Connect with us

Video Stories

സമരവും ജനാധിപത്യത്തിന്റെ ഭാഗം തന്നെയാണ്

Published

on


വൈപ്പിന്‍ കോളജിലെ എ.ഐ.എസ്.എഫുകാരെ എസ്.എഫ്.ഐക്കാര്‍ തല്ലിയതോടെയാണ് എറണാകുളത്തെ സി.പി.എം-സി.പി.ഐ തര്‍ക്കം രൂക്ഷമായത്. എറണാകുളത്ത് മുന്നേ നിലനിന്ന സി.പി.എം-സി.പി.ഐ അസ്വാരസ്യങ്ങള്‍ കോളജ് കാമ്പസിലെത്തിയപ്പോള്‍ അനിയന്ത്രിതമാകുകയായിരുന്നു. സംസ്ഥാനത്തെ ഒട്ടുമിക്ക ജില്ലകളിലും സ്ഥിതി ഇതുതന്നെയാണ്. വൈപ്പിന്‍ കോളജിലെ എ.ഐ.എസ്.എഫുകാരെ തല്ലിയ എസ്.എഫ്.ഐ, ഡി.വൈ.എഫ്.ഐ പ്രവര്‍ത്തകര്‍ക്കെതിരെ നടപടി എടുക്കാത്ത ഞാറയ്ക്കല്‍ സി.ഐയെ സസ്‌പെന്‍ഡ് ചെയ്യണമെന്ന് ആവശ്യപ്പെട്ടായിരുന്നു ഡി.ഐ.ജി ഓഫീസിലേക്ക് സി.പി.ഐ മാര്‍ച്ച് നടത്തിയത്. സി.പി.ഐ ജില്ലാ സെക്രട്ടറി പി.രാജു, അസിസ്റ്റന്റ് സെക്രട്ടറി കെ.എന്‍ സുഗതന്‍,എല്‍ദോ എബ്രഹാം എം.എല്‍.എ തുടങ്ങിയവരുടെ നേതൃത്വത്തില്‍ സി.പി.ഐ സംസ്ഥാന നേതൃത്വത്തിന്റെ അറിവോടെയായിരുന്നു പ്രതിഷേധ മാര്‍ച്ച്. എന്നാല്‍ കേട്ടുകേള്‍വി ഇല്ലാത്തവിധം ഭരണകക്ഷിയുടെ പ്രധാന നേതാക്കള്‍ക്കെതിരെ പൊലീസ് ലാത്തിച്ചാര്‍ജ് നടത്തി. പൊലീസിന്റെ അടികൊണ്ട് നിലത്തു വീണ എല്‍ദോ എബ്രഹാം എം.എല്‍.എയെ നിര്‍ദ്ദാക്ഷിണ്യമായാണ് പൊലീസ് വീണ്ടും തല്ലിയത്്. ലാത്തിച്ചാര്‍ജില്‍ എം.എല്‍.എയുടേയും കെ.എന്‍ സുഗതന്റേയും കൈ ഒടിഞ്ഞു. ജില്ലാ സെക്രട്ടറി പി.രാജുവിന്റെ തല പൊട്ടി.
യൂണിവേഴ്‌സിറ്റി കോളജിലെ എസ്.എഫ്.ഐ അക്രമത്തിനെതിരെ തലസ്ഥാനത്ത് പ്രതിഷേധിച്ച എം.എസ്.എഫ്, കെ.എസ്.യു പ്രവര്‍ത്തകരെ നേരിട്ട രീതിയില്‍ തന്നെയാണ് സി.പി.ഐക്കാരെ പൊലീസ് എറണാകുളത്ത് നേരിട്ടത്. തലസ്ഥാന നഗരിയില്‍ തുടര്‍ച്ചയായി ഒരാഴ്ചയാണ് വിദ്യാര്‍ത്ഥികളെ പൊലീസ് തല്ലിച്ചതച്ചത്. നിവേദനം നല്‍കാന്‍ ക്ലിഫ് ഹൗസിലെത്തി കെ.എസ്.