india
കോവിഡ് പ്രതിസന്ധിക്കിടെ എച്ച്.ഐ.വി കുറയുന്നു
ലോകാരോഗ്യ സംഘടനയിലെ വിദഗ്ദ്ധര് 1987 ലാണ് എയ്ഡ്സ് ദിനാചരണം എന്ന ആശയം മുന്നോട്ടുവെച്ചത്. 1988 ഡിസംബര് ഒന്നിന് ആദ്യത്തെ ലോക എയ്ഡ്സ് ദിനം ആചരിക്കുകയുണ്ടായി. തുടര്ന്ന് ഓരോ വര്ഷവും രോഗം വരാതിരിക്കാനും കരുതല് നടപടിയും ഇത് ബാധിച്ചവര്ക്കുള്ള ചികിത്സയെ പറ്റിയും പൊതു സമൂഹത്തിന് അറിവ് നല്കിക്കൊണ്ട് ദിനാചരണം നടത്തി വരികയാണ്.
കോവിഡ് പ്രതിസന്ധിയിലൂടെ കടന്നുപോകുമ്പോഴും പുതുതായി എച്ച്ഐവി ബാധിക്കുന്നവരുടെ എണ്ണം കുറയുന്നതായി റിപ്പോര്ട്ട്. ലോക എയ്ഡ്സ് ദിനമായ ഇന്ന് ഏറെ ആശ്വാസം പകരുന്നതാണ് പുതിയ കണക്കുകള്. 2010ന് ശേഷം ഓരോ വര്ഷവും പുതുതായി എച്ച്ഐവി ബാധിക്കുന്നവരുടെ എണ്ണം 23 ശതമാനം കുറഞ്ഞെന്നാണ് ഐക്യരാഷ്ട്ര സംഘടന ഈയിടെ പുറത്തിറക്കിയ കണക്കുകള് വ്യക്തമാക്കുന്നത്.
2020 അവസാനം വരെയുള്ള കണക്കുകള് പ്രകാരം ലോകത്താകമാനം 3,80,00000 എച്ച്.ഐ.വി. ബാധിതരാണ് ഉള്ളത്. അതില് 3,60,00000 പേര് പ്രായപൂര്ത്തിയായവരും 18 ലക്ഷം പേര് പതിനാല് വയസ് വരെയുള്ള കുട്ടികളുമാണ്. 2019ല് മാത്രം 17 ലക്ഷം പേര്ക്ക് രോഗം ബാധിച്ചു. 6,90,000 പേരാണ് 2019ല് എച്ച്ഐവി ബാധിച്ച് മരിച്ചത്.
1981 മുതല് 2020 വരെയുള്ള കണക്കെടുത്താല് എച്ച്ഐവി അണുബാധയും എയ്ഡ്സ് മൂലമുള്ള മരണവും ഇന്ത്യയില് കുറഞ്ഞു. 2017ല് 87,590 പേര്ക്ക് പുതിയതായി എച്ച്ഐവി അണുബാധ ഉണ്ടായതായും 69,110 പേര് എയ്ഡ്സുമായി ബന്ധപ്പെട്ട് മരിച്ചതായും റിപ്പോര്ട്ടില് പറയുന്നുണ്ട്. കേരളത്തിലും പുതിയ എയ്ഡ്സ് ബാധിതരുടെ എണ്ണം കുറയുന്നതായി കണക്കുകള് ചൂണ്ടിക്കാട്ടുന്നു. എയ്ഡ്സിന് കാരണമാകുന്ന എച്ച്.ഐ.വി വൈറസ് ബാധിച്ചവര് ചിട്ടയായ മരുന്നും ആഹാരക്രമവും ജീവിതചര്യയും പാലിച്ചാല് ജീവിതം സുരക്ഷിതമാകുമെന്ന് ഡോക്ടര്മാര് വിലയിരുത്തുന്നു. ഭൂരിഭാഗം എയ്ഡ്സ് രോഗികളും യുവാക്കളാണ്. സുരക്ഷിതമല്ലാത്ത സ്വറസ് ബാധിച്ചവര് ചിട്ടയായ മരുന്നും ആഹാരക്രമവും ജീവിതചര്യയും പാലിച്ചാല് ജീവിതം സുരക്ഷിതമാകുമെന്ന് ഡോക്ടര്മാര് വിലയിരുത്തുന്നു. ഭൂരിഭാഗം എയ്ഡ്സ് രോഗികളും യുവാക്കളാണ്. സുരക്ഷിതമല്ലാത്ത സ്വവര്ഗ ബന്ധത്തിലേര്പ്പെടുന്നതാണ് പ്രധാന കാരണമെന്ന് പഠനങ്ങളില് പറയുന്നു.
