Culture
ക്രിമിനലുകള്ക്ക് തെരഞ്ഞെടുപ്പില് മത്സര വിലക്ക്: നിയമം കൊണ്ടുവരണമെന്ന് സുപ്രീംകോടതി
ന്യൂഡല്ഹി: മാഫിയ-ഉദ്യോഗസ്ഥ-രാഷ്ട്രീയ അവിശുദ്ധ കൂട്ടുകെട്ടിന്റെ സൃഷ്ടിയായ 1993ലെ മുംബൈ സ്ഫോടന പരമ്പരക്കു ശേഷം, രാഷ്ട്രീയത്തിലെ ക്രിമിനല്വല്ക്കരണം രാജ്യത്ത് ശക്തി പ്രാപിച്ചതായി സുപ്രീംകോടതി. രാജ്യത്തെ മിക്ക നഗരങ്ങളിലും ഇത്തരം സംഘങ്ങള് സജീവമാണ്. ഇത് ആശങ്ക സൃഷ്ടിക്കുന്നതാണെന്നും ക്രിമിനലുകളെ തെരഞ്ഞെടുപ്പില് മത്സരിക്കുന്നതില് നിന്ന് വിലക്കാന് പാര്ലമെന്റ് നിയമം കൊണ്ടുവരണമെന്നും സുപ്രീംകോടതി നിര്ദേശിച്ചു. ഇതുസംബന്ധിച്ച പൊതുതാല്പര്യ ഹര്ജി പരിഗണിക്കവെയായിരുന്നു ചീഫ് ജസ്റ്റിസ് ദീപക്മിശ്ര അധ്യക്ഷനായ അഞ്ചംഗ ബെഞ്ചിന്റെ ഇടപെടല്.
രാഷ്ട്രീയത്തിലെ ക്രിമിനല്വല്ക്കരണത്തിന്റെ പ്രത്യാഘാതങ്ങളെക്കുറിച്ച് പഠിക്കാന് നിയോഗിച്ച എന്.എന് വോറ കമ്മിറ്റിയുടെ റിപ്പോര്ട്ട് പരാമര്ശിച്ച കോടതി, എന്നാല് റിപ്പോര്ട്ടിലെ പല നിര്ദേശങ്ങളും ഇതുവരെ നടപ്പായില്ലെന്ന് പരിതപിച്ചു. ക്രിമിനല് – രാഷ്ട്രീയ കൂട്ടുകെട്ട് സമാന്തര സര്ക്കാറുകളായി പ്രവര്ത്തിക്കുകയാണെന്ന നിലപാടാണ് വോറ കമ്മിറ്റി മുമ്പാകെ സി.ബി.ഐ, ഐ.ബി, റോ തുടങ്ങിയ ഔദ്യോഗിക ഏജന്സികള് ഏകസ്വരത്തില് പറഞ്ഞത്. വിവിധ രാഷ്ട്രീയ പാര്ട്ടികളുടേയും സര്ക്കാര് ഏജന്സികളുടേയും കീഴിലാണ് ഇത്തരം സംഘങ്ങളുടെ പ്രവര്ത്തനം. തെരഞ്ഞെടുപ്പില് മത്സരിക്കുന്നവര് തങ്ങളുടെ ക്രിമിനല് പശ്ചാത്തലം തെരഞ്ഞെടുപ്പ് കമ്മീഷന് മുമ്പാകെ സത്യവാങ്മൂലമായി നല്കണമെന്ന വോറ കമ്മിറ്റി നിര്ദേശം കോടതി ആവര്ത്തിച്ചു. ക്രിമിനല് കേസില് ശിക്ഷിക്കപ്പെട്ടവര്ക്ക് മാത്രമാണ് നിലവില് തെരഞ്ഞെടുപ്പ് വിലക്കുള്ളത്. ക്രിമിനല് കേസില് പ്രതികളായവരെക്കൂടി വിലക്കുന്നതിന് പാര്ലമെന്റ് നിയമം