india
തിരക്കൊഴിയാതെ വക്കീല് സാര്
50 വര്ഷത്തിനിടെ ഈ നേട്ടം സ്വന്തമാക്കുന്ന ആദ്യ ദളിത് നേതാവും ജഗജീവന് റാമിനു ശേഷം ഈ പദവിയിലെത്തുന്ന രണ്ടാമത്തെ ദളിത് നേതാവുമാണ്.
ന്യൂഡല്ഹി: രാജ്യത്ത് ഏറ്റവും കൂടുതല് വേരോട്ടമുള്ള പഴക്കം ചെന്ന രാഷ്ട്രീയ പാര്ട്ടിയുടെ തലപ്പത്തേക്ക് 24 വര്ഷത്തിനു ശേഷം നെഹ്റു കുടുംബത്തിന് പുറത്തുനിന്നും ഒരാള് എത്തിയിരിക്കുന്നു. കര്ണാടകയിലെ ബിദാറില് നിന്നുള്ള 80കാരന് മപ്പണ്ണ മല്ലികാര്ജ്ജുന് ഖാര്ഗെ എന്ന മുതിര്ന്ന നേതാവാണ് ഇനി പാര്ട്ടിയെ നയിക്കുക.
50 വര്ഷത്തിനിടെ ഈ നേട്ടം സ്വന്തമാക്കുന്ന ആദ്യ ദളിത് നേതാവും ജഗജീവന് റാമിനു ശേഷം ഈ പദവിയിലെത്തുന്ന രണ്ടാമത്തെ ദളിത് നേതാവുമാണ്. പല പേരുകള് പറഞ്ഞു കേട്ട അധ്യക്ഷ പദവിയിലേക്ക് അവിചാരിതമായാണ് ഖാര്ഗെ എന്ന മുഴുസമയ കോണ്ഗ്രസുകാരന് എത്തുന്നത്. ബിദാറിലെ വരവട്ടി ഗ്രാമത്തിലാണ് ഖാര്ഗെ കുടുംബത്തിന്റെ ഉറവിടം. ഏഴ് വയസുള്ളപ്പോഴാണ് ഖാര്ഗെയും കുടുംബവും സമീപജില്ലയായ കല്ബുര്ഗിയിലേക്ക് മാറുന്നത്.
വര്ഗീയ സംഘര്ഷത്തെ തുടര്ന്ന് കുടുംബത്തെ പറിച്ചുനടാന് നിര്ബന്ധിതമാകുകയായിരുന്നു. സംഘര്ഷത്തില് അമ്മയുള്പ്പടെ കുടുംബത്തിലെ നിരവധി അംഗങ്ങളെ ഖാര്ഗെയ്ക്ക് നഷ്ടമായി. ഈ സംഭവം തന്നെ എക്കാലവും വര്ഗീയ സംഘര്ഷങ്ങള്ക്കെതിരായ ശക്തമായ നിലപാടുകളെടുക്കാനും മതനിരപേക്ഷതയ്ക്കൊപ്പം അടിയുറച്ച് നില്ക്കാനും അദ്ദേഹത്തെ പ്രാപ്തനാക്കി. കോളജ് കാലത്ത് വിദ്യാര്ഥി യൂണിയനുകളില് പ്രവര്ത്തിച്ചാണ് രാഷ്ട്രീയത്തിന് തുടക്കമിടുന്നത്. സേത് ശങ്കര്ലാല് ലഹോത്രി കോളജില് നിയമപഠനം നടത്തുന്ന കാലത്ത് ഖാര്ഗെ സാമ്പത്തിക ആവശ്യങ്ങള് നിറവേറ്റിയിരുന്നത് ഒരു സിനിമാ തിയേറ്ററില് ജോലി ചെയ്തായിരുന്നു.പിന്നീട് അഭിഭാഷകനായതോടെ തൊഴിലാളി യൂണിയനുകളുമായി ബന്ധപ്പെട്ട തൊഴില് കേസുകളിലായി പ്രധാനമായും ഇടപ്പെട്ടത്. സുപ്രീംകോടതി ജഡ്ജിയായി വിരമിച്ച ശിവരാജ് പാട്ടീല്, അഭിഭാഷകനായിരുന്ന കാലത്ത് അദ്ദേഹത്തിനൊപ്പം പ്രാക്ടീസ് ചെയ്തു. നിയമസഭയിലേക്കേും ലോക്സഭയിലേക്കുമായി 12 തവണ തിരഞ്ഞെടുപ്പിനെ നേരിട്ട ഖാര്ഗെ 2019ല് മാത്രമാണ് തോല്വി അറിഞ്ഞത്. 1972ല് ആദ്യമായി മത്സരിച്ചത് മുതല് 2008വരെ തുടര്ച്ചയായി ഒമ്പത് തവണ കര്ണാടകയില് എം.എല്.എയായി.
