kerala
ജനത്തിന് ജീവിക്കാനാവാത്ത വിലക്കയറ്റമെന്ന് കെ സുധാകരന് എംപി
കഴിഞ്ഞ രണ്ടു മാസത്തിനിടെ പച്ചക്കറി, പലവ്യഞ്ജനം ഉള്പ്പെടെയുള്ള അവശ്യസാധനങ്ങള്ക്ക് അനിയന്ത്രിത വിലവര്ധനയാണ് ഉണ്ടായത്.

നിത്യോപയോഗ സാധനങ്ങളുടെ രൂക്ഷമായ വിലക്കയറ്റം കാരണം ജനത്തിന് ജീവിക്കാന് കഴിയാത്ത സാഹചര്യമാണ് സംസ്ഥാനത്തെന്ന് കെപിസിസി പ്രസിഡന്റ് കെ സുധാകരന് എംപി.
കഴിഞ്ഞ രണ്ടു മാസത്തിനിടെ പച്ചക്കറി, പലവ്യഞ്ജനം ഉള്പ്പെടെയുള്ള അവശ്യസാധനങ്ങള്ക്ക് അനിയന്ത്രിത വിലവര്ധനയാണ് ഉണ്ടായത്. വിപണി ഇടപെടല് നടത്തേണ്ട സര്ക്കാര് ഏജന്സിയായ സിവില് സപ്ലൈസ് കോര്പറേഷന് അടച്ചുപൂട്ടലിന്റെ വക്കിലാണ്.3400 കോടിയോളം രൂപയുടെ ബാധ്യതയുള്ള സപ്ലൈകോ ഓണക്കാലത്ത് കാര്യമായി ഒന്നും ചെയ്യാന് കഴിയാത്ത സ്ഥിതിയാണ്.കരാറുകാര്ക്ക് പണം നല്കാനുള്ളതിനാല് ടെന്ഡര് നടപടികള് പോലും നടക്കുന്നില്ല. സബ്സിഡിയുള്ള നിത്യോപയോഗ സാധനങ്ങള് സപ്ലൈകോയില് ലഭ്യമല്ല. ഇതുപോലൊരു പ്രതിസന്ധി സംസ്ഥാനത്ത് ഒരിക്കലും ഉണ്ടായിട്ടില്ല. സപ്ലൈകോ ഔട്ട്ലെറ്റുകളില് കടല, വന്പയര്, ചെറുപയര് തുടങ്ങിയവയൊന്നും സ്റ്റോക്കില്ല. പല സ്റ്റോറുകളിലും അരിക്കും ക്ഷാമമുണ്ട്. വിതരണക്കാര്ക്ക് 3 മാസമായി പണം നല്കാന് കഴിയാത്തതാണ് പ്രതിസന്ധിക്കു കാരണം.
ജനങ്ങളുടെ നട്ടെല്ല് ഒടിക്കുന്ന വിധമാണ് സംസ്ഥാനത്ത് നിത്യോപയോഗ സാധനങ്ങളുടെ വില ഉയരുന്നത്. ആര്ഭാടത്തിലും ധൂര്ത്തിലും മാത്രം ശ്രദ്ധകേന്ദ്രീകരിച്ച സംസ്ഥാന സര്ക്കാര് ജനജീവിതം ദുസ്സഹമാക്കുന്ന വിലക്കയറ്റത്തെ പിടിച്ചുനിര്ത്താനോ ജനങ്ങള്ക്ക് ആശ്വാസം നല്കുന്ന നടപടികള് സ്വീകരിക്കാനോ തയ്യാറാകുന്നില്ല. സംസ്ഥാനത്തെ കടുത്ത സാമ്പത്തിക പ്രതിസന്ധിയിലേക്ക് തള്ളിവിട്ടത് എല്ഡിഎഫ് സര്ക്കാരിന്റെ പിടിപ്പുകേടാണ്. അതിന്റെ ദുരിതം ഏറ്റവും കൂടുതല് അനുഭവിക്കേണ്ടി വരുന്നത് സാധാരണ ജനങ്ങളാണ്. ഓണക്കാലത്ത് മുടങ്ങാതെ നല്കിവന്നിരുന്ന കിറ്റു വിതരണം എല്ലാവര്ക്കും ഇത്തവണ നല്കില്ലെന്ന് ധനമന്ത്രി തന്നെ വ്യക്തമാക്കി.ഇത് ജനങ്ങളോടുള്ള വെല്ലുവിളിയാണെന്നും സുധാകരന് പറഞ്ഞു.
സംസ്ഥാന സര്ക്കാരിന്റെ സാമ്പത്തിക കെടുകാര്യസ്ഥത കാരണം നെല് കര്ഷകരും ദുരിതമനുഭവിക്കുകയാണ്.ദയനീയമായ നിലയിലാണ് കേരളത്തിന്റെ ഭക്ഷ്യ മേഖല. കര്ഷകരില് നിന്നും നെല്ല് സംഭരിച്ച് ആറുമാസം പിന്നിട്ടിട്ടും പണം നല്കിയിട്ടില്ല. ജനങ്ങളില് നിന്നുള്ള നികുതി മാത്രം പിരിച്ചെടുത്ത് നിത്യ നിദാന ചെലവും ആഡംബരവും നടത്തുന്ന ഗതികെട്ട മന്ത്രിസഭയാണ് കേരളത്തിലേത് . സാധാരണക്കാരന്റെ കുടുംബ ബജറ്റ് തന്നെ താളം തെറ്റിച്ചതിന് ഉത്തരവാദി സംസ്ഥാന സര്ക്കാരാണെന്നും സുധാകരന് പറഞ്ഞു.
kerala
പരപ്പനങ്ങാടിയില് ഒഴുക്കില്പെട്ട് കാണാതായ 17കാരന്റെ മൃതദേഹം കണ്ടെത്തി
മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി.

മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി. തൃശൂര് അഴീക്കോട് ബീച്ചില് നിന്നുമാണ് മൃതദ്ദേഹം കണ്ടെത്തിയത്. താനൂര് സ്വദേശി ജൂറൈജാണ് മരിച്ചത്.
ബന്ധുക്കളെത്തി മൃതദേഹം തിരിച്ചറിഞ്ഞു. കഴിഞ്ഞ ബുധനാഴ്ചയാണ് പരപ്പനങ്ങാടിയില് പുഴയില് കുളിക്കുന്നതിനിടെ വിദ്യാര്ത്ഥി ഒഴുക്കില്പ്പെട്ടത്.
എന്ഡിആര്എഫ്, ഫയര്ഫോഴ്സ് എന്നിവര്ക്ക് ഒപ്പം സന്നദ്ധ സംഘടനകളും നാട്ടുകാരും സ്വന്തം നിലക്ക് തിരച്ചില് നടത്തിയിരുന്നു. ശക്തമായ അടി ഒഴുക്കും പാറ കുഴികളും നിറഞ്ഞതിനാല് രക്ഷാപ്രവര്ത്തനം ദുഷ്കരമാക്കുകയായിരുന്നു.
kerala
മലപ്പുറത്ത് തെരുവ നായ ഇടിച്ച് ഓട്ടോ മറിഞ്ഞു; ഡ്രൈവര് മരിച്ചു
വെള്ളില സ്വദേശി നൗഫല് ആണ് മരിച്ചത്.

മലപ്പുറം: മലപ്പുറത്ത് തെരുവ് നായ ഇടിച്ച് ഓട്ടോ മറിഞ്ഞ് ഡ്രൈവര് മരിച്ചു. വെള്ളില സ്വദേശി നൗഫല് ആണ് മരിച്ചത്. മലപ്പുറം മങ്കട കര്ക്കിടകത്താണ് അപകടം.
ഇന്ന് രാവിലെയായിരുന്നു അപകടമുണ്ടായത്. തെരുവ് നായ ഇടിച്ചതൊടെ ഓട്ടോറിക്ഷ നിയന്ത്രണം വിട്ട് മറിയുകയായിരുന്നു. ഓട്ടോയിലെ യാത്രക്കാര്ക്ക് പരിക്കേറ്റു. തലയടിച്ചു വീണാണ് നൗഫല് മരണപ്പെട്ടത്. മൃതദേഹം മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി.
kerala
കൂടരഞ്ഞി ഇരട്ടക്കൊലപാതകം; കൊല്ലപ്പെട്ടയാളുടെ രേഖാചിത്രം പുറത്തുവിട്ടു
കോഴിക്കോട് കൂടരഞ്ഞിയില് 39 വര്ഷങ്ങള്ക്ക് മുമ്പ് ഇരട്ട കൊലപാതകം നടത്തിയെന്ന പ്രതിയുടെ വെളിപ്പെടുത്തലില് കൊല്ലപ്പെട്ടയാളുടെ രേഖാചിത്രം പുറത്തുവിട്ടു.