കൊണ്ടുവരണം. തെരഞ്ഞെടുപ്പ് കമ്മീഷനും ഇക്കാര്യത്തില് നടപടി സ്വീകരിക്കണം. ലോകത്തിലെ ഏറ്റവും വലിയ ജനാധിപത്യ രാജ്യത്തിന്റെ രാഷ്ട്രീയ മേഖല ക്രിമിനല് വല്ക്കരിക്കപ്പെടുന്നതിനോട് പൊരുത്തപ്പെടാനാവില്ലെന്നും കോടതി പറഞ്ഞു. ക്രിമിനല് കേസ് പ്രതികളായ നിരവധി പേരാണ് തദ്ദേശ സഭകളിലേക്കും നിയമസഭകളിലേക്കും പാര്ലമെന്റിലേക്കും തെരഞ്ഞെടുക്കപ്പെടുന്നത്. ഇന്ത്യന് രാഷ്ട്രീയത്തില് നേരത്തെതന്നെയുള്ള പ്രതിഭാസമാണിത്. എന്നാല് 1993ലെ മുംബൈ സ്ഫോടന പരമ്പരക്കു ശേഷം ഈ പ്രവണത കൂടുതല് വ്യാപിച്ചിട്ടുണ്ടെന്ന് ചീഫ് ജസ്റ്റിസിനു പുറമെ ജസ്റ്റിസുമാരായ ആര്.എഫ് നരിമാന്, എ.എം ഖാന്വില്ക്കര്, ഡി.വൈ ചന്ദ്രചൂഡ്, ഇന്ദു മല്ഹോത്ര എന്നിവരടങ്ങിയ ബെഞ്ച് വ്യക്തമാക്കി.
വന് നഗരങ്ങളിലെ പ്രധാന വരുമാന സ്രോതസ്സ് റിയല് എസ്റ്റേറ്റാണ്. ഇത് കേന്ദ്രീകരിച്ചാണ് രാഷ്ട്രീയ – ഉദ്യോഗസ്ഥ- ക്രിമിനല് സംഘങ്ങളുടെ പ്രവര്ത്തനം ശക്തിപ്പെടുന്നത്. കുടികിടപ്പുകാരേയും ഭൂവുടമകളേയും തുച്ഛമായ തുക നല്കി ഒഴിപ്പിക്കാന് വന്കിടക്കാര് ആശ്രയിക്കുന്നത് ഇത്തരം സംഘങ്ങളേയാണ്. മണി പവറു കൊണ്ട് മസില് പവര് ഉപയോഗിച്ച് കാര്യങ്ങളെ നിയന്ത്രിക്കുകയാണെന്നും രാഷ്ട്രീയക്കാര് തെരഞ്ഞെടുപ്പില് വരെ ഇതിനെ ഉപയോഗിക്കുന്നുണ്ടെന്നും കോടതി ചൂണ്ടിക്കാട്ടി.
അധികാരത്തിന്റെ ലക്ഷ്മണ രേഖ കോടതി ലംഘിക്കരുതെന്ന അറ്റോര്ണി ജനറല് കെ.കെ വേണുഗോപാലിന്റെ സബ്മിഷന് വിധിന്യായത്തില് പ്രത്യേകം പരാമര്ശിച്ച കോടതി, ഇക്കാര്യത്തില് കോടതി മറ്റേതെങ്കിലും തരത്തില് ഇടപെടുന്നത് അനുചിതമാണെന്നും നിയമ നിര്മാണത്തിനായി പാര്ലമെന്റിനോട് ശിപാര്ശ ചെയ്യുക മാത്രമാണ് പോംവഴിയെന്നും പറഞ്ഞു. ഭരണഘടന പ്രകാരം നിയമം നിര്മിക്കേണ്ടചുമതല പാര്ലമെന്റിനാണെന്നും അതില് ഇടപെടുന്നില്ലെന്നും കോടതി വ്യക്തമാക്കി.
news
ദേശീയപാത സര്വീസ് റോഡിലേക്ക് ഇടിഞ്ഞു താഴ്ന്നു
സര്വീസ് റോഡില് സ്കൂള് വാനടക്കമുണ്ടായിരിന്നു. വാഹനത്തിലുണ്ടായിരുന്നവരെ
കൊല്ലം: മൈലക്കാടില് നിര്മാണം നടക്കുന്ന ദേശീയ പാത സര്വീസ് റോഡിലേക്ക് ഇടിഞ്ഞു വീണു. ചാത്തന്നൂരിന് സമീപമുള്ള മൈലക്കാടാണ് സംഭവം. ദേശീയപാതയുടെ പാര്ശ്വഭിത്തി ആണ് ഇടിഞ്ഞത്. ഇതോടെ സര്വീസ് റോഡ് തകര്ന്നു.
മൈലക്കാട് പാലത്തിന് സമീപത്തെ അപ്രോച്ച് റോഡില് വലിയ ഗര്ത്തം രൂപപ്പെടുകയും ചെയ്തു. ദേശീയപാത ഇടിഞ്ഞുവീണ സമയത്ത് സര്വീസ് റോഡില് സ്കൂള് വാനടക്കമുണ്ടായിരിന്നു. വാഹനത്തിലുണ്ടായിരുന്നവരെ സുരക്ഷിത സ്ഥാനത്തേക്ക് മാറ്റി.
മാസങ്ങള്ക്ക് മുമ്പ് മലപ്പുറം കൂരിയാട് ദേശീയപാത തകര്ന്നതിന് സമാനമായ രീതിയിലാണ് മൈലക്കാടും ഉണ്ടായിരിക്കുന്നത്. നിര്മാണം നടക്കുന്ന ദേശീയപാതയുടെ ഭാഗം താഴേക്ക് ഇടിയുകയായിരുന്നു. സംഭവത്തില് ആര്ക്കും അപായമുണ്ടായിട്ടില്ല. ഏറെ തിരക്കേറിയ സമയത്താണ് അപകടമുണ്ടായത്.
നിര്മാണ പ്രവൃത്തികള് ഏകദേശം പൂര്ണമായിക്കൊണ്ടിരിക്കുന്ന സമയത്താണ് അപകടം. സംഭവത്തെ തുടര്ന്ന് ഗതാഗതത്തിന് നിയന്ത്രണമേര്പ്പെടുത്തിയിട്ടുണ്ട്. വാഹനങ്ങള് തീരദേശ പാതവഴി തിരിച്ചുവിടുന്നുണ്ട്. സംഭത്തില് അന്വേഷണം വേണമെന്ന് സംസ്ഥാന പൊതുമരാമത്ത് മന്ത്രി മുഹമ്മദ് റിയാസ് ആവശ്യപ്പെട്ടു.
news
മുംബൈയില് വായുമലിനീകരണം രൂക്ഷം; 19 റെഡി മിക്സ് കോണ്ക്രീറ്റ് പ്ലാന്റുകള് പൂട്ടി
പരിസ്ഥിതി മാര്ഗനിര്ദേശങ്ങള് ലംഘിച്ച് വായുവിന്റെ ഗുണനിലവാരം..
മുംബൈ: മുംബൈയില് വായുമലിനീകരണം രൂക്ഷമായതിന്റെ സാഹചര്യത്തില് കര്ശന പരിശോധന തുടര്ന്ന് എംപിസിബി. പരിസ്ഥിതി മാര്ഗനിര്ദേശങ്ങള് ലംഘിച്ച് വായുവിന്റെ ഗുണനിലവാരം മോശമാക്കുന്നുവെന്ന് ചുണ്ടിക്കാട്ടി 19 റെഡി മിക്സ് കോണ്ക്രീറ്റ് പ്ലാന്റുകള് (ആര്എംസി) പൂട്ടാന് മഹാരാഷ്ട്ര മലിനീകരണ നിയന്ത്രണ ബോര്ഡ് (എംപിസിബി) ഉത്തരവിട്ടു.
ശരിയായ പൊടി നിയന്ത്രണ സംവിധാനങ്ങളോ, എമിഷന് മാനേജ്മെന്റ് സംവിധാനങ്ങളോ, നിയമപരമായ അനുമതികളോ ഇല്ലാതെ പ്രവര്ത്തിക്കുന്ന പ്ലാന്റുകളാണിവയെന്ന് ബോര്ഡ് പുറത്തിറക്കിയ പ്രസ്താവനയില് പറഞ്ഞു.
നഗരത്തില് എംപിസിബി നിലവില് 32 ആംബിയന്റ് എയര് ക്വാളിറ്റി മോണിറ്ററിങ് സ്റ്റേഷനുകള് (സിഎക്യുഎംഎസ്) പ്രവര്ത്തിപ്പിക്കുന്നുണ്ട്. മുംബൈ, താനെ, നവി മുംബൈ, കല്യാണ്, പന്വേല് എന്നിവിടങ്ങളിലാണ് ഇവയുടെ പ്രവര്ത്തനം. ഇതില് 14 സ്റ്റേഷനുകള് ബിഎംസി വഴിയാണ് പ്രവര്ത്തിക്കുന്നത്.
ഈ സ്റ്റേഷനുകളില്നിന്നുള്ള തത്സമയ വായുഗുണനിലവാര സൂചിക (എക്യുഐ) കേന്ദ്ര മലിനീകരണ നിയന്ത്രണ ബോര്ഡിന്റെ ഓണ്ലൈന് ഡാഷ്ബോര്ഡില് പരസ്യമായി പ്രദര്ശിപ്പിക്കും. മാധ്യമ പ്ലാറ്റ്ഫോമുകള് വഴി പ്രക്ഷേപണം ചെയ്യും.
മഹാരാഷ്ട്രയിലുടനീളം 22 മൊബൈല് എയര് ക്വാളിറ്റി മോണിറ്ററിങ് വാനുകള് കൂടി എംപിസിബി വിന്യസിച്ചിട്ടുണ്ട്. 2023 ഒക്ടോബറില് ആര്എംസി പ്ലാന്റുകള്ക്കായി പുതുക്കിയ പ്രവര്ത്തന മാര്ഗനിര്ദേശങ്ങള് എംപിസിബി പുറപ്പെടുവിച്ചിരുന്നു. എംപി സിബിക്ക് റെഡി മിക്സ് കോണ്ക്രീറ്റ് പ്ലാന്റുകളെക്കുറിച്ച് ഒട്ടേറെ പരാതികള് ലഭിച്ചിരുന്നു.
തുടര്ന്ന് നടത്തിയ പരിശോധനയില് ഓം ഗ്ലോബല് ഓപ്പറേഷന്, എസ്എസ്ജി ലിമിറ്റഡ്, രംഭ ഇന്ഫ്രാസ്ട്രക്ചര് പ്രൈവറ്റ് ലിമിറ്റഡ്, യൂണിറ്റി കണ്സ്ട്രക്ഷന് പ്രൈവറ്റ് ലിമിറ്റഡ് എന്നിവയുടെ പ്രവര്ത്തനം നിര്ത്താന് ഉത്തരവിട്ടിരുന്നു.
താനെയിലും നവി മുംബൈയിലും ആറ് ആര്എംസി യൂണിറ്റുകളും കല്യാണില് ഒന്പത് യൂണിറ്റുകളും മാനദണ്ഡങ്ങള് ലംഘിച്ചതായി കണ്ടെത്തി.തുടര്ന്ന് പ്രവര്ത്തനം അവസാനിപ്പിക്കാന് ഉത്തരവിട്ടതായി ബോര്ഡ് അറിയിച്ചു.
ഇതോടെ മൊത്തം പൂട്ടുന്നവ 19 ആയി. നിബന്ധനകള് പാലിക്കാത്ത വ്യവസായങ്ങള്ക്കെതിരേ നടപടികള് തുടരുമെന്നും എംപിസിബി വ്യക്തമാക്കി.
news
വിവാഹമോചനം നിഷേധിച്ചതിനെ തുടര്ന്ന് കൊലപാതകം; ഭാര്യയും മൂന്നു പേരും അറസ്റ്റില്
ഹസീനയുടെ നിര്ദ്ദേശപ്രകാരം, ഓട്ടോറിക്ഷാ ഡ്രൈവറായ സഹോദരനും കൂട്ടാളികളും..
മുംബൈ: മഹാരാഷ്ട്രയിലെ താനെ ജില്ലയില് വിവാഹമോചനം നിഷേധിച്ചതിനെ തുടര്ന്ന് ഭര്ത്താവിനെ കൊലപ്പെടുത്തി. ഭാര്യയും മൂന്നു പേരും അറസ്റ്റില്. ഭാര്യ ഹസീന മെഹബൂബ് ഷെയ്ഖ്, സഹോദരന് ഫയാസ് സാക്കിര് ഹുസൈന് ഷെയ്ഖ് (35) എന്നിവരും കൊലപാതകത്തിനു സഹായിച്ച രണ്ടു പേരുമാണ് അറസ്റ്റിലായത്. കര്ണാടകയിലെ ബെല്ലാരി ജില്ലയിലെ സിരുഗുപ്പ ഗ്രാമവാസിയായ ടിപ്പണ്ണയാണ് കൊല്ലപ്പെട്ടത്.
ടിപ്പണ്ണയുടെ ഭാഗികമായി കത്തിക്കരിഞ്ഞതും അഴുകിയതുമായ മൃതദേഹം മുംബൈ-നാസിക് ഹൈവേയിലെ ഷഹാപൂരിനു സമീപമാണ് കണ്ടെത്തിയത്. ടിപ്പണ്ണയും ഹസീനയും കുടുംബ തര്ക്കങ്ങള് കാരണം വേര്പിരിഞ്ഞ് താമസിക്കുകയായിരുന്നു. ഇതിനുപിന്നാലെ ഹസീന ടിപ്പണ്ണയോട് വിവാഹമോചനം ആവശ്യപ്പെട്ടു. എന്നാല് വിവാഹ മോചനത്തിനു ടിപ്പണ്ണ വിസമ്മതിച്ചതാണ് കൊലപാതകത്തിനു കാരണമെന്ന് ഷഹാപൂര് പൊലീസ് സ്റ്റേഷനിലെ ഇന്സ്പെക്ടര് മുകേഷ് ധാഗെ പറഞ്ഞു.
ഹസീനയുടെ നിര്ദ്ദേശപ്രകാരം, ഓട്ടോറിക്ഷാ ഡ്രൈവറായ സഹോദരനും കൂട്ടാളികളും നവംബര് 17 ന് ടിപ്പണ്ണയെ ഷഹാപൂരിനടുത്തുള്ള ഒരു വനപ്രദേശത്തേക്ക് കൊണ്ടുപോയി. അവിടെവച്ച് കൊലപ്പെടുത്തി മൃതദേഹം കത്തിക്കാന് ശ്രമിച്ച ശേഷം ഹൈവേയ്ക്ക് സമീപം ഉപേക്ഷിക്കുകയായിരുന്നു. ചോദ്യം ചെയ്യലില്, സഹോദരി ഹസീനയുടെ നിര്ദ്ദേശപ്രകാരമാണ് കൊലപാതകം നടത്തിയതെന്ന് ഫയാസ് സമ്മതിച്ചു.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala1 day agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala1 day agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF1 day agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india2 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india2 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു
-
india2 days agoപി.എം ശ്രീ പദ്ധതി: സിപിഎം- ബിജെപി ഡീലിലെ ഇടനിലക്കാരന് ജോണ് ബ്രിട്ടാസ്