സംവരണ സീറ്റായ ഗുര്മിത്കലില് നിന്നായിരുന്നു കൂടുതല് തവണയും വിജയിച്ചത്. ഒരു തവണ ചിതാപുരില് നിന്ന് ജയിച്ചു. 2009ലും 2014ലും ഗുല്ബര്ഗയില് നിന്ന് ലോക്സഭയിലെത്തി. മൂന്ന് തവണയാണ് മുഖ്യമന്ത്രി കസേര കപ്പിനും ചുണ്ടിനുമിടയില് നഷ്ടമായത്. ആദ്യം 1999ല് ഖാര്ഗെയെ തഴഞ്ഞ് എസ്.എം.കൃഷ്ണയെ കോണ്ഗ്രസ് മുഖ്യമന്ത്രിയാക്കി. 2004ലാണ് രണ്ടാമത്തെ അവസരം വന്നത്. കോണ്ഗ്രസ് – ജനതാദള് സഖ്യത്തിന്റെ സമവായത്തിന്റെ ഭാഗമായി മുഖ്യമന്ത്രി പദം ധരംസിങിന് വേണ്ടി മാറിക്കൊടുത്തു.
നേതൃത്വത്തെ അക്ഷരം പ്രതി അനുസരിക്കുന്ന ഖാര്ഗെ 2013ല് മൂന്നാം തവണ സിദ്ധരാമയ്യയ്ക്ക് വേണ്ടിയാണ് മാറിക്കൊടുത്തത്. കര്ണാടക സര്ക്കാറില് നിരവധി മന്ത്രി സ്ഥാനങ്ങള് വഹിച്ചിട്ടുണ്ട്. പ്രതിപക്ഷ നേതാവും കെപിസിസി പ്രസിഡന്റായും പ്രവര്ത്തിച്ചു. സനാതന ധര്മ്മത്തിന്റെ നിത്യവിമര്ശകനായ ഖാര്ഗെ പലപ്പോഴും സംഘപരിവാറിന്റെ കണ്ണിലെ കരടാണ്. താന് അംബേദ്കറേയും ബുദ്ധനേയുമാണ് പിന്തുടരുന്നതെന്ന് ഖാര്ഗെ പലതവണ പ്രഖ്യാപിച്ചു. ദളിതനായതുകൊണ്ട് കോണ്ഗ്രസില് തഴയപ്പെട്ടുവെന്ന അഭിപ്രായത്തോട് ഖാര്ഗെയ്ക്ക് ഒട്ടുംയോജിപ്പില്ല. തന്റെ പ്രവര്ത്തനം മാത്രമാണ് വിലയിരുത്തേണ്ടതെന്നാണ് അദ്ദേഹം ഇതിന് നല്കുന്ന മറുപടി. കബഡി, ഹോക്കി, ഫുട്ബോള് താരമായിരുന്ന ഖാര്ഗെ നിരവധി അംഗീകാരങ്ങള് കരസ്ഥമാക്കി. ഈ കായിക ഇനങ്ങള്ക്ക് ക്രിക്കറ്റിനൊപ്പം തന്നെ രാജ്യത്ത് പ്രചാരണം ഉണ്ടാക്കണമെന്ന് അദ്ദേഹം വാദിച്ചു. നിരവധി ഭാഷകള് കൈകാര്യം ചെയ്യുന്ന ഖാര്ഗെ ഒരു ബഹുഭാഷ പണ്ഡിതനായിട്ടാണ് രാഷ്ട്രീയക്കാര്ക്കിടയില് അറിയപ്പെടുന്നത്.
