Connect with us

Career

ഹയര്‍ സെക്കന്‍ഡറി (വൊക്കേഷണല്‍) സപ്ലിമെന്ററി അലോട്ട്മെന്റ് പ്രസിദ്ധീകരിച്ചു

Published

on

ഹയര്‍ സെക്കന്‍ഡറി (വൊക്കേഷണല്‍) ഒന്നാം വര്‍ഷ ഏകജാലക പ്രവേശനത്തിനുള്ള സപ്ലിമെന്ററി അലോട്ട്മെന്റ് www.admission.dge.kerala.gov.in se Higher Secondary (Vocational) Admission എന്ന പേജില്‍ പ്രസിദ്ധീകരിച്ചു.

First Suppl.Allotment Results എന്ന ലിങ്കില്‍ അപേക്ഷാ നമ്പരും ജനന തീയതിയും ടൈപ്പ് ചെയ്ത് അപേക്ഷകര്‍ക്ക് അലോട്ട്മെന്റ് വിവരങ്ങള്‍ മനസിലാക്കുന്നതിനും അലോട്ട്മെന്റ് സ്ലിപ് ഡൗണ്‍ലോഡ് ചെയ്യുന്നതിനും കഴിയും. ഒന്നാം സപ്ലിമെന്ററി അലോട്ട്മെന്റിന്റെ അടിസ്ഥാനത്തില്‍ സെപ്റ്റംബര്‍ 14 വൈകുന്നേരം 4 മണി വരെ സ്‌കൂളില്‍ പ്രവേശനം നേടാവുന്നതാണ്. അലോട്ട്മെന്റ് ലഭിച്ചിട്ടുള്ള വിദ്യാര്‍ഥികള്‍ക്ക് സ്ഥിര പ്രവേശനമാണ് ലഭിക്കുന്നത്. ഇവര്‍ക്ക് താല്‍ക്കാലിക പ്രവേശനം അനുവദനീയമല്ല. അലോട്ട്മെന്റ് ലിസ്റ്റില്‍ ഉള്‍പ്പെട്ടിട്ടുള്ള വിദ്യാര്‍ഥി സെപ്റ്റംബര്‍ 14 വൈകുന്നേരം 4 മണിക്ക് മുമ്പ് അലോട്ട്മെന്റ് ലഭിച്ച സ്‌കൂളില്‍ സ്ഥിര പ്രവേശനം നേടാതിരുന്നാല്‍ അഡ്മിഷന്‍ നടപടികളില്‍ നിന്നും പുറത്താകുന്നതാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Career

career chandrika: ബിരുദം കഴിഞ്ഞവര്‍ക്ക് തുടര്‍പഠനാവസരമൊരുക്കി ‘ജാം’

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്.

Published

on

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്. ബയോടെക്‌നോളജി, കെമിസ്ട്രി, എക്കൊണോമിക്‌സ്, ജിയോളജി, മാത്തമാറ്റിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിങ്ങനെ 7 വിഷയങ്ങളിലാണ് പരീക്ഷ നടക്കുന്നത്. കമ്പ്യൂട്ടര്‍ അധിഷ്ഠിത പരീക്ഷയാണ്. 2023 ഫെബ്രുവരി 12 ന് നടക്കുന്ന പരീക്ഷക്ക് ഒക്ടോബര്‍ 11 നകം https://jam.iitg.ac.in/ എന്ന വെബ്‌സൈറ്റ് വഴി അപേക്ഷിക്കണം.

21 ഐഐടികളിലായുള്ള 3,000 ത്തിലധികം ബിരുദാനന്തര ബിരുദ പ്രോഗ്രാമുകള്‍ക്ക് പുറമെ വിവിധ എന്‍.ഐ.ടികള്‍, ശിബ്പൂരിലുള്ള ഐ.ഐ. ഇ.എസ്.ടി, പഞ്ചാബിലുള്ള എസ്.എല്‍.ഐ. ഇ.ടി, പൂനയിലെ ഡിഫന്‍സ് ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് ടെക്‌നോളജി, ഐ.ഐ.എസ്.സി, ജവാഹര്‍ലാല്‍ നെഹ്‌റു സെന്റര്‍ ഫോര്‍ അഡ്വാന്‍സ്ഡ് സയന്റിഫിക് റിസര്‍ച്ച്, ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പെട്രോളിയം ആന്‍ഡ് എനര്‍ജി തുടങ്ങിയ സ്ഥാപനങ്ങളിലെ കോഴ്‌സുകളിലെ പ്രവേശനത്തിനും ‘ജാം’ സ്‌കോര്‍ മാനദണ്ഡമാണ്.