കോഴിക്കോട് കൂടരഞ്ഞിയില് 39 വര്ഷങ്ങള്ക്ക് മുമ്പ് ഇരട്ട കൊലപാതകം നടത്തിയെന്ന പ്രതിയുടെ വെളിപ്പെടുത്തലില് കൊല്ലപ്പെട്ടയാളുടെ രേഖാചിത്രം പുറത്തുവിട്ടു. വീട്ടുടമ ചിത്രം സ്ഥിരീകരിച്ചു. പ്രതിയുമായുള്ള ചോദ്യം ചെയ്യലില് നിന്ന് ലഭിച്ച വിവരമനുസരിച്ച് മുന് പോലീസ് ഉദ്യോഗസ്ഥന് പ്രേംദാസാണ് രേഖാചിത്രം വരച്ചത്.
പ്രതിയുടെ വെളിപ്പെടുത്തല് അന്വേഷിക്കാന് ഏഴംഗ ക്രൈം സ്ക്വാഡ് രൂപീകരിച്ചിരുന്നു. വെള്ളയില് കൊലപാതകത്തില് മുഹമ്മദലിക്ക് ഒപ്പമുണ്ടായിരുന്നയാളെ കണ്ടെത്താനുള്ള ശ്രമം പൊലീസ് ആരംഭിച്ചിരുന്നു. 1989ല് കോഴിക്കോട് വെള്ളയില് ബീച്ചില് വെച്ച് യുവാവിനെ കൊലപ്പെടുത്തി എന്ന് മുഹമ്മദലി വെളിപ്പെടുത്തിയിരുന്നു. ഇതിന് സുഹൃത്ത് ബാബുവിന്റെ സഹായം ലഭിച്ചതായും മൊഴിയിലുണ്ട്. 1989 സെപ്തംബര് 24 ന് കടപ്പുറത്ത് യുവാവ് മരിച്ചിരുന്നു. എന്നാല് മരിച്ചത് ആരെന്ന് തിരിച്ചറിയാന് കഴഞ്ഞില്ല. മുഹമ്മദലിയുടെ മൊഴിയുടെ അടിസ്ഥാനത്തില് പോലീസ് ഈ കേസ് വീണ്ടും അന്വേഷിക്കുന്നുണ്ട്.
ഈ കേസില് അന്വേഷണം പുരോഗമിക്കുന്നതിനിടെയായിരുന്നു 39 വര്ഷം മുമ്പ് കൂടരഞ്ഞിയില് വച്ച് യുവാവിനെ കൊലപ്പെടുത്തി എന്ന് കൂടി മുഹമ്മദലി വെളിപ്പെടുത്തിയത്. കൂടരഞ്ഞിയിലെ തോട്ടിന് സമീപത്തി തെളിവെടുപ്പ് നടത്തി അങ്ങനെ ഒരാള് അന്ന് തോട്ടില് വീണു മരിച്ചിട്ടുണ്ടെന്ന് പൊലീസ് സ്ഥിരീകരിച്ചു. എന്നാല് കൊല്ലപ്പെട്ടതാരാണെന്ന് ഇതുവരെ തിരിച്ചറിഞ്ഞിട്ടില്ല.
-
kerala23 hours ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala3 days ago
വളര്ത്തു പൂച്ച മാന്തിയതിനു പിന്നാലെ വാക്സിനെടുത്ത് ചികിത്സയിലായിരുന്ന വിദ്യാര്ഥിനി മരിച്ചു
-
News3 days ago
‘അണ്സബ്സ്ക്രൈബ്’ ടാബ്; പുതിയ ഫീച്ചറുമായി Gmail
-
kerala2 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
kerala3 days ago
നിമിഷപ്രിയയുടെ മോചനം; ഇടപെടല് തേടി പ്രധാനമന്ത്രിക്ക് കത്തയച്ച് കൊടിക്കുന്നില് സുരേഷ് എംപി
-
india3 days ago
MSC Elsa 3 കപ്പല് അപകടം: സംസ്ഥാനം ആവശ്യപ്പെട്ട നഷ്ടപരിഹാരം നല്കാനാവില്ലെന്ന് കമ്പനി
-
Video Stories3 days ago
നിമിഷപ്രിയയുടെ വധശിക്ഷ: ഇതുവരെ സ്വീകരിച്ച നടപടികള് അറിയിക്കാന് കേന്ദ്രത്തിന് നിര്ദേശം നല്കി സുപ്രീംകോടതി
-
Video Stories3 days ago
ഉളിയില് ഖദീജ കൊലക്കേസ്: പ്രതികളായ സഹോദരങ്ങള്ക്ക് ജീവപര്യന്തം