ഹിന്ദി, ഉറുദു, കന്നഡ, മറാത്തി, തെലുങ്ക്, ഇംഗ്ലീഷ് കൂടാതെ മറ്റുചില പ്രാദേശിക ഭാഷകളും ഖാര്ഗെ നന്നായി സംസാരിക്കും. മപ്പണ്ണയും സായിബവ്വയുമാണ് ഖാര്ഗെയുടെ മാതാപിതാക്കള്. ഭാര്യ രാധാഭായി. പ്രിയങ്ക് ഖാര്ഗെ, രാഹുല് ഖാര്ഗെ, മിലിന്ദ് ഖാര്ഗെ എന്നിങ്ങനെ മൂന്ന് ആണ് മക്കളും പ്രിയദര്ശിനി ഖാര്ഗെ, ജയശ്രീ എന്നിങ്ങനെ രണ്ട് പെണ് മക്കളുമുണ്ട്. പ്രിയങ്ക് നിലവില് എം.എല്.എയും മുന് മന്ത്രിയുമാണ്.
india
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം. റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു. വടക്കേ ഇന്ത്യയില് ന്യൂനപക്ഷ വിഭാഗങ്ങള്ക്ക് നേരെയുള്ള ഹിന്ദുത്വവാദികളുടെ അതിക്രമങ്ങള് ദിനേന വര്ധിച്ചുവരികയാണ്. ക്രിസ്ത്യാനികള് ഒറ്റുകാരാണെന്നും അവരുടെ പുസ്തകങ്ങള് വൃത്തിക്കെട്ടതാണെന്നും വിശ്വാസത്തെ തള്ളിപ്പറയാനും നിര്ബന്ധിക്കുന്ന വിഡിയോ സോഷ്യല് മീഡിയയില് വ്യാപകമായി പ്രചരിക്കുന്നു.
‘ജയ് ശ്രീറാം’, ‘ഭാരത് മാതാ കീ ജയ്’ എന്ന് ആക്രോശിച്ച് വിശ്വാസികളെ കൊണ്ടുതന്നെയാണ് പെട്രോള് ഒഴിച്ച് ബൈബിളും ഖുര്ആനും കത്തിക്കാന് നിര്ബന്ധിച്ചത്. വിശ്വാസികള് പ്രാര്ഥിക്കുന്ന ഇടങ്ങള് ആക്രമിക്കുകയും അതിക്രമ വാര്ത്തകളുടെ ദൃശ്യങ്ങള് സോഷ്യല് മീഡിയയില് പ്രചരിപ്പിക്കുകയും ചെയ്യുന്നു.
india
ജമ്മു കശ്മീരില് ക്രിസ്ത്യന് മിഷനറി സംഘത്തിന് നേരെ ബിജെപി നേതാവ് അടക്കമുള്ള ഹിന്ദുത്വവാദികളുടെ ആക്രമണം
കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം.
ജമ്മു കശ്മീരില് തമിഴ്നാട്ടില് നിന്നുള്ള ക്രിസ്ത്യന് മിഷനറി സംഘത്തിന് നേരെ ഹിന്ദുത്വവാദികളുടെ ആക്രമണം. മതപരിവര്ത്തനം ആരോപിച്ചായിരുന്നു ആക്രമണമുണ്ടായത്. കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം. പൊലീസ് തടയാന് ശ്രമിച്ചില്ലെന്നും നോക്കിനിന്നെന്നും മര്ദനമേറ്റവര് ആരോപിച്ചു. ആക്രമണത്തില് സ്ത്രീയടക്കം നാല് പേര്ക്ക് പരിക്കേറ്റു.
ഒക്ടോബര് 23ന് നടന്ന സംഭവം ഇപ്പോഴാണ് പുറത്തുവരുന്നത്. ഒരു കൂട്ടം ആളുകള് നിങ്ങളെ ആക്രമിക്കാന് പദ്ധതിയിടുന്നതായി മിഷനറി സംഘത്തെ എട്ട് പൊലീസ് ഉദ്യോഗസ്ഥരെത്തി അറിയിച്ചു. ഉടന് സ്ഥലംവിടാന് ആവശ്യപ്പെടുകയും ഗ്രാമത്തില് നിന്ന് സുരക്ഷിതമായി പുറത്തുകടക്കാന് സംരക്ഷണം നല്കാമെന്ന് പറയുകയും ചെയ്തു.
