം വിശുദ്ധ പ്രവാചകന്‍’ എന്ന ശീര്‍ഷകത്തില്‍ അബുദാബി ഇന്ത്യന്‍ ഇസ്ലാമിക്‌ സെന്റര്‍ ഓഡിറ്റോറിയത്തില്‍ നടക്കുന്ന പരിപാടി പ്രമുഖ വ്യവസായിയും അബുദാബി ചേംബര്‍ ഓഫ്‌ കൊമേഴ്‌സ്‌ ഡയറക്ടറും ലുലു ഇന്റര്‍നാഷണല്‍ ഗ്രൂപ്പ്‌ ചെയര്‍മാനുമായ യൂസുഫലി എംഎ ഉല്‍ഘാടനം ചെയ്യും.
22ന്‌ ഞായറാഴ്‌ച രാത്രി എട്ടുമണിക്ക്‌ നടക്കുന്ന പരിപാടിയില്‍ പങ്കെടുക്കുന്നവര്‍ക്കായി വിപുലമായ സൗകര്യങ്ങളാണ്‌ ഏര്‍പ്പെടുത്തിയിട്ടുള്ളതെന്ന്‌ ഇസ്ലാമിക്‌ സെന്റര്‍ പ്രസിഡണ്ട്‌ പി ബാവഹാജി, ജനറല്‍ സെക്രട്ടറി അബ്ദുല്‍സലാം ഓഴൂര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.
കോട്ടക്കലിലെ സര്‍ഹിന്ദ്‌ നഗറില്‍നിന്ന്‌ തുടങ്ങിയ മദീനയിലേക്കുള്ള പാതക്ക്‌ മൂന്നാം തവണയാണ്‌ അബുദാബിയില്‍ വേദിയൊരുങ്ങുന്നത്‌. വികലമായിക്കൊണ്ടിരിക്കുന്ന മാനവരാശിയുടെ ചിന്തകളില്‍ ആത്മീയതയും വര്‍ത്തമാനകാലവൈകല്യങ്ങളുടെ സമൂലമായ മാറ്റവും ഉദ്‌ഘോഷിച്ചുകൊണ്ട്‌ നടത്തുന്ന പ്രഭാഷണം കഴിഞ്ഞ കാലങ്ങളില്‍ പ്രവാസിമലയാളികളില്‍ ഏറെ സ്വാധീനം ചെലുത്തിയിട്ടുണ്ട്‌.
ലോകസമാധാനവും മാനവ സ്നേഹവും ആധുനിക ലോകത്തിന് സമ്മാനിച്ച യുഎഇ രാഷ്ട്രപിതാവ് ശൈഖ് സായിദിന്റെ ഓർമ്മകൾ നിറഞ്ഞു നിൽക്കുന്ന അബുദാബിയുടെ മണ്ണിൽ മദീനയിലേക്കുള്ള പാത ഒരിക്കലൂടെ കടന്നുവരുന്നുവെന്നത് പ്രവാസികൾ ഏറെ ആവേശത്തോടെയാണ് നോക്കിക്കാണുന്നത്.
സെന്റര്‍ ട്രഷറര്‍ ഷിഹാബുദ്ദീന്‍ എവി, അബ്ദുല്‍അസീസ്‌ കാളിയാടന്‍, ഹാരിസ്‌ ബാഖവി, അഷറഫ്‌ പൊന്നാനി, സാബിര്‍ മാട്ടൂല്‍ തുടങ്ങിയവര്‍ വാര്‍ത്താസമ്മേളനത്തി്‌ല്‍ സന്നിഹിതരായിരുന്നു.
