ന്യൂഡല്‍ഹി: ബാബരി മസ്ജിദ് രാമജന്മഭൂമി ഭൂമി തര്‍ക്ക കേസില്‍ ഈമാസം 16 ഓടെ വാദം കേള്‍ക്കല്‍ അവസാനിപ്പിക്കാനാണ് ആലോചിക്കുന്നതെന്ന് ചീഫ് ജസ്റ്റിസ് രഞ്ജന്‍ ഗൊഗോയി. ഈമാസം 17-ന് വാദങ്ങള്‍ അവസാനിപ്പിക്കണമെന്നായിരുന്നു നേരത്തെ ചീഫ് ജസ്റ്റിസ് പറഞ്ഞത്. കേസില്‍ മുസ്‌ലിം സംഘടനകളുടെ വാദം പൂര്‍ത്തിയായി. കേസില്‍ കക്ഷി ചേര്‍ന്നവരുടെ വാദം ഇതുവരെ കോടതി കേട്ടിട്ടില്ല. എല്ലാവരുടെയും ഭാഗം വിശദമായി കേള്‍ക്കാതെ വിധി പറയാന്‍ മാറ്റിവെക്കരുതെന്ന് ഹര്‍ജിക്കാര്‍ ആവശ്യപ്പെട്ടു.

അതേസമയം കേസ് അന്തിമ ഘട്ടത്തിലേക്ക് നീങ്ങുന്ന സാഹചര്യത്തില്‍ അയോദ്ധ്യയില്‍ നിരോധനാജ്ഞ പ്രഖ്യാപിച്ചിരിക്കുകയാണ്. പ്രദേശത്ത് കനത്ത സുരക്ഷയും ഏര്‍പ്പെടുത്തി. നവംബര്‍ 17-നാണ് നിലവിലെ സുപ്രീംകോടതി ചീഫ് ജസ്റ്റിസ് രഞ്ജന്‍ ഗൊഗോയി വിരമിക്കുന്നത്. അതിനാല്‍ വിരമിക്കുന്നതിന് മുമ്പുള്ള അദ്ദേഹത്തിന്റെ അവസാന പ്രവൃത്തി ദിനമായ നവംബര്‍ 15-ന് ബാബരി കേസിലെ വിധി ഉണ്ടാകാനാണ് സാധ്യത.

അതിനിടെ ഉ​ത്ത​ർ​പ്ര​ദേ​ശ്​ സു​ന്നി വ​ഖ​ഫ്​ ബോ​ർ​ഡ്​ ചെ​യ​ർ​പേ​ഴ്​​സ​ന്​​ സം​ര​ക്ഷ​ണ​മാ​വ​​​ശ്യ​പ്പെ​ട്ട്​ ബാ​ബ​രി ഭൂ​മി​കേ​സി​ലെ മ​ധ്യ​സ്ഥ​ന്മാ​രി​ലൊ​രാ​ൾ സു​പ്രീം​കോ​ട​തി​യെ സ​മീ​പി​ച്ചു. മൂ​ന്നം​ഗ സ​മി​തി​യി​ലു​ണ്ടാ​യി​രു​ന്ന മ​ധ്യ​സ്ഥ​നും സു​പ്രീം​കോ​ട​തി​യി​ലെ മു​തി​ർ​ന്ന അ​ഭി​ഭാ​ഷ​ക​നു​മാ​യ അ​ഡ്വ. ശ്രീ​രാം പ​ഞ്ചു​വാ​ണ്​ ബി.​ജെ.​പി പി​ന്തു​ണ​യു​ള്ള വ​ഖ​ഫ്​ ബോ​ർ​ഡ്​ ചെ​യ​ർ​പേ​​ഴ്​​സ​ന്​​ സം​ര​ക്ഷ​ണം തേ​ടി ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ഗൊ​ഗോ​യി​യു​ടെ ബെ​ഞ്ചി​ലെ​ത്തി​യ​ത്. ഇ​തേ​ത്തു​ട​ർ​ന്ന്​ മ​തി​യാ​യ​ സം​ര​ക്ഷ​ണം ന​ൽ​കാ​ൻ ഉ​ത്ത​ർ​പ്ര​ദേ​ശ്​ സ​ർ​ക്കാ​റി​നോ​ട്​ സു​പ്രീം​കോ​ട​തി നി​ർ​ദേ​ശി​ച്ചു. സു​പ്രീം​കോ​ട​തി നി​യോ​ഗി​ച്ച മ​ധ്യ​സ്​​ഥ സം​ഘം ര​ണ്ടാ​മ​ത്​ ന​ട​ത്തി​യ മ​ധ്യ​സ്​​ഥ​ശ്ര​മ​ത്തെ സു​ന്നി വ​ഖ​ഫ്​ ബോ​ർ​ഡ്​ എ​തി​ർ​ത്തി​ട്ടും അ​ത്​ മ​റി​ക​ട​ന്ന്​ മു​സ്​​ലിം പ​ക്ഷ​ത്തു​നി​ന്ന്​ ശ്ര​മം ന​ട​ത്തി​യ​ത്​ വ​ഖ​ഫ്​ ബോ​ർ​ഡ്​ ചെ​യ​ർ​പേ​ഴ്​​സ​ൻ ആ​ണെ​ന്ന്​ ആ​രോ​പ​ണ​മു​യ​ർ​ന്നി​രു​ന്നു.