ഇവിടെനിന്ന് പുറപ്പെട്ട മിഷനറി സംഘത്തിന്റെ വാഹനത്തെ 500 മീറ്റര് ദൂരം പൊലീസ് സംഘം അനുഗമിച്ചു. എന്നാല് ഹിന്ദുത്വ അക്രമികള് ഇരുമ്പ് വടികളും മരക്കഷണങ്ങളുമായി ചാടിവീഴുകയും വാഹനം തടയുകയും ചെയ്തു. മിനി ബസിന്റെ വാതില് തുറക്കാനാവശ്യപ്പെട്ട അക്രമികള്, വാഹനത്തിലുണ്ടായിരുന്നവരെ അടിക്കാനും ഭീഷണിപ്പെടുത്താനും തുടങ്ങി. വാഹനത്തിന്റെ ബസിന്റെ വിന്ഡ്ഷീല്ഡും വിന്ഡോകളും തകര്ത്ത അക്രമികള് മിഷനറി സംഘത്തിനു നേരെ അസഭ്യം ചൊരിയുകയും ചെയ്തു. പ്രദേശത്തെ ഹിന്ദുക്കളെ ക്രിസ്തുമതത്തിലേക്ക് പരിവര്ത്തനം ചെയ്യാന് മിഷനറി സംഘം ശ്രമിച്ചെന്നാരോപിച്ചായിരുന്നു ആക്രമണം.
പൊലീസുകാരില് ഒരാള് മാത്രമാണ് അതിക്രമത്തിനെതിരെ ഇടപെട്ടതെന്ന് മിഷനറി സംഘം പറഞ്ഞു. മറ്റുള്ളവര് ഒന്നും ചെയ്യാതെ നോക്കിനിന്നെന്നും അക്രമിസംഘത്തെ സഹായിക്കുന്ന രീതിയിലായിരുന്നു പൊലീസുകാരുടെ പെരുമാറ്റമെന്നും അവര് ആരോപിച്ചു.
അക്രമികള്ക്കെതിരെ പരാതി നല്കാന് പൊലീസ് ഇരകളോട് ആവശ്യപ്പെട്ടു. അടുത്ത ദിവസം, കൃത്യനിര്വഹണത്തിലെ വീഴ്ചയ്ക്ക് എട്ട് ഉദ്യോഗസ്ഥരെ സസ്പെന്ഡ് ചെയ്യുകയും രവീന്ദ്ര സിങ് തേല, രോഹിത് ശര്മ എന്നീ രണ്ട് പ്രധാന അക്രമികളെ അറസ്റ്റ് ചെയ്യുകയും ചെയ്തു. ഇരുവരെയും പിന്നീട് ജാമ്യത്തില് വിട്ടു.
ഗോരക്ഷാ സംഘാം?ഗമായ പ്രാദേശിക ബിജെപി നേതാവാണ് തേല. പ്രദേശത്തെ പ്രതിഷേധങ്ങള് റിപ്പോര്ട്ട് ചെയ്യുന്നതിനിടെ ഒരു മാധ്യമപ്രവര്ത്തകനെ ആക്രമിച്ച സംഭവമുള്പ്പെടെ നിരവധി കേസുകളും ഇയാള്ക്കെതിരെയുണ്ട്. ഒരു ദിവസം കസ്റ്റഡിയിലായിരുന്ന പ്രതികള്ക്കെതിരെ തെളിവില്ലെന്ന് പറഞ്ഞ് അടുത്തദിവസം തന്നെ ജഡ്ജി ജാമ്യം നല്കുകയായിരുന്നു.
അതേസമയം, ജാമ്യം ലഭിച്ചതിനു പിന്നാലെ ഇരകള്ക്കെതിരെ അക്രമിസംഘവും പരാതി നല്കി. ഭക്ഷണവും പണവും നല്കി ഹിന്ദു ഗ്രാമീണരെ ക്രിസ്തുമതം സ്വീകരിക്കാന് പ്രലോഭിപ്പിച്ചെന്നാരോപിച്ചാണ് ഹിന്ദുത്വ സംഘം പരാതി നല്കിയത്.
