Culture
‘നിങ്ങള്‍ വലിയ മനുഷ്യനല്ലേ, എന്താണ് മിണ്ടാതിരിക്കുന്നത്’; ബച്ചനോട് പ്രകാശ് രാജ്
ബാംഗളൂരു: രാജ്യത്ത് വര്‍ദ്ധിച്ചുവരുന്ന ആര്‍.എസ്.എസ് അക്രമത്തിനെതിരെ ശബ്ദമുയര്‍ത്താന്‍ സഹപ്രവര്‍ത്തകരോട് ആഹ്വാനം ചെയ്ത് നടന്‍ പ്രകാശ് രാജ്. കഠ്‌വ, ഉന്നാവോ കേസുകളില്‍ രാജ്യത്തെ മുതിര്‍ന്ന ബോളിവുഡ് താരങ്ങള്‍ തുടര്‍ന്നുകൊണ്ടിരിക്കുന്ന മൗനത്തെ കുറ്റപ്പെടുത്തി സംസാരിക്കുകയായിരുന്നു പ്രകാശ് രാജ്. മുന്‍ ‘ഔട്ട്‌ലുക്ക്’ എഡിറ്റര്‍ കൃഷ്ണപ്രസാദുമായുള്ള അഭിമുഖത്തിലാണ് പ്രകാശ് രാജ് അമിതാഭ് ബച്ചനെതിരെ വിമര്‍ശനവുമായി രംഗത്തെത്തിയത്.
നിങ്ങളൊരു വലിയ മനുഷ്യനാണ് സാര്‍, നിങ്ങളെ ഞങ്ങള്‍ ബഹുമാനിക്കുന്നു, നിങ്ങള്‍ മൗനം വെടിഞ്ഞ് സംസാരിക്കൂവെന്ന് അമിതാഭ് ബച്ചനോട് പ്രകാശ് രാജ് പറഞ്ഞു. ‘നിങ്ങളൊരു വലിയ മനുഷ്യനാണ് സാര്‍, നിങ്ങളെ ഞങ്ങള്‍ ബഹുമാനിക്കുന്നു. രാജ്യം അപകടകരമായ അവസ്ഥയില്‍ നില്‍ക്കുമ്പോള്‍ നിങ്ങളെന്ത് കൊണ്ട് മൗനം പാലിച്ചുവെന്ന് പുതിയ തലമുറ നിങ്ങളോട് ചോദിക്കാന്‍ ഇടവരുത്തരുത്. നിങ്ങളുടെ ശബ്ദം ശക്തമാണ്. നിങ്ങള്‍ ഈ അനീതിക്കെതിരെ ശബ്ദിക്കൂ. ദയവായി എന്നോട് പ്രായമായെന്നോ മറ്റോ തരത്തിലുള്ള ഒഴികഴിവ് പറയരുത്. നിങ്ങള്‍ വിവേകിയും അറിവുള്ളയാളുമാണ്. ഞങ്ങള്‍ക്ക് നിങ്ങളുടെ ശബ്ദം ആവശ്യമാണ്. നിങ്ങളില്‍ നിന്നും ഒന്നും നേടാനല്ല ഇത് പറയുന്നത്. നിങ്ങളുടെ മൗനം അവരെ പിന്തുണക്കുന്നുവെന്നും കരുതുന്നില്ല. നിങ്ങള്‍ ശബ്ദമുയര്‍ത്താതിരിക്കുന്നത് ഈ സമൂഹത്തോട് ചെയ്യുന്ന അനീതിയാണ്’; പ്രകാശ് രാജ് പറഞ്ഞു.
താങ്കള്‍ക്ക് സംസാരിക്കാനും സംസാരിക്കാതിരിക്കാനും അവകാശമുണ്ട്. എന്നാല്‍ നിരവധി സമയങ്ങളില്‍ നിങ്ങള്‍ സംസാരിക്കുന്നത് കേട്ടിട്ടുണ്ട്. നിങ്ങളെന്താണ് ഇപ്പോള്‍ മിണ്ടാതിരിക്കുന്നത്. ഇതൊരു കുട്ടിയാണ്. ചിലപ്പോള്‍ ഇതെന്റെ മകളായിരിക്കാം, അല്ലെങ്കില്‍ ആരുടേയെങ്കിലും മകളായിരിക്കാം. എങ്കിലും എന്തുകൊണ്ടാണ് നിശബ്ദനായിരിക്കുന്നതെന്നും കഠ് വ കേസിലെ ബച്ചന്‍ നിശബ്ദനാണെന്ന് ചൂണ്ടിക്കാട്ടി പ്രകാശ് രാജ് പറഞ്ഞു.
ബോളിവുഡിലെ മിക്ക താരങ്ങളും സാമൂഹികഉത്തരവാദിത്തങ്ങളില്‍ നിന്ന് അകലം പാലിക്കുന്നത് ലജ്ജാകരമാണെന്ന് പ്രകാശ് രാജ് പറഞ്ഞു. നിങ്ങള്‍ ഉണരൂ, നിങ്ങളുടെ സഹതാരങ്ങളോടും പറയൂ. അനീതിക്കെതിരെ ശബ്ദമുയര്‍ത്താന്‍ ആഹ്വാനം ചെയ്യൂ. സിനിമയില്‍ ഹീറോ ആകുന്നതല്ല യഥാര്‍ത്ഥത്തിലുള്ള നേട്ടം. വ്യത്യസ്തമായുള്ള ജീവിതം നയിക്കാന്‍ കഴിയണം. തന്റെ സഹപ്രവര്‍ത്തകരായ താരങ്ങള്‍ക്ക് അവരുടെ ചുറ്റുപാടുകളെക്കുറിച്ച് ഒട്ടും ധാരണയില്ല. ആരാണ് അവരുടെ എം.എല്‍.എ എന്നും ആരാണ് അവരുടെ എം.പിയെന്നും അവര്‍ക്ക് ധാരണയില്ലെന്നും പ്രകാശ് രാജ് വിമര്‍ശിച്ചു.
Film
മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസ്: സൗബിൻ ഷാഹിറിന് ഹാജരാകാനുള്ള തിയതി ഹൈക്കോടതി നീട്ടിനൽകി
കൊച്ചി: മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറിന് ആശ്വാസം. അന്വേഷണ സംഘത്തിന് മുന്നിൽ ഹാജരാകാനുള്ള തിയതി ഹൈക്കോടതി നീട്ടിനൽകി. മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസിൽ, ഇന്നായിരുന്നു അന്വേഷണസംഘത്തിന് മുന്നിൽ ഹാജരാകാൻ അനുവദിച്ച അവസാന ദിവസം. സൗബിൻ, പിതാവ് ബാബു ഷാഹിർ, സഹ നിർമാതാവ് ഷോൺ ആന്‍റണി എന്നിവർ സമർപ്പിച്ച മുൻകൂർ ജാമ്യാപേക്ഷയിലാണ് ഹൈക്കോടതി നടപടി.
പൊലീസിന് മുന്നിൽ ഹജരാകാനുള്ള തിയതി ഈ മാസം 27 വരെയാണ് കോടതി നീട്ടി നൽകിയത്. സിനിമയ്‌ക്കായി താൻ മുടക്കിയ പണവും സിനിമയുടെ ലാഭവിഹിതവും നൽകിയില്ലെന്ന അരൂർ സ്വദേശി സിറാജ് വലിയതറയുടെ പരാതിയിലാണ് മൂന്ന് പേർക്കുമെതിരെ പൊലീസ് കേസെടുത്തത്. കേസ് റദ്ദാക്കണമെന്ന് ആവശ്യപ്പെട്ട് മൂവരും ഹൈക്കോടതിയെ സമീപിച്ചിരുന്നെങ്കിലും ആവശ്യം തള്ളിയിരുന്നു.
