Connect with us

Culture

സമര്‍ഥരായ കുഞ്ഞുങ്ങളെ ഗര്‍ഭം ധരിക്കാന്‍ ആര്‍എസ്എസിന്റെ ക്ലാസ്; ശാസ്ത്രീയത തെളിയിക്കണമെന്ന് കൊല്‍ക്കത്ത ഹൈക്കോടതി

Published

on

കൊല്‍ക്കത്ത: സമര്‍ഥരായ കുഞ്ഞുങ്ങളെ എങ്ങനെ ഗര്‍ഭം ധരിക്കാമെന്ന് പഠിപ്പിക്കാന്‍ ശില്പശാലയൊരുക്കി ആര്‍എസ്എസ്. ആര്‍എസ്എസിന്റെ ആരോഗ്യ വിഭാഗമായ ‘ആരോഗ്യഭാരതി’യാണ് ദമ്പതികള്‍ക്കായി വര്‍ക്ക് ഷോപ്പുകള്‍ നടത്തുന്നത്. അതേസമയം, ആരോഗ്യഭാരതി നടത്തിയ വര്‍ക്ക ഷോപ്പുകളുടെ ശാസ്ത്രീയത തെളിക്കണമെന്ന കൊല്‍ക്കത്ത ഹൈക്കോടതി ആവശ്യപ്പെട്ടു.

പശ്ചിമബംഗാളില്‍ ‘ഗര്‍ഭ സന്‍സ്‌കാര്‍’എന്ന പേരില്‍ രണ്ടു ദിവസങ്ങളിലായി ആര്‍എസ്എസ് സംഘടിപ്പിക്കുന്ന വര്‍ക്ക് ഷോപ്പുകളിലാണ് സമര്‍ഥരായ കുട്ടികളെ ഗര്‍ഭം ധരിക്കാനുള്ള മാര്‍ഗ നിര്‍ദേശം നല്‍കിയത്. പരമ്പരാഗത ഗര്‍ഭധാരണ രീതികളാണ് സന്‍സ്‌കാര്‍ സമര്‍ഥരായ കുഞ്ഞുങ്ങളുണ്ടാവാന്‍ ഉപദേശിക്കുന്നത്. ഈ ക്ലാസിന്റെ ശാസ്ത്രീയത ചോദ്യം ചെയ്താണ് കൊല്‍ക്കത്ത ഹൈക്കോടതി രംഗത്തെത്തിയിരിക്കുന്നത്.

ആരോഗ്യഭാരതിക്ക് ശാസ്ത്രീയമായ തെളിവുകളൊന്നും ഹാജരാക്കാനായില്ലെന്ന് പശ്ചിമബംഗാള്‍ ശിശു സംരക്ഷണ കമ്മീഷന്‍ ഓഫീസര്‍ നസീബ് ഖാന്‍ പറഞ്ഞു.

വര്‍ഷങ്ങള്‍ക്ക് മുമ്പ് ഗുജറാത്തിലാണ് സമര്‍ഥരായ കുഞ്ഞുങ്ങളെ ഗര്‍ഭം ധരിക്കാനുള്ള ക്ലാസ് എന്ന പദ്ധതി ആദ്യമായി ആരംഭിച്ചത്. പീന്നീട് 2015ല്‍ ഇത് ദേശീയ വ്യാപകമായി നടത്താന്‍ തുടങ്ങി. 2020 ആവുമ്പോഴേക്കും രാജ്യത്ത് ആയിരക്കണക്കിന് സമര്‍ഥരായ കുഞ്ഞുങ്ങള്‍ എന്ന ലക്ഷ്യവുമായാണ് പദ്ധതി നടപ്പിലാക്കുന്നത്.

ഗുജറാത്ത് ആയുര്‍വേദ സര്‍വകലാശാല അധ്യാപകനായ ഡോ.കൃഷ്മ നര്‍വിനാണ് ക്ലാസുകള്‍ക്ക് നേതൃത്വം നല്‍കുന്നത്. ജര്‍മനിയില്‍ നിന്ന് കടംകൊണ്ടതാണ് ഈ പദ്ധതിയെന്നാണ് ഇവര്‍ വാദിക്കുന്നത്. രണ്ടാം ലോക മഹായുദ്ധത്തിന് ശേഷം ആയുര്‍വേദത്തിന്റെ സഹായത്തോടെ ഇത്തരത്തില്‍ വളര്‍ത്തിയെടുത്തതാണ് ജര്‍മനിയിലെ കുട്ടികള്‍ എന്നാണ് അവകാശവാദം.