india
ബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
ബിഹാര് നിയമസഭാ തിരഞ്ഞെടുപ്പില് ദേശീയ ജനാധിപത്യ സഖ്യം (എന്ഡിഎ) 243 സീറ്റുകളില് 202 എണ്ണം നേടി വന് വിജയം നേടിയെങ്കിലും, പോസ്റ്റല് വോട്ടുകളുടെ ഫലം തികച്ചും വിപരീതമായിരുന്നു. തേജസ്വി യാദവ് നയിക്കുന്ന മഹാഗഠ്ബന്ധന് (എംജിബി) 142 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നു, എന്ഡിഎ 98 മണ്ഡലങ്ങളില് മാത്രമാണ് മുന്തൂക്കം നേടിയത്. ഈ വൈരുദ്ധ്യം തിരഞ്ഞെടുപ്പ് പ്രക്രിയയിലെ അനിഷ്ട സംഭവങ്ങള്ക്ക് സൂചനയാണോ എന്ന ചോദ്യമുയര്തുന്നതായി ദേശീയ മാധ്യമങ്ങള് റിപ്പോര്ട്ട് ചെയ്തു.
പ്രതിപക്ഷ നേതാവ് രാഹുല് ഗാന്ധി ഹരിയാന തിരഞ്ഞെടുപ്പ് ഫലത്തിലെ അട്ടിമറി ചൂണ്ടിക്കാട്ടി പ്രസ് കോണ്ഫറന്സില് പോസ്റ്റല് വോട്ടുകളുടെ ഉദാഹരണം നല്കിയിരുന്നു. ഹരിയാനയില് കോണ്ഗ്രസ് 73 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നെങ്കിലും, മൊത്തം ഫലത്തില് 37 സീറ്റുകള് മാത്രം നേടി; ബിജെപി 17 മണ്ഡലങ്ങളില് മാത്രം പോസ്റ്റല് മുന്തൂക്കം നേടിയെങ്കിലും 48 സീറ്റുകള് കരസ്ഥമാക്കി. ബിഹാറിലെ ഈ ഡാറ്റ ഹരിയാനയുമായി താരതമ്യം ചെയ്യുമ്പോള് പ്രസക്തമാണ്.
ബിഹാറിലെ ഡാറ്റ പരിശോധിച്ചാല്, എന്ഡിഎ ഇവിഎം വോട്ടുകളില് മുന്നിലായ 110 മണ്ഡലങ്ങളില് എംജിബി പോസ്റ്റല് വോട്ടുകളില് മുന്തൂക്കം നേടി. ഉദാഹരണമായി, ജെഡി(യു) 25,000-ത്തിലധികം വോട്ടുകള്ക്ക് വിജയിച്ച ലൗകാഹ മണ്ഡലത്തില് ആര്ജെഡി 664 പോസ്റ്റല് വോട്ടുകള് നേടിയപ്പോള് ജെഡി(യു)ക്ക് 346 മാത്രമായിരുന്നു. മറുവശത്ത്, എംജിബി ഇവിഎം മുന്തൂക്കം നേടിയെങ്കിലും പോസ്റ്റല് വോട്ടുകളില് പിന്നിലായ മണ്ഡലങ്ങള് വെറും 7 മാത്രം.
പോസ്റ്റല് വോട്ടുകള് ആരാണ് ചെയ്യുന്നത്?
പ്രധാനമായും സൈന്യം, പാരാമിലിട്ടറി ഉദ്യോഗസ്ഥര്, തിരഞ്ഞെടുപ്പ് ഡ്യൂട്ടിയിലുള്ള സര്ക്കാര് ഉദ്യോഗസ്ഥര്, പൊലീസ് എന്നിവരാണ്. 85 വയസ്സിന് മുകളിലുള്ളവര്, വികലാംഗര്, അടിയന്തര സേവനങ്ങളിലുള്ളവര് (ഫയര്, ആരോഗ്യം, വൈദ്യുതി മുതലായവ), മാധ്യമപ്രവര്ത്തകര് എന്നിവര്ക്കും പോസ്റ്റല് വോട്ടിങ് അവകാശമുണ്ട്.
കോവിഡ് കാലത്ത് ചില വിഭാഗങ്ങള്ക്ക് കൂടി ഇത് വ്യാപിപ്പിച്ചു.
പോസ്റ്റല് വോട്ടുകള് സാധാരണയായി സര്ക്കാര് ജീവനക്കാരുടെയും സൈനികരുടെയും മനോഭാവത്തെ പ്രതിഫലിപ്പിക്കുന്നു.
-
GULF12 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
kerala24 hours agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം