Video Stories
ലോകകപ്പ് യോഗ്യതാ റൗണ്ടില്‍ ഉഗ്രപോരാട്ടങ്ങള്‍: വിറ മാറാതെ മെസിപ്പട
ബ്യൂണസ് അയേഴ്‌സ്: ബ്രസീലിന് മുന്നില്‍ തകര്‍ന്നടിഞ്ഞ ലയണല്‍ മെസിയുടെ അര്‍ജന്റീന ഇന്ന് വീണ്ടും ലോകകപ്പ് യോഗ്യതാ ഗോദയില്‍. ഇന്ത്യന്‍ സമയം നാളെ പുലര്‍ച്ചെ നടക്കുന്ന മല്‍സരത്തില്‍ ശക്തരായ കൊളംബിയക്ക് മുന്നിലാണ് മെസിയും സംഘവും വരുന്നത്. സ്വന്തം ഗ്രൗണ്ടിലാണ് കളിയെന്നത് മാത്രമാണ് ടീമിന് ആശ്വാസം. കഴിഞ്ഞ മല്‍സരത്തില്‍ ബെലോ ഹോറിസോണ്ടയില്‍ മൂന്ന് ഗോളിന് ബ്രസീലിനോട് തകര്‍ന്ന ടീമില്‍ കാര്യമായ മാറ്റങ്ങളുണ്ടാവില്ലെന്നാണ് സൂചന. സ്വന്തം നാട്ടില്‍ കളിക്കുമ്പോള്‍ നാട്ടുകാരുടെ പൂര്‍ണ്ണ പിന്തുണയാണ് പ്രതീക്ഷിക്കുന്നതെന്നും ലോകകപ്പ് യോഗ്യത നേടാന്‍ തന്റെ ടീമിന് കഴിയുമെന്നും മെസി പറഞ്ഞു. എന്നാല്‍ വിട്ടു കൊടുക്കില്ലെന്നാണ് കൊളംബിയക്കാര്‍ തീര്‍ത്തു പറയുന്നത്. അവരുടെ മുന്‍നിരയിലെ ചാട്ടൂളിയായ ജെയിംസ് റോഡ്രിഗസ് കഴിഞ്ഞ ലോകകപ്പിലെ ടോപ് സ്‌ക്കോററാണ്.
ബ്രസീല്‍ ഉള്‍പ്പെടെയുളള ശക്തരായ പ്രതിയോഗികള്‍ക്ക് മുന്നില്‍ വീറുറ്റ പോരാട്ടം നടത്താറുളള കൊളംബിയ പോയന്റ് ടേബിളില്‍ ഇപ്പോള്‍ അര്‍ജന്റീനക്കും മുകളിലാണ്. സ്വന്തം മൈതാനത്ത് അര്‍ജന്റീന അവസാന മല്‍സരം കളിച്ചത് കോര്‍ദോബയില്‍ പരാഗ്വേയുമായിട്ടായിരുന്നു. ആ മല്‍സരത്തില്‍ തോറ്റതോടെ ടീമിനെതിരെ കൂക്കുവിളികള്‍ ഉയര്‍ന്നിരുന്നു. പരുക്ക് കാരണം മെസി അന്ന് കളിച്ചിരുന്നില്ല. ലാറ്റിനമേരിക്കയിലെ മറ്റ് മല്‍സരങ്ങളില്‍ നാളെ ബൊളീവിയ പരാഗ്വേയുമായും ഇക്വഡോര്‍ വെനിസ്വേലയുമായും ചിലി ഉറുഗ്വേയുമായും പെറു ബ്രസീലുമായും കളിക്കുന്നുണ്ട്. തകര്‍പ്പന്‍ ഫോമിലാണ് നെയ്മറുടെ ബ്രസീല്‍. റിയോ ഒളിംപിക്‌സിന് ശേഷം രാജ്യാന്തര രംഗത്ത് വിസ്മയ ഫോം നിലനിര്‍ത്തുന്ന നെയ്മര്‍ ടീമിനെ കരുത്തോടെ മുന്നോട്ട് നയിക്കുന്നുണ്ട്. നായകന്‍ എന്ന നിലയില്‍ അദ്ദേഹം പ്രകടിപ്പിക്കുന്ന പക്വതയും ഗബ്രിയേല്‍ ജീസസ,് പൗളിഞ്ഞോ തുടങ്ങിയ യുവതാരങ്ങളുടെ അതിവേഗതയും കൂട്ടായ്മയുമാണ് ബ്രസീലിനെ കൂടുതല്‍ കരുത്തരാക്കുന്നകത്. ലിമയിലാണ് ഇന്നത്തെ മല്‍സരം. പക്ഷേ ഗോള്‍വേട്ടയില്‍ പിന്നോട്ട് പോവില്ലെന്നാണ് നെയ്മര്‍ പറഞ്ഞത്.
പതിനൊന്ന് മല്‍സരങ്ങള്‍ വീതമാണ് എല്ലാ ടീമുകളും ഇതിനകം കളിച്ചത്. വന്‍കരയിലെ ആദ്യ നാല് സ്ഥാനക്കാര്‍ നേരിട്ട് റഷ്യന്‍ ടിക്കറ്റ് സ്വന്തമാക്കുമെന്നിരിക്കെ നിലവില്‍ ബ്രസീല്‍, ഉറുഗ്വേ, കൊളംബിയ, ഇക്വഡോര്‍ എന്നിവരാണ് ആ സ്ഥാനങ്ങളില്‍. അഞ്ചാം സ്ഥാനക്കാര്‍ക്ക് പ്ലേ ഓഫ് സാധ്യതയുണ്ടെങ്കില്‍ നിലവില്‍ ആ സ്ഥാനത്ത് ചിലിയാണ്. അര്‍ജന്റീന ആറാമതാണ്. അടുത്ത വര്‍ഷം ഒക്ടോബര്‍ വരെ ദീര്‍ഘിക്കുന്ന യോഗ്യതാ മല്‍സരങ്ങളില്‍ എല്ലാ ടീമുകള്‍ക്കും നാളത്തെ മല്‍സരം മാറ്റിനിര്‍ത്തിയാല്‍ ആറ് മല്‍സരങ്ങള്‍ വീതമുണ്ട്.
Video Stories
കട്ടപ്പനയില്‍ ലിഫ്റ്റ് തകര്‍ന്ന് സ്വര്‍ണ വ്യാപാരിക്ക് ദാരുണാന്ത്യം
പവിത്ര ഗോള്‍ഡ് എം ഡി സണ്ണി ഫ്രാന്‍സിസ് (64) ആണ് മരിച്ചത്.
ഇടുക്കി കട്ടപ്പനയില്‍ ലിഫ്റ്റിനുള്ളില്‍ അകപ്പെട്ട് സ്വര്‍ണ വ്യാപാരിക്ക് ദാരുണാന്ത്യം. പവിത്ര ഗോള്‍ഡ് എം ഡി സണ്ണി ഫ്രാന്‍സിസ് (64) ആണ് മരിച്ചത്.
ഇന്ന് ഉച്ചയോടെയാണ് അപകടം. സ്ഥാപനത്തിലെ ലിഫ്റ്റ് തകരാറിലായത് പരിശോധിക്കാന്‍ സണ്ണി ലിഫ്റ്റിനുള്ളിലേക്ക് കയറിയ അതേ സമയം, ലിഫ്റ്റ് മുകളിലത്തെ നിലയിലേക്ക് അതിവേഗം ഉയര്‍ന്നുപൊങ്ങി ഇടിച്ചു നിന്നു. ഇതിനിടെ ലിഫ്റ്റിലേക്കുള്ള വൈദ്യുതിയും മുടങ്ങി.
ലിഫ്റ്റ് വെട്ടിപ്പൊളിച്ച് സണ്ണിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ലിഫ്റ്റില്‍ തലയിടിച്ചതാണ് മരണത്തിന് ഇടയാക്കിയതെന്നാണ് പ്രാഥമിക വിവരം.
News
യമാല്‍ ബാഴ്സയില്‍ തുടരും; ക്ലബ്ബുമായി കരാര്‍ പുതുക്കി
ഇതോടെ 2031 വരെ യാമില്‍ ബാഴ്സയില്‍ തന്നെ തുടരും.
ബാഴ്സലോണ: സ്പാനിഷ് ക്ലബ് ബാഴ്സലോണയുമായി കരാര്‍ പുതുക്കി 17 കാരന്‍ ലാമിന്‍ യമാല്‍. ഇതോടെ 2031 വരെ യാമില്‍ ബാഴ്സയില്‍ തന്നെ തുടരും. സീസണ്‍ അവസാനിക്കവേയാണ് കാറ്റാലന്‍ ക്ലബ്ബുമായി ആറുവര്‍ഷത്തെക്ക് പുതിയ കരാറിലേക്കെത്തിയത്.
2023ല്‍ 15ാം വയസ്സിലാണ് യമാല്‍ ബാഴ്സയിലേക്ക് ചുവടുവെക്കുന്നത്. ലാ ലിഗയില്‍ 55 മത്സരങ്ങളില്‍നിന്നായി 18 ഗോളുകളും 25 അസിസ്റ്റുകളുമാണ് താരം നേടിയെടുത്തത്. ഹാന്‍സി ഫല്‍ക്ക് പരിശീലകനായി ചുമതലയെറ്റ ആദ്യ സീസണില്‍ തന്നെ ലാ ലിഗ, കോപ ഡെല്‍ റേ, സ്പാനിഷ് സൂപ്പര്‍ കപ്പ് കിരീടങ്ങള്‍ നേടി ടീം ശക്തി പ്രാപിച്ചു. ഈ ടീമുകളില്‍ തന്നെ ചരിത്രത്തില്‍ ഗോള്‍ നേടുന്ന ഏറ്റവും പ്രായം കുറഞ്ഞ താരമെന്ന റെക്കോഡും യമാലിന് സ്വന്തമാണ്.
ജൂലൈയില്‍ 18 വയസ്സ് പൂര്‍ത്തിയാകുന്ന യമാല്‍ ബാഴ്സയ്ക്കായി 100 മത്സരങ്ങള്‍ കളിക്കുന്ന പ്രായം കുറഞ്ഞ കായികതാരം കൂടിയാണ്. വ്യത്യസ്ത ചാമ്പ്യന്‍ഷിപ്പുകളിലായി 115 മത്സരങ്ങളില്‍ നിന്ന് 25 ഗോളുകളാണ് യമാല്‍ നേടിയത്. സ്പെയിന് ദേശീയ ടീമിനായി 19 മത്സരങ്ങള്‍ കളിച്ചു. 2024 യൂറോ കപ്പില്‍ ഇംഗ്ലണ്ടിനെ തോല്‍പ്പിച്ച് കിരീടം നേടിയ സ്പെയിന് ദേശിയ ടീമിലും അംഗമായിരിന്നു. ഇത്തവണത്തെ ബാലന്‍ ഡി യോര്‍ സാധ്യത പട്ടികയിലും യമാല്‍ മുന്നിലുണ്ട്.
ക്ലബ് പ്രസിഡന്റ ജൊവാന്‍ ലപോര്‍ട്ട, സ്പോര്‍ട്ടിങ് ഡയറക്ടര്‍ ഡെകോ എന്നിവരുടെ സാന്നിധ്യത്തിലാണ് യമാല്‍ ക്ലബുമായുള്ള കരാര്‍ പുതുക്കിയത്.
film
രാജ്യസഭയിലേക്ക് കമല്‍ ഹാസന്; സ്ഥാനാര്‍ത്ഥിത്വം പ്രഖ്യാപിച്ച് എംഎന്‍എം
തീരുമാനം ഡിഎംകെയുമായുള്ള ധാരണയില്‍
കമല്‍ഹാസന്‍ രാജ്യസഭയിലേക്ക്. കമല്‍ ഹാസനെ പാര്‍ട്ടിയുടെ രാജ്യസഭാ സ്ഥാനാര്‍ത്ഥിയായി മക്കള്‍ നീതി മയ്യം പ്രഖ്യാപിച്ചു. ഡിഎംകെ പിന്തുണയോടെയാണ് കമല്‍ ഹാസന് രാജ്യസഭയിലേക്കെത്തുന്നത്.
രാജ്യസഭയില്‍ ഒഴിവുവന്ന എട്ട് സീറ്റുകളിലേക്കാണ് ജൂണ്‍ 19-ന് തെരഞ്ഞെടുപ്പ് നടക്കുന്നത്. അന്നുതന്നെയായിരിക്കും വോട്ടെണ്ണലും നടക്കുക. തമിഴ്നാട്ടിലെ ആറ് സീറ്റുകളില്‍ നാലെണ്ണം ഡിഎംകെ നേതൃത്വം നല്‍കുന്ന മുന്നണിക്കായിരിക്കും ലഭിക്കുക. ഇതില്‍ ഒരു സീറ്റിലേക്കാണ് കമല്‍ഹാസന്‍ എത്തുക.
2024 ലെ ലോക്സഭാ തെരഞ്ഞെടുപ്പിന് മുമ്പുള്ള ചര്‍ച്ചകള്‍ക്കിടെ ഭരണകക്ഷിയായ ഡിഎംകെ എംഎന്‍എമ്മിന് ഒരു രാജ്യസഭാ സീറ്റ് അനുവദിച്ചിരുന്നു. എംഎന്‍എം ലോക്സഭാ തിരഞ്ഞെടുപ്പില്‍ മത്സരിച്ചില്ല, പകരം രാജ്യസഭാ സീറ്റ് നല്‍കുകയായിരുന്നു.
നിര്‍വാഹക സമിതി അംഗങ്ങള്‍ ഡിഎംകെയുടെയും മറ്റ് സഖ്യകക്ഷികളുടെയും പിന്തുണയും കമല്‍ ഹാസന് തേടി.
-
kerala3 days agoവെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days agoപാലക്കാട് വീടിനുമുകളില് മരം വീണ് നാലുപേര്ക്ക് പരിക്ക്
-
News3 days agoഗസ്സയിലെ വംശഹത്യ; ഇസ്രാഈല് കൊല്ലപ്പെടുത്തിയ മാധ്യമപ്രവര്ത്തകരുടെ എണ്ണം 220 കടന്നു
-
gulf3 days agoയുഎഇ സ്വദേശിവല്ക്കരണം ലംഘിച്ച 2200 സ്ഥാപനങ്ങള്ക്കെതിരെ നടപടിയെടുത്തു
-
film2 days agoരാമനെ അറിയില്ല, രാവണനാണ് നായകന്‍; പുതിയ റാപ്പിനെ കുറിച്ച് റാപ്പര് വേടന്
-
india3 days agoതാജ് മഹലിന്റെ സുരക്ഷ വര്ധിപ്പിക്കാന് ആന്റി-ഡ്രോണ് സംവിധാനം സ്ഥാപിക്കാന് തീരുമാനം
-
kerala2 days agoജുബൈലില് കോഴിക്കോട് സ്വദേശിനി മരണപ്പെട്ടു
-
kerala3 days agoകായല് നീന്തി കടക്കുന്നതിനിടെ ഒഴുക്കില്പ്പെട്ട് 38 കാരന്‍ മരിച്ചു