മസ്കത്ത്: അഹമ്മദാബാദ് വിമാന ദുരന്തത്തിൽ നിരവധി പേർക്ക് ജീവൻ നഷ്ടമായ ദാരുന്ന സംഭവത്തിൽ അതീവ ദുഖം രേഖപ്പെടുത്തുന്നതായി മസ്കത്ത് കെ.എം.സി.സി കേന്ദ്ര കമ്മിറ്റി പ്രസിഡന്റ് അഹമ്മദ് റഹീസ് പറഞ്ഞു. ഒമാനിലെ സലാലയിൽ മുമ്പ് ജോലി ചെയ്തിരുന്ന ഒരു മലയാളിയും അപകടത്തിൽ മരണപ്പെട്ടത് ഒമാനിലെ പ്രവാസി സമൂഹത്തെയാകെ വേദനിപ്പിക്കുന്നതാണെന്നും അദ്ദേഹം പറഞ്ഞു.
പത്തനംതിട്ട തിരുവല്ല സ്വദേശി രഞ്ജിത ഗോപകുമാറിന്റെ മരണം അവരുടെ കുടുംബത്തെ സംബന്ധിച്ചു മാത്രമല്ല മലയാളി സമൂഹത്തിനാകെ തീരാ വേദനയാണ്. മരണ പെട്ടവരുടെ കുടുംബത്തിന്റെയും പ്രിയപെട്ടവരുടെയും ദുഃഖത്തിൽ മസ്കത്ത് കെ.എം.സി.സി യും പങ്കാളികളാകുന്നുവെന്നും പരിക്കേറ്റവർ വേഗം സുഖം പ്രാപിക്കട്ടെയെന്നും മസ്കത്ത കെ.എം.സി.സി കേന്ദ്രകമ്മറ്റി പ്രസിഡന്റ് റഹീസ് അഹമ്മദ് വാർത്തകുറിപ്പിലൂടെ അറിയിച്ചു.
gulf
ഹജ്ജ് 2025; പുണ്യ മൈതാനില്‍ ആണ്‍കുഞ്ഞിന് ജന്മം നല്‍കി തീര്‍ത്ഥാടക
ഹജ്ജ് സീസണിലെ ആദ്യ പ്രസവമായി രേഖപ്പെടുത്തപ്പെട്ട ഈ സംഭവം തീര്‍ത്ഥാടകരുടെയും സുരക്ഷാ ജീവനക്കാരുടെയും ഹൃദയങ്ങള്‍ സ്പര്‍ശിച്ചു.
ഹജ്ജ് തീര്‍ത്ഥാടനത്തിനിടെ അറഫാ മൈതാനില്‍ ടോഗോ സ്വദേശിനിയായ യുവതി ആണ്‍കുഞ്ഞിന് ജന്മം നല്‍കി. ഹജ്ജ് സീസണിലെ ആദ്യ പ്രസവമായി രേഖപ്പെടുത്തപ്പെട്ട ഈ സംഭവം തീര്‍ത്ഥാടകരുടെയും സുരക്ഷാ ജീവനക്കാരുടെയും ഹൃദയങ്ങള്‍ സ്പര്‍ശിച്ചു.
മാതാവിന്റെ ആത്മാര്‍ത്ഥമായ തീവ്രവിശ്വാസത്തിന്റെയും അനുഭവത്തിന്റെയും ഭാഗമായി കുഞ്ഞിന് അറഫാത്ത് എന്ന പേരാണ് നല്‍കിയത്. ഈ വിശുദ്ധ മണ്ണില്‍ ജനിച്ച കുഞ്ഞിന് അര്‍ഹമായ പേരാണെന്നും, അറഫാത്തിന്റെ സ്മരണയായും ഈ നാമകരണമെന്നും അധികൃതര്‍ അഭിപ്രായപ്പെട്ടു.
