Connect with us

india

ക്രൂഡ് ഓയില്‍ വില ഇടിഞ്ഞു; ജനത്തെ ഊറ്റി എണ്ണക്കമ്പനികള്‍

രാജ്യാന്തര വിപണിയില്‍ ക്രൂഡോയില്‍ വില ആറു മാസത്തിനിടയിലെ ഏറ്റവും താഴ്ന്ന നിരക്കിലെത്തിയിട്ടും ഇതിന്റെ ഗുണം ഉപഭോക്താക്കള്‍ക്ക് നല്‍കാതെ എണ്ണക്കമ്പനികളെ ജനത്തെ ഊറ്റുന്നു.

Published

on

ന്യൂഡല്‍ഹി: രാജ്യാന്തര വിപണിയില്‍ ക്രൂഡോയില്‍ വില ആറു മാസത്തിനിടയിലെ ഏറ്റവും താഴ്ന്ന നിരക്കിലെത്തിയിട്ടും ഇതിന്റെ ഗുണം ഉപഭോക്താക്കള്‍ക്ക് നല്‍കാതെ എണ്ണക്കമ്പനികളെ ജനത്തെ ഊറ്റുന്നു. ആഗോള മാന്ദ്യ ആശങ്കക്കിടെ ക്രൂഡോയില്‍ വില ബാരലിന് 91.51 ഡോളറിലെത്തി. ആകെ ഉപഭോഗത്തിന്റെ 85 ശതമാനവും ഇറക്കുമതി ചെയ്യുന്ന ഇന്ത്യക്ക് ക്രൂഡോയില്‍ വിലയിലെ കുറവ് വലിയ ആശ്വാസമാണെങ്കിലും ഡീസല്‍ വില്‍പനയില്‍ നഷ്ടം സംഭവിക്കുന്നതിനാല്‍ വിലയില്‍ മാറ്റം വരുത്താനാവില്ലെന്നാണ് എണ്ണക്കമ്പനികള്‍ പറയുന്നത്.

പെട്രോളിന് വില കുറക്കാവുന്ന അവസ്ഥയാണെങ്കിലും ഡീസല്‍ വില്‍പനയില്‍ ഇപ്പോഴും നഷ്ടമാണെന്നാണ് പൊതുമേഖലാ എണ്ണകമ്പനികള്‍ വില കുറക്കാതിരിക്കാന്‍ ന്യായം പറയുന്നത്. കഴിഞ്ഞ നാലര മാസമായി അന്താരാഷ്ട്ര വിപണിയിലെ വിലക്ക് അനുപാതമായി വില കുറക്കാന്‍ പൊതുമേഖലാ എണ്ണക്കമ്പനികള്‍ തയാറായിട്ടില്ല. രാജ്യാന്തര വിപണിയില്‍ എണ്ണവില ഉയര്‍ന്നപ്പോള്‍ ഡീസലിന് ലിറ്ററിന് 20-25 രൂപയും പെട്രോളിന് 14-18 രൂപയും നഷ്ടമായിരുന്നെന്നും എന്നാല്‍ വിപണിയില്‍ ക്രൂഡ് ഓയില്‍ വില കുറഞ്ഞതോടെ പെട്രോള്‍ വില്‍പനയില്‍ നഷ്ടമില്ലെന്നും ഡീസല്‍ വില്‍പനയിലെ നഷ്ടം കുറയാന്‍ ഇനിയും സമയമെടുക്കുമെന്നുമാണ് കമ്പനികള്‍ പറയുന്നത്.നിലവില്‍ 4-5 രൂപ ഡീസല്‍ വില്‍പനയില്‍ നഷ്ടമുണ്ടെന്നാണ് കമ്പനികളുടെ കണക്ക്. എണ്ണക്കമ്പനികള്‍ക്ക് നഷ്ടം നികത്താന്‍ അവസരം നല്‍കുന്നതിന്റെ ഭാഗമായി പെട്രോള്‍, ഡീസല്‍ വിലയില്‍ ഉടന്‍ മാറ്റം വരുത്തില്ലെന്നാണ് എണ്ണക്കമ്പനികള്‍ നല്‍കുന്ന സൂചന.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ദുര്‍ഗാപൂജയ്ക്കിടെ പന്തലില്‍ തീ പടര്‍ന്നു; അഞ്ചു മരണം; നിരവധി പേര്‍ക്ക് പൊള്ളലേറ്റു

പന്തലില്‍ ചടങ്ങ് നടക്കുന്നതിനിടെ അഗ്‌നിബാധ ഉണ്ടാവുകയായിരുന്നു.

