india
ചോദ്യങ്ങള് ഉന്നയിക്കുന്നത് രാജ്യദ്രോഹമാകുന്നു; മോദിക്കെതിരെ ആഞ്ഞടിച്ച് മഹുവ മൊയ്ത്ര
കോവിഡ് വ്യാപനത്തിന്റെ പശ്ചാത്തലത്തിലാണ് ചോദ്യോത്തരവേള വേണ്ടെന്നുവെക്കാന് തീരുമാനിച്ചത്.

ന്യൂഡല്ഹി: വര്ഷകാല സമ്മേളനത്തില് പാര്ലമെന്റില് ചോദ്യോത്തര വേള ഇല്ലാതാക്കിയ സര്ക്കാര് തീരുമാനത്തെ രൂക്ഷമായി വിമര്ശിച്ച് തൃണമൂല് കോണ്ഗ്രസ് അംഗം മഹുവ മൊയ്ത്ര. ചോദ്യങ്ങള് ഉന്നയിക്കുന്നത് കോടതിയലക്ഷ്യവും രാജ്യദ്രോഹവുമായി മാറുകയാണ് ഇപ്പോള് എന്ന് അവര് കുറ്റപ്പെടുത്തി.
‘ കോടതിയില് ചോദ്യങ്ങള് ഉന്നയിക്കുന്നത് കോടതിയലക്ഷ്യമാകുന്നു. പാര്ലമെന്റിന് പുറത്ത് ചോദ്യങ്ങള് ചോദിക്കുന്നത് രാജ്യദ്രോഹമാകുന്നു. ഇപ്പോള് പാര്ലമെന്റിന് അകത്ത് ചോദ്യം ഉന്നയിക്കുന്നത് നിരോധിതവും’ – എന്നാണ് മഹുവ ട്വിറ്ററില് കുറിച്ചത്.
Asking questions in Court is Contempt
Asking questions outside Parliament is Sedition
And now
Asking questions inside Parliament is Forbidden— Mahua Moitra (@MahuaMoitra) September 2, 2020
കോവിഡ് വ്യാപനത്തിന്റെ പശ്ചാത്തലത്തിലാണ് ചോദ്യോത്തരവേള വേണ്ടെന്നുവെക്കാന് തീരുമാനിച്ചത്. രാജ്യസഭാ സെക്രട്ടറിയേറ്റ് പുറത്തിറക്കിയ വാര്ത്താകുറിപ്പിലാണ് ഇക്കാര്യം അറിയിച്ചത്.
ആഴ്ചയുടെ അവസാനം അവധി നല്കാതെ തുടര്ച്ചയായ ദിവസങ്ങളിലാണ് സഭ ചേരുക. ആദ്യ ദിവസമായ സെപ്തംബര് 14ന് ലോക്സഭ രാവിലെ ഒമ്പതിന് ചേര്ന്ന് ഒരു മണിക്കും രാജ്യസഭ ഉച്ചക്ക് മൂന്നിന് തുടങ്ങി വൈകീട്ട് ഏഴിനും അവസാനിക്കും.
സെപ്തംബര് 15 മുതല് രാജ്യസഭയുടെ പ്രവര്ത്തനം രാവിലെ ഒമ്പത് മുതല് ഒരു മണി വരെയും ലോക്സഭയുടേത് ഉച്ചക്ക് മൂന്ന് മുതല് വൈകീട്ട് ഏഴുവരെയുമാകും. ഇരു സഭകളും നാലു മണിക്കൂര് മാത്രമാകും ചേരുക. സെപ്തംബര് 14ന് ആരംഭിക്കുന്ന വര്ഷകാല സമ്മേളനം ഒക്ടോബര് ഒന്നിന് അവസാനിക്കും.
india
ഡല്ഹിയില് ഫുട്പാത്തില് ഉറങ്ങിക്കിടന്ന അഞ്ചു പേരുടെ മേല് മദ്യപിച്ച് കാര് കയറ്റി; ഡ്രൈവര് അറസ്റ്റില്
സംഭവം നടക്കുമ്പോള് രണ്ട് ദമ്പതികളും കുട്ടിയും ഉള്പ്പെടെ ഫുട്പാത്തില് ഉറങ്ങുകയായിരുന്നു.