കൊച്ചി: ലഹരി ഉപയോഗിക്കില്ലെന്ന സത്യവാങ്മൂലം സിനിമാപ്രവർത്തകരിൽ നിന്ന് എഴുതി വാങ്ങാൻ നിർമാതാക്കളുടെ സംഘടനയായ കേരള ഫിലിം പ്രൊഡ്യൂസേഴ്സ് അസോസിയേഷൻ. നടീനടന്മാർ അടക്കം എല്ലാവരും സത്യവാങ്മൂലം നൽകണം.
ലഹരി വിരുദ്ധ ദിനമായ ജൂൺ 26 മുതൽ നിബന്ധന നടപ്പിൽ വരുത്തും. അമ്മ, ഫെഫ്ക എന്നീ സംഘടനകളോടാണ് സത്യവാങ്മൂലം ആവശ്യപ്പെട്ടിരിക്കുന്നത്. വേതന കരാറിനൊപ്പം ഈ സത്യവാങ്മൂലം കൂടി നിര്‍ബന്ധമാക്കിയേക്കും.
Film
അഞ്ച് കോടിയിലധികം കളക്ഷൻ; ബോക്സ് ഓഫീസ് ഹിറ്റ് ലിസ്റ്റിൽ ഇടം പിടിച്ച് അനശ്വര രാജന്റെ ‘വ്യസനസമേതം ബന്ധുമിത്രാദികള്‍’
അനശ്വര രാജൻ, ബൈജു സന്തോഷ്, അസീസ് നെടുമങ്ങാട്, സിജു സണ്ണി, ജോമോൻ ജ്യോതിർ, നോബി, മല്ലിക സുകുമാരൻ എന്നിവരെ പ്രധാന കഥാപാത്രങ്ങളാക്കി എസ് വിപിൻ തിരക്കഥയെഴുതി സംവിധാനം ചെയ്ത ചിത്രമാണ് ‘വ്യസനസമേതം ബന്ധുമിത്രാദികള്‍’. കഴിഞ്ഞയാഴ്ച തിയറ്ററുകളിലെത്തിയ ചിത്രം ഡാര്‍ഡ് ഹ്യൂമറിന്‍റെ പശ്ചാത്തലത്തില്‍ കഥ പറയുന്ന പറഞ്ഞ് തിയറ്ററുകളില്‍ പൊട്ടിച്ചിരി ഉയര്‍ത്തുകയാണ്. പ്രേക്ഷകർക്കിടയിലും അതുപോലെ നിരൂപകർക്കിടയിലും ബോക്സ് ഓഫീസിലും ചിത്രം മികച്ച പ്രതികരണമാണ് നേടുന്നത്.
ആദ്യ ദിനങ്ങളിൽ നിന്നും ചിത്രത്തിന് ഗംഭീര പിന്തുണയോടെ കളക്ഷനിലും ഉയർച്ച കുറിച്ചിട്ടുണ്ട്. ആറാം ദിവസത്തിലേക്ക് എത്തുമ്പോൾ അഞ്ച് കോടിയിലധികം കളക്ഷൻ നേടി ‘വ്യസനസമേതം ബന്ധുമിത്രാദികള്‍’ നിർമ്മാതാവിന് ലാഭം നേടി കൊടുത്ത ചിത്രമായി മാറുകയാണ്. വൻ തുകയ്ക്കാണ് ചിത്രത്തിന്റെ ഒടിടി, സാറ്റലൈറ്റ്, റീമേക്ക് ചർച്ചകൾ പുരോഗമിക്കുന്നത്. അനശ്വര രാജൻ, മല്ലിക സുകുമാരൻ, ബൈജു സന്തോഷ്, അസീസ് നെടുമങ്ങാട്, സിജു സണ്ണി, ജോമോൻ ജ്യോതിർ, നോബി, അരുൺ കുമാർ, അശ്വതി ചന്ദ് കിഷോർ തുടങ്ങിയവരാണ് ചിത്രത്തിലേ മുഖ്യ താരങ്ങൾ.
