Sports
ഇംഗ്ലീഷ് ക്ലബ്ബ് സണ്ടര്ലാന്റ് വില്പ്പനക്ക്; വില 452 കോടി
ലണ്ടന്: ഇംഗ്ലീഷ് ക്ലബ്ബ് സണ്ടര്ലാന്റ് വില്പ്പനക്ക്. ഇംഗ്ലണ്ടിലെ രണ്ടാം ഡിവിഷനായ ചാമ്പ്യന്ഷിപ്പില് അവസാന സ്ഥാനത്തേക്ക് പിന്തള്ളപ്പെട്ടതോടെയാണ് ‘ബ്ലാക്ക് ക്യാറ്റ്സ്’ എന്നു വിളിപ്പേരുള്ള ക്ലബ്ബിനെ ഉടമ എല്ലിസ് ഷോര്ട്ട് വില്പ്പനക്കു വെച്ചത്. 50 ദശലക്ഷം പൗണ്ട് (452 കോടി രൂപ) ആണ് ഉടമ ആവശ്യപ്പെടുന്നതെങ്കിലും സണ്ടര്ലാന്റിനെ വാങ്ങാന് ആഗ്രഹിക്കുന്നവര് ക്ലബ്ബിന്റെ കടം കൂടി ഏറ്റെടുക്കേണ്ടി വരും. 2016-ലെ കണക്കു പ്രകാരം 136.6 ദശലക്ഷം പൗണ്ട് ആണ് ക്ലബ്ബിന്റെ കടം.
Sunderland have been put up for sale and owner Ellis Short will take £50m for the Championship club.
— Bolarinwa Olajide (@iambolar) February 20, 2018
24 ടീമുകളുള്ള ചാമ്പ്യന്ഷിപ്പില് ബോള്ട്ടന് വാണ്ടറേഴ്സിനോട് തോറ്റതോടെയാണ് സണ്ടര്ലാന്റ് അവസാന സ്ഥാനത്തേക്ക് പിന്തള്ളപ്പെട്ടത്. സമീപ കാലത്ത് പ്രീമിയര് ലീഗ് വരെ കളിച്ചിട്ടുള്ള ക്ലബ്ബ് മൂന്നാം ഡിവിഷനായ ലീഗ് വണ്ണിലേക്ക് തരംതാഴ്ത്തപ്പെടാനുള്ള സാധ്യത ഏറെയാണ്. ചാമ്പ്യന്ഷിപ്പില് തുടരാനുള്ള സാധ്യത ഏറെക്കുറെ അവസാനിക്കുകയും കടം പെരുകുകയും ചെയ്തതോടെയാണ് അമേരിക്കന് വ്യവസായിയായ എല്ലിസ് ഷോര്ട്ട് ക്ലബ്ബിനെ കയ്യൊഴിയാനുള്ള തീരുമാനമെടുത്തത്. ആരാധകരുടെ ശക്തമായ പ്രതിഷേധവും ഈ തീരുമാനത്തിനു പിന്നിലുണ്ട്.
140 വര്ഷം പഴക്കമുള്ള ക്ലബ്ബിനെ എല്ലിസ് ഷോര്ട്ട് കൈകാര്യം ചെയ്യുന്ന രീതിക്കെതിരെ ആരാധകര് ശക്തമായ പ്രതിഷേധം രേഖപ്പെടുത്തിയിരുന്നു. എല്ലിസ് ക്ലബ്ബ് വില്ക്കണമെന്നാവശ്യപ്പെട്ടു കൊണ്ടുള്ള ഓണ്ലൈന് പെറ്റീഷനില് ആയിരക്കണക്കിന് ആരാധകര് ഒപ്പുവെച്ചു. ക്ലബ്ബിനെ ബഹുമാനിക്കുന്ന ഒരാള് വാങ്ങാന് മുന്നോട്ടു വരുന്നതു വരെ ക്ലബ്ബിലെ ദൈനംദിന കാര്യങ്ങള് സുതാര്യമായി നടത്തണമെന്നും ആരാധകരെ മുഖവിലക്കെടുക്കണമെന്നും പെറ്റീഷനില് പറയുന്നു.
Sports
ശുഭ്മന് ഗില് രണ്ടാം ടെസ്റ്റില് നിന്ന് പുറത്ത്; ക്യാപ്റ്റന് പദവി റിഷഭ് പന്തിന് സാധ്യത
ആദ്യ ടെസ്റ്റിനിടെ കഴുത്തിന് പരിക്കേറ്റ താരം ഇപ്പോഴും പൂർണമായി ഭേദമായിട്ടില്ല.
ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിൽ ഇന്ത്യൻ ക്യാപ്റ്റൻ ശുഭ്മൻ ഗിൽ കളിക്കാനിടയില്ല. ആദ്യ ടെസ്റ്റിനിടെ കഴുത്തിന് പരിക്കേറ്റ താരം ഇപ്പോഴും പൂർണമായി ഭേദമായിട്ടില്ല. ഗുവാഹത്തിയിൽ നടക്കുന്ന രണ്ടാം ടെസ്റ്റിന് ടീമിനൊപ്പം യാത്ര ചെയ്യുന്നുവെങ്കിലും ഗിൽ ടീമിൽ തിരികെ ചേരുന്ന സമയത്തെക്കുറിച്ച് വ്യക്തതയില്ല. ഡോക്ടർമാർ താരത്തിന് താൽക്കാലിക വിശ്രമം നിർദേശിച്ചിരിക്കുകയാണ്.
ശനിയാഴ്ച ആരംഭിക്കുന്ന രണ്ടാം ടെസ്റ്റിന് മുമ്പ് ഗിലിന്റെ പരിക്ക് ഭേദമാകില്ലെന്നാണ് സൂചന. അങ്ങനെ സംഭവിക്കുകയാണെങ്കിൽ സായി സുധർശനോ ദേവ്ദത്ത് പടിക്കലോ ടീമിൽ ഇടംപിടിക്കാനുള്ള സാധ്യത കൂടുതലാണ്.
ഗിൽ പുറത്തിരിക്കുകയാണെങ്കിൽ വൈസ് ക്യാപ്റ്റൻ റിഷഭ് പന്താണ് രണ്ടാം ടെസ്റ്റിൽ ടീമിനെ നയിക്കുക. ഇതോടൊപ്പം പിന്നാലെ നടക്കുന്ന ഏകദിന പരമ്പരയിൽ ഇന്ത്യൻ ടീമിന്റെ ക്യാപ്റ്റൻ ആരാകും എന്നതിലേക്കും ശ്രദ്ധ തിരിയുന്നു. ശ്രേയസ് അയ്യർ പരിക്കേറ്റ് പുറത്തായതിനാൽ ഗിൽ കളിക്കാതെ വരുകയാണെങ്കിൽ ഏകദിനങ്ങൾക്ക് പുതിയ നായകനെ മുന്നോട്ട് കൊണ്ടുവരേണ്ടി വരും.
നവംബർ 22 മുതൽ 26 വരെ അസാമിലെ ഗുവാഹത്തിയിലാണ് രണ്ടാം ടെസ്റ്റ് നടക്കുന്നത്. ഈഡൻ ഗാർഡനിൽ നടന്ന ആദ്യ ടെസ്റ്റിൽ ദക്ഷിണാഫ്രിക്ക ഇന്ത്യയെ തോൽപ്പിച്ചിരുന്നു. രണ്ടാം ടെസ്റ്റ് വിജയം ലക്ഷ്യമിട്ടാണ് ഇന്ത്യ ഇനി ഇറങ്ങുന്നത്.
ഇന്ത്യൻ ടീം (ടെസ്റ്റ് പരമ്പര):
ശുഭ്മൻ ഗിൽ (ക്യാപ്റ്റൻ), റിഷഭ് പന്ത് (വിക്കറ്റ് കീപ്പർ, വൈസ് ക്യാപ്റ്റൻ), യശസ്വി ജയ്സ്വാൽ, കെ.എൽ. രാഹുൽ, സായി സുധർശൻ, ദേവ്ദത്ത് പടിക്കൽ, ധ്രുവ് ജുറേൽ, രവീന്ദ്ര ജഡേജ, വാഷിങ്ടൺ സുന്ദർ, ജസ്പ്രീത് ബുംറ, അക്സർ പട്ടേൽ, മുഹമ്മദ് സിറാജ്, കുൽദീപ് യാദവ്, ആകാശ് ദീപ്.
Sports
രഞ്ജി ട്രോഫി: മധ്യപ്രദേശിനെതിരെ 89 റണ്സിന്റെ ലീഡ് നേടി കേരളം
കേരളത്തിന്റെ 281 റണ്സെന്ന ആദ്യ ഇന്നിംഗ്സ് സ്കോറിനെ പിന്തുടര്ന്ന മധ്യപ്രദേശ് 192 റണ്സിന് ഒതുങ്ങുകയായിരുന്നു.
ഇന്ദോര്: രഞ്ജി ട്രോഫി ക്രിക്കറ്റ് ടൂര്ണമെന്റില് മധ്യപ്രദേശിനെതിരെ കേരളത്തിന് 89 റണ്സിന്റെ വിലപ്പെട്ട ഒന്നാം ഇന്നിംഗ്സ് ലീഡ്. കേരളത്തിന്റെ 281 റണ്സെന്ന ആദ്യ ഇന്നിംഗ്സ് സ്കോറിനെ പിന്തുടര്ന്ന മധ്യപ്രദേശ് 192 റണ്സിന് ഒതുങ്ങുകയായിരുന്നു.
