Connect with us

GULF

ബ്ലൈസ് യു.എ.ഇ മീറ്റപ്പ് ദുബായിൽ നാടിൻറെ ഉത്സവമായി

ബ്ലൈസ് തളങ്കര ആൻഡ് ബ്ലൈസ് ഇൻറർനാഷണൽ ദുബായിൽ വെച്ച് നടത്തിയ ബ്ലൈസ് പ്രീമിയർ ലീഗും ഫാമിലി മീറ്റ് അപ്പും ജനപങ്കാളിത്തം കൊണ്ടും വ്യത്യസ്തമായ പരിപാടികൾ കൊണ്ടും വൻ വിജയമായി

Published

on

ദുബായ് അബു ഹൈലിലുള്ള സ്കൗട്ട് മിഷൻ ഗ്രൗണ്ടിൽ ആണ്ടിൽ ഒരിക്കൽ ഗൾഫ് നാടുകളിൽ പെയ്യുന്ന മഴയുടെ ഭീഷണി അവഗണിച്ചും സ്ത്രീകളും കുട്ടികളും അടക്കമുള്ള പ്രവാസലോകത്തെയും നാട്ടിൽ നിന്നും മറ്റും എത്തിയ ഒട്ടേറെ പേർ മത്സരങ്ങൾ വീക്ഷിക്കാനും പരിപാടികളിൽ ഭാഗമാകുവാനും ഒഴുകിയെത്തി.
വമ്പൻ സമ്മാനങ്ങളൊരുക്കി സ്ത്രീകൾക്ക് പ്രത്യേകമായി ഒരുക്കിയ കുക്കിംഗ് ഫെസ്റ്റ്, കുട്ടികൾക്കും മുതിർന്ന സ്ത്രീകൾക്കും പ്രത്യേകം പ്രത്യേകം ആയി നടത്തിയ വീറും വാശിയേറിയ ഗെയിംസ് മത്സരങ്ങളും, നാട്ടിൽ നിന്നും, വിവിധ ഗൾഫ് രാജ്യങ്ങളിൽ നിന്നും അടക്കം യുഎഇയിൽ എത്തിയ മെമ്പർമാരെ സംഘടിപ്പിച്ച് ആറ് വ്യത്യസ്ത ഗൾഫ് രാജ്യങ്ങളുടെ പേരിൽ തരംതിരിച്ച് രാത്രി ഏറെ വൈകുവോളം നടത്തിയ ആവേശോജ്വലമായ ക്രിക്കറ്റ് പ്രീമിയർ ലീഗിൽ അദ്ധുവിന്റെ നേതൃത്തത്തിലുള്ള ടീം ബഹ്റൈൻ ചാമ്പ്യൻസും, അനുവിന്റെ നേതൃത്തത്തിലുള്ള ടീം ഖത്തർ റണ്ണേഴ്സും ആയി.

ചടങ്ങിൽ തളങ്കര മേഖലയിലെ പ്രമുഖരും പ്രശസ്തരുമായ ഇന്ത്യൻ അസോസിയേഷൻ ഷാർജ പ്രസിടണ്ടും, യുഎഇ കെഎംസിസി ട്രഷറുമായ നിസ്സാർ തളങ്കര, കാസർഗോഡ് നാഷണൽ ക്ലബ്ബ് പ്രസിഡണ്ട് ഹനീഫ്, ബഷീർ എം എസ്, ബഷീർ സുറുമി, സക്കരിയ്യ പതിക്കുന്നു, ഉമ്മർ എംഎസ്, ഗോളി മഹ്മൂദ്, കെഎംസിസി നേതാക്കളായ അബ്ദുള്ള ആറങ്ങാടി, സലാം കന്യപ്പാടി, അഫ്സൽ മെട്ടമ്മൽ, ഫൈസൽ പട്ടേൽ, ഫൈസൽ മുഹ്സിൻ, ബഷീർ പള്ളിക്കര, ഇബ്രാഹിം ബേരിക്ക, സിദ്ദിഖ് ചൗക്കി,സുബൈർ അബ്ദുല്ല, യൂസഫ് ഷേണി, മുനീർ ബേരിക്ക, ഹാരിസ് ബ്രദേഴ്സ്, അസ്കർ ചൂരി, ഷബീർ കൈതക്കാട്, കെടിഎഫ്എ ജ സെക്ര ഷബീർ കിഴൂർ, ഖയ്യൂം മാന്യ, ഐ അഹമ്മദ് കുഞ്ഞി, സാബിത് സ്മാർട്ട്, ഷാനു കൊച്ചി, ഫൈസൽ കുണ്ടിൽ, സിറാജ് മാസ്റ്റർ, ചെച്ചു ടാസ്, ഫൈസി റോള, ഷമ്മ, മുൻ കൗൺസിലർമാരായ താഹിറ സത്താർ, ജമീല, സംബന്ധിച്ചു.

