ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധിക്കെതിരെ മയക്കുമരുന്ന് അധിക്ഷേപം നടത്തി മധ്യപ്രദേശ് ആഭ്യന്തര മന്ത്രി നരോത്തം മിശ്ര. കോണ്‍ഗ്രസിന്റെ കൈയിലായിരുന്നു അധികാരമെങ്കില്‍ 15 മിനിറ്റു കൊണ്ട് ചൈനയെ തുരത്തുമെന്ന രാഹുല്‍ ഗാന്ധിയുടെ പ്രസ്താവനെയ പരിഹസിച്ചാണ് മന്ത്രി നരോത്തം മിശ്ര രംഗത്തെത്തിയത്.

രാഹുല്‍ ഗാന്ധിക്ക് ഇത്ര നല്ല മയക്കുമരുന്ന് എവിടെ നിന്നാണ് കിട്ടുന്നതെന്ന് അദ്ദേഹം പരിഹസിച്ചു. ഇതോടെ ഇദ്ദേഹത്തിന്റെ വാക്കുകള്‍ വിവാദത്തിലായിരിക്കുകയാണ്.

’10 ദിവസങ്ങള്‍ക്കുളളില്‍ വായ്പ എഴുതിത്തള്ളും. 15 മിനിറ്റിനുള്ളില്‍ ചൈനയെ തുരത്തും. രാഹുലിനെ ഇതൊക്കെ പഠിപ്പിക്കുന്ന അധ്യാപകരെ ഞാന്‍ നമിക്കുന്നു. എവിടെ നിന്നാണ് ഇത്ര മികച്ച മയക്കുമരുന്ന് ലഭിക്കുന്നത്.’ അദ്ദേഹം ചോദിക്കുന്നു.

വിഡിയോ കാണാം.