വിവിധ വിഷയങ്ങളില്‍ എം.എസ്.സി, ജോയന്റ് എം.എസ്.സിപി.എച്ച്.ഡി. എം.എസ്.സിപി.എച്ച്.ഡി ഡ്യുവല്‍ ഡിഗ്രി, എം.എസ്.സി (ടെക്), എം.എസ്.സിഎം.ടെക് ഡ്യുവല്‍ ഡിഗ്രി എന്നിവയാണ് പ്രധാന പ്രോഗ്രാമുകള്‍. പാലക്കാട് ഐ.ഐ.ടിയില്‍ കെമിസ്ട്രി, ഫിസിക്‌സ്, മാത്തമാറ്റിക്‌സ് എന്നീ വിഷയങ്ങളിലാണ് എം.എസ്.സി പ്രോഗ്രാമാണുള്ളത്.

ഓരോ വിഷയത്തിലും 60 ചോദ്യങ്ങളിലായി 100 മാര്‍ക്കാണ് പരമാവധി ലഭിക്കുക. തന്നിട്ടുള്ള ഓപ്ഷനുകളില്‍ നിന്ന് ശരിയുത്തരം തിരഞ്ഞെടുക്കേണ്ട മള്‍ട്ടിപ്പിള്‍ ചോയ്‌സ്, ഒരു ചോദ്യത്തിന് ഒന്നോ അതിലധികമോ ശരിയുത്തരങ്ങള്‍ ഉണ്ടാവുന്ന മള്‍ട്ടിപ്പിള്‍ സെലക്ട്, സംഖ്യകള്‍ ഉത്തരമായി വരുന്ന ന്യൂമെറിക്കല്‍ ആന്‍സര്‍ ടൈപ്പ് എന്നീ വിഭാഗങ്ങളിലുള്ള ചോദ്യങ്ങള്‍ ഉണ്ടാവും. മള്‍ട്ടിപ്പിള്‍ ചോയ്‌സ് വിഭാഗത്തില്‍ തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും.

കെമിസ്ട്രി, ജിയോളജി, മാത്തമാറ്റിക്‌സ് എന്നിവയില്‍ ഒരു വിഷയവും ബയോടെക്‌നോളജി, എക്കണോമിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിവയില്‍ ഒരു വിഷയവുമടക്കം പരമാവധി രണ്ട് വിഷയങ്ങള്‍ തിരഞ്ഞെടുക്കാം. ഒരു വിഷയം മാത്രം തിരഞ്ഞെടുത്താല്‍ 1800 രൂപയും രണ്ട് വിഷയങ്ങള്‍ തിരഞ്ഞെടുത്താല്‍ 2500 രൂപയുമാണ് അപേക്ഷാ ഫീസ്. പെണ്‍കുട്ടികള്‍, പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് ഇത് യഥാക്രമം 900 രൂപ, 1250 രൂപ എന്നിങ്ങനെയാണ്.

തിരഞ്ഞെടുക്കാനുദ്ദേശിക്കുന്ന പ്രോഗ്രാമിന് ബാധകമായ അര്‍ഹത, വിദ്യാഭ്യാസ യോഗ്യത എന്നിവ ഉറപ്പ് വരുത്തണം. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാവുന്നതാണ്. ഓരോ വിഷയത്തിന്റെയും സിലബസ് പ്രോസ്‌പെക്ടസിലുണ്ട്. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂര്‍, പാലക്കാട്, കോഴിക്കോട്, വടകര, കണ്ണൂര്‍, മംഗളുരു, മൈസൂരു, ചെന്നൈ, കോയമ്പത്തൂര്‍, ബംഗളുരു എന്നിവിടങ്ങളിലടക്കം നിരവധി പരീക്ഷാ കേന്ദ്രങ്ങളുണ്ട്.

നിയമം പഠിക്കാന്‍ ആള്‍ ഇന്ത്യാ ലോ എന്‍ട്രന്‍സ് ടെസ്റ്റ്

ഡല്‍ഹിയിലുള്ള ദേശീയ നിയമ സര്‍വകലാശാലയിലെ പഞ്ചവര്‍ഷ നിയമബിരുദ പ്രോഗ്രാമായ ബി.എ.എല്‍.എല്‍.ബി (ഓണേഴ്‌സ്) കോഴ്‌സിന്റെ പ്രവേശനത്തിനുള്ള മാനദണ്ഡമായ ആള്‍ ഇന്ത്യാ ലോ എന്‍ട്രന്‍സ് ടെസ്റ്റിനു (‘ഐലറ്റ്’2023). 45 ശതമാനം മാര്‍ക്കോടെ പ്ലസ്ടു വിജയിച്ചവര്‍ക്ക് (പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് 40 ശതമാനം) നവംബര്‍ 15 വരെ അപേക്ഷിക്കാം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം.

2022 ഡിസംബര്‍ 11 ന് നടക്കുന്ന ഒന്നര മണിക്കൂര്‍ ദൈര്‍ഘ്യമുള്ള പ്രവേശന പരീക്ഷയില്‍ ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലോജിക്കല്‍ റീസണിങ് എന്നിങ്ങനെ മൂന്ന് കാറ്റഗറികളിലായി 150 മള്‍ട്ടിപ്പിള്‍ ചോയ്‌സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. പൊതുവിഭാഗത്തില്‍ 3,500 രൂപയാണ് പരീക്ഷാ ഫീസ്. തിരുവനന്തപുരം, കൊച്ചി, ബംഗളുരു, ചെന്നൈ, മംഗളൂരു, എന്നിവയടക്കം നിരവധി പരീക്ഷാ കേന്ദ്രങ്ങളുണ്ട്. 110 സീറ്റുകളിലേക്കാണ് പ്രവേശന പരീക്ഷയനുസരിച്ച് അഡ്മിഷന്‍ നടത്തുന്നത്. അപേക്ഷിക്കാനും മറ്റു വിശദ വിവരങ്ങള്‍ക്കും https://nationallaw universtiydelhi.in/ എന്ന വെബ്‌സൈറ്റ് സന്ദര്‍ശിക്കാം.നിയമബിരുദം പൂര്‍ത്തിയാക്കിയവര്‍ക്കും അവസാന വര്‍ഷ പരീക്ഷ എഴുതുന്നവര്‍ക്കും ‘ഐലറ്റ്’ പരീക്ഷ വഴി ഒരു വര്‍ഷം ദൈര്‍ഘ്യമുള്ള എല്‍.എല്‍.എം കോഴ്‌സിനും ഇപ്പോള്‍ അപേക്ഷിക്കാം.

Continue Reading

Career

career chandrika:എന്‍ജിനീയറിങ് മേഖലയിലെ തൊഴില്‍ തുടര്‍പഠന സാധ്യതകളറിയാം

Published

on

എന്‍ജിനീയറിങ് ബ്രാഞ്ചുകളുടെ തിരഞ്ഞെടുപ്പുമായി ബന്ധപ്പെട്ട് ശ്രദ്ധിക്കേണ്ട കാര്യങ്ങളെക്കുറിച്ച് കൂടി വിശദീകരിക്കാം. ഓരോ ബ്രാഞ്ചിന്റെയും തൊഴില്‍, ഉപരിപഠന സാധ്യതകള്‍ വ്യക്തമായി മനസ്സിലാക്കുന്നത് വിവേകപൂര്‍ണമായ തീരുമാനങ്ങളെടുക്കാന്‍ വിദ്യാര്‍ഥികളെ സഹായിക്കുമെന്നുറപ്പാണ്

ബ്രാഞ്ചുകളുടെ വര്‍ഗീകരണം തിരിച്ചറിയുക

എന്‍ജിനീയറിങ് ബ്രാഞ്ചുകളെ കോര്‍, നോണ്‍ കോര്‍ എന്നും സര്‍ക്യൂട്ട്, നോണ്‍ സര്‍ക്യൂട്ട് എന്നുമായി രണ്ട് രീതിയില്‍ വര്‍ഗീകരിക്കാറുണ്ട്. സിവില്‍, മെക്കാനിക്കല്‍, ഇലക്ട്രിക്കല്‍, കമ്പ്യൂട്ടര്‍ സയന്‍സ് എന്നിങ്ങനെ അടിസ്ഥാന സ്വഭാവമുള്ളവയെ കോര്‍ ബ്രാഞ്ചുകളെന്ന് വിളിക്കാം. ഇലക്ട്രിക്കല്‍, ഇലക്ട്രോണിക്‌സ് മേഖലയുമായി ബന്ധപ്പെട്ട പഠനത്തിന് പ്രധാന്യം ലഭിക്കുന്നത് കൊണ്ട് ഇലക്രോണിക്‌സ്, ഇലക്ട്രിക്കല്‍, കമ്പ്യൂട്ടര്‍ സയന്‍സ്, ഇന്‍ഫോര്‍മേഷന്‍ ടെക്‌നോളജി, ഇന്‍സ്ട്രുമെന്റേഷന്‍ തുടങ്ങിയ ബ്രാഞ്ചുകളെ സര്‍ക്യൂട്ട് ബ്രാഞ്ചുകളെന്നും വിശേഷിപ്പിക്കാം.