Published

on

ദുര്‍ഗാപൂജക്കിടെ പന്തലില്‍ തീപടര്‍ന്നു ഉണ്ടായ അപകടത്തില്‍ അഞ്ച് പേര്‍ മരിച്ചു. കഴിഞ്ഞദിവസം രാത്രിയോടെ ഉത്തര്‍പ്രദേശിലെ ബഡോഹിലാണ് സംഭവം നടന്നത്.

പന്തലില്‍ ചടങ്ങ് നടക്കുന്നതിനിടെ അഗ്‌നിബാധ ഉണ്ടാവുകയായിരുന്നു. ഇലക്ട്രിക് സര്‍ക്യൂട്ടാകാം അപകടത്തിന് കാരണമെന്ന് കരുതപ്പെടുന്നു. 400 പേരോളം ഉണ്ടായിരുന്ന പന്തലില്‍ 60 ലേറെ പേര്‍ക്ക് പരിക്കേറ്റിട്ടുണ്ട്.

മരിച്ചവരില്‍ 45 കാരിയായ അമ്മയും ഇവരുടെ രണ്ടു കുട്ടികളും ഉള്‍പ്പെടുന്നു. സംഭവത്തില്‍ വിശദമായ അന്വേഷണത്തിന് ജില്ലാ മജിസ്‌ട്രേറ്റ് ഉത്തരവിട്ടു.

Continue Reading

india

കോരിച്ചൊരിയുന്ന മഴ വകവെക്കാതെ രാഹുലിന്റെ പ്രസംഗം; വിഡിയോ വൈറല്‍

മൈസൂരില്‍ നിന്നുള്ള ദൃശ്യങ്ങള്‍ രാഹുല്‍ തന്നെ തന്റെ സാമൂഹ്യ മാധ്യമങ്ങളില്‍ പങ്കുവെച്ചിട്ടുണ്ട്.

Published

on

കര്‍ണാടകയില്‍ പര്യടനം തുടരുന്ന ഭാരത് ജോഡോ യാത്രയില്‍ നിന്നുള്ള രാഹുലിന്റെ ദൃശ്യങ്ങളാണ് ഇപ്പോള്‍ സാമൂഹ്യമാധ്യമങ്ങളില്‍ വൈറലായിരിക്കുന്നത്. കോരിച്ചൊരിയുന്ന മഴയിലും ജനങ്ങളെ അഭിസംബോധന ചെയ്യുന്ന രാഹുല്‍ ഗാന്ധിയാണ് ദൃശ്യങ്ങളില്‍ ഉള്ളത്.

മൈസൂരില്‍ നിന്നുള്ള ദൃശ്യങ്ങള്‍ രാഹുല്‍ തന്നെ തന്റെ സാമൂഹ്യ മാധ്യമങ്ങളില്‍ പങ്കുവെച്ചിട്ടുണ്ട്. ഇന്ത്യയെ ഒന്നിപ്പിക്കുന്ന ഞങ്ങളെ തടയാന്‍ ആര്‍ക്കും കഴിയില്ല, ഇന്ത്യയുടെ ശബ്ദമുയര്‍ത്തുന്ന ഞങ്ങളെ തടയാന്‍ ആര്‍ക്കും കഴിയില്ല കന്യാകുമാരി മുതല്‍ കാശ്മീര്‍ വരെ പോകുന്ന ഭാരത് ജോഡോ യാത്ര ആര്‍ക്കും തടയാനാകില്ല എന്നും രാഹുല്‍ ഗാന്ധി ട്വിറ്ററില്‍ കുറിച്ചു.