‘വാഴ’ എന്ന ഹിറ്റ് ചിത്രത്തിനു ശേഷം ഡബ്ല്യുബിടിഎസ് പ്രൊഡക്ഷൻസ് തെലുങ്കിലെ പ്രശസ്ത നിർമ്മാണ കമ്പനിയായ ഷൈൻ സ്ക്രീൻസ് സിനിമയുമായി സഹകരിച്ച് വിപിൻ ദാസ്, സാഹു ഗാരപാട്ടി എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം റഹീം അബൂബക്കർ നിർവ്വഹിക്കുന്നു. എഡിറ്റർ ജോൺകുട്ടി, സംഗീതം അങ്കിത് മേനോൻ, എക്സിക്യൂട്ടിവ് പ്രൊഡ്യൂസർ ഹാരിസ് ദേശം, കനിഷ്ക ഗോപി ഷെട്ടി, ലൈൻ പ്രൊഡ്യൂസർ അജിത് കുമാർ, അഭിലാഷ് എസ് പി, ശ്രീനാഥ് പി എസ്, പ്രൊഡക്ഷൻ എക്സിക്യൂട്ടീവ് അനീഷ് നന്ദിപുലം, പ്രൊഡക്ഷൻ ഡിസൈനർ ബാബു പിള്ള, മേക്കപ്പ് സുധി സുരേന്ദ്രൻ, കോസ്റ്റ്യൂംസ് അശ്വതി ജയകുമാർ, സ്റ്റിൽസ് ശ്രീക്കുട്ടൻ എ എം, പരസ്യകല യെല്ലോ ടൂത്ത്സ്, ക്രീയേറ്റീവ് ഡയറക്ടർ സജി ശബന, ചീഫ് അസോസിയേറ്റ് ഡയറക്ടർ രാജീവൻ അബ്ദുൾ ബഷീർ, സൗണ്ട് ഡിസൈൻ അരുൺ മണി, ഫിനാൻസ് കൺട്രോളർ കിരൺ നെട്ടയം, പ്രൊഡക്ഷൻ മാനേജർ സുജിത് ഡാൻ, ബിനു തോമസ്, പ്രൊമോഷൻ കൺസൽട്ടന്റ് വിപിൻ വി, പിആര്‍ഒ എ എസ് ദിനേശ്, ഡിസ്ട്രിബൂഷൻ ഐക്കൺ സിനിമാസ്.
-
Video Stories3 days agoആവേശമായി കൊട്ടിക്കലാശം; നിലമ്പൂരില് വിജയം ഉറപ്പാക്കി യുഡിഎഫ്
-
kerala3 days agoജനങ്ങളുടെ സുരക്ഷക്ക് പുല്ലുവില; മുഖ്യമന്ത്രിയുടെ സുഖയാത്രക്ക് റോഡിലെ കുഴി നികത്തി പൊലീസുകാര്
-
kerala3 days agoഹജ്ജ് കര്മങ്ങള്ക്കിടെ ശാരീരികാസ്വസ്ഥ്യം; ചികിത്സയിലിരുന്ന മലയാളി യുവതി മരിച്ചു
-
india3 days agoസാങ്കേതിക തകരാര്; ഇന്ന് മാത്രം 5 എയര് ഇന്ത്യ വിമാനങ്ങള് റദ്ദാക്കി
-
kerala3 days agoമെഴുവേലിയില് നവജാതശിശു മരിച്ച സംഭവം; യുവതിയുടെ മൊഴി പുറത്ത്
-
News3 days agoഒളിച്ചിരിക്കുന്നത് എവിടെയാണെന്നറിയാം; ഖാംനഇ ഒരു ഈസി ടാര്ഗറ്റ്; ഡൊണാള്ഡ് ട്രംപ്
-
Video Stories3 days agoഅനിവാര്യ ഘട്ടങ്ങളില് ആര്‍.എസ്.എസ്സിനൊപ്പം ചേര്ന്നിട്ടുണ്ട്; വെളിപ്പെടുത്തി സി.പി.എം സെക്രട്ടറി എം.വി ഗോവിന്ദന്
-
kerala3 days agoബാലന് കെ നായരുടെ ഭാര്യ ശാരദ അമ്മ അന്തരിച്ചു