Connect with us

Culture

പ്രീമിയര്‍ ലീഗില്‍ ചെല്‍സി കുതിക്കുന്നു; മാഞ്ചസ്റ്ററിനും ആര്‍സനലിനും ജയം

Published

on

ലണ്ടന്‍: വെസ്റ്റ്ബ്രംവിച്ച് ആല്‍ബിയോണിനെ ഒരു ഗോളിന് വീഴ്ത്തി ചെല്‍സി ഇംഗ്ലീഷ് പ്രീമിയര്‍ ലീഗില്‍ കുതിപ്പ് തുടരുന്നു. സ്വന്തം തട്ടകത്തില്‍ ഡീഗോ കോസ്റ്റയുടെ ഗോളിലാണ് നീലപ്പട ജയിച്ചു കയറിയത്. സ്‌റ്റോക്ക് സിറ്റിയെ 3-1 ന് വീഴ്ത്തി ആര്‍സനല്‍ പോയിന്റ് ടേബിളിലെ രണ്ടാം സ്ഥാനത്തേക്ക് മുന്നേറിയപ്പോള്‍ വെസ്റ്റ്ഹാമിനോട് ആന്‍ഫീല്‍ഡില്‍ 2-2 സമനില വഴങ്ങി ലിവര്‍പൂള്‍ മൂന്നാം സ്ഥാനത്തേക്ക് പിന്തള്ളപ്പെട്ടു. കരുത്തരുടെ പോരാട്ടത്തില്‍ മാഞ്ചസ്റ്റര്‍ യുനൈറ്റഡ് ടോട്ടനം ഹോട്‌സ്പറിനെ തോല്‍പ്പിച്ചു. അതേസമയം, മുന്‍ ചാമ്പ്യന്മാരായ മാഞ്ചസ്റ്റര്‍ സിറ്റി തുടര്‍ച്ചയായ രണ്ടാം മത്സരത്തിലും തോല്‍വിയറിഞ്ഞു. ലെസ്റ്റര്‍ സിറ്റിയാണ് ഗ്വാര്‍ഡിയോളയുടെ ടീമിനെ വീഴ്ത്തിയത്.

76-ാം മിനുട്ടില്‍ വലതുബോക്‌സില്‍ നിന്നുള്ള തകര്‍പ്പന്‍ ഷോട്ടിലൂടെയാണ് ഡീഗോ കോസ്റ്റ ചെല്‍സിയുടെ വിജയ ഗോള്‍ നേടിയത്.

സ്വന്തം തട്ടകത്തില്‍ ഒരു ഗോളിന് പിന്നില്‍ നിന്ന ശേഷമായിരുന്നു ആര്‍സനലിന്റെ തിരിച്ചുവരവ്. 29-ാം മിനുട്ടില്‍ ചാര്‍ലി ആദം നേടിയ ഗോളില്‍ സ്‌റ്റോക്ക് സിറ്റി മുന്നിലെത്തിയിരുന്നു. എന്നാല്‍ തിയോ വാല്‍ക്കോട്ട്, മസൂദ് ഓസില്‍, അലക്‌സ് ഇവോബി എന്നിവര്‍ ഗണ്ണേഴ്‌സിന്റെ ഗോളുകള്‍ നേടി.

വെസ്റ്റ്ഹാമിനെതിരെ ആദം ലല്ലാന, ദിവോക് ഒറിഗി എന്നിവര്‍ ലിവര്‍പൂളിന്റെ ഗോളുകള്‍ നേടിയപ്പോള്‍ ദിമിത്രി പായെറ്റ്, മികായില്‍ അന്റോണിയോ എന്നിവര്‍ സന്ദര്‍ശകര്‍ക്കു വേണ്ടി ലക്ഷ്യം കണ്ടു.

29-ാം മിനുട്ടില്‍ ഹെന്റിക് മിഖ്തര്‍യാന്‍ ആണ് മാഞ്ചസ്റ്ററിനു വേണ്ടി ടോട്ടനം വലയില്‍ പന്തെത്തിച്ചത്.

ജെറമി വാര്‍ഡിയുടെ ഹാട്രിക് ആണ് സിറ്റിക്കെതിരെ ലെസ്റ്റിന് ജയമൊരുക്കിയത്. വാര്‍ഡിക്കു പുറമെ ആന്‍ഡി കിങ് കൂടി ആതിഥേയര്‍ക്കു വേണ്ടി ഗോളടിച്ചപ്പോള്‍ അലക്‌സാണ്ടര്‍ കോളറോവ്, നോലിറ്റോ എന്നിവര്‍ സിറ്റിയുടെ ആശ്വാസ ഗോള്‍ നേടി.

15 മത്സരങ്ങള്‍ പിന്നിട്ടപ്പോള്‍ 37 പോയിന്റാണ് ഒന്നാം സ്ഥാനത്തുള്ള ചെല്‍സിക്കുള്ളത്. ആര്‍സനല്‍ (34), ലിവര്‍പൂള്‍ (31), മാഞ്ചസ്റ്റര്‍ സിറ്റി (30) ടീമുകള്‍ തുടര്‍ന്നുള്ള സ്ഥാനങ്ങളില്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ട്രാഫിക് റൂള്‍സ് തെറ്റിച്ചു; ചോദ്യം ചെയ്ത ട്രാഫിക് പൊലീസിനെ കൈയ്യേറ്റം ചെയ്ത് നടി സൗമ്യ ജാനു- വീഡിയോ

കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു

Published

on

ഹൈദരാബാദ് ∙ റോഡ് നിയമം ലംഘിച്ചുള്ള യാത്ര തടഞ്ഞതിന് ട്രാഫിക് പൊലീസ് ഉദ്യോഗസ്ഥനുമായി കലഹിച്ച് തെലുങ്ക് നടി സൗമ്യ ജാനു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. കൃത്യനിർവഹണം തടസ്സപ്പെടുത്തിയതിനും നിയമം ലംഘിച്ചതിനും താരത്തിനെതിരെ പൊലീസ് കേസെടുത്തു.

നടി എതിർവശത്തെ റോഡിലൂടെ വാഹനമോടിച്ചു വരുന്ന വഴിയാണ് പൊലീസ് വണ്ടി നിർത്താൻ ആവശ്യപ്പെട്ടത്. ഇതോടെ ഉദ്യോഗസ്ഥന് നേരെ നടി കയർത്തു. വാക്കു തർക്കം കയ്യേറ്റം വരെയെത്തുകയും ചെയ്തു. റോഡിൽ കൂടിയ ജനം പ്രശ്നം പരിഹരിക്കാൻ ശ്രമിച്ചുവെങ്കിലും സൗമ്യ വഴങ്ങിയില്ല. കാര്‍ തെറ്റായ ദിശയിലാണ് വന്നതെന്ന് നടി സമ്മതിക്കുന്നത് വീഡിയോയിൽ കാണാനാകും.

കഴിഞ്ഞ 24ന് രാത്രി എട്ടിന് ഹൈദരാബാദിലെ ബഞ്ജാര ഹിൽസിലായിരുന്നു കേസിനാസ്‍പദമായ സംഭവം. തന്റെ ആഡംബര കാറിൽ സ്വയം ഡ്രൈവ് ചെയ്യുമ്പോഴാണു നിയമം തെറ്റിച്ച് വൺവേ റോഡിലൂടെ കടന്നുപോകാൻ താരം ശ്രമിച്ചത്. ഇതേതുടർന്ന്  പൊലീസ് തടഞ്ഞു. അത്യാവശ്യമായി പോകണമെന്ന് പറഞ്ഞു നടി അലറുകയും ഉദ്യോഗസ്ഥനെ അധിക്ഷേപിക്കുകയായിരുന്നു.

Continue Reading

Film

നടിയെ ആക്രമിച്ച കേസ്: ദിലീപിന് ആശ്വാസം; ജാമ്യം റദ്ദാക്കില്ല

ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു.

Published

on

നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്റെ ആവശ്യം ഹൈക്കോടതി തള്ളി. ദിലീപിന്റെ ജാമ്യം റദ്ദാക്കണമെന്ന ഹർജിയിലെ കീഴ്ക്കോടതി നിരീക്ഷണങ്ങൾ പ്രധാന കേസിനെ ബാധിക്കരുതെന്ന് നിർദേശിച്ചു. കേസിൽ എട്ടാം പ്രതിയാണ് ദിലീപ്. ജസ്റ്റിസ് സോഫി തോമസ് അധ്യക്ഷയായ സിംഗിൾ ബെഞ്ചാണ് അപ്പീലിൽ വിധി പറഞ്ഞത്.

ജാമ്യത്തിൽ പുറത്തിറങ്ങിയതിന് ശേഷം സാക്ഷികളെ സ്വാധീനിക്കാൻ ദിലീപ് ശ്രമം നടത്തിയെന്നും തെളിവുകൾ അട്ടിമറിക്കാൻ ശ്രമിച്ചുവെന്നും ആരോപിച്ചാണ് ഹർജി നൽകിയത്.

ദിലീപിൻ്റെ ജാമ്യം റദ്ദാക്കണമെന്ന ആവശ്യവുമായി സർക്കാർ വിചാരണ കോടതിയെ സമീപിച്ചിരുന്നെങ്കിലും കോടതി അത് തള്ളിയിരുന്നു. ഇതിന് പിന്നാലെയാണ് ജാമ്യം റദ്ദാക്കണമെന്നാവശ്യപ്പെട്ട് സർക്കാർ ഹൈക്കോടതിയെ സമീപിച്ചത്.

Continue Reading

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Trending