ന്യൂഡല്ഹി: ആമസോണ് വെബ് സര്വീസിന്റെ (എഡബ്യുഎസ്) ആഗോളതലത്തിലുള്ള സാങ്കേതിക പ്രശ്നങ്ങളുടെ പശ്ചാത്തലത്തില് നിരവധി പ്രമുഖ വെബ്സൈറ്റുകളും ആപ്ലിക്കേഷനുകളും താത്കാലികമായി തടസ്സപ്പെടുകയായിരുന്നു. ഡൗണ്ഡിറ്റക്ടര് പോലുള്ള വെബ്സൈറ്റുകളില് വ്യാപക പരാതികള് ഉണ്ടായി, ഉപയോഗക്കാര് സേവനങ്ങളില് തടസ്സം അനുഭവിക്കുന്നതായി അറിയിച്ചു.
എഡബ്യുഎസ് പ്രശ്നങ്ങളെത്തുടര്ന്ന് അമസോണ്.കോം, പ്രൈം വിഡിയോ, അലക്സ, ഫോര്ട്ട്നൈറ്റ്, റോബ്ലോക്സ്, ക്ലാഷ് റോയല്, ക്ലാഷ് ഓഫ് ക്ലാന്സ്, റെയിന്ബോ സിക്സ് സീജ്, പബ്ജി, സ്നാപ്പ്ചാറ്റ്, സിഗ്നന്, കാന്വ, ഡുയോലിങ്ക്, ഗുഡ് ഡ്രീഡ്സ്, കോയിന്ബേസ്, റോബിന്ഹുഡ്, വെന്മോ, ചിം, ലിഫ്റ്റ്, കോളജ് ബോര്ഡ്, വെറിസോണ്, മക്ഡോണാള്ഡ്സ്, ന്യൂയോര്ക്ക് ടൈംസ്, ആപ്പിള് ടി.വി, പെപ്ലിസിറ്റി എ.ഐ തുടങ്ങിയ സേവനങ്ങള് ഭാഗികമായി പ്രവര്ത്തനക്ഷമമായില്ല.
എഡബ്യുഎസ് ലോകത്തെ ഇന്റര്നെറ്റിന്റെ വിതരണശൃംഖലയ്ക്ക് അടിസ്ഥാന സൗകര്യങ്ങള് നല്കുന്ന സാങ്കേതിക ഭീമനാണ്. വെര്ച്വല് സെര്വറുകളില് നിന്ന് വീഡിയോകള്, ഇമേജുകള്, ബാക്കപ്പുകള് വരെ സംഭരിക്കുന്നതിനും ആപ്ലിക്കേഷനുകള് പ്രവര്ത്തിപ്പിക്കുന്നതിനും എഡബ്യുഎസ് സേവനങ്ങള് ഉപയോഗിക്കപ്പെടുന്നു. അതിനാല് അണടല് ഉണ്ടാകുന്ന പ്രശ്നങ്ങള് ഇവരെ ആശ്രയിക്കുന്ന സര്വീസുകള്ക്ക് തത്സമയം പ്രത്യാഘാതം ചെലുത്തും.
പെര്പ്ലെക്സിറ്റി സിഇഒ അരവിന്ദ് ശ്രീനിവാസ് സാമൂഹ്യമാധ്യമ പോസ്റ്റിലൂടെ സ്ഥിരീകരിച്ചതുപോലെ, എഡബ്യുഎസ് പ്രശ്നങ്ങളാണ് പല സേവനങ്ങളിലും തടസ്സങ്ങള്ക്ക് കാരണമായത്. അണട 45 മിനിറ്റിനുള്ളില് പ്രശ്ന പരിഹാരവും പുതിയ അപ്ഡേറ്റും നല്കുമെന്ന് അറിയിച്ചിട്ടുണ്ട്.