kerala
വര്ഗ്ഗീയ ചേരിതിരിവ് ഇല്ലാതാക്കാന് ധവള പത്രം പുറത്തിറക്കണം; ഓണ്ലൈന് ഒപ്പുശേഖരണവുമായി സൊസൈറ്റി ഫോറം ഫോര് ഇക്വിറ്റി, ജസ്റ്റിസ് ആന്റ് പീസ്
വിവിധ രാഷ്ട്രീയ, സാമൂഹിക, സാംസ്കാരിക, സന്നദ്ധ മേഖലയിലെ ആയിരങ്ങള് ഇതിനകം ഓണ്ലൈന് ഒപ്പുശേഖരണത്തില് പങ്കാളികളായിട്ടുണ്ട്. കാംപയിന് തുടരുകയാണ്
ഡല്ഹി: കേരളത്തിലെ മുസ്ലിം ന്യൂനപക്ഷത്തിന് അവകാശപ്പെട്ട ഒരു ക്ഷേമപദ്ധതിയെ മുന്നിര്ത്തി തെറ്റിദ്ധാരണ പരത്താനും അതുവഴി വര്ഗീയ ചേരിതിരിവുണ്ടാക്കാനുള്ള ബോധപൂര്വമായ ശ്രമങ്ങള് തടയാന് കേരള സര്ക്കാര് ധവളപത്രം പുറത്തിറക്കണമെന്ന് ദല്ഹി കേന്ദ്രമായി പ്രവര്ത്തിക്കുന്ന സിവില് സൊസൈറ്റി ഫോറം ഫോര് ഇക്വിറ്റി, ജസ്റ്റിസ് ആന്റ് പീസ് ഫോറം. 11 ആവശ്യങ്ങളടങ്ങിയ ഓണ്ലൈന് നിവേദന സമര്പ്പണത്തിന്റെ ഉദ്ഘാടനം പാണക്കാട് സയ്യിദ് മുനവ്വറലി ശിഹാബ് തങ്ങള് മലപ്പുറത്ത് നിര്വ്വഹിച്ചു. വിവിധ രാഷ്ട്രീയ, സാമൂഹിക, സാംസ്കാരിക, സന്നദ്ധ മേഖലയിലെ ആയിരങ്ങള് ഇതിനകം ഓണ്ലൈന് ഒപ്പുശേഖരണത്തില് പങ്കാളികളായിട്ടുണ്ട്. കാംപയിന് തുടരുകയാണ്.
കേരള ജനസംഖ്യയുടെ അനുപാതവും സാമുദായികസ്ഥിതിയും അടിസ്ഥാനമാക്കി ഓരോ ജനവിഭാഗങ്ങള്ക്കും സര്ക്കാര് വിഭവങ്ങള് ഭരണഘടനാപരമായി വീതിച്ചു നല്കിയതിന്റെ കണക്ക് സര്ക്കാര് തന്നെ പുറത്തു വിടുന്നതാണ് കുപ്രചാരണങ്ങളെ തിരുത്താന് ഏറ്റവും ഉപകാരപ്പെടുകയെന്ന് സന്നദ്ധ സംഘടന വാര്ത്താക്കുറിപ്പില് അറിയിച്ചു. ഇതു സംബന്ധിച്ച് കേരള സര്ക്കാര് ഒരു ധവളപത്രം പുറത്തിറക്കണമെന്ന 11 ആവശ്യങ്ങളടങ്ങിയ നിവേദനത്തിലൂടെയാണ് മുഖ്യമന്ത്രി പിണറായി വിജയന് മുമ്പാകെ സിവില് സൊസൈറ്റി ഫോറം ഫോര് ഇക്വിറ്റി, ജസ്റ്റിസ് ആന്റ് പീസ് സമര്പ്പിക്കുക. വിവിധ കേന്ദ്ര സംസ്ഥാന സര്വകലാശാലകളിലും വിദേശസര്വകലാശാലകളിലും ഉള്ള അധ്യാപകര്, ഗവേഷകര്, വിദ്യാര്ത്ഥികള്, മാധ്യമപ്രവര്ത്തകര്, സാംസ്കാരിക സന്നദ്ധ പ്രവര്ത്തകര്, ആക്ടിവിസ്റ്റുകള് എന്നിവരുടെ കൂട്ടായ്മയാണ് സിവില് സൊസൈറ്റി ഫോറം ഫോര് ഇക്വിറ്റി, ജസ്റ്റിസ് ആന്റ് പീസ് ആണ്. ദല്ഹി സര്വകലാശാല അധ്യാപകന് അബ്ദുല്ലാ അബ്ദുല് ഹമീദാണ് കോഡിനേറ്റര്. സാംസ്കാരിക പ്രവര്ത്തകനും ചിന്തകനുമായ സയ്യിദ് അഷ്റഫ് തങ്ങള് (സഊദിഅറേബ്യ) ആണ് ചെയര്മാന്.