കരുത്തുറ്റ ഇന്ത്യയെ സൃഷ്ടിക്കുക എന്ന ലക്ഷ്യം മുന്നോട്ട് വെക്കുന്ന ആരോഗ്യഭാരതി 10 വര്‍ഷം കൊണ്ട് 450 കുട്ടികള്‍ ഇപ്രകാരം പിറന്നുകഴിഞ്ഞുവെന്നും പറയുന്നു.

കൊല്‍ക്കത്തയില്‍ ആരോഗ്യപദ്ധതിയുടെ ആഭിമുഖ്യത്തില്‍ പരിശീലന ശിബിരം നടത്താന്‍ തീരുമാനിച്ചതോടെയാണ് സംഭവം വിവാദമായത്. പദ്ധതിക്കെതിരെ പശ്ചിമബംഗാളിലെ ശിശു അവകാശ സംരക്ഷണ കമ്മീഷന്‍ ചെയര്‍മാന്‍ കോടതിയെ സമീപിച്ചു. ഇവര്‍ നല്‍കിയ പൊതുതാല്‍പര്യ ഹര്‍ജിയില്‍ ഗര്‍ഭ സന്‍സ്‌കാറിന്റെ ശാസ്ത്രീയത ചോദ്യം ചെയ്തിരുന്നു. ഈ കേസിലാണ് കോടതിയും ശാസ്ത്രീയത തെളിയിക്കാന്‍ ആവശ്യപ്പെട്ടിരിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

രശ്മിക സഞ്ചരിച്ച വിമാനം അടിയന്തരമായി തിരിച്ചിറക്കി; മരണത്തിൽ നിന്നും രക്ഷപ്പെട്ടുവെന്ന് താരം

മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്

Published

on

ചലച്ചിത്ര താരം രശ്മിക മന്ദാന കയറിയ വിമാനം അടിയന്തരമായി തിരിച്ചിറക്കി. സാങ്കേതിക പിഴവുകളെ തുടർന്നാണ് വിമാനം തിരിച്ചിറക്കിയത്. മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്. പറന്നുയർന്ന് 30 മിനിറ്റുകൾക്കുശേഷം പ്രശ്നങ്ങൾ കണ്ടെത്തിയതിനെ തുടർന്ന് വിമാനം തിരിച്ചു മുംബൈയിലേക്ക് പറക്കുകയായിരുന്നു. ആർക്കും പരിക്കില്ല.

വിമാനം തിരിച്ചിറക്കിയതിന് പിന്നാലെ യാത്രക്കാർക്കായി മറ്റൊരു വിമാനം ഏർപ്പെടുത്തി. ‘ഇങ്ങനെയാണ് ഞങ്ങൾ ഇന്ന് മരണത്തിൽ‌നിന്ന് രക്ഷപ്പെട്ടത്’ എന്ന കുറിപ്പോടെ രശ്‌മിക ഇക്കാര്യം ഇൻസ്റ്റഗ്രാം സ്റ്റോറി പങ്കുവെച്ചിട്ടുണ്ട്. നടി ശ്രദ്ധ ദാസിനൊപ്പമായിരുന്നു രശ്മികയുടെ യാത്ര.

Continue Reading

Film

ഈ മാസം22 മുതൽ മലയാള സിനിമകൾ പ്രദർശിപ്പിക്കില്ല: ഫിയോക്ക് തീയറ്റർ ഉടമകൾ

തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

Published

on

ഈ മാസം 22 മുതൽ മലയാളസിനിമകൾ പ്രദർശിപ്പിക്കില്ലെന്ന് തിയേറ്റര്‍ ഉടമകളുടെ സംഘടനയായ ഫിയോക്ക് അറിയിച്ചു. തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

40 ദിവസത്തിന്‌ ശേഷം മാത്രമേ ഒടിടി റീലീസ് അനുവദിക്കാവൂ എന്നാണ് കരാർ. ഇത് ലംഘിക്കപ്പെടുന്നു. ഈ പ്രശ്ങ്ങളിൽ പരിഹാരം കണ്ടില്ലെങ്കിൽ 22 മുതൽ മലയാളം സിനിമകൾ തിയേറ്ററുകളിൽ പ്രദർശിപ്പിക്കില്ലെന്നാണ് മുന്നറിയിപ്പ്.

