വല്ലാർപാടം കണ്ടെയ്നർ ടെർമിനൽ ട്രെയിലെർ തൊഴിലാളി സമരം പിൻവലിച്ചു

വല്ലാർപാടം കണ്ടെയ്നർ ടെർമിനൽ ട്രെയിലെർ തൊഴിലാളികൾ പ്രഖ്യാപിച്ച സമരം തൊഴിൽവകുപ്പിന്റെ ഇടപെടലിനെ തുടർന്ന് പിൻവലിച്ചു.ട്രെയിലെർ ഡ്രൈവർമാരുടെയും ക്ലീൻർമാരുടെയും ബാറ്റയിൽ നാറ്റ് പാ ക്കിന്റെ റിപ്പോർട്ട് പ്രകാരം നിശ്ചയിച്ചിട്ടുള്ള വാടകയുടെ അടിസ്ഥാനത്തിൽ യഥാക്രമം 10.5, 5.25 % എന്ന ക്രമത്തിൽ വർധനവ് വരുത്തിയതിനെ തുടർന്നാണ് സമരം പിൻവലിച്ചത്. എറണാകുളത്ത് അഡിഷണൽ ലേബർ കമ്മിഷണർ കെ ശ്രീലാലിന്റെ അധ്യക്ഷതയിൽ ചേർന്ന അനുരഞ്ജന യോഗത്തിലാണ് തർക്കപരിഹാരം സാധ്യമായത്.