gulf
സഊദിയില് ഇന്ന് 208 പേര്ക്ക് കോവിഡ്
കോവിഡ് കാരണമുള്ള ആറ് മരണങ്ങളും റിപ്പോര്ട്ട് ചെയ്തു. 393 പേര് രോഗമുക്തി നേടി
റിയാദ്: സഊദി അറേബ്യയില് 208 പേര്ക്ക് കോവിഡ് സ്ഥിരീകരിച്ചു. കോവിഡ് കാരണമുള്ള ആറ് മരണങ്ങളും റിപ്പോര്ട്ട് ചെയ്തു. 393 പേര് രോഗമുക്തി നേടി.
ഇന്ന് 50,374 ആര്ടിപിസിആര് പരിശോധനകളാണ് നടന്നത്. ഇതുവരെ രാജ്യത്ത് റിപ്പോര്ട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,44,004 ആയി. ഇതില് 5,32,126 പേര് രോഗമുക്തരായി. ആകെ മരണസംഖ്യ 8,532 ആയി. നിലവില് രോഗബാധിതരായി നിരീക്ഷണത്തില് കഴിയുന്നവരുടെ എണ്ണം 3,346 ആയി കുറഞ്ഞു.
രാജ്യത്തെ കൊവിഡ് മുക്തി നിരക്ക് 97.7 ശതമാനവും മരണനിരക്ക് 1.6 ശതമാനമായി തുടരുന്നു.
gulf
ഒരുമാസത്തിനിടെ 1.39 കോടി പേര് ഉംറ നിര്വഹിച്ചു: ഹജ്-ഉംറ മന്ത്രാലയം
ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്.
മക്ക: കഴിഞ്ഞ ഒരുമാസത്തിനിടെ 1.39 കോടിയിലധികം വിശ്വാസികള് ഉംറ നിര്വഹിച്ചതായി ഹജ്-ഉംറ മന്ത്രാലയം അറിയിച്ചു. ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്. ശേഷിക്കുന്നവര് സൗദി സ്വദേശികളെയും സൗദിയില് താമസിക്കുന്ന വിദേശികളെയും ഉള്പ്പെടുന്ന ആഭ്യന്തര തീര്ഥാടകര്. ഒരു വ്യക്തി ഒരിലധികം തവണ ഉംറ നിര്വഹിച്ചിട്ടുണ്ടെങ്കില് അതും മൊത്തം കണക്കില് ഉള്പ്പെടുത്തിയിട്ടുണ്ടെന്ന് മന്ത്രാലയം വ്യക്തമാക്കിയിട്ടുണ്ട്.
gulf
കളഞ്ഞുകിട്ടിയ പണം കൈമാറി; സമൂഹബോധം തെളിയിച്ച ബാലികക്ക് അഭിനന്ദനം
വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
അജ്മാന്: പൊതുസ്ഥലത്ത് കളഞ്ഞുകിടന്ന പണം കണ്ടെത്തി പൊലീസിന് ഏല്പിച്ച ബാലികയെ അജ്മാന് പൊലീസ് ആദരിച്ചു. വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
കുട്ടിയുടെ സത്യസന്ധതയും ഉത്തരവാദിത്വബോധവും പ്രശംസിച്ച് ബ്രിഗേഡിയര് ജനറല് അല് മുഹൈരി അഭിനന്ദനം അറിയിച്ചു. പിതാവടക്കമുള്ള കുടുംബാംഗങ്ങളുടെ സാന്നിധ്യത്തില് പൊലീസ് ഷൈമയ്ക്ക് അഭിനന്ദന സര്ട്ടിഫിക്കറ്റും സമ്മാനവും നല്കി. കുട്ടികളില് മൂല്യബോധം വളര്ത്തുന്നതിനുള്ള കുടുംബത്തിന്റെ പങ്ക് പ്രശംസനീയമാണെന്നും, സമൂഹത്തിലെ പൊതുസ്വത്ത് സംരക്ഷണവും നഷ്ടപ്പെട്ട വസ്തുക്കള് തിരികെ നല്കുന്ന സംസ്കാരവും പ്രോത്സാഹിപ്പിക്കുന്ന മാതൃകാപരമായ പെരുമാറ്റമാണിതെന്ന് അല് മുഹൈരി പറഞ്ഞു.
gulf
സൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
പ്രശാന്ത് താമസിക്കുന്ന കെട്ടിടത്തിന്റെ മുകളില്നിന്നാണ് വീണത്. അപകടം എങ്ങനെ ഉണ്ടായതാണെന്ന് വ്യക്തമല്ല.
സൗദിയില് കൊല്ലം സ്വദേശിയായ യുവാവ് ആറുനില കെട്ടിടത്തില്നിന്ന് വീണ് മരിച്ചു. സൗദിയിലെ ജുബൈല് റെഡിമിക്സ് കമ്പനി സൂപ്പര്വൈസറായിരുന്ന കടയ്ക്കല് സ്വദേശി പ്രശാന്താണ് മരിച്ചത്. പ്രശാന്ത് താമസിക്കുന്ന കെട്ടിടത്തിന്റെ മുകളില്നിന്നാണ് വീണത്. അപകടം എങ്ങനെ ഉണ്ടായതാണെന്ന് വ്യക്തമല്ല.
15 വര്ഷത്തിലേറെയായി ഈ കമ്പനിയില് ജോലി ചെയ്യുന്ന പ്രശാന്ത് നാട്ടില് പോയിട്ട് നാലു വര്ഷമായി. കഴിഞ്ഞ വര്ഷം ഭാര്യയെയും മക്കളെയും സന്ദര്ശക വിസയില് സൗദിയില് കൊണ്ടുവന്നിരുന്നു. പരേതനായ ബാബുരമണി ദമ്പതികളുടെ മകനാണ്.
ഭാര്യ: ബിന്ദു. മക്കള്: വൈഗ, വേധ. സഹോദരങ്ങള്: നിഷാന്ത് (അല് അഹ്സ), നിഷ. ജുബൈല് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കി നാട്ടിലേക്ക് കൊണ്ടുപോകും.
-
india17 hours ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment21 hours agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
News3 days agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala3 days agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
india18 hours ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
kerala2 days agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
india19 hours agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala2 days agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്

