സിഡ്‌നി: പത്ത് വയസ്സിന് താഴെയുള്ള പെണ്‍കുട്ടികളെ ശിരോവസ്ത്രം ധരിക്കുന്നതില്‍ നിന്ന് തടയുന്ന നിയമം റദ്ദാക്കി ആസ്‌ത്രേലിയ. അസ്‌ത്രേലിയന്‍ ഭരണഘടനാ കോടതിയാണ് നിയമം റദ്ദ് ചെയ്തത്.

നിയമത്തെ എതിര്‍ത്ത് സര്‍ക്കാര്‍ കോടതിയില്‍ രംഗത്തെത്തിയിരുന്നു. നിരോധിച്ചത് മുസ്‌ലിംകളുടെ ശിരോവസ്ത്രമല്ലെന്ന് സര്‍ക്കാര്‍ അഭിഭാഷകന്‍ കോടതിയില്‍ വാദിച്ചു. മറിച്ച് തല മറക്കുന്നതുമായി ബന്ധപ്പെട്ട മതപരമായ വസ്ത്രം ധരിക്കുന്നതാണ് നിരോധിച്ചതെന്നും അദ്ദേഹം പറഞ്ഞു. എന്നാല്‍ ഇത് മുസ്‌ലിംകളുടെ ശിരോവസ്ത്രമാണെന്ന് കോടതി കണ്ടെത്തുകയായിരുന്നു.

നിയമം വിവേചനപരമാണെന്നു പറഞ്ഞ കോടതി, ഔദ്യോഗികമായി അംഗീകരിക്കപ്പെട്ട മതങ്ങളെ തുല്യമായി പരിഗണിക്കണം എന്ന രാജ്യത്തിന്റെ കടമക്ക് വിരുദ്ധമാണ് ഇതെന്നും നിരീക്ഷിച്ചു. ‘ പ്രത്യേകമായിട്ടുള്ള നിരോധനം മുസ്‌ലിം സ്‌കൂള്‍ വിദ്യാര്‍ത്ഥിനികള്‍ക്ക് മാത്രമായി ബാധകമാണ്, അതുവഴി അവരെ മറ്റ് വിദ്യാര്‍ത്ഥികളില്‍ നിന്ന് വിവേചനപരമായി വേര്‍തിരിക്കുന്നു. അതു മാത്രമല്ല , നിയമം മുസ്്‌ലിം പെണ്‍കുട്ടികള്‍ക്ക് വിദ്യാഭ്യാസം നേടുന്നത് ബുദ്ധിമുട്ടാക്കുമെന്നും അത് അവരെ സാമൂഹികമായി പിന്നോക്കം വലിക്കാന്‍ കാരണമാകുമെന്നും കോടതി പറഞ്ഞു.