സൗദി ഭരണകൂടത്തിന്റെ സമയോജിതമായ ഇടപെടല്‍ മൂലമാണ് പ്രസവം വിജയകരമായി നടക്കാനായത്. അമ്മയും കുഞ്ഞും പൂര്‍ണ്ണ ആരോഗ്യവാന്മാരാണെന്ന് അധികൃതര്‍ അറിയിച്ചു.
gulf
പ്രവാസി മലയാളി ഹൃദയാഘാതം മൂലം മരിച്ചു
മലപ്പുറം ഒതുക്കുങ്ങല്‍ മുനമ്പത്ത് സ്വദേശിയായ ശിഹാബുദ്ധീന്‍ പോത്തന്നൂരന്‍ (42 ) ആണ് മരിച്ചത്.
ജിദ്ദ: പ്രവാസി മലയാളി ഹൃദയാഘാതം മൂലം അന്തരിച്ചു. മലപ്പുറം ഒതുക്കുങ്ങല്‍ മുനമ്പത്ത് സ്വദേശിയായ ശിഹാബുദ്ധീന്‍ പോത്തന്നൂരന്‍ (42 ) ആണ് മരിച്ചത്. ജിദ്ദയിലെ ഷറഫിയ ഷാറ തൗബയിലുള്ള താമസസ്ഥലത്തായിരുന്നു മരണം. ഇരുപത് വര്‍ഷത്തോളമായി ജിദ്ദയില്‍ ജോലി ചെയ്ത് വരികയായിരുന്നു.
ജിദ്ദ കെഎംസിസി വെല്‍ഫെയര്‍ വിങ് ചെയര്‍മാന്‍ മുഹമ്മദ് കുട്ടി പാണ്ടിക്കാട്, ഒതുക്കുങ്ങല്‍ പഞ്ചായത്ത് കെഎംസിസി നേതാക്കളായ മജീദ് കോട്ടീരി, റഷീദ് പി കെ, സഹോദരന്‍ സുബൈര്‍, സഹോദരി ഭര്‍ത്താവ് ഫഹദ് കല്ലായി എന്നിവരുടെ നേതൃത്വത്തില്‍ നടപടി ക്രമങ്ങള്‍ പൂര്‍ത്തീകരിച്ച് മൃതദേഹം ജിദ്ദയില്‍ ഖബറടക്കും.
ഭാര്യ: ആബിദ സി പി, മക്കള്‍: അസിം മുഹമ്മദ്, ഇവാന്‍ ഹാദി, പിതാവ് പോത്തന്നൂരന്‍ മുഹമ്മദ് മാതാവ്: പാത്തുമ്മ, സഹോദരി: റാഷിദ, സഹോദരന്‍: സുബൈര്‍ (ജിദ്ദ).
-
Celebrity3 days ago‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
kerala2 days agoപടിയൂര് ഇരട്ടക്കൊലപാതകം; പ്രതി പ്രേംകുമാറിനെ മരിച്ച നിലയില് കണ്ടെത്തി
-
kerala3 days agoപ്ലസ്ടു വിദ്യാര്ഥിനിയെ പീഡിപ്പിച്ച് ഗര്ഭിണിയാക്കി; എസ്.എഫ്.ഐ നേതാവിനെതിരെ പോക്സോ കേസ്
-
kerala3 days agoകേരള സര്വകലാശാല സെനറ്റിലേക്ക് ആര്എസ്എസ് അനുകൂലിയെ നിയമനം നടത്തി ഗവര്ണര്
-
india2 days agoഅഹമ്മദാബാദില് വിമാനം തകര്ന്ന് വീണ മെഡിക്കല് കോളജ് ഹോസ്റ്റലിലെ അഞ്ച് വിദ്യാര്ഥികള് മരിച്ചു
-
kerala3 days agoഞാൻ ആർക്കും എതിരല്ല ; എതിർപ്പ് സിസ്റ്റത്തിനോട്; വേടൻ
-
gulf2 days agoപ്രവാസി മലയാളി ഹൃദയാഘാതം മൂലം മരിച്ചു
-
GULF2 days agoഒമാന് ഇന്ത്യന്‍ ഇസ്ലാഹി സെന്ററിന്റെ ഈദ് സ്നേഹ സംഗമം ഇന്ന്