സെബി ചെയര് പേഴ്സണ് മാധബി പുരി ബുച്ചിനെതിരെ കൂടുതല് തെളിവുകള് നിരത്തി ഹിന്ഡന്ബര്ഗ്. അദാനി ഗ്രൂപ്പ് ചെയര്മാന് ഗൗതം അദാനിയുടെ മൂത്തസഹോദരനും ശതകോടീശ്വരനുമായ വിനോദ് അദാനിക്ക് ബന്ധമുള്ള ബര്മുഡയിലെയും മൗറീഷ്യസിലെയും നിഗൂഢമായ നിഴല്കമ്പനികളില് മാധബി ബുച്ചിനും ഭര്ത്താവ് ധാവല് ബുച്ചിനും പങ്കാളിത്തമുണ്ടെന്ന് ഹിന്ഡന്ബര്ഗ് കണ്ടെത്തിയിരുന്നു. സെബി അംഗമായപ്പോള് മാധബി ബുച്ച് ഭര്ത്താവിന്റെ പേരിലേക്ക് മാറ്റിയത് സിംഗപ്പൂര് കമ്പനിയുടെ ഓഹരി മാത്രമാണെന്നും ഇന്ത്യയുടെ ഓഹരികള് അവര് നിലനിര്ത്തിയെന്നും ഹിന്ഡന്ബര്ഗിന്റെ പുതിയ റിപ്പോര്ട്ടില് പറയുന്നു.