വൈദ്യുതി ബിൽ കുടിശ്ശിക ഒറ്റത്തവണ തീർപ്പാക്കൽ പദ്ധതിയുടെ പ്രോത്സാഹനാർത്ഥം ഉപഭോക്താക്കൾക്ക് ആകർഷകമായ സമ്മാന പദ്ധതി പ്രഖ്യാപിച്ച് കെ.എസ്.ഇ.ബി. വിതരണ വിഭാഗത്തിലെ ഓരോ ഇലക്ട്രിക്കൽ സർക്കിളിനു കീഴിലും പദ്ധതിയുടെ ഭാഗമാകുന്നവരിൽ നിന്നും പ്രത്യേക സോഫ്റ്റ് വെയറിൻ്റെ സഹായത്തോടെ നടത്തുന്ന നറുക്കെടുപ്പിലൂടെ തെരഞ്ഞെടുക്കപ്പെടുന്ന ഓരോ ഉപഭോക്താവിനാണ് സമ്മാനം ലഭിക്കുക.

ഡിസംബർ ആദ്യ വാരത്തിലും ജനുവരി ആദ്യ വാരത്തിലും നറുക്കെടുപ്പ് നടത്തും. പദ്ധതിയുടെ ഭാഗമായി ഒടുക്കിയ ആകെ പലിശ തുകയുടെ 4 ശതമാനം കണക്കാക്കി പരമാവധി 10,000 രൂപ വരെ സമ്മാനമായി നേടാം.മലബാർ ലൈവ്.2023 നവംബർ 30 വരെ പണമടച്ചവരിൽ നിന്നും ഡിസംബർ ആദ്യ വാരത്തിലും ഡിസംബർ മാസത്തിൽ പണമടച്ചവരിൽ നിന്നും 2024 ജനുവരി ആദ്യ വാരത്തിലും നറുക്കെടുപ്പിലൂടെ സമ്മാനാർഹരെ കണ്ടെത്തും.

ഒറ്റത്തവണ തീർപ്പാക്കൽ പദ്ധതിയുടെ ഭാഗമായി പരമാവധി തുക ശേഖരിച്ച കെ.എസ്.ഇ.ബി സെക്ഷൻ, സർക്കിൾ, എസ്.ഒ.ആർ ഓഫീസുകൾക്കായി പ്രത്യേക ഇൻസൻ്റീവ് സ്കീമും പ്രഖ്യാപിച്ചിട്ടുണ്ട്. രണ്ടു വർഷത്തിനു മുകളിൽ പഴക്കമുള്ള വൈദ്യുതി ബില്‍ കുടിശ്ശിക വമ്പിച്ച പലിശ ഇളവോടെ അനായാസം അടച്ചുതീര്‍ക്കാനുള്ള മാർഗ്ഗമാണ് ഒറ്റത്തവണ തീര്‍പ്പാക്കല്‍ പദ്ധതി. റെവന്യൂ റിക്കവറി നടപടികള്‍ പുരോഗമിക്കുന്നതോ കോടതി വ്യവഹാരത്തിലുള്ളതോ ആയ കുടിശ്ശികകളും ഈ പദ്ധതിയിലൂടെ തീര്‍പ്പാക്കാം.

15 വര്‍ഷത്തിന് മുകളിലുള്ള കുടിശ്ശികകള്‍ക്ക് 4% അഞ്ചു മുതല്‍ 15 വര്‍ഷം വരെ പഴക്കമുള്ള കുടിശ്ശികകള്‍ക്ക് 5% രണ്ടു മുതല്‍ അഞ്ച് വര്‍ഷം വരെ പഴക്കമുള്ള കുടിശ്ശികകള്‍ക്ക് 6% എന്നിങ്ങനെയാണ് പലിശനിരക്ക്. പലിശ തുക 6 തവണകളായി അടയ്ക്കാനും അവസരമുണ്ട്. മുഴുവന്‍ വൈദ്യുതി കുടിശ്ശികയും പലിശയുള്‍പ്പെടെ ഒറ്റത്തവണയായി തീര്‍പ്പാക്കിയാല്‍ ആകെ പലിശ തുകയില്‍ 2% അധിക ഇളവും ലഭിക്കും. ലോ ടെന്‍ഷന്‍ ഉപഭോക്താക്കള്‍ക്ക് അതത് സെക്ഷന്‍ ഓഫീസിലും ഹൈ ടെന്‍ഷന്‍ ഉപഭോക്താക്കള്‍ക്ക് സ്‌പെഷ്യല്‍ ഓഫീസര്‍ റെവന്യൂ കാര്യാലയത്തിലുമാണ് ഈ സേവനം ലഭ്യമാവുക.

സംസ്ഥാനത്ത് സ്വർണവിലയിൽ നേരിയ വർധന. ഇന്ന് ഗ്രാമിന് 25 രൂപ വർധിച്ചു. ഇതോടെ ഒരു ഗ്രാം സ്വർണത്തിന് വില 5735 രൂപയായി. ഒരു പവൻ സ്വർണത്തിന് വില 45,880 രൂപയാണ്. 18 കാരറ്റിന്റെ ഒരു ഗ്രാം സ്വർണത്തിന് വില 20 രൂപ വർധിച്ച് 4755 രൂപയിലെത്തി.

ഇന്നലെയും സ്വർണവിലയിൽ നേരിയ വർധന രേഖപ്പെടുത്തിയിരുന്നു. ഇന്നലെ ഒരു ഗ്രാം സ്വർണത്തിന് വില 25 രൂപ വർധിച്ച് 5710 രൂപയാണ് വർധിച്ചത്. പവന് 45680 രൂപയുമായിരുന്നു.

ഒക്ടോബർ 28ന് സ്വർണവില റെക്കോർഡിലെത്തിയിരുന്നു. ഒരു ഗ്രാം സ്വർണത്തിന് 5740 രൂപയും പവന് 45920 രൂപയുമായിരുന്നു അന്ന് സ്വർണവില.

ദുബൈ: യുഎഇയിലുടനീളമുള്ള വാര്‍ഷിക ഷോപ്പിംഗ് ബൊനാന്‍സയായ സൂപര്‍ ഫ്രൈഡേ ലുലു ഹൈപര്‍ മാര്‍ക്കറ്റുകളില്‍ പ്രഖ്യാപിച്ചു. 70% വരെ കിഴിവോടെ ഇലക്ട്രോണിക്‌സ്, ഫാഷന്‍, മൊബൈല്‍ ഫോണുകള്‍, വീട്ടുപകരണങ്ങള്‍, പലചരക്ക് സാധനങ്ങള്‍, പുത്തന്‍ ഉല്‍പന്നങ്ങള്‍, ലഗേജ് ഐറ്റംസ്, കളിപ്പാട്ടങ്ങള്‍, മിഠായികള്‍ എന്നിവയും മറ്റും വാങ്ങുന്നവര്‍ക്ക് ഏറെ ആകര്‍ഷകമാണിത്. ദുബായ്, അബുദാബി, ഷാര്‍ജ, അല്‍ ഐന്‍ എന്നിവയുള്‍പ്പെടെ വിവിധ സ്ഥലങ്ങളിലെ ലുലു ഹൈപര്