ബ്ലൈസ് അഡ്വൈസറി അംഗവും, ബഹറൈന്കെ എംസിസി നേതാവുമായ സലിം ബഹറൈന് ചടങ്ങിൽ ഉപഹാരം കെഎംസിസി നേതാക്കൾ കൈമാറി,
ഖലീൽ പതിക്കുന്നു, താത്തൂ ബ്ലൈസ്, നാച്ചു ബ്ലൈസ്, ഇർഫത്ത് ഷെരീഫ്, അഖീലാ നൗഫൽ, ഹിബ സക്കരിയ, ഫിദ സക്കരിയ, പരിപാടികൾ നിയന്ത്രിച്ചു.
ബ്ലൈസ് തളങ്കര യുടെ പുതിയ ലോഗോ പ്രകാശനവും, ടി.എസ്.എല്ലിന്നുള്ള ജേഴ്സി പ്രകാശനവും ചടങ്ങിൽ വെച്ചു നടന്നു.

ബ്ലൈസ് അഡ്വൈസറി അംഗങ്ങളായ യഹ്യ തളങ്കരക്കുള്ള സ്നേഹ സമ്മാനം സുഹൈർ യഹ്യയും, മൂസ കുവൈറ്റിനുള്ള സ്നേഹ സമ്മാനം റിജാസ് ഇജാമുവും ഏറ്റുവാങ്ങി, സമീർ ബെസ്റ്റ് ഗോൾഡ്, ഷഫകത്ത് മിക്സ്, ചെച്ചു ക്യാറ്റ് വാക്, ബ്ലൈസ് അഡ്വൈസറി അംഗങ്ങളായ മാഹിൻ മാസ്റ്റർ, അസ്ലാം പടിഞ്ഞാർ, ടി എ ഷാഫി, എന്നിവർക്കുള്ള സ്നേഹ സമ്മാനവും ചടങ്ങിൽ കൈമാറി.

ബ്ലൈസ് തളങ്കര പ്രസിഡണ്ട് നൗഫൽ തായൽ അധ്യക്ഷത വഹിച്ചു, സെക്രട്ടറി സിദിക്ക് ചക്കര ബ്ലൈസ് തളങ്കരയേയും ഇൻറർനാഷണലിനെയും വേദിയിൽ പരിചയപ്പെടുത്തി, ഇൻറർനാഷണൽ പ്രസിഡണ്ട് ശാക്കിർ കാപ്പി ആമുഖഭാഷണവും, സെക്രട്ടറി ജാഫർ കുന്നിൽ സ്വാഗതവും, ഹാരിസ് ബ്ലൈസ് നന്ദിയും പറഞ്ഞു,
സംഘാടക സമിതി അച്ചു മനാൽ, ശുഹൈബ് സ്വയ്യു, അഷ്ഫാദ്, ജസീൽ, സൈനു, ഫൈസൽ, മാലു കുണ്ടിൽ സംസാരിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

FOREIGN

ദുബൈ എയര്‍പോര്‍ട്ട് വഴിയുള്ള യാത്രക്കാര്‍ വിമാനസമയം ഉറപ്പ്‌ വരുത്തണമെന്ന് ഇന്ത്യന്‍ എംബസ്സി

ദുബൈ എയര്‍പോര്‍ട്ട് റണ്‍വെയിലും വെള്ളക്കെട്ട് ഉണ്ടായതിനെത്തുടര്‍ന്ന് നിരവധി വിമാനങ്ങളാണ് വഴി തിരിച്ചുവിടുകയോ കാന്‍സല്‍ ചെയ്യുകയോ ചെയ്തത്.

Published

on

അബുദാബി: റണ്‍വെയില്‍ മഴവെള്ളം കയറിയതിനെത്തുടര്‍ന്ന് താറുമാറായ വിമാനക്രമീകരണം തുടരുന്നതിനാല്‍ യാത്രക്കാര്‍ തങ്ങളുടെ വിമാനസമയം ഉറപ്പ് വരുത്തിയശേഷം മാത്രമെ പുറപ്പെടാവുവെന്ന് ഇന്ത്യന്‍ എംബസ്സി വാര്‍ത്താകുറിപ്പില്‍ അറിയിച്ചു.

കഴിഞ്ഞ ദിവസങ്ങളിലുണ്ടായ ശക്തമായ മഴമൂലം യുഎഇയുടെ വിവിധ ഭാഗങ്ങളില്‍ കനത്തതോതില്‍ വെള്ളം കയറുകയും ഗതാഗത സ്തംഭനം അനുഭവപ്പെടുകയുണ്ടായി. ഇതിന്റെ ഭാഗമായി ദുബൈ എയര്‍പോര്‍ട്ട് റണ്‍വെയിലും വെള്ളക്കെട്ട് ഉണ്ടായതിനെത്തുടര്‍ന്ന് നിരവധി വിമാനങ്ങളാണ് വഴി തിരിച്ചുവിടുകയോ കാന്‍സല്‍ ചെയ്യുകയോ ചെയ്തത്. ഇതുമൂലം നൂറുകണക്കിന് യാത്രക്കാര്‍ വിമാനത്താവളത്തില്‍ കുടുങ്ങിയിരുന്നു.

ഇപ്പോഴും സാധാരണ നിലയിലേക്ക് വിമാനസര്‍വ്വീസുകള്‍ ആവാത്തതിനെത്തുടര്‍ന്നാണ് എയര്‍പോര്‍്ട്ട് അഥോറിറ്റിയുടെ നിര്‍ദ്ദേശം കണക്കിലെടുത്ത് ഇന്ത്യന്‍ എംബസ്സി പ്രവാസികള്‍ക്ക അറിയിപ്പ നല്‍കിയിട്ടുള്ളത്.

Continue Reading

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

GULF

ജി.സി.സി രാജ്യങ്ങളിലെ മഴക്കെടുതി: പ്രയാസം നേരിടുന്നവര്‍ക്കായി പ്രാര്‍ത്ഥിക്കുക: സയ്യിദ് സാദിഖലി ശിഹാബ് തങ്ങള്‍

Published

on

ജി.സി.സി രാജ്യങ്ങളില്‍ കനത്ത മഴക്കെടുതി മൂലം പ്രയാസം അനുഭവിക്കുന്നവര്‍ക്കുവേണ്ടി സഹായങ്ങള്‍ നല്‍കാനും പ്രാര്‍ത്ഥിക്കുവാനും അഭ്യര്‍ത്ഥിച്ച് സയ്യിദ് സാദിഖലി ശിഹാബ് തങ്ങള്‍.

അപരിചിതമായ ഒരു പ്രകൃതി ദുരന്തത്തെയാണ് അഭിമുഖീകരിക്കുന്നത്. മഴക്കെടുതിയെ തുടര്‍ന്ന് ഏതാനും മണിക്കൂറുകള്‍ കൊണ്ടുതന്നെ നിരവധി പേരുടെ ജീവന്‍ നഷ്ടമാകുകയും കനത്ത നാശനഷ്ടങ്ങളുണ്ടാകുകയും ചെയ്തു. തദ്ദേശീയരും പ്രവാസികളുമെല്ലാം ഈ ദുരിതത്തിന്റെ ഇരകളാണ്.

കനത്ത മഴയെ തുടര്‍ന്ന് പ്രയാസമനുഭവിക്കുന്നവരെ കണ്ടെത്താനും അവരെ സുരക്ഷിതമായ സ്ഥലങ്ങളിലെത്തിക്കാനും ആവശ്യമായ സഹായം ചെയ്തു നല്‍കാനും കെ.എം.സി.സിക്ക് നിര്‍ദ്ദേശം നല്‍കിയിട്ടുണ്ട്. കെ.എം.സി.സി ഇതിനകം തന്നെ വിവിധയിടങ്ങളിലെത്തുകയും പ്രതിസന്ധികള്‍ ലഘൂകരിക്കുന്നതിന് വേണ്ട ഇടപെടലുകള്‍ നടത്തുകയും ചെയ്യുന്നുണ്ട് എന്ന് ബന്ധതപ്പെട്ടവര്‍ അറിയിച്ചിട്ടുള്ളതായി തങ്ങള്‍ ഫെയ്‌സ്ബുക്കില്‍ കുറിച്ചു.

Continue Reading

Trending