Connect with us

kerala

സംസ്ഥാനത്ത് അഞ്ചുപേര്‍ കൂടി കോവിഡ് ബാധിച്ച് മരിച്ചു

തിരുവനന്തപുരം, വയനാട്, കോഴിക്കോട്, മലപ്പുറം സ്വദേശികളാണ് മരിച്ചത്

Published

on

തിരുവനന്തപുരം: സംസ്ഥാനത്ത് അഞ്ച് പേര് കൂടി ഇന്ന് കൊവിഡ് ബാധിച്ച് മരിച്ചു. തിരുവനന്തപുരം, വയനാട്, കോഴിക്കോട്, മലപ്പുറം സ്വദേശികളാണ് മരിച്ചത്. വയനാട് തരുവണ സ്വദേശി സി.എച്ച് അബ്ദുള്ളയുടെ ഭാര്യ ഫാത്തിമ ( 49) കൊവിഡ് ബാധിച്ച് മരിച്ചതായി ഇന്ന് സ്ഥിരീകരിച്ചു.

കഴിഞ്ഞ ആറാം തീയതി മരിച്ച ഫാത്തിമയുടെ മരണ ശേഷം നടത്തിയ ട്രൂനാറ്റ് പരിശോധനയിലാണ് കൊവിഡ് സ്ഥിരീകരിച്ചത്. കോഴിക്കോട് കോഴിക്കോട് മെഡിക്കല്‍ കോളേജില്‍ ചികിത്സയിലായിരുന്ന മൂന്നുപേര്‍ കൂടി ഇന്ന് കൊവിഡ് ബാധിച്ച് മരിച്ചു. മലപ്പുറം നെടുവ സ്വദേശി നഫീസ(76), കോഴിക്കോട് കുറ്റിക്കാട്ടൂര്‍ സ്വദേശി മുഹമ്മദ്(67), വടകര സ്വദേശി മുരളീധരന്‍(65)എന്നിവരാണ് മരിച്ചത്.

വിളപ്പില്‍ശാല സ്വദേശി നാരായണ പിള്ളയാണ് തിരുവനന്തപുരം മരിച്ചത്. കൊവിഡ് സ്ഥിരീകരിച്ചതിന് പിന്നാലെ നാരായണ പിള്ളയെ ജനറല്‍ ആശുപത്രിയില്‍ പ്രവേശിപ്പിക്കുകയായിരുന്നു. തുടര്‍ന്ന് ജൂണ്‍ 30 ന് മെഡിക്കല്‍ കോളേജിലേക്ക് മാറ്റി. ഇന്ന് വൈകിട്ടോടെയാണ് മരണം സംഭവിച്ചത്.

 

kerala

ധീര ജവാൻ മുഹമ്മദ് ഹക്കീമിന്റെ സ്മരണാർത്ഥയിൽ പ്രേം നസീർ സുഹൃദ്സിമതി സംസ്ഥാന കമ്മിറ്റിയും പാലക്കാട് ചാപ്റ്ററും

ഛത്തീസ്ഗഡിലെ സുഖ്മാനിയ ദാബാ കോണ്ടയിൽ മാവോയിസ്റ്റുകളെ നേരിടാനുള്ള കോബ്രാ വിഭാഗത്തിലെ കമാൻഡറായിരുന്നു പാലക്കാട് സ്വദേശി മുഹമ്മദ് ഹക്കീം.

Published

on

പാലക്കാട്:മാവോയിസ്റ്റ് ഭീകരരുടെ ആക്രമണത്തില്‍ വീരമൃത്യു വരിച്ച സിആര്‍പിഎഫ് ജവാന്‍ മുഹമ്മദ് ഹക്കീമിന് പ്രേം നസീർ സുഹൃത്ത് സമിതി സംസ്ഥാന കമ്മിറ്റിയും പാലക്കാട് ചാപ്റ്ററും സ്മരണാഞ്ജലി അർപ്പിക്കുന്നു.