സ്‌പെഷ്യലൈസ്ഡ് മേഖലയില്‍ സവിശേഷമായി താല്‍പര്യമില്ലെങ്കില്‍ അഭിരുചിക്കനുസൃതമായി കോര്‍ ബ്രാഞ്ചുകളിലൊന്നോ കമ്പ്യൂട്ടര്‍ സോഫ്റ്റ് വെയര്‍, അനുബന്ധ മേഖലകളില്‍ തൊഴില്‍ ആഗ്രഹിക്കുന്നുവെങ്കില്‍ സര്‍ക്യൂട്ട് ബ്രാഞ്ചുകളിലൊന്നോ തിരഞ്ഞെടുക്കുന്നതായിരിക്കും നല്ലതെന്ന് സാമാന്യമായി പറയാം. ഓരോ ബ്രാഞ്ചും പഠിച്ച് കഴിഞ്ഞാലുള്ള തുടര്‍പഠനാവസരങ്ങളും തൊഴിലവസരങ്ങളും മനസ്സിലാക്കണം.

സിവില്‍
എന്‍ജിനീയറിങ്

ഏറ്റവും അടിസ്ഥാന ശാഖയായ സിവിലിനെ എഞ്ചിനീയറിങ്ങിന്റെ മാതാവ് എന്ന് വിളിക്കാറുണ്ട്. കെട്ടിടങ്ങള്‍, റോഡ്, പാലം, റെയില്‍, അണക്കെട്ട്, തുരങ്കം, തുറമുഖം തുടങ്ങിയ എല്ലാ നിര്‍മിതികളുടെയും രൂപകല്‍പന, നിര്‍മാണം, പരിപാലനം എന്നിവ സിവില്‍ എന്‍ജിനീയര്‍മാരുടെ മേല്‍നോട്ടത്തിലാണ് നടക്കുക. വിവിധ സര്‍ക്കാര്‍ വകുപ്പുകള്‍, സ്വകാര്യ കമ്പനികള്‍ എന്നിവിടങ്ങളിലവസരങ്ങളുണ്ടാവും.

ബിരുദത്തിന് ശേഷം ജിയോ ടെക്‌നിക്കല്‍, സ്ട്രക്ചറല്‍, ഹൈഡ്രോളിക്‌സ്, ട്രാഫിക്, ട്രാന്‍സ്‌പോര്‍ട്ടേഷന്‍, ജിയോ ഇന്‍ഫര്‍മാറ്റിക്‌സ്, എന്‍വിറോണ്‍മെന്റല്‍, വാട്ടര്‍ റിസോര്‍സസ് ആന്‍ഡ് ഹൈഡ്രോ ഇന്‍ഫോര്‍മാറ്റിക്‌സ്, കമ്പ്യൂട്ടര്‍ എയ്ഡഡ് സ്ട്രക്ചറല്‍, കണ്‍സ്ട്രക്ഷന്‍ മാനേജ്‌മെന്റ്, റിമോട്ട് സെന്‍സിംഗ്, ഓഫ്‌ഷോര്‍ സ്ട്രക്ചര്‍, ബില്‍ഡിങ് ടെക്‌നോളജി, നേവല്‍ ആര്‍ക്കിടെക്ചര്‍ ആന്‍ഡ് ഓഷ്യന്‍, ഡ്രെഡ്ജിങ് ആന്‍ഡ് ഹാര്‍ബര്‍ എന്‍ജിനീയറിങ്, ഓഷ്യന്‍ ടെക്‌നോളജി, അര്‍ബന്‍ പ്ലാനിങ് തുടങ്ങിയ നിരവധി മേഖലകളില്‍ സ്‌പെഷ്യലൈസ് ചെയ്ത് തുടര്‍ പഠനത്തിനവസരമുണ്ട്.

മെക്കാനിക്കല്‍
എന്‍ജിനീയറിങ്

ചെറുതും വലുതുമായ യന്ത്രങ്ങള്‍, മറ്റു സാങ്കേതിക സംവിധാനങ്ങള്‍ എന്നിവയുടെ രൂപകല്‍പന, നിര്‍മാണം, പരിപാലനം എന്നിവയുമായി ബന്ധപ്പെട്ടാണ് മെക്കാനിക്കല്‍ എന്‍ജിനീയര്‍മാര്‍ക്കവസരമുണ്ടാവുക. ഉദ്പാദനം, ഓട്ടോമൊബൈല്‍, നിര്‍മാണം, ഓയില്‍ ആന്‍ഡ് ഗ്യാസ് മേഖലകളില്‍ തൊഴില്‍ തേടാം.