Continue Reading

india

കേന്ദ്ര മന്ത്രിസഭയിലെ ന്യൂനപക്ഷ വകുപ്പ് ഇല്ലാതാക്കാന്‍ നീക്കമെന്ന് റിപ്പോര്‍ട്ടുകള്‍

ന്യൂനപക്ഷ ക്ഷേമത്തിനായി മാത്രം പ്രത്യേകം ഒരു മന്ത്രാലയത്തിന്റെ ആവശ്യമില്ലെന്നാണ് കേന്ദ്ര സര്‍ക്കാരിന്റെ നിലപാട്.

Published

on

കേന്ദ്ര മന്ത്രിസഭയിലെ ന്യൂനപക്ഷ വകുപ്പ് ഇല്ലാതാക്കാന്‍ കേന്ദ്ര സര്‍ക്കാര്‍ നീക്കം നടത്തുന്നതായി റിപ്പോര്‍ട്ടുകള്‍. ന്യൂനപക്ഷ വകുപ്പിനെ സാമൂഹിക നീതി ശാക്തീകരണ വകുപ്പിനു കീഴിലേക്ക് ലയിപ്പിക്കാനാണ് നീക്കം.

ന്യൂനപക്ഷ ക്ഷേമത്തിനായി മാത്രം പ്രത്യേകം ഒരു മന്ത്രാലയത്തിന്റെ ആവശ്യമില്ലെന്നാണ് കേന്ദ്ര സര്‍ക്കാരിന്റെ നിലപാട്. സാമൂഹിക നീതി ശാക്തീകരണ വകുപ്പുമായി ലയിപ്പിക്കാനുള്ള ചര്‍ച്ചകള്‍ നടക്കുന്നതായും ഇതുമായി ബന്ധപ്പെട്ട വൃത്തങ്ങള്‍ സൂചിപ്പിക്കുന്നു.

2006 ല്‍ യുപിഎ സര്‍ക്കാര്‍ രൂപീകരിച്ച ന്യൂനപക്ഷ കാര്യ വകുപ്പ് 16 വര്‍ഷങ്ങള്‍ക്കു ശേഷം ഇല്ലാതാക്കാനുള്ള ശ്രമമാണ് കേന്ദ്രസര്‍ക്കാര്‍ നടത്തുന്നത്.രാജ്യത്തെ ന്യൂനപക്ഷങ്ങളായ മുസ്ലിം, ക്രിസ്തു ബുദ്ധ, സിഖ്, ജൈന വിഭാഗങ്ങള്‍ക്കായി പ്രത്യേകം ശ്രദ്ധ നല്‍കി പദ്ധതികളും ക്ഷേമ പ്രവര്‍ത്തനങ്ങളും ആവിഷ്‌കരിച്ചു നടപ്പിലാക്കാനായിരുന്നു ന്യൂനപക്ഷ വകുപ്പ് വഴി യുപിഎ സര്‍ക്കാര്‍ ലക്ഷ്യമിട്ടിരുന്നത്.

ഈയിടെ ന്യൂനപക്ഷക്ഷേമ വകുപ്പ് മന്ത്രിയായിരുന്ന മുക്താര്‍ അബ്ബാസ് നക്വി രാജ്യസഭാ കാലാവധി പൂര്‍ത്തിയാക്കി രാജി വെച്ചതിനു ശേഷം വകുപ്പിന് പുതിയ മന്ത്രിയെ നിയോഗിച്ചിരുന്നില്ല. പകരം വനിത ശിശുവികസന മന്ത്രികൂടിയായ സ്മൃതി ഇറാനിക്ക് പ്രത്യേക ചുമതല നല്‍കുകയായിരുന്നു.

കേന്ദ്ര സര്‍ക്കാരിന് ഈ നീക്കത്തിനെതിരെ കോണ്‍ഗ്രസ് പ്രതിഷേധം ഉയര്‍ത്തി രംഗത്തെത്തിയിട്ടുണ്ട്.

Continue Reading

Trending