യു വനിതാ പ്രവര്‍ത്തകരെയും പൊലീസ് വെറുതെ വിട്ടില്ല. ഭരണത്തിനെതിരെ സമരം നടത്തുന്നത് ആരായാലും- ഭരണകക്ഷിയില്‍ പെട്ടവരായാല്‍ പോലും തല്ലിയൊതുക്കുമെന്നതാണ് തങ്ങളുടെ നിലപാടെന്ന് ആവര്‍ത്തിച്ചുറപ്പിക്കുകയായിരുന്നു പൊലീസ് എറണാകുളത്തും തലസ്ഥാന നഗരിയിലും. ഈ സര്‍ക്കാര്‍ അധികാരത്തില്‍ വന്ന ശേഷം മിക്ക സമരങ്ങളോടുമുള്ള നിലപാട് സമാനമായിരുന്നു. ചര്‍ച്ചക്ക് പകരം പൊലീസിനെ ഉപയോഗിച്ച് സമരക്കാരെ മര്‍ദ്ദിച്ച് നിര്‍വീര്യരാക്കുകയെന്ന ഏകാധിപത്യ ശൈലിയാണ് സര്‍ക്കാര്‍ തുടര്‍ച്ചയായി സ്വീകരിക്കുന്നത്. ഗെയില്‍ വിരുദ്ധ സമരത്തോടും വല്ലാര്‍പാടത്ത് സമരം ചെയ്തവരോടും എല്ലാം സര്‍ക്കാരിന്റെ സമീപനം ഒന്നു തന്നെയായിരുന്നു. എറണാകുളത്ത് നടന്ന സംഭവം സി.പി.ഐ-സി.പി.എം തര്‍ക്കത്തിനപ്പുറം സംസ്ഥാന സര്‍ക്കാരിന്റെ ജനാധിപത്യ വിരുദ്ധ നിലപാടുകളാണ് പുറത്തുകൊണ്ടുവന്നത്. ഈ സര്‍ക്കാര്‍ അധികാരത്തിലെത്തിയ ശേഷം സി.പി.ഐയുമായി സി.പി.എം കൊമ്പുകോര്‍ക്കുന്നത് ഇതാദ്യമല്ല. അന്നൊന്നുമില്ലാത്ത വിധം സി.പി.ഐ അണികള്‍ക്കിടിയില്‍ രോഷമുയരുന്നതിന് കാരണവും ഇതാണ്. തലസ്ഥാന നഗരിയില്‍ നടന്ന ലോ അക്കാദമി സമരം, മൂന്നാര്‍ കയ്യേറ്റം ഒഴിപ്പില്‍ വിവാദം, ജിഷ്ണു കേസിലെ അഭിപ്രായ ഭിന്നത തുടങ്ങി കഴിഞ്ഞ മൂന്ന് വര്‍ഷത്തിനിടെ ഭരണകക്ഷികളായ സി.പി.എമ്മും സി.പി.ഐയും പരസ്പരം മുഖാമുഖം നിന്ന നിരവധി ഘട്ടങ്ങളുണ്ടായിട്ടുണ്ട്. ആഭ്യന്തര വകുപ്പിനെതിരെ നേരത്തെയും സി.പി.ഐ ശക്തമായ എതിര്‍പ്പുന്നയിച്ചിട്ടുണ്ട്. എന്നാല്‍ അന്നൊന്നുമുണ്ടാകാത്ത അസാധാരണ സംഭവ വികാസങ്ങളാണ് ഇപ്പോള്‍ നടക്കുന്നത്.
ഡി.ഐ.ജി ഓഫീസ് മാര്‍ച്ച് നടത്തിയ സി.പി.ഐ നേതാക്കള്‍ക്കെതിരെ ജാമ്യമില്ലാ വകുപ്പുകള്‍ ചുമത്തിയാണ് പൊലീസ് കേസെടുത്തിട്ടുള്ളത്. ജില്ലാ സെക്രട്ടറി പി.രാജു ഒന്നാം പ്രതിയും എല്‍ദോ എബ്രഹാം എം.എല്‍.എ രണ്ടാം പ്രതിയുമായി രജിസ്റ്റര്‍ ചെയ്ത എഫ്.ഐ.ആറില്‍ സി.പി.ഐ നേതാക്കള്‍ക്കെതിരെ ശക്തമായ ആരോപണങ്ങളാണ് പൊലീസ് ഉന്നയിക്കുന്നത്. കല്ലും കുറുവടിയുമായി കരുതിക്കൂട്ടി ആക്രമണം നടത്തിയെന്നാണ് എഫ്.ഐ.ആറില്‍ പൊലീസ് ആരോപിച്ചിരിക്കുന്നത്. ജില്ലാ സെക്രട്ടറി ഉള്‍പ്പെടെ പത്ത് പേരെ പ്രതിപട്ടികയില്‍ ഉള്‍പ്പെടുത്തി കണ്ടാലറിയുന്ന 800 പേര്‍ക്കെതിരെയും പൊലീസ് കേസെടുത്തിട്ടുണ്ട്. പൊതുമുതല്‍ നശിപ്പിക്കല്‍, സര്‍ക്കാര്‍ ഉദ്യോഗസ്ഥരെ ദേഹോപദ്രവം ഏല്‍പിക്കല്‍ തുടങ്ങിയ ഗുരുതരമായ വകുപ്പുകളാണ് നേതാക്കള്‍ക്കെതിരെ പൊലീസ് എഴുതി ചേര്‍ത്തിരിക്കുന്നത്. ഇതിനൊപ്പം ചേര്‍ത്തു വായിക്കേണ്ട മറ്റൊരു കേസാണ് സി.പി.ഐ സംസ്ഥാന സെക്രട്ടറി കാനം രാജേന്ദ്രനെതിരെ പോസ്റ്റര്‍ ഒട്ടിച്ചതിന് മൂന്ന് സി.പി.ഐ പ്രവര്‍ത്തകര്‍ക്കെതിരെ പൊലീസ് രജിസ്റ്റര്‍ ചെയ്ത കേസ്. ഇതില്‍ എ.ഐ.വൈ.എഫ് നേതാക്കളായ ജയേഷ്, ഷിജു എന്നിവരെ അറസ്റ്റ് ചെയ്തു. മൂന്നാം പ്രതി കൃഷ്ണകുമാര്‍ ഒളിവിലാണ്. ഇവരെ മൂന്നു പേരയും സി.പി.ഐ പുറത്താക്കിയിട്ടുണ്ടെങ്കിലും പോസ്റ്റര്‍ ഒട്ടിച്ചതിന്റെ പേരില്‍ പ്രവര്‍ത്തകരെ പൊലീസ് അറസ്റ്റ് ചെയ്യുന്നത് സാധാരണ സംഭവമല്ല. പോസ്റ്റര്‍ വിവാദം സി.പി.ഐയുടെ ആഭ്യന്തര വിഷയമാണെങ്കിലും പോസ്റ്ററിന്റെ പേരില്‍ പൊലീസ് കേസും അറസ്റ്റും സംസ്ഥാനത്തെ പൊലീസ് ഭരണത്തെക്കുറിച്ചുള്ള ആക്ഷേപം ശരിവെക്കുന്നതാണ്. പൊലീസിനെ ഉപയോഗിച്ച് രാഷ്ട്രീയ എതിരാളികളെ നേരിടുകയെന്ന കോളോണിയല്‍ രീതിയാണ് ഇടതു സര്‍ക്കാരും അനുവര്‍ത്തിക്കുന്നത്. സംസ്ഥാനത്തുയരുന്ന വലിയ വിവാദങ്ങള്‍ ശക്തമായ പൊലീസ് നടപടിയിലൂടെ ഇല്ലാതാക്കാമെന്നത് ഒരു ജനാധിപത്യ സര്‍ക്കാരിന് ഭൂഷണമല്ല. എറണാകുളത്തെ ലാത്തിച്ചാര്‍ജിനെ ചൊല്ലി സി.പി.ഐയില്‍ ഇനി കത്തിപ്പടരാന്‍ പോകുന്ന ആഭ്യന്തര കലഹത്തില്‍ ഇടതു സര്‍ക്കാരിന്റെ ജനാധിപത്യ വിരുദ്ധത കൂടി വിഷയമാകുമെന്ന് തന്നെയാണ് ഊഹിക്കേണ്ടത്. ബലപ്രയോഗത്തിലൂടെയല്ല, രാഷ്ട്രീയ ചര്‍ച്ചകളിലൂടെയാണ് പ്രശ്‌നങ്ങള്‍ പരിഹരിക്കേണ്ടതെന്ന് ഈ സര്‍ക്കാരിനെ ആരാണ് പറഞ്ഞു മനസ്സിലാക്കുക. സമരസപ്പെടുന്നതിലൂടെയല്ല, സമരങ്ങളിലൂടെ തന്നെയാണ് ജനാധിപത്യം വളര്‍ന്നതും വികസിച്ചതും.

Video Stories

കാന്‍സര്‍ രോഗിയെ വിമാനത്തില്‍ നിന്ന് ഇറക്കിവിട്ട് അമേരിക്കന്‍ വിമാന കമ്പനി

ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

Published

on

കാന്‍സര്‍ രോഗിയായ യുവതിയെ വിമാനത്തില്‍ നിന്ന് ഇറക്കിവിട്ടു. ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

വിമാനത്തിലേക്ക് കയറിയപ്പോള്‍ കയ്യിലുള്ള ബാഗ് മുകളിലേക്ക് എടുത്തുവെക്കാന്‍ അധികൃതര്‍ ആവശ്യപ്പെട്ടു. എന്നാല്‍ കുറച്ചുനാളുകള്‍ക്കു മുമ്പ് ശാസ്ത്രക്രിയ കഴിഞ്ഞതിനാല്‍ ഒറ്റയ്ക്ക് അത് ചെയ്യാന്‍ സാധിക്കില്ലെന്നും ബാഗ് മുകളില്‍ വയ്ക്കാന്‍ സഹായിക്കണമെന്ന് യുവതി അഭ്യര്‍ത്ഥിച്ചു. എന്നാല്‍ ഇത് തന്റെ ജോലി അല്ലെന്നായിരുന്നു വിമാനം അധികൃതരുടെ മറുപടി. ശേഷം യുവതിയോട് വിമാനത്തില്‍ നിന്ന് ഇറങ്ങാന്‍ ആവശ്യപ്പെടുകയും ചെയ്തു.

സംഭവത്തില്‍ വിശദമായ അന്വേഷണം ആരംഭിച്ചതായി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ ഡിജി അരുണ്‍കുമാര്‍ വ്യക്തമാക്കി.

Continue Reading

News

വിന്‍ഡോ സീറ്റിന്റെ പേരില്‍ വിമാനത്തില്‍ കൂട്ടത്തല്ല്; 2 മണിക്കൂര്‍ വൈകി

15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Published

on

വിമാനത്തിലെ വിന്‍ഡോ സീറ്റിന് വേണ്ടി യാത്രക്കാര്‍ തമ്മില്‍ കൂട്ടത്തല്ല്. ഇതേതുടര്‍ന്ന് പുറപ്പെടാന്‍ രണ്ട് മണിക്കൂര്‍ വൈകി. ബ്രസീലിലാണ് സംഭവം. സാല്‍വദോറില്‍നിന്ന് സാവേ പോളോയിലേക്ക് പോകാനിരുന്ന വിമാനത്തിലാണ്‌സംഭവം. ഭിന്നശേഷിക്കാരനായ കുട്ടിയുമൊത്ത് വന്ന യാത്രക്കാരി അരികിലെ സീറ്റ് ആവശ്യപ്പെട്ടെങ്കിലും സഹയാത്രക്കാരി അത് നല്‍കാന്‍ തയ്യാറായില്ല. തുടര്‍ന്ന് വാഗ്വാദത്തിനിടയിലാണ് ഇരുവരും തല്ല് തുടങ്ങിയത്. യാത്രക്കാരും ഇടപെട്ടതോടെ കൂട്ടത്തല്ലായി. കാബിന്‍ ക്രൂവ് എത്തി ശാന്തമാക്കാന്‍ ശ്രമിച്ചെങ്കിലും മണിക്കൂറോളം തല്ല് തുടര്‍ന്നു. 15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Continue Reading

Celebrity

ഗായിക വാണി ജയറാം അന്തരിച്ചു

മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ

Published

on

പ്രശസ്ത പിന്നണി ഗായികയും പദ്മഭൂഷണ്‍ ജേതാവുമായ വാണി ജയറാം (77) അന്തരിച്ചു. ചെന്നൈയിലെ വസതിയിലായിരുന്നു അന്ത്യം.

തമിഴ്, തെലുഗു, കന്നട, മലയാളം, മറാത്തി, ഹിന്ദി എന്നീ ഭാഷകളിലായി നൂറുകണക്കിന് ഗാനങ്ങള്‍ ആലപിച്ചിട്ടുണ്ട്. മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ നേടിയിട്ടുണ്ട്.

ഇക്കഴിഞ്ഞ റിപബ്ലിക് ദിനത്തിലാണ് പദ്മഭൂഷണ്‍ പുരസ്കാരം തേടിയെത്തിയത്.

Continue Reading

Trending