ബി.ടെക്കിന് ശേഷം തെര്‍മല്‍, മെഷീന്‍ ഡിസൈന്‍, ഓട്ടോമൊബൈല്‍, മെക്കാട്രോണിക്‌സ് , പ്രൊപ്പല്‍ഷന്‍, ഇന്‍ഡഡ്‌സ്ട്രിയല്‍, മാനുഫാക്ച്ചറിങ് ആന്‍ഡ് ഓട്ടോമേഷന്‍, റോബോട്ടിക്‌സ് ആന്‍ഡ് ഓട്ടമേഷന്‍, ആര്‍ട്ടിഫിഷ്യല്‍ ഇന്റലിജന്‍സ്, എന്‍ജിനീയറിങ് ഡിസൈന്‍, പ്രൊഡക്ഷന്‍, ഇന്റേണല്‍ കമ്പസ്റ്റ്യന്‍ എന്‍ജിന്‍ ആന്‍ഡ് ടര്‍ബോ മെഷീനറി, മാനുഫാക്ചറിങ് സിസ്റ്റം മാനേജമെന്റ്, അഡ്വാന്‍സ്ഡ് മാനുഫാക്ച്ചറിങ് ആന്‍ഡ് മെക്കാനിക്കല്‍ സിസ്റ്റം, എനര്‍ജി മാനേജ്മന്റ്, എനര്‍ജി സിസ്റ്റം അനാലിസിസ് ആന്‍ഡ് ഡിസൈന്‍, ഇന്‍ഡസ്ട്രിയല്‍ റെഫ്രിജറേഷന്‍ ആന്‍ഡ് ക്രയോജെനിക്‌സ്, കമ്പ്യൂട്ടര്‍ ഇന്റഗ്രേറ്റഡ് മാനുഫാക്ച്‌റിങ്, എന്‍വയോണ്‍മെന്റല്‍, പ്രൊഡക്ഷന്‍, മെറ്റീരിയല്‍ സയന്‍സ് ആന്‍ഡ് ടെക്‌നോളജി, മറൈന്‍ ആര്‍മെമന്റ് ആന്‍ഡ് കോംപാക്ട് വെഹിക്കിള്‍ തുടങ്ങിയവയില്‍ ഉപരിപഠനത്തിനവസരമുണ്ട്.

ഇലക്ട്രിക്കല്‍
എന്‍ജിനീയറിങ്

വൈദ്യുതിയുമായി ബന്ധപ്പെട്ട ഉപകരണങ്ങള്‍, യന്ത്രങ്ങള്‍, സിസ്റ്റങ്ങള്‍ എന്നിവയുടെ രൂപകല്‍പന, നിര്‍മാണം, പ്രവര്‍ത്തനം എന്നിവയുമായി ബന്ധപ്പെട്ടാണ് ഇലക്ട്രിക്കല്‍ എഞ്ചിനീയര്‍മാരുടെ പ്രവര്‍ത്തനമുണ്ടാവുക. വൈദ്യുതിയുടെ ഉദ്പാദനം, പ്രസരണം, വിതരണം, ഉപയോഗം, പ്രൊട്ടക്ഷന്‍ എന്നിവയില്‍ ഇലക്ട്രിക്കല്‍ എഞ്ചിനീയര്‍മാര്‍ക്ക് പ്രധാന ദൗത്യമുണ്ടാവുംബി.ടെക് കഴിഞ്ഞു പവര്‍ ഇലക്ട്രോണിക്‌സ്, ഇലക്ട്രിക് മെഷീന്‍സ്, പവര്‍ സിസ്റ്റം, കണ്‍ട്രോള്‍ സിസ്റ്റം, ഗൈഡന്‍സ് ആന്റ് നാവിഗേഷന്‍ കണ്‍ട്രോള്‍, സിഗ്‌നല്‍ പ്രോസസിംഗ്, മൈക്രോവേവ് ആന്‍ഡ് ടെലിവിഷന്‍, മൈക്രോ ആന്‍ഡ് നാനോ ഇലക്ട്രോണിക്‌സ്, റോബോട്ടിക്‌സ് ആന്‍ഡ് ഓട്ടോമേഷന്‍, ആര്‍ട്ടിഫിഷ്യന്‍ ഇന്റലിജന്‍സ്, കമ്പ്യൂട്ടര്‍ സയന്‍സ്, ഇന്‍ഫോര്‍മേഷന്‍ സെക്യൂരിറ്റി, ഇന്‍ഡസ്ട്രിയല്‍ ഡ്രൈവ്‌സ് ആന്‍ഡ് കണ്‍ട്രോള്‍, വി.എല്‍.എസ്.ഐ ആന്‍ഡ് എംബെഡഡ് സിസ്റ്റം, കമ്യൂണിക്കേഷന്‍ എന്‍ജിനീയറിങ് ആന്‍ഡ് സിഗ്‌നല്‍ പ്രോസസ്സിംഗ്, നെറ്റ് വര്‍ക്ക് എന്‍ജിനീയറിങ്, റോബോട്ടിക്‌സ്, കമ്മ്യൂണിക്കേഷന്‍ എഞ്ചിനീയിറിംഗ് ആന്‍ഡ് സിഗ്‌നല്‍ പ്രോസസ്സിംഗ്, ബയോമെഡിക്കല്‍, വയര്‍ലെസ്സ് ടെക്‌നോളജി, ഗൈഡഡ് മിസൈല്‍സ്, റിനീവബിള്‍ എനര്‍ജി തുടങ്ങിയവയില്‍ എം.ടെക് പഠിക്കാനവസരമുണ്ട്.

Continue Reading

Career

career chandrika: എഞ്ചിനീയറിങ് സ്ഥാപനവും കോഴ്‌സും തിരഞ്ഞെടുക്കുന്നതിന് മുമ്പ്

കേരള എഞ്ചിനീയറിങ് പ്രവേശന പരീക്ഷാ റാങ്കിലിസ്റ്റ് പുറത്തിറങ്ങാനും അനുബന്ധ നടപടികള്‍ക്കുമായുള്ള സമയം സമാഗതമായിക്കൊണ്ടിരിക്കുന്ന ഈ വേളയില്‍ എഞ്ചിനീയയിറിങ് കോളജുകളും ബ്രാഞ്ചുകളും തിരഞ്ഞെടുക്കുന്നത് സംബന്ധിച്ച് വലിയ ആശയക്കുഴപ്പം വിദ്യാര്‍ഥികളില്‍ വളരെ സ്വാഭാവികമാണല്ലോ? കോളേജ്, ബ്രാഞ്ച് സെലക്ഷനുമായി ബന്ധപ്പെട്ട ശ്രദ്ധിക്കേണ്ട ചില വിവരങ്ങള്‍ പങ്കുവെക്കാം

Published

on

കേരള എഞ്ചിനീയറിങ് പ്രവേശന പരീക്ഷാ റാങ്കിലിസ്റ്റ് പുറത്തിറങ്ങാനും അനുബന്ധ നടപടികള്‍ക്കുമായുള്ള സമയം സമാഗതമായിക്കൊണ്ടിരിക്കുന്ന ഈ വേളയില്‍ എഞ്ചിനീയയിറിങ് കോളജുകളും ബ്രാഞ്ചുകളും തിരഞ്ഞെടുക്കുന്നത് സംബന്ധിച്ച് വലിയ ആശയക്കുഴപ്പം വിദ്യാര്‍ഥികളില്‍ വളരെ സ്വാഭാവികമാണല്ലോ? കോളേജ്, ബ്രാഞ്ച് സെലക്ഷനുമായി ബന്ധപ്പെട്ട ശ്രദ്ധിക്കേണ്ട ചില വിവരങ്ങള്‍ പങ്കുവെക്കാം.

സ്ഥാപനങ്ങള്‍ പ്രധാനം

തിരഞ്ഞെടുക്കുന്ന എഞ്ചിനീയറിങ് ബ്രാഞ്ച് ഏതായാലൂം മികച്ച സ്ഥാപനം തിരഞ്ഞെടുക്കുക എന്നത് പ്രധാനമാണ്. ഒരേ ബ്രാഞ്ച് തന്നെ മികച്ച സ്ഥാപനങ്ങളിലും മറ്റുള്ളയിടത്തും പഠിപ്പിക്കപ്പെടുന്നത് ഒരേ വിഷയങ്ങളാണെങ്കിലും നിലവാരത്തില്‍ നല്ല വ്യത്യാസങ്ങളുണ്ടാവും. ശ്രേഷ്ടമായ പഠന സൗകര്യങ്ങള്‍, യോഗ്യതയും അനുഭവസമ്പത്തുമുള്ള അധ്യാപകര്‍, മിടുക്കരായ കുട്ടികളുടെ സാന്നിധ്യം, വ്യാവസായിക മേഖലയുമായി ബന്ധപ്പെടാനുള്ള അവസരം, പ്ലെയ്‌സ്‌മെന്റ് സാധ്യതകള്‍, വിജയശതമാനം എന്നിവയൊക്കെ മികച്ച കോളേജുകളെ വ്യത്യസ്തമാക്കുന്നു.

സര്‍ക്കാര്‍, എയിഡഡ് മേഖലയിലെ കോളേജുകള്‍ സാമാന്യം നിലവാരം പുലര്‍ത്തുന്നതായി കാണാം. സ്വാശ്രയ മേഖലയിലും നിലവാരമുള്ള ചില സ്ഥാപനങ്ങളുണ്ട്. മുന്‍ വര്‍ഷങ്ങളിലെ വിജയനിരക്ക്, ഉന്നത റാങ്ക് നേടിയവര്‍ സാധാരണ തിരഞ്ഞെടുക്കാറുള്ള സ്ഥാപനങ്ങള്‍ എന്നിവക്ക് പരിഗണന നല്‍കാം. നാഷണ ല്‍ ബോര്‍ഡ് ഓഫ് അക്രെഡിറ്റേഷനുള്ള (എന്‍. ബി.എ) കോഴ്‌സുകള്‍ തിരഞ്ഞെടുക്കാന്‍ പറ്റിയാല്‍ നന്നായിരിക്കും. ഒരേ സ്ഥാപനത്തിലെ എല്ലാ കോഴ്‌സുകള്‍ക്കും എന്‍. ബി.എ അക്രെഡിറ്റേഷനുണ്ടാവണമെന്നില്ല എന്നത് ഓര്‍ക്കണം.

ബ്രാഞ്ചുകള്‍ ജാഗ്രതയോടെ തിരഞ്ഞെടുക്കാം

തീരുമാനമെടുക്കുന്നതിന് മുമ്പായി വിവിധ എന്‍ജിനീയറിങ് ബ്രാഞ്ചുകളെക്കുറിച്ച് വ്യക്തമായ ധാരണ സൃഷ്ടിച്ചെടുക്കേണ്ടത് അത്യാവശ്യമാണ്. ഓരോ ബ്രാഞ്ചുകളിലും പഠിക്കാനുള്ള വിഷയങ്ങള്‍, പഠിച്ചു കഴിഞ്ഞാലുള്ള ഉപരിപഠന, തൊഴില്‍ സാധ്യതകള്‍ എന്നിവ മനസ്സിലാക്കണം. വിവിധ ശാഖകള്‍ തിരഞ്ഞെടുത്താല്‍ പഠിക്കാനുള്ള വിഷങ്ങളേതെല്ലാമാണെന്നറിയാന്‍ കേരള സാങ്കേതിക സര്‍വകലാശാലയുടെ വെബ്‌സൈറ്റില്‍ കൊടുത്തിട്ടുള്ള സിലബസ് പരിശോധിക്കാം. അവരവര്‍ക്ക് സങ്കീര്‍ണത അനുഭവപ്പെടുന്നതും ഒട്ടും താല്പര്യമില്ലാത്തതുമായ വിഷയങ്ങള്‍ കൂടുതലുള്ള ബ്രാഞ്ചുകള്‍ ജാഗ്രതയോടെ മാത്രമേ തിരഞ്ഞെടുക്കാവൂ.

ഉദാഹരണമായി ഇപ്പോഴത്തെ ട്രെന്‍ഡനുസരിച്ച് കമ്പ്യൂട്ടര്‍ സയന്‍സ് ബ്രാഞ്ചിന് കുട്ടികള്‍ക്കിടയില്‍ വലിയ പ്രിയം കാണുന്നുണ്ട്. ഐ.ടി അനുബന്ധ മേഖലകളില്‍ ഉണ്ടായിക്കൊണ്ടിരിക്കുന്ന മികച്ച തൊഴില്‍ സാധ്യതകള്‍ മുന്നില്‍ കണ്ട് ഇത്തരമൊരു തീരുമാനമെടുക്കുന്നതില്‍ തെറ്റില്ല. എന്നാല്‍ കമ്പ്യൂട്ടര്‍ സയന്‍സ് ബ്രാഞ്ച് എല്ലാവര്‍ക്കും അനുയോജ്യമായിരിക്കണമെന്നില്ല എന്നതോര്‍ക്കണം. അല്‍ഗോരിതം, പ്രോഗ്രാമിങ് എന്നിവയിലഭിരുചിയില്ലാത്തവര്‍ കേവലമായ ട്രെന്‍ഡ് മാത്രം നോക്കി കമ്പ്യൂട്ടര്‍ സയന്‍സ് ബ്രാഞ്ച് തിരഞ്ഞെടുത്താല്‍ പ്രയാസപ്പെടാനിടയുണ്ട്.

സിവില്‍, മെക്കാനിക്കല്‍, ഇലക്ട്രിക്കല്‍, കമ്പ്യൂട്ടര്‍ സയന്‍സ് എന്നിവയെ പൊതുവായി കോര്‍ ബ്രാഞ്ചുകളെന്ന് പറയാം. പ്രത്യേക അഭിരുചി നിര്ണയിച്ചിട്ടില്ലെങ്കില്‍ നല്ല സ്ഥാപനങ്ങളില്‍ കോര്‍ ബ്രാഞ്ചുകള്‍ക്ക് പ്രഥമ പരിഗണന നല്‍കുന്നതിന് പരിഗണിക്കാം. കൂടാതെ സര്‍ക്യൂട്ട് ബ്രാഞ്ചുകള്‍, നോണ്‍ സര്‍ക്യൂട്ട് ബ്രാഞ്ചുകള്‍ എന്നിങ്ങനെയുള്ള വിഭജനം കൂടി അറിയുന്നത് നല്ലതാണ്. കമ്പ്യൂട്ടര്‍ സയന്‍സ്, ഇലക്ട്രോണിക്‌സ്, ഇലക്ട്രിക്കല്‍, ഐടി എന്നിവയെ സര്‍ക്യൂട്ട് ബ്രാഞ്ചുകളെന്ന് വിശേഷിപ്പിക്കാം. സര്‍ക്യൂട്ട് ബ്രാഞ്ചുകള്‍ തിരഞ്ഞെടുക്കുന്നവര്‍ക്ക് ആവശ്യമായ സ്‌കില്ലുകള്‍ കൂടി ആര്‍ജ്ജിച്ചെടുക്കാനായാല്‍ സോഫ്റ്റ് വെയര്‍, അനുബന്ധ മേഖലകളില്‍ ജോലി ലഭിക്കാന്‍ താരതമ്യേന സാധ്യത കൂടുതലാണ്.

നൂറ്റി അമ്പത്തിനടുത്ത സ്ഥാപനങ്ങളിലായി നാല്പതോളം ബ്രാഞ്ചുകളിലാണ് കേരളത്തില്‍ എന്‍ജിനീയറിങ് പഠനാവസരമുള്ളത്. പ്രധാന ബ്രാഞ്ചുകള്‍ക്ക് പുറമെ ചുരുക്കം കോളേജുകളില്‍ മാത്രം പഠനാവസരമുള്ള ഇലക്ട്രോണിക്‌സ് ആന്‍ഡ് കമ്പ്യൂട്ടര്‍ എന്‍ജിനീയറിങ്, പോളിമര്‍ എന്‍ജിനീയറിങ്, പ്രൊഡക്ഷന്‍ എന്‍ജിനീയറിങ്, മെറ്റലര്‍ജിക്കല്‍ ആന്‍ഡ് മെറ്റീരിയല്‍ എന്‍ജിനീയറിങ്, ഇന്ഡസ്സ്ട്രിയല്‍ എന്‍ജിനീയറിങ്, ബ്ലോക്ക് ചെയിന്‍, പ്രിന്റിങ് ടെക്‌നോളജി എന്നിങ്ങനെയുള്ള ബ്രാഞ്ചുകളും നിലവിലുണ്ട്.പുതുകാലത്ത് ഏറെ ചര്‍ച്ച ചെയ്യപ്പെടുന്ന ആര്‍ട്ടിഫിഷ്യല്‍ ഇന്റലിജന്‍സ്, ഡാറ്റ സയന്‍സ്, മെഷീന്‍ ലേര്‍ണിംഗ്, സൈബര്‍ സെക്യൂരിറ്റി, റോബോട്ടിക്‌സ്, മെക്കാട്രോണിക്‌സ് എന്നിവയും പഠിക്കാന്‍ അവസരങ്ങളുണ്ടെങ്കിലും വളരെ ശ്രദ്ധയോടെ മാത്രമേ ബിരുദ തലത്തിലിവ തിരഞ്ഞെടുക്കാവൂ. പഠിക്കാനുദ്ദേശിക്കുന്ന സ്ഥാപനത്തില്‍ ഇത്തരം വിഷയങ്ങള്‍ പഠിപ്പിക്കാന്‍ മികവുള്ള അധ്യാപകരും മറ്റു സൗകര്യങ്ങളും നിലവിലുണ്ടോ എന്നത് പരിശോധിക്കാതെ തീരുമാനങ്ങളെടുത്താല്‍ പിന്നീട് പ്രയാസപ്പെടാനിടയുണ്ട്. ഇത്തരം കോഴ്‌സുകളില്‍ ഏതിലെങ്കിലും പ്രത്യേകിച്ച് സ്‌പെഷ്യലൈസ് ചെയ്യാതെ പിന്നീട് ഇത്തരം സ്‌കില്ലുകള്‍ പഠിക്കാന്‍ അടിസ്ഥാനമൊരുക്കുന്ന പൊതുസ്വാഭാവമുള്ള പരമ്പരാഗത കോഴ്‌സുകള്‍ ബിരുദത്തിന് തിരഞ്ഞെടുക്കുന്നതും ആലോചിക്കാവുന്നതാണ്. അങ്ങനെ തെരെഞ്ഞെടുക്കുന്ന പക്ഷം ബിരുദ പഠനശേഷം കുറേക്കൂടി വൈവിധ്യമാര്‍ന്ന ഓപ്ഷനുകള്‍ തിരഞ്ഞെടുക്കാനുള്ള അവസരങ്ങളുണ്ടാവും.

Continue Reading

Trending