സൗത്ത് ഡല്ഹിയിലെ വസന്ത് വിഹാര് പ്രദേശത്ത് ശനിയാഴ്ച രാത്രി ഫുട്പാത്തില് ഉറങ്ങിക്കിടന്ന അഞ്ചു പേരുടെ മുകളിലേക്ക് മദ്യപിച്ച് കാറോടിച്ചയാള് അറസ്റ്റില്.
സംഭവം നടക്കുമ്പോള് രണ്ട് ദമ്പതികളും കുട്ടിയും ഉള്പ്പെടെ ഫുട്പാത്തില് ഉറങ്ങുകയായിരുന്നു.
ജൂലൈ 9 ന് പുലര്ച്ചെ 1:45 ഓടെയാണ് സംഭവം. തുടര്ന്ന് ഡ്രൈവറെ പിടികൂടി. ഉത്സവ് ശേഖര് (40) എന്ന ഡ്രൈവറുടെ മെഡിക്കല് റിപ്പോര്ട്ടുകള് ഡ്രൈവിങ്ങിനിടെ മദ്യപിച്ചിരുന്നതായി സ്ഥിരീകരിച്ചു. ഉദ്യോഗസ്ഥര് സംഭവസ്ഥലത്തെത്തുമ്പോഴേക്കും പരിക്കേറ്റവരെ ചികിത്സയ്ക്കായി ആശുപത്രിയില് എത്തിച്ചിരുന്നു.
40 വയസ്സുള്ള ലാധി, എട്ട് വയസ്സുള്ള മകള് ബിംല, 45 വയസ്സുള്ള ഭര്ത്താവ് സബാമി (ചിര്മ്മ എന്ന പേര്), 45 വയസ്സുള്ള രാം ചന്ദര്, 35 വയസ്സുള്ള ഭാര്യ നാരായണി എന്നിവരാണ് അപകടത്തില്പ്പെട്ടത്. രാജസ്ഥാന് സ്വദേശികളാണ്.
പോലീസിന്റെയും ദൃക്സാക്ഷി വിവരണങ്ങളുടെയും പ്രാഥമിക അന്വേഷണത്തില് ഫുട്പാത്തില് ഉറങ്ങുകയായിരുന്ന ഇരകളുടെ മേല് വെള്ള ഔഡി കാര് ഇടിച്ചുകയറ്റിയതായും ദ്വാരക സ്വദേശിയായ ശേഖറിനെ സംഭവസ്ഥലത്ത് വെച്ച് തന്നെ പോലീസ് പിടികൂടിയതായും ഉദ്യോഗസ്ഥര് മാധ്യമങ്ങളോട് പറഞ്ഞു.
india
തിരുവള്ളൂരില് ചരക്ക് ട്രെയിനിന് തീപിടിച്ച സംഭവം: റെയില്വേ ട്രാക്കില് വിള്ളല് കണ്ടെത്തി
തമിഴ്നാട് തിരുവള്ളൂരില് ചരക്ക് ട്രെയിനിന് തീപിടിച്ച സംഭവത്തില് അപകടസ്ഥലത്ത് നിന്ന് 100 മീറ്റര് മാറി റെയില്വേ ട്രാക്കില് വിള്ളല് കണ്ടെത്തി.

തമിഴ്നാട് തിരുവള്ളൂരില് ചരക്ക് ട്രെയിനിന് തീപിടിച്ച സംഭവത്തില് അപകടസ്ഥലത്ത് നിന്ന് 100 മീറ്റര് മാറി റെയില്വേ ട്രാക്കില് വിള്ളല് കണ്ടെത്തി. വിള്ളല് അപകടത്തിന് കരണമായിട്ടുണ്ടോ എന്ന് ഉദ്യോഗസ്ഥര് പരിശോധിച്ചുവരികയാണ്. റയില്വെയുടെ ഉന്നത ഉദ്യോഗസ്ഥരടക്കം സ്ഥലത്തെത്തിയിട്ടുണ്ട്.
അതേസമയം ട്രെയിനിന്റെ 75 ശതമാനത്തോളം തീയണക്കാന് സാധിച്ചിട്ടുണ്ട്. 52 ബോഗികളായി ഡീസല് കൊണ്ടുവന്ന ട്രെയ്നിനാണ് തീപിടിത്തമുണ്ടായത്. ഇതില് അഞ്ചു ബോഗികള് പൂര്ണമായും കത്തിനശിച്ചു. ഈ റെയില് പാതയില് ട്രെയിന്ഗതാഗതം പൂര്ണമായും സ്തംഭിച്ചു. ഇന്ന് പുലര്ച്ചെ 5:30 ഓടെയാണ് തീപിടിത്തമുണ്ടായത്.
അഗ്നിശമന സേനയും രക്ഷാപ്രവര്ത്തകരും സ്ഥലത്തെത്തി തീയണക്കാനുള്ള ശ്രമം തുടരുകയാണ്. ഡീസലിന് തീപിടിച്ചതിനാല് രക്ഷാപ്രവര്ത്തനം ദുഷ്കരമാണെന്ന് അഗ്നിശ സേന പറഞ്ഞു. മണാലിയില് നിന്ന് തിരുപ്പതി മേഖലയിലേക്ക് പോവുകയായിരുന്ന ട്രെയിനിനാണ് തിരുവള്ളൂര് റെയില്വേ സ്റ്റേഷന് സമീപം തീപിടിച്ചത്. അപകടത്തെത്തുടര്ന്ന് സമീപ പ്രദേശങ്ങളില് നിന്ന് ആളുകളെ ഒഴിപ്പിച്ചു.
സംഭവത്തെത്തുടര്ന്ന് ചെന്നൈയിലേക്കും തിരിച്ചുമുള്ള ട്രെയിന് സര്വീസുകള് തടസ്സപ്പെട്ടു. ചെന്നൈയില് നിന്ന് പുറപ്പെടുന്ന എട്ട് ട്രെയിനുകള് റദ്ദാക്കിയതായും അഞ്ച് ട്രെയിനുകള് വഴിതിരിച്ചുവിട്ടതായും ദക്ഷിണ റെയില്വേ അറിയിച്ചു.
GULF
നിമിഷ പ്രിയയുടെ വധശിക്ഷ മാറ്റിവെയ്ക്കണം; യെമന് സര്ക്കാരിന് അപേക്ഷ നല്കി അമ്മ
കൊല്ലപ്പെട്ട തലാലിന്റെ കുടുംബവുമായി ദയാധന ചര്ച്ച പുരോഗമിക്കുന്ന സാഹചര്യത്തിലാണ് അപേക്ഷ.

നിമിഷ പ്രിയയുടെ വധശിക്ഷ മാറ്റിവെയ്ക്കണമെന്ന് ആവശ്യപ്പെട്ട് യെമന് സര്ക്കാരിന് അപേക്ഷ നല്കി നിമിഷപ്രിയയുടെ അമ്മ പ്രേമകുമാരി. കൊല്ലപ്പെട്ട തലാലിന്റെ കുടുംബവുമായി ദയാധന ചര്ച്ച പുരോഗമിക്കുന്ന സാഹചര്യത്തിലാണ് അപേക്ഷ. നിമിഷപ്രിയയെ വധശിക്ഷയില് നിന്ന് രക്ഷിക്കാന് ഇടപെടണമെന്ന് ആവശ്യപ്പെട്ടുള്ള ആക്ഷന് കൗണ്സിലിന്റെ ഹര്ജിയില് കേന്ദ്ര സര്ക്കാര് നാളെ മറുപടി നല്കും.
ബുധനാഴ്ച വധശിക്ഷ നടപ്പാക്കാനാണ് യെമന് ഭരണകൂടത്തിന്റെ തീരുമാനം. എന്നാല് കൊല്ലപ്പെട്ട തലാല് അബ്ദു മഹദിയുടെ കുടുംബവുമായി ബ്ലഡ് മണി സംബന്ധിച്ച ചര്ച്ച പുരോഗമിക്കുകയാണ്. അവസാന നിമിഷമെങ്കിലും കുടുംബവുമായി സമവായത്തിലെത്തിയാല് നിമിഷപ്രിയയെ വധശിക്ഷയില് നിന്ന് രക്ഷിക്കാനാകുമെന്നാണ് കുടുംബത്തിന്റെയും ആക്ഷന് കൗണ്സിലിന്റെയും പ്രതീക്ഷ. ഈ സാഹചര്യത്തിലാണ് വധശിക്ഷ നടപ്പാക്കുന്നത് മാറ്റിവയ്ക്കണം എന്നാവശ്യപ്പെട്ട് യെമനിലെ പബ്ലിക് പ്രൊസിക്യൂഷന് ഡയറക്ടര് ജനറലിന് പ്രേമകുമാരി അപേക്ഷ നല്കിയത്.
പബ്ലിക് പ്രൊസിക്യൂഷന് ഡയറക്ടര് ജനറലുമായുള്ള കൂടിക്കാഴ്ചയില് ഇന്ത്യന് എംബസി അധികൃതരും യെമനിലുള്ള ആക്ഷന് കൗണ്സിലംഗം സാമുവല് ജെറോമും പ്രേമകുമാരിക്കൊപ്പം പങ്കെടുത്തു. വധശിക്ഷ നടപ്പാക്കുന്നത് യെമന് ഭരണകൂടം മാറ്റിവെയ്ക്കുമെന്നാണ് സേവ് നിമിഷപ്രിയ ആക്ഷന് കൗണ്സിലിന്റെ പ്രതീക്ഷ. ആക്ഷന് കൗണ്സിലിന്റെ ഹര്ജി സുപ്രിംകോടതി നാളെ പരിഗണിക്കും. ഹര്ജിയില് കേന്ദ്ര സര്ക്കാരിന് വേണ്ടി അറ്റോര്ണി ജനറല് ഹാജരായി മറുപടി നല്കും.
-
kerala1 day ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala2 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
india2 days ago
കരാര് സംബന്ധിച്ച് തീരുമാനമായില്ല; ഐഎസ്എല് അനിശ്ചിതകാലത്തേക്ക് നീട്ടി
-
kerala3 days ago
കൈക്കൂലിക്കേസ്; പാലക്കാട് ഫയര് സ്റ്റേഷന് ഓഫീസര്ക്ക് സസ്പെന്ഷന്
-
kerala2 days ago
കാസർഗോഡിന് പിന്നാലെ കണ്ണൂരിലും സ്കൂളിൽ പാദപൂജ; റിപ്പോർട്ട് തേടി മന്ത്രി വി. ശിവൻകുട്ടി
-
kerala2 days ago
അമിത് ഷാ പങ്കെടുത്ത ബി.ജെ.പിയുടെ ഓഫിസ് ഉദ്ഘാടനത്തില് പങ്കെടുക്കാതെ സുരേഷ്ഗോപി
-
kerala2 days ago
‘സമരത്തിന്റെ പേരിൽ നടന്നത് കോപ്രായം’; എസ്എഫ്ഐ യൂണിവേഴ്സിറ്റി സമരത്തെ വിമർശിച്ച് ഓർത്തഡോക്സ് സഭാധ്യക്ഷൻ
-
kerala2 days ago
നിയമസഭാ തെരഞ്ഞെടുപ്പ്: മാധ്യമങ്ങളുടെ വ്യാജ പ്രചാരണങ്ങളില് വഞ്ചിതരാവരുത്: മുസ്ലിം ലീഗ്