Continue Reading

Film

അല്ലു അർജുൻ്റെ ഭാര്യാപിതാവ് കോൺഗ്രസിൽ ചേർന്നു; ഗുണമാകുമെന്ന വിലയിരുത്തലിൽ നേതൃത്വം

കാഞ്ചര്‍ലയെ കൂടാതെ ഹൈദരാബാദ് മുന്‍ മേയര്‍ ബോന്തു രാംമോഹനും ഭാര്യ ബോന്തു ശ്രീദേവിയും മുന്‍ മന്ത്രി പട്‌നം മഹേന്ദര്‍ റെഡ്ഡിയും കോണ്‍ഗ്രസിലേക്ക് മാറി.

Published

on

നടന്‍ അല്ലു അര്‍ജുന്റെ ഭാര്യാപിതാവ് കാഞ്ചര്‍ല ചന്ദ്രശേഖര്‍ റെഡ്ഡി ബിആര്‍എസ് വിട്ട് കോണ്‍ഗ്രസില്‍ ചേര്‍ന്നു. കാഞ്ചര്‍ലയെ കൂടാതെ ഹൈദരാബാദ് മുന്‍ മേയര്‍ ബോന്തു രാംമോഹനും ഭാര്യ ബോന്തു ശ്രീദേവിയും മുന്‍ മന്ത്രി പട്‌നം മഹേന്ദര്‍ റെഡ്ഡിയും കോണ്‍ഗ്രസിലേക്ക് മാറി. നല്‍ഗൊണ്ടയിലെ നാഗാര്‍ജുന സാഗറിലെ ബിആര്‍എസ് നേതാവായിരുന്നു ചന്ദ്രശേഖര്‍ റെഡ്ഡി.

വ്യാഴാഴ്ച മുഖ്യമന്ത്രി രേവന്ത് റെഡ്ഡിയെ കണ്ട് പാര്‍ട്ടിയില്‍ ചേരുന്നത് സംബന്ധിച്ച് കാഞ്ചര്‍ല ചര്‍ച്ച നടത്തി. അടുത്ത പാര്‍ലമെന്റ് തിരഞ്ഞെടുപ്പില്‍ മല്‍കാജിഗിരി പാര്‍ലമെന്റ് സീറ്റില്‍ നിന്ന് മത്സരിക്കാനാണ് കാഞ്ചര്‍ല ചന്ദ്രശേഖര്‍ റെഡ്ഡി ഉദ്ദേശിക്കുന്നത്.

2014-ന് മുമ്പ് താന്‍ കോണ്‍ഗ്രസ് പാര്‍ട്ടിയില്‍ ഉണ്ടായിരുന്നുവെന്ന് അദ്ദേഹം മാധ്യമങ്ങളോട് പറഞ്ഞു. വിദ്യാഭ്യാസ കാലത്ത് കോണ്‍ഗ്രസിന്റെ യുവജന വിഭാഗത്തില്‍ പ്രവര്‍ത്തിച്ചിരുന്നുവെന്നും അദ്ദേഹം കൂട്ടിച്ചേര്‍ത്തു.

ഇപ്പോള്‍ കോണ്‍ഗ്രസ് പാര്‍ട്ടിയിലേക്ക് വരുന്നത് സ്വന്തം കൂടിലേക്ക് വരുന്നതുപോലെയാണെന്നും അദ്ദേഹം പറഞ്ഞു. കാഞ്ചര്‍ലയെ ഉള്‍പ്പെടുത്തുന്നത് തങ്ങള്‍ക്കും ഗുണം ചെയ്യുമെന്നാണ് കോണ്‍ഗ്രസിന്റെ പ്രതീക്ഷ. തെലങ്കാന രൂപീകരണത്തിന് ശേഷം 2014-ല്‍ ഇബ്രാഹിംപട്ടണം മണ്ഡലത്തില്‍ ടിആര്‍എസിനുവേണ്ടി കാഞ്ചര്‍ല ചന്ദ്രശേഖര്‍ റെഡ്ഡി മത്സരിച്ച് പരാജയപ്പെട്ടിരുന്നു.

 

Continue Reading

Trending