Connect with us

kerala

ആരോഗ്യ വിദഗ്ധരെ കുഴക്കി കോവിഡ് ബാധിതരില്‍ അസാധാരണ ലക്ഷണങ്ങള്‍

മസ്തിഷ്‌ക ജ്വരം, പക്ഷാഘാതം, ഹൃദയാഘാതം എന്നിവയ്ക്കു ചികിത്സ തേടി എത്തിയവര്‍ക്കാണു കോവിഡ് സ്ഥിരീകരിച്ചത്. പാലക്കാട്ട് മസ്തിഷ്‌ക ജ്വരത്തിന്റെ ലക്ഷണങ്ങളുമായി ചികിത്സ തേടിയ 3 പേര്‍ക്കു കോവിഡ് സ്ഥിരീകരിച്ചത്

Published

on

പാലക്കാട്: ആരോഗ്യ വിദഗ്ധരെ കുഴക്കി കോവിഡ് പോസിറ്റീവായ ചിലരില്‍ അസാധാരണ ലക്ഷണങ്ങള്‍ കണ്ടെത്തി. മസ്തിഷ്‌ക ജ്വരം, പക്ഷാഘാതം, ഹൃദയാഘാതം എന്നിവയ്ക്കു ചികിത്സ തേടി എത്തിയവര്‍ക്കാണു കോവിഡ് സ്ഥിരീകരിച്ചത്. പാലക്കാട്ട് മസ്തിഷ്‌ക ജ്വരത്തിന്റെ ലക്ഷണങ്ങളുമായി ചികിത്സ തേടിയ 3 പേര്‍ക്കു കോവിഡ് സ്ഥിരീകരിച്ചത്.

അപൂര്‍വമായി മാത്രമേ ഇത്തരം ലക്ഷണങ്ങളോടെ കോവിഡ് സ്ഥിരീകരിച്ചിട്ടുള്ളൂ. ഇവര്‍ക്കു മസ്തിഷ്‌ക ജ്വരത്തിനു മറ്റു കാരണങ്ങളില്ലെന്ന് ആരോഗ്യ വകുപ്പു നടത്തിയ പരിശോധനയില്‍ കണ്ടെത്തി. കോവിഡ് സ്ഥിരീകരിച്ചെത്തിയ വ്യക്തിക്കു ചികിത്സയ്ക്കിടെ കാലുകള്‍ തളര്‍ന്നതും പുതിയ ലക്ഷണമാണ്. ഇദ്ദേഹം ഇപ്പോള്‍ വിദഗ്ധ ചികിത്സയിലാണ്. പക്ഷാഘാതം, ഹൃദയസ്തംഭനം തുടങ്ങിയവയ്ക്കു ചികിത്സ തേടുന്നവരിലും കുഴഞ്ഞു വീണു മരിക്കുന്നവരിലും കോവിഡ് സ്ഥിരീകരിക്കുന്നുണ്ട്.

ഇത്തരം കേസുകളുടെ എണ്ണം വര്‍ധിക്കുകയാണ്. പനി, ജലദോഷം, തൊണ്ടവേദന, ഛര്‍ദി, ശ്വാസതടസ്സം, രുചിയും മണവും അനുഭവപ്പെടാതിരിക്കല്‍ തുടങ്ങിയവയാണു കോവിഡ് ലക്ഷണങ്ങളായി നിര്‍വചിക്കപ്പെട്ടിട്ടുള്ളത്.

kerala

പോപ്പുലര്‍ ഫ്രണ്ട് ഹര്‍ത്താല്‍; അറസ്റ്റിലായത് 1,404 പേര്‍, കേസുകള്‍ 309

സംസ്ഥാനത്ത് 70 കെ എസ് ആര്‍ ടി സി ബസുകളാണ് കല്ലേറില്‍ തകര്‍ന്നത്.

Published

on

പോപ്പുലര്‍ ഫ്രണ്ട് ആഹ്വാനം ചെയ്ത ഹര്‍ത്താല്‍ ദിനത്തിലുണ്ടായ അക്രമവുമായി ബന്ധപ്പെട്ട് സംസ്ഥാനത്ത് ഇതുവരെ അറസ്റ്റിലായത്  1,404 പേര്‍. 309 കേസുകളാണ് രജിസ്റ്റര്‍ ചെയ്തതെന്നും 834 പേരെ കരുതല്‍ തടങ്കലിലാക്കിയതായും പൊലീസ് അറിയിച്ചു.

പോലീസ് ഉദ്യോഗസ്ഥര്‍, കെ എസ് ആര്‍ ടി സി ജീവനക്കാര്‍, യാത്രക്കാര്‍ തുടങ്ങിയവര്‍ക്ക് സംസ്ഥാനത്ത് വിവിധയിടങ്ങളിലായി നടന്ന ആക്രമണങ്ങളില്‍ പരുക്കേറ്റിരുന്നു. നിരത്തിലിറങ്ങിയ കെ എസ്ആര്‍ടിസി ബസുകള്‍ക്ക് നേരെയും ഹര്‍ത്താല്‍ ദിനത്തില്‍ വ്യാപക അക്രമം അരങ്ങേറിയിരുന്നു. സംസ്ഥാനത്ത് 70 കെ എസ് ആര്‍ ടി സി ബസുകളാണ് കല്ലേറില്‍ തകര്‍ന്നത്.

Continue Reading

kerala

അവതാരകയെ അപമാനിച്ച കേസ്; നടന്‍ ശ്രീനാഥ് ഭാസിക്ക് ജാമ്യം

അന്വേഷണം നടക്കുന്നതിനാല്‍ പ്രതികരിക്കാനില്ലെന്ന് ശ്രീനാഥ് ഭാസി മാധ്യമ പ്രവര്‍ത്തകരോട് വ്യക്തമാക്കി.

Published

on

ഓണ്‍ലൈന്‍ മാധ്യമപ്രവര്‍ത്തകയോട് അഭിമുഖത്തിനിടെ അസഭ്യം പറഞ്ഞെന്ന കേസില്‍ നടന്‍ ശ്രീനാഥ് ഭാസിക്ക് ജാമ്യം. സ്‌റ്റേഷന്‍ ജാമ്യത്തിലാണ് വിട്ടയച്ചത്. മരട് പോലീസ് സ്‌റ്റേഷനിലായുന്നു നടന്‍ ചോദ്യം ചെയ്യലിന് ഹാജരായത്. ഇന്ന് ഉച്ച കഴിഞ്ഞ് ശ്രീനാഥ് ഭാസിയുടെ അറസ്റ്റ് പൊലീസ് രേഖപ്പെടുത്തിയിതിന് പിന്നാലെയാണ് ജാമ്യം ലഭിച്ചിരിക്കുന്നത്.

സ്ത്രീത്വത്തെ അപമാനിച്ചുവെന്നതാണ് നടന്‍ എതിരെയുള്ള കേസ്. അന്വേഷണം നടക്കുന്നതിനാല്‍ പ്രതികരിക്കാനില്ലെന്ന് ശ്രീനാഥ് ഭാസി മാധ്യമ പ്രവര്‍ത്തകരോട് വ്യക്തമാക്കി. ഇന്ന് രാവിലെ ഹാജരാകാന്‍ ആവശ്യപ്പെട്ടെങ്കിലും ഉച്ചയോടെ മാത്രമാണ് അദ്ദേഹം ഹാജരായത്. സുഹൃത്തുക്കള്‍ക്കൊപ്പമായിരുന്നു അദ്ദേഹം എത്തിയത്.

Continue Reading

kerala

ഇത്രയധികം പണം ചെലവഴിച്ചത് എന്തിന്?; പദ്ധതി എവിടെ എത്തി?; സില്‍വര്‍ ലൈനില്‍ ചോദ്യങ്ങളുമായി ഹൈക്കോടതി

സില്‍വര്‍ ലൈന്‍ പദ്ധതിയുമായി ബന്ധപ്പെട്ട് സര്‍ക്കാരിനെതിരെ രൂക്ഷവിമര്‍ശനവുമായി ഹൈക്കോടതി.

Published

on

സില്‍വര്‍ ലൈന്‍ പദ്ധതിയുമായി ബന്ധപ്പെട്ട് സര്‍ക്കാരിനെതിരെ രൂക്ഷവിമര്‍ശനവുമായി ഹൈക്കോടതി. ഡി പി ആര്‍ ന് കേന്ദ്ര അനുമതി ഇല്ലെന്നിരിക്കെ പഠനം നടത്തിയത് എന്തിനാണ്?, ഇത്രയും അധികം പണം ചെലവാക്കിയത് എന്തിനാണെന്നും കോടതി ചോദിച്ചു. സില്‍വര്‍ലൈനുമായി ബന്ധപ്പെട്ട ഹര്‍ജി പരിഗണിക്കുന്നതിനിടെയാണ് കോടതിയുടെ ചോദ്യങ്ങള്‍.

ചില ഉദ്യോഗസ്ഥര്‍ നാടകം കളിക്കുകയാണ്, പേര് വിളിച്ചാല്‍ പദ്ധതി ആകില്ലെന്നും കോടതിയില്‍ ചൂണ്ടിക്കാട്ടി. ഇല്ലാത്ത പദ്ധതിക്കാണ് ഇതെല്ലാം നടക്കുന്നത്. പദ്ധതിക്ക് ഭൂമി ഏറ്റെടുക്കുന്നതിന് വിജ്ഞാപനം ഇറക്കിയിട്ടില്ല, എന്തിനു വേണ്ടിയാണ് സര്‍ക്കാര്‍ ഇത്രയധികം പണം ചെലവാക്കിയത് എന്നും ജസ്റ്റിസ് ദേവന്‍ രാമചന്ദ്രന്‍ ചോദിച്ചു.

പദ്ധതിക്കായി ധാരാളം പണം ഇതിനോടകം ചെലവഴിച്ചു കഴിഞ്ഞു, പദ്ധതിയില്‍ കേന്ദ്രത്തിന് താല്‍പര്യമില്ല എന്ന് അറിയുന്നു, ഇത്രയധികം പ്രശ്‌നങ്ങള്‍ ഉണ്ടാക്കിയത് ആര് സമാധാനം പറയും കോടതി ചോദിച്ചു. അതിവേഗ റെയില്‍പാതയും ഹൈവേയും എല്ലാം നാടിന് ആവശ്യം തന്നെയാണ്. എന്ന് കരുതി തോന്നുന്ന പ്രകാരം ഒന്നും ചെയ്യരുത്. എല്ലാത്തിനും മാനദണ്ഡം വേണം കോടതി കുറ്റപ്പെടുത്തി.

Continue Reading

Trending