വൈകുന്നേരം അഞ്ചുമണിക്ക് ഹക്കീമിന്റെ പയറ്റാംകുന്നിലെ വസതിയിൽ ആണ് പ്രണാമം അർപ്പിക്കാൻ ഒത്തുകൂടുന്നത്. സിആർപിഎഫ് ജവാന്മാർ, ഹേമാംബിക പോലീസ് സ്റ്റേഷൻ ഉദ്യോഗസ്ഥർ, കൊടുവായൂർ സ്കൂൾ സ്റ്റുഡൻസ് പോലീസ് കേഡറ്റുകൾ, പ്രേംനസീർ സുഹൃദ്സിമതി അംഗങ്ങൾ എന്നിവരും ഭാരതത്തിന്റെ ധീരപുത്രന് പ്രണാമം അർപ്പിക്കും.

ഛത്തീസ്ഗഡിലെ സുഖ്മാനിയ ദാബാ കോണ്ടയിൽ മാവോയിസ്റ്റുകളെ നേരിടാനുള്ള കോബ്രാ വിഭാഗത്തിലെ കമാൻഡറായിരുന്നു മുഹമ്മദ് ഹക്കീം.

Continue Reading

kerala

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു : അമ്മയുടെ അച്ഛന് 28 വര്‍ഷം കഠിന തടവും പിഴയും

2020 സെപ്റ്റംബര്‍ 19 മുതല്‍ 2020 ഒക്ടോബര്‍ 26 വരെയാണു കേസിനാസ്പദമായ സംഭവം നടന്നത്

Published

on

മുണ്ടക്കയം: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ അമ്മയുടെ അച്ഛന് 28 വര്‍ഷം കഠിന തടവും 3.02 ലക്ഷം രൂപ പിഴയും ശിക്ഷ വിധിച്ചു കോടതി.മുണ്ടക്കയം സ്വദേശിയായ പന്ത്രണ്ടുകാരിയെ പീഡിപ്പിച്ച കേസിലാണു കോടതി ശിക്ഷ വിധിച്ചത്. പ്രതിയെ കോട്ടയം അഡീഷണല്‍ ജില്ലാ കോടതി-ഒന്ന് ജഡ്ജി കെ.എന്‍. സുജിത്ത് ശിക്ഷിച്ചത്.

2020 സെപ്റ്റംബര്‍ 19 മുതല്‍ 2020 ഒക്ടോബര്‍ 26 വരെയാണു കേസിനാസ്പദമായ സംഭവം നടന്നത്. അതിജീവിതയുടെ മാതാപിതാക്കള്‍ വിവാഹബന്ധം വേര്‍പ്പെടുത്തി പിരിഞ്ഞു കഴിയുകയായിരുന്നു. പെണ്‍കുട്ടിയും സഹോദരനും കോണ്‍വെന്‍റില്‍ നിന്നാണു പഠിച്ചിരുന്നത്. അവധിക്കാലത്ത് ഇരുവരും മാതാപിതാക്കളുടെ വീടുകളിലാണു കഴിഞ്ഞിരുന്നത്.2019 മുതലുള്ള അവധിക്കാലത്ത് വീട്ടില്‍ വന്നു നിന്നിരുന്നപ്പോഴാണു പെണ്‍കുട്ടിയെ പീഡിപ്പിച്ചത്. തുടര്‍ന്ന്, അമ്മ മുണ്ടക്കയം പോലീസില്‍ പരാതി നല്‍കുകയായിരുന്നു.

Continue Reading

kerala

സഹപ്രവര്‍ത്തകരോടുള്ള സ്നേഹവും അനുകമ്പയും കരുതലുമാണ് കെ.എം.സി.സി സുരക്ഷാ പദ്ധതി; സാദിഖലി ശിഹാബ് തങ്ങള്‍

സഊദി കെ.എം.സി.സി നാഷണല്‍ കമ്മിറ്റി മലപ്പുറത്ത് സംഘടിപ്പിച്ച കാരുണ്യ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