വിവിധ പിന്നാക്ക, ദളിത്, ന്യൂനപക്ഷ വിഭാഗങ്ങളെക്കുറിച്ചുള്ള ആഴത്തിലുള്ള പഠനങ്ങള്, മതേതര ജനാധിപത്യ സമൂഹത്തില് ആരോഗ്യപരമായ സംവാദങ്ങള്, സമാധാനവും മതസൗഹാര്ദ്ദം നിലനിര്ത്താനുള്ള ക്രിയാത്മക ഇടപെടലുകളൊക്കെയാണ് സംഘടന ലക്ഷ്യമിടുന്നതെന്ന് സംഘാടകര് അറിയിച്ചു. 11 ആവശ്യങ്ങള് ഇവയാണ്.
1. ഉദ്യോഗതലങ്ങളില് (ബ്യുറോക്രസിയില്) (തസ്തികകള് വെവ്വേറെ തരം തിരിച്ചുള്ളത്)
2. പോലീസില് (തസ്തികകള് വെവ്വേറെ തരം തിരിച്ചുള്ളത്)
3. ജുഡീഷ്യറിയില് (തസ്തികകള് വെവ്വേറെ തരം തിരിച്ചുള്ളത്)
4. വിദ്യാഭ്യാസ സ്ഥാപനങ്ങളിലെ (സര്ക്കാര്, എയ്ഡഡ്) ഉദ്യോഗസ്ഥഅധ്യാപക തസ്തികകളില് (സ്കൂള്, കോളേജ്, യൂണിവേഴ്സിറ്റി തലങ്ങളിലും, മറ്റു പൊതുവിദ്യാഭ്യാസ ഗവേഷണ സ്ഥാപനങ്ങലും ഉള്ള തസ്തികകള് വെവ്വേറെ തരം തിരിച്ചുള്ളത്)
5. സര്ക്കാരിന് കീഴില് ഉള്ള കോര്പ്പറേഷനുകള്, വിവിധ ബോര്ഡുകള് എന്നിവയില് (തസ്തികകള് വെവ്വേറെ തരം തിരിച്ചുള്ളത്)
6. സര്ക്കാര് നേരിട്ട് നടത്തുന്ന നിയമനങ്ങളില് (വകുപ്പുകളും തസ്തികകളും വെവ്വേറെ തരം തിരിച്ചുള്ളത് ജനസംഖ്യാനുപാതത്തില്)
7. സര്ക്കാര് ജോലികളില് ഓരോ തസ്തികയിലും നിയമനത്തിന് ഉള്ള സാമുദായിക സംവരണ ഓഹരി ജനസംഖ്യാനുപാതത്തില്
8. വിദ്യാഭ്യാസ സ്ഥാപനങ്ങളില് (സര്ക്കാര്, എയ്ഡഡ്) ആകെയുള്ള സീറ്റുകളിലെ നിലവില് അഡ്മിഷന് നല്കിയിട്ടുള്ള സീറ്റുകളുടെ ഓഹരി നില (സ്കൂള്, കോളേജ്, യൂണിവേഴ്സിറ്റി, മറ്റു പൊതുവിദ്യാഭ്യാസ ഗവേഷണ സ്ഥാപനങ്ങള് എന്നിവ വെവ്വേറെ തരം തിരിച്ചുള്ളത്)
9. വിദ്യാഭ്യാസ സ്ഥാപനങ്ങളില് (സര്ക്കാര്, എയ്ഡഡ്) അഡ്മിഷന് നല്കുന്നതില് ഉള്ള സാമുദായിക സംവരണ ഓഹരി (ജനസംഖ്യാനുപാതത്തില്)
10. കേരള സംസ്ഥാനത്തിലെ സര്ക്കാര് ഭൂമി പതിച്ചു നല്കിയതില് ഓരോ സമുദായത്തിനും ലഭിച്ചിരിക്കുന്ന ഓഹരി (പട്ടയസ്ഥലമൂല്യ കണക്കുകള് സഹിതം ജനസംഖ്യാനുപാതത്തില്)
11. കേരള സംസ്ഥാനത്തില് എയ്ഡഡ് വിദ്യാഭ്യാസ സ്ഥാപനങ്ങള് അനുവദിച്ചു നല്കിയതില് ഓരോ സമുദായത്തിനും ലഭിച്ചിരിക്കുന്ന ഓഹരി (ജനസംഖ്യാനുപാതത്തില്)
ഒപ്പുശേഖരണത്തിന്റെ ഓണ്ലൈന് ലിങ്ക്: http://chng.it/XFNKCyFnHX
kerala
മസ്തിഷ്ക ജ്വരം ബാധിച്ചത് അയല് വീട്ടിലെ സ്പെറ്റിക് ടാങ്ക് മാലിന്യം മൂലം; വൃന്ദയുടെ മരണത്തില് ആരോപണവുമായി കുടുംബം
ഒക്ടോബര് 18നാണ് പാറശ്ശാല കാരോട് സ്വദേശി വൃന്ദ വെന്സില് (18) മസ്തിഷ്ക ജ്വരം ബാധിച്ച് മരിച്ചത്.
തിരുവനന്തപുരം പാറശാലയില് പെണ്കുട്ടി മസ്തിഷ്ക ജ്വരം ബാധിച്ച് മരിച്ചതില് അയല്വാസിക്കെതിരെ ആരോപണവുമായി കുടുംബം. രോഗം വരാന് കാരണം അടുത്ത വീട്ടിലെ സ്പെറ്റിക് ടാങ്കിലെ മാലിന്യമാണെന്ന് കുടുംബം ആരോപിച്ചു.ഒക്ടോബര് 18നാണ് പാറശ്ശാല കാരോട് സ്വദേശി വൃന്ദ വെന്സില് (18) മസ്തിഷ്ക ജ്വരം ബാധിച്ച് മരിച്ചത്.
2023ല് തന്നെ പബ്ലിക് ഹെല്ത്ത് ലാബില് വെള്ളത്തിന് രുചി വ്യത്യാസം തോന്നിയപ്പോള് കൊണ്ടുപോയി പരിശോധിച്ചിരുന്നു. ഇതിലാണ് വൃന്ദയുടെ വീട്ടിലെ വെള്ളത്തില് കോളിഫാം, ഇ കോളി ബാക്ടീരികളുടെ സാന്നിധ്യം കണ്ടെത്തിയത്. പിന്നാലെ സെപ്റ്റിക് ടാങ്ക് ശാസ്ത്രീയമായി മൂടണമെന്ന് കലക്ടര് പഞ്ചായത്തിന് നോട്ടീസ് നല്കിയിട്ടും നടപടിയുണ്ടായില്ലെന്ന് വൃന്ദയുടെ അമ്മ സുകുമാരി പറഞ്ഞു .
പഞ്ചായത്തില് നിന്നും ഹെല്ത്തില് നിന്നും വന്ന് നോക്കിയതിന് ശേഷം വെള്ളം കുടിക്കരുതെന്ന് നിര്ദേശം നല്കുകയും ചെയ്തത്. എന്നാല് കുടിവെള്ളത്തിനായി മറ്റ് മാര്ഗങ്ങളുണ്ടായിരുന്നില്ലെന്നും ഇവര് പറയുന്നു. തലവേദനയും പനിയും അനുഭവപ്പെട്ട് ചികിത്സയിലിരിക്കെയാണ് മഷ്തിഷ്ക ജ്വരമാണെന്ന് തിരിച്ചറിയുന്നത്. ചികിത്സയിലിരിക്കെ വൃന്ദ മരിക്കുകയും ചെയ്തു. സംഭവത്തില് വൃന്ദയുടെ കുടുംബം കലക്ടര്ക്ക് പരാതി നല്കിയിട്ടുണ്ട്.
kerala
പാലത്തായി പോക്സോ കേസ്; പ്രതി പത്മരാജനെ ജോലിയില് നിന്ന് പിരിച്ചുവിട്ടു
പ്രതിക്ക് കോടതി മരണം വരെ ജീവപര്യന്തം തടവ് ശിക്ഷ വിധിച്ചിരുന്നു.
പാലത്തായി പോക്സോ കേസ് പ്രതിയായ അധ്യാപകനും ബിജെപി നേതാവുമായ പത്മരാജനെ ജോലിയില് നിന്ന് പിരിച്ചുവിട്ടു. പ്രതിക്ക് കോടതി മരണം വരെ ജീവപര്യന്തം തടവ് ശിക്ഷ വിധിച്ചിരുന്നു. വിദ്യാഭ്യാസ മന്ത്രിയാണ് ഇക്കാര്യം അറിയിച്ചത്.
അധ്യാപകനെ പിരിച്ചുവിട്ടുകൊണ്ട് സ്കൂള് മാനേജര് ഉത്തരവ് പുറപ്പെടുവിച്ചു. അധ്യാപകനെ സര്വീസില് നിന്ന് നീക്കാന് സ്കൂള് മാനേജര്ക്ക് പൊതുവിദ്യാഭ്യാസ വകുപ്പ് അടിയന്തര നിര്ദേശം നല്കിയിരുന്നു.
kerala
പാലക്കാട് അട്ടപ്പാടിയില് സ്വതന്ത്രസ്ഥാനാര്ത്ഥിക്ക് സിപിഎം നേതാവിന്റെ വധഭീഷണി
പാര്ട്ടിയാണ് വലുത് സ്ഥാനാര്ഥിത്വം പിന്വലിക്കണം എന്നാവശ്യപ്പെടുന്ന ഇവര് തമ്മിലെ ഫോണ് സംഭാഷണം പുറത്ത് വന്നിട്ടുണ്ട്.
പാലക്കാട് അട്ടപ്പാടിയില് സ്വതന്ത്രനായി മത്സരിക്കുന്ന മുന് സിപിഎം ഏരിയ സെക്രട്ടറിക്ക് സിപിഎം നേതാവിന്റെ വധഭീഷണി. ലോക്കല് സെക്രട്ടറിയായ ജംഷീറാണ് അഗളി പഞ്ചായത്ത് ഒമ്മല വാര്ഡിലെ സ്വത്രന്ത സ്ഥാനാര്ഥിയായ വിആര് രാമകൃഷ്ണനെ സ്ഥാനാര്ത്ഥിത്വം പിന്വലിച്ചില്ലെങ്കില് കൊല്ലുമെന്ന് ഭീഷണിപ്പെടുത്തിയത്. പാര്ട്ടിയാണ് വലുത് സ്ഥാനാര്ഥിത്വം പിന്വലിക്കണം എന്നാവശ്യപ്പെടുന്ന ഇവര് തമ്മിലെ ഫോണ് സംഭാഷണം പുറത്ത് വന്നിട്ടുണ്ട്.
അഗളി പഞ്ചായത്ത് ഒമ്മല വാര്ഡിലെ സ്വതന്ത്രസ്ഥാനാര്ഥിയായ രാമകൃഷ്ണനോട് മത്സരത്തില് നിന്ന് പിന്മാറണമെന്ന് ജംഷീര് ആവശ്യപ്പെടുകയായിരുന്നു. എന്നാല് തനിക്ക് പാര്ട്ടിമായി ബന്ധമില്ലെന്നും മത്സരവുമായി മുന്നോട്ട് പോകുമെന്നും രാമകൃഷ്ണന് അറിയിച്ചു. ഇതിനെ തുടര്ന്നാണ് എന്തുചെയ്യുമെന്ന് ചോദിച്ച രാമകൃഷ്ണനോട് തട്ടിക്കളയുമെന്ന് ലോക്കല് സെക്രട്ടറി ജംഷീര് വധഭീഷണി മുഴക്കിയത്. പാര്ട്ടിക്കെതിരെ നിന്നാല് തട്ടിക്കളയുമെന്ന് പുറത്തുവന്ന ഓഡിയോയില് സിപിഎം നേതാവ് പറയുന്നു.
ആറ് വര്ഷം സിപിഎമ്മിന്റെ ഏരിയ സെക്രട്ടറി ആയിരുന്നയാളാണ് വി.ആര് രാമകൃഷ്ണന്. പാര്ട്ടിയുമായി അകന്ന രാമകൃഷ്ണന് അടുത്ത കാലത്താണ് പാര്ട്ടി കമ്മിറ്റികളില് നിന്ന് പുറത്തുപോവുന്നത്. ഇത്തവണ സ്വാതന്ത്രസ്ഥാനാര്ത്ഥിയായി മത്സരിക്കാന് കൂടെ തീരുമാനിച്ചതോടെ സിപിഎം പാര്ട്ടി പ്രതിസന്ധിയിലായി. ഈ സാഹചര്യത്തിലാണ് പിന്മാറണം എന്നാവശ്യപ്പെട്ടു കൊണ്ട് പാര്ട്ടി തന്നെ രംഗത്ത് വരുന്നത്. എന്നാല് പിന്മാറില്ല എന്നറിയതോടെയാണ് വധഭീഷണി മുഴക്കിയത്.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
world17 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala3 days agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി