Culture
കശ്മീരില്‍ യുവാവിനെ ജീപ്പില്‍ കെട്ടിയിട്ട മേജര്‍ ഗോഗോയ് ഹോട്ടലില്‍ പെണ്‍കുട്ടിക്കൊപ്പം പിടിയില്‍
ശ്രീനഗര്‍: കല്ലേറില്‍ നിന്ന് രക്ഷപ്പെടാന്‍ യുവാവിനെ സൈനിക ജീപ്പിനു മുന്നില്‍ ബന്ധിച്ച് മനുഷ്യകവചമാക്കിയ സംഭവത്തിലൂടെ കുപ്രസിദ്ധിയാര്‍ജിച്ച മേജര്‍ ലീതുല്‍ ഗോഗോയ് ശ്രീനഗറിലെ ഹോട്ടലില്‍ പെണ്‍കുട്ടിക്കൊപ്പം പിടിയില്‍. ഗ്രാന്റ് മമത ഹോട്ടലില്‍ വെച്ചാണ് ഗോഗോയെ പൊലീസ് അറസ്റ്റ് ചെയ്തത്. ഇദ്ദേഹത്തോടൊപ്പം കണ്ട പെണ്‍കുട്ടിക്ക് പ്രായപൂര്‍ത്തിയായിട്ടില്ലെന്ന് റിപ്പോര്‍ട്ടുകളുണ്ട്.
Army commended the illegal 'human shield' act by Major Gogoi. Now he's allegedly been found with a minor girl at a hotel in Srinagar. This culture of impunity must end. https://t.co/XPgOAmEItd
— Aditya Menon (@AdityaMenon22) May 23, 2018
ഹോട്ടലില്‍ മുറിയെടുത്ത ഗോഗോയെ കാണാന്‍ ഒരു പുരുഷനോടൊപ്പമെത്തിയ പെണ്‍കുട്ടിക്ക് ഹോട്ടലധികൃതര്‍ പ്രവേശനാനുമതി നിഷേധിച്ചുവെന്നും ഇതേത്തുടര്‍ന്നുള്ള വാക്കുതര്‍ക്കത്തെ തുടര്‍ന്നാണ് പൊലീസിന് ഇടപെടേണ്ടി വന്നത് എന്നുമാണ് റിപ്പോര്‍ട്ടുകള്‍. പൊലീസ് സ്റ്റേഷനിലേക്ക് കൊണ്ടുപോയ ഗോഗോയ്‌ക്കെതിരെ പൊലീസ് അന്വേഷണം ആരംഭിച്ചിട്ടുണ്ട്.
ബിസിനസ് യാത്രയില്‍ എന്ന പേരില്‍ മേജര്‍ ഗോഗോയ് ഡീലക്‌സ് സ്യൂട്ട് ആണ് എടുത്തതെന്ന് ഹോട്ടല്‍ രേഖകള്‍ സൂചിപ്പിക്കുന്നു. പരാതി ലഭിച്ച് പൊലീസ് എത്തുമ്പോള്‍ മുറിയിലുള്ളത് ഗോഗോയ് ആണെന്ന കാര്യം അറിയുമായിരുന്നില്ല. കശ്മീര്‍ ഐ.ജി എസ്.പി പാനി സംഭവത്തില്‍ സമഗ്രാന്വേഷണത്തിന് ഉത്തരവിട്ടിട്ടുണ്ട്.
J&K Police took one army major and two locals including a girl from a hotel in Srinagar.Details say the staff of the hotel got suspicious & didn’t and called the police. Police has started investigation into the matter.Source says the official was major Gogoi.
— Shuja-ul-haq (@ShujaUH) May 23, 2018
കഴിഞ്ഞവര്‍ഷം ഏപ്രിലിലെ ലോക്‌സഭാ ഉപതെരഞ്ഞെടുപ്പിനിടെയാണ് മേജര്‍ ലീതുല്‍ ഗോഗോയിന്റെ നേതൃത്വത്തില്‍, വോട്ട് ചെയ്യാന്‍ പോയ യുവാവിനെ പിടികൂടി സൈനിക ജീപ്പിന്റെ മുന്നില്‍ കെട്ടിയിട്ട് കിലോമീറ്ററുകളോളം സഞ്ചരിച്ചത്. സൈനിക ജീപ്പിനു നേരെ പ്രദേശവാസികളുടെ കല്ലേറുണ്ടാകാതിരിക്കാനാണ് ഇതെന്നായിരുന്നു സൈന്യത്തിന്റെ വിശദീകരണം. സംഭവത്തിന്റെ വീഡിയോ പുറത്തുവന്നതോടെ അന്തര്‍ദേശീയ തലത്തിലടക്കം ഇത് ചര്‍ച്ചയായി. എന്നാല്‍, ലീതുല്‍ ഗോഗോയ്ക്ക് കരസേനാ മേധാവി ജനറല്‍ ബിപിന്‍ റാവത്ത് പുരസ്‌കാരം നല്‍കുകയാണുണ്ടായത്.
Have seen thr bravery in.Kashmir where they are using civilians as human shield#BraveryMyAss#KashmirWeek1990 pic.twitter.com/DT50FEZclE
— آبی کوثر (@Aabekosar) April 15, 2017
Film
വാഹനാപകടം; നടന്‍ ഷൈന്‍ ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും.
തമിഴ്നാട്ടിലെ വാഹനാപകടത്തില്‍ മരിച്ച നടന്‍ ഷൈന്‍ ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര്‍ മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും. നാളെ മുണ്ടൂര്‍ പരികര്‍മ്മല മാതാ പള്ളിയിലാണ് സംസ്‌കാര ചടങ്ങുകള്‍ നടക്കുക.
വെള്ളിയാഴ്ച ധര്‍മപുരിയെയും ഹൊസൂറിനെയും തമ്മില്‍ ബന്ധിപ്പിക്കുന്ന പുതുതായി നിര്‍മിച്ച അതിവേഗ ദേശീയപാത 844ലൂടെ കാറില്‍ ബെംഗളുരുവിലേക്ക് സഞ്ചരിക്കവെയായിരുന്നു ഇവര്‍ അപകടത്തില്‍പ്പെട്ടത്. അപകടത്തില്‍ നടന്റെ ഷോള്‍ഡറിന് താഴെ മൂന്ന് പൊട്ടലുകള്‍, നട്ടെല്ലിനും ചെറിയ പൊട്ടല്‍ സംഭവിച്ചു. ശസ്ത്രക്രിയ അനിവാര്യമെങ്കിലും സംസ്‌കാര ചടങ്ങുകള്‍ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില്‍ കൂടുതല്‍ പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില്‍ ആശങ്കപ്പെടേണ്ടതില്ലെന്ന് ഡോക്ടര്‍മാര്‍ വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്‍കിയിട്ടും പൊലീസ് നടപടിയെടുത്തില്ല
പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.
നിര്‍മാതാവ് സാന്ദ്ര തോമസിനെതിരായ വധഭീഷണിയില്‍ പരാതി നല്‍കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്‍കുമെന്നും നിര്‍മാതാവ് വ്യക്തമാക്കി.
പ്രൊഡക്ഷന്‍ കണ്‍ട്രോളറുടെ വാട്സ്ആപ്പ് ഗ്രൂപ്പില്‍ ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്‍കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്‍സിനും പരാതി നല്‍കുമെന്നും ഉദ്യോഗസ്ഥരുടെ ഫോണ്‍ പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര്‍ മുന്നോട്ട് വന്നില്ലായെന്നത് ഇപ്പോള്‍ മനസ്സിലായില്ലേ. ആരെങ്കിലും ശബ്ദമുയര്‍ത്തിയാല്‍ അവരെ നിശബ്ദമാക്കുന്നതാണ് രീതി. സംഭവത്തില്‍ തൊട്ടടുത്ത ദിവസം പരാതി നല്‍കിയിരുന്നു. സ്ത്രീ ആയതുകൊണ്ടാണ് ഇത്തരത്തില്‍ ആക്രമിക്കുന്നത്. ഇവര്‍ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില്‍ സന്ദേശം എത്തിയിട്ടും ഫെഫ്ക ജനറല്‍ സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില്‍ നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്‍പ് ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് പ്രൊഡക്ഷന്‍ കണ്‍ട്രോളര്‍മാര്‍ക്കെതിരെ സാന്ദ്ര തോമസ് രംഗത്തെത്തിയത്.
-
india3 days ago‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala2 days agoലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
india2 days agoകെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Celebrity16 hours ago‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
kerala2 days agoപാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില് കണ്ടെത്തി
-
kerala3 days agoപിതാവിൻ്റെ മരണത്തിൽ സംശയം; മകന്റെ പരാതിയിൽ ഖബര് തുറന്ന് പോസ്റ്റ്മോര്ട്ടം
-
Article3 days agoദുരന്തമാണ് വനം മന്ത്രി
-
kerala3 days ago‘അപമാനിച്ചവര്ക്ക് വോട്ടില്ല’; എല്ഡിഎഫിനെതിരെ പ്രചാരണം നടത്താന് ആശമാര് നിലമ്പൂരിലേക്ക്