Published

on

മലപ്പുറം: സഹപ്രവര്‍ത്തകരോടുള്ള സ്നേഹവും അനുകമ്പയും അവരുടെ കുടുംബത്തോടുള്ള കരുതലുമാണ് കെ.എം.സി.സി സുരക്ഷാ പദ്ധതിയെന്നും സഹജീവികള്‍ക്ക് തണലൊരുക്കുക എന്നതാണ് ഏറ്റവും വലിയ രാഷ്ട്രീയ പ്രവര്‍ത്തനമെന്നും മുസ്്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. സഊദി കെ.എം.സി.സി നാഷണല്‍ കമ്മിറ്റി മലപ്പുറത്ത് സംഘടിപ്പിച്ച കാരുണ്യ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ജീവിത പ്രതിസന്ധികള്‍ തരണംചെയ്യാന്‍ മറുനാട്ടിലെത്തുന്നവര്‍ക്ക് ഹരിത പതാകയുടെ തണലേകുകയാണ് കെ.എം.സി.സി ചെയ്യുന്നത്. കെ.എം.സി.സിയുടെ പങ്കാളിത്വമില്ലാത്ത ഒരു മേഖലയും, കെ.എം.സി.സിയുടെ തലോടലേല്‍ക്കാത്ത ഒരു നിര്‍ധന കുടുംബവും കേരളത്തിലുണ്ടാകില്ല. ഈ മാതൃക മറ്റു സംഘടനകള്‍ കൂടി പിന്തുടരുന്നത് സന്തോഷം നല്‍കുന്നതാണെന്നും തങ്ങള്‍ പറഞ്ഞു.

നാഷണല്‍ കമ്മിറ്റി പ്രസിഡന്റ് കെ.പി മുഹമ്മദ് കുട്ടി അധ്യക്ഷനായി. സുരക്ഷാ പദ്ധതിയില്‍ അംഗങ്ങളായിരിക്കേ മരണപ്പെട്ട 49 പേരുടെ കുടുംബാംഗങ്ങള്‍ക്കുള്ള ആനുകൂല്യത്തിന്റെയും 250 പേര്‍ക്കുള്ള ചികിത്സാ സഹായത്തിന്റെയും വിതരണോദ്ഘാടനം തങ്ങള്‍ നിര്‍വഹിച്ചു. എഞ്ചിനിയര്‍ സി ഹാഷിം സ്മാരക കര്‍മ പുരസ്‌കാരം സാദിഖലി ശിഹാബ് തങ്ങള്‍ സി.പി സൈതലവിക്ക് സമ്മാനിച്ചു. സുരക്ഷാപദ്ധതിക്കായി സൗജന്യ സേവനം ചെയ്യുന്ന ഡോ. അബ്ദുറഹിമാന്‍ അമ്പാടിയെ ചടങ്ങില്‍ ആദരിച്ചു. അവാര്‍ഡ് ജേതാക്കളെ മുസ്്ലിംലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ പൊന്നാടയണിയിച്ചു.

പ്രവാസം അവസാനിപ്പിച്ച് നാട്ടിലെത്തുന്നവര്‍ക്കുള്ള പെന്‍ഷന്‍ പദ്ധതി ഹദിയത്തുറഹ്മ’യുടെ പ്രഖ്യാപനം മുസ്്ലിംലീഗ് സംസ്ഥാന ജനറല്‍ സെക്രട്ടറി പി.എം.എ സലാം നിര്‍വഹിച്ചു. അബ്ദുറഹ്മാന്‍ കല്ലായി, ഉമ്മര്‍ പാണ്ടികശാല, നൗഷാദ് മണ്ണിശ്ശേരി, ഷിബു മീരാന്‍, കുഞ്ഞിമോന്‍ കാക്കിയ, അഷ്റഫ് വേങ്ങാട്, ഇബ്രാഹീം മുഹമ്മദ്. ബഷീര്‍ മൂന്നിയൂര്‍, മുഹമ്മദ്കുട്ടി മാതാപുഴ. ഷുക്കൂറലി കല്ലുങ്ങല്‍, യൂസുഫ് ഫൈസി , സുല്‍ഫിക്കര്‍, പ്രസംഗിച്ചു. ഖാദര്‍ ചെങ്കള സ്വാഗതവും റഫീഖ് പാറക്കല്‍ നന്ദിയും പറഞ്ഞു.

Continue Reading

Trending