എച്ച്.ഐ.വി. (ഹ്യുമന് ഇമ്മ്യൂണോ ഡിഫിഷ്യന്സി വൈറസ്) ബാധിച്ചതിന്റെ ഫലമായി മനുഷ്യന് രോഗ പ്രതിരോധശേഷി നഷ്ടപ്പെടുകയും തത്ഫലമായി മറ്റു മാരക രോഗങ്ങള് പിടിപെടുകയും ചെയ്യുന്ന അവസ്ഥയാണ് എയ്ഡ്സ് ആയി കണക്കാക്കുന്നത്. എയ്ഡ്സ് പകരുന്ന വഴികള്, പ്രതിരോധ മാര്ഗങ്ങള്, ചികിത്സ എന്നിവയെക്കുറിച്ച് അന്താരാഷ്ട്ര തലത്തില് പൊതുജനങ്ങളില് അവബോധം സൃഷ്ടിക്കുക, രോഗത്തെക്കുറിച്ചുള്ള തെറ്റിദ്ധാരണകള് നീക്കുക, എയ്ഡ്സിനെതിരായ പോരാട്ടത്തില് രാജ്യാന്തര സഹകരണം ഉറപ്പുവരുത്തുക എന്നിവ ലക്ഷ്യം വച്ചുകൊണ്ടാണ് ലോക എയ്ഡ്സ് ദിനം ആചരിക്കുന്നത്.
ലോകാരോഗ്യ സംഘടനയിലെ വിദഗ്ദ്ധര് 1987 ലാണ് എയ്ഡ്സ് ദിനാചരണം എന്ന ആശയം മുന്നോട്ടുവെച്ചത്. 1988 ഡിസംബര് ഒന്നിന് ആദ്യത്തെ ലോക എയ്ഡ്സ് ദിനം ആചരിക്കുകയുണ്ടായി. തുടര്ന്ന് ഓരോ വര്ഷവും രോഗം വരാതിരിക്കാനും കരുതല് നടപടിയും ഇത് ബാധിച്ചവര്ക്കുള്ള ചികിത്സയെ പറ്റിയും പൊതു സമൂഹത്തിന് അറിവ് നല്കിക്കൊണ്ട് ദിനാചരണം നടത്തി വരികയാണ്. കോവിഡിന്റെ ഭീതി ഏറെക്കുറെ ഭയപ്പെടുത്തിയതിനാല് എയിഡ്സ് പിടിപെടാതിരിക്കുന്നതിന് സഹായകമായതായി എയ്ഡ്സ് കണ്ട്രോള് സൊസൈറ്റിയുടെ ഒരു വക്താവ് അഭിപ്രായപ്പെട്ടു.
india
നൈജീരിയയിലെ സ്കൂളില് അതിക്രമം: 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയി
ശനിയാഴ്ച നടത്തിയ കണക്ക് പരിശോധിച്ചപ്പോള് 300-ല് അധികം കുട്ടികളെ കാണാനില്ലെന്നതാണ് സ്ഥിരീകരണം.
അബുജ: നൈജീരിയ വീണ്ടും സ്കൂള് തട്ടിക്കൊണ്ടുപോകല് സംഭവത്തിന്റെ നടുവില്. നൈഗര് നോര്ത്ത് സെന്ട്രിലെ സെന്റ് മേരീസ് കാത്തലിക് സ്കൂളില് വെള്ളിയാഴ്ച ആയുധധാരികള് അതിക്രമിച്ചുകയറി 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയതായി ക്രിസ്ഥാന അസോസിയേഷന് ഓഫ് നൈജീരിയ (CAN) അറിയിച്ചു. ആദ്യം 215 കുട്ടികളെയാണ് കാണാതായതായി റിപ്പോര്ട്ട് ചെയ്തിരുന്നത്. എന്നാല് ശനിയാഴ്ച നടത്തിയ കണക്ക് പരിശോധിച്ചപ്പോള് 300-ല് അധികം കുട്ടികളെ കാണാനില്ലെന്നതാണ് സ്ഥിരീകരണം.
CAN നൈജര് സ്റ്റേറ്റ് ചാപ്റ്റര് ചെയര്മാന് മോസ്റ്റ് റവറന്റ് ബുലസ് ഡൗവ യോഹന്ന സ്കൂള് സന്ദര്ശിച്ചശേഷമാണ് വിവരം സ്ഥിരീകരിച്ചത്. 10നും 18നും ഇടയില് പ്രായമുള്ള പെണ്കുട്ടികളും ആണ്കുട്ടികളുമാണ് തട്ടിക്കൊണ്ടുപോയത്. സംഭവത്തിനിടെ രക്ഷപ്പെടാന് ശ്രമിച്ച 88 കുട്ടികളെയും പ്രതികള് വീണ്ടും പിടികൂടിയതായി വിവരമുണ്ട്.
സംഭവത്തിനു 170 കിലോമീറ്റര് അകലെയുള്ള അയല് സംസ്ഥാനമായ കെബ്ബിയിലും സമാനമായ ആക്രമണം നടന്നിരുന്നു. അവിടെയുള്ള മാഗ പട്ടണത്തിലെ സെക്കന്ഡറി സ്കൂളില് തിങ്കളാഴ്ച നടന്ന ആക്രമണത്തില് 25 വിദ്യാര്ത്ഥികളെ തട്ടിക്കൊണ്ടുപോയിരുന്നു, ഇതില് ഒരാള് രക്ഷപ്പെട്ടെങ്കിലും 24 പേരെ ഇതുവരെ കണ്ടെത്താനായിട്ടില്ല.
അടിക്കടിയുള്ള ഇത്തരം ആക്രമണങ്ങള് സംസ്ഥാനത്ത് വന് സുരക്ഷാ ഭീഷണി സൃഷ്ടിക്കുന്നതായി അധികൃതര് വ്യക്തമാക്കി. കുട്ടികളെ കണ്ടെത്തുകയും സുരക്ഷിതമായി തിരികെ കൊണ്ടുവരാനായി പ്രാദേശിക സംഘങ്ങളെയും പ്രത്യേക സ്ക്വാഡുകളെയും വിന്യസിച്ചു. ആക്രമണത്തിനിടെ സ്കൂളിന്റെ വൈസ് പ്രിന്സിപ്പല് വെടിയേറ്റ് മരിക്കുകയും ചെയ്തു.
സംഭവത്തിന് ഇതുവരെ ആരും ഉത്തരവാദിത്തം ഏറ്റെടുത്തിട്ടില്ല. കുട്ടികളെ രക്ഷപ്പെടുത്താന് സര്ക്കാര്, സുരക്ഷാ ഏജന്സികള് എന്നിവരുമൊത്ത് സംയുക്ത പരിശ്രമം തുടരുകയാണെന്ന് അധികൃതര് അറിയിച്ചു.
india
ജമ്മുകശ്മീരില് മലയാളി സൈനികന് വീരമൃത്യു
സുരന്കോട്ടില് പെട്രോളിംഗ് നടത്തുന്നതിനിടെ കാല് വഴുതി കൊക്കയിലേക്ക് വീണതാണ് ദുരന്തത്തിന് കാരണമായത്.
ജമ്മുകശ്മീരിലെ പൂഞ്ചില് മലയാളി സൈനികന് വീരമൃത്യുവിന് കീഴടങ്ങി. മലപ്പുറം ഒതുക്കുങ്ങല് സ്വദേശിയും സൈന്യത്തില് 27 വര്ഷമായി സേവനമനുഷ്ഠിച്ചുവരികയുമായ സബ്േദാര് സജീഷ് കെ (47) നാണ് മരണം സംഭവിച്ചത്. സുരന്കോട്ടില് പെട്രോളിംഗ് നടത്തുന്നതിനിടെ കാല് വഴുതി കൊക്കയിലേക്ക് വീണതാണ് ദുരന്തത്തിന് കാരണമായത്.
ഇന്നലെ നടന്ന അപകടത്തെ തുടര്ന്ന് സജീഷിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നിയമനടപടികള് പൂര്ത്തിയാക്കിയ ശേഷം സൈന്യം ഭൗതികശരീരം കരിപ്പൂര് വിമാനത്താവളത്തിലെത്തിച്ചു.
നാളെ രാവിലെ നാട്ടില് പൊതുദര്ശനത്തിനു ശേഷം സംസ്കാരകര്മ്മങ്ങള് നടക്കും.
india
ഡല്ഹിയില് വന് ആയുധക്കടത്ത് സംഘം പിടിയില്
ചൈനയും തുര്ക്കിയും നിര്മ്മിച്ച തോക്കുകളും വെടിയുണ്ടകളും ഡ്രോണ് വഴി രാജ്യത്തേക്ക് കടത്തിയതാണെന്ന് പൊലീസ് സ്ഥിരീകരിച്ചു.
ന്യൂഡല്ഹി: വിദേശ നിര്മിത ആയുധങ്ങള് ഇന്ത്യയില് വിതരണം ചെയ്ത ആയുധക്കടത്ത് സംഘത്തെ ഡല്ഹി പൊലീസ് പിടികൂടി. ചൈനയും തുര്ക്കിയും നിര്മ്മിച്ച തോക്കുകളും വെടിയുണ്ടകളും ഡ്രോണ് വഴി രാജ്യത്തേക്ക് കടത്തിയതാണെന്ന് പൊലീസ് സ്ഥിരീകരിച്ചു. പാകിസ്താനിലെ ഇന്റര്-സര്വീസ് ഇന്റലിജന്സ് (ഐ.എസ്.ഐ.) ബന്ധം സംഘത്തിനുണ്ടെന്ന സംശയവും പൊലീസ് ഉന്നയിക്കുന്നു.
സംഘത്തിലെ നാലുപേരെയാണ് അറസ്റ്റ് ചെയ്തത്. പഞ്ചാബിലെ കൊടുംകുറ്റവാളി മന്ദീപ്, സംഘാംഗങ്ങളായ ഉത്തര്പ്രദേശ് സ്വദേശി രോഹന്, മോനു എന്നിവരാണ് പിടിയിലായത്. 10 വിദേശ തോക്കുകളും 92 വെടിയുണ്ടകളും ഇവരില് നിന്ന് പൊലീസ് പിടിച്ചെടുത്തു. കൊലക്കേസുകളില് പ്രതിയായ സോനു ഖത്രിയുടെ കൂട്ടാളിയാണ് മന്ദീപ് എന്നാണ് പൊലീസ് വ്യക്തമാക്കുന്നത്.
ഡ്രോണ് ഉപയോഗിച്ച് ആയുധങ്ങള് അതിര്ത്തിക്ക് സമീപമുള്ള നിശ്ചിത സ്ഥലങ്ങളില് ഇറക്കിവെക്കുകയും തുടര്ന്ന് സംഘം അത് ശേഖരിച്ചു രാജ്യത്തിന്റെ വിവിധ ഭാഗങ്ങളില് വിതരണം ചെയ്യുകയും ചെയ്തതായാണ് അന്വേഷണത്തില് കണ്ടെത്തിയത്. പിടിയിലാകാതിരിക്കാന് കാര്ബണ് പേപ്പറില് പൊതിഞ്ഞാണ് ആയുധങ്ങള് കടത്തിയതെന്ന് പൊലീസ് പറഞ്ഞു.
സംഘത്തിന്റെ മുഖ്യപ്രതിയായി ജസ്പ്രീത് അഥവാ ‘ജസ്സ’യെയാണ് പൊലീസ് തിരിച്ചറിഞ്ഞിരിക്കുന്നത്. അമേരിക്കയില് സ്ഥിരതാമസക്കാരനായ ഇയാള് പാകിസ്താനുമായി നേരിട്ട് ബന്ധപ്പെടുകയും അവിടെനിന്ന് പ്രവര്ത്തനങ്ങള് നിയന്ത്രിക്കുകയും ചെയ്യുന്നുവെന്നാണു സംശയം. പിടിയിലായവരുടെ മൊബൈല് ഫോണുകള്, ബാങ്ക് ഇടപാടുകള്, സോഷ്യല് മീഡിയ വിവരങ്ങള് എന്നിവ ശേഖരിച്ച് കൂടുതല് അന്വേഷണം തുടരുകയാണ്.
-
india1 day agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF1 day agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala1 day agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india1 day agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala2 days agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala1 day agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala23 hours agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
kerala2 days agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്