കേരളത്തിന് വേണ്ടി ഏദന് ആപ്പിള് ടോം നാല് വിക്കറ്റും നിധീഷ് എം.ഡി മൂന്ന് വിക്കറ്റും കരസ്ഥമാക്കി മധ്യപ്രദേശ് ബാറ്റിംഗ് നിരയെ തകര്ത്തു. 67 റണ്സ് നേടിയ സരണ്ഷ് ജെയ്നാണ് മധ്യപ്രദേശിന്റെ ടോപ് സ്കോറര്. ആര്യന് പാണ്ഡെ 36 റണ്സുമായി സഹായിച്ചു.
ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ കേരളത്തെ 98 റണ്സ് നേടിയ ബാബാ അപരാജിതാണ് ഭേദപ്പെട്ട സ്കോറിലേക്ക് നയിച്ചത്. അഭിജിത് പ്രവീണ് (60), അഭിഷേക് നായര് (47) എന്നിവരും നിര്ണായക സംഭാവന നല്കി.
മധ്യപ്രദേശിനായി മുഹമ്മദ് അര്ഷദ് ഖാന് നാല് വിക്കറ്റും സരണ്ഷ് ജെയ്ന് മൂന്ന് വിക്കറ്റും വീഴ്ത്തി.
Sports
രഞ്ജി ട്രോഫിയില് സ്മരണ് രവിചന്ദ്രന്റെ ഡബിള് സെഞ്ച്വറി; കര്ണാടകയുടെ യുവതാരം തിളങ്ങി
ചണ്ഡീഗഢിനെതിരായ മത്സരത്തില് താരം 362 പന്തില് പുറത്താകാതെ 227 റണ്സ് നേടി.
ചണ്ഡീഗഢ്: രഞ്ജി ട്രോഫിയില് വീണ്ടും ഡബിള് സെഞ്ച്വറിയുമായി കര്ണാടകയുടെ യുവ ക്രിക്കറ്റ് പ്രതിഭ സ്മരണ് രവി ചന്ദ്രന് തകര്പ്പന് പ്രകടനം. ചണ്ഡീഗഢിനെതിരായ മത്സരത്തില് താരം 362 പന്തില് പുറത്താകാതെ 227 റണ്സ് നേടി. 16 ഫോറുകളും ഒരു സിക്സും അടങ്ങുന്ന ഇന്നിംഗ്സാണ് താരം കളിച്ചത്.
ഈ സീസണില് കേരളത്തിനെതിരെയും സ്മരണ് പുറത്താകാതെ ഡബിള് സെഞ്ച്വറി നേടിയിരുന്നു. കഴിഞ്ഞ സീസണില് പഞ്ചാബിനെതിരായ മത്സരത്തിലും ഇരട്ടയക്ക ശതകത്തോടെ താരം ശ്രദ്ധനേടി. 2024-25 വിജയ് ഹസാരെ ട്രോഫി ഫൈനലില് കര്ണാടകയ്ക്കായി താരം നേടിയ മാച്ച് വിന്നിംഗ് സെഞ്ച്വറി (101 റണ്സ്) ഏറെ ചര്ച്ചയായിരുന്നു.
വെറും 22 വയസ്സുള്ള സ്മരണ് ഇതിനകം തന്നെ 3 ഡബിള് സെഞ്ച്വറികള്, 1 സെഞ്ച്വറി, നിരവധി ഹാഫ് സെഞ്ച്വറികള് എന്നിവ സ്വന്തമാക്കി.
13 ഫസ്റ്റ് ക്ലാസ് മത്സരങ്ങള് കളിച്ച താരം 1000 റണ്സ് പിന്നിട്ടുകഴിഞ്ഞു.
ഐപിഎലില് സ്മരണ് സണ്റൈസേഴ്സ് ഹൈദരാബാദ് ടീമിലെ താരമാണ്. 2025 സീസണില് ആദം സാംപയ്ക്ക് പകരക്കാരനായി 30 ലക്ഷം രൂപയ്ക്ക് എസ്ആര്എച്ച് താരത്തെ ടീമിലെത്തിച്ചെങ്കിലും പരിക്ക് മൂലം ടൂര്ണമെന്റില് നിന്ന് പിന്മാറേണ്ടി വന്നു. സ്മരണ് പുറത്തായതോടെ ഹര്ഷ് ദുബെ ടീമിലേക്കെത്തി.
എങ്കിലും സണ്റൈസേഴ്സ് ഹൈദരാബാദ് 2026 സീസണിലേക്കുള്ള നിലനിര്ത്തല് പട്ടികയില് സ്മരണ് ഉള്പ്പെടുത്തിയിട്ടുണ്ട്, അതോടെ മടങ്ങിവരവിന് വാതില് തുറന്നു.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india1 day agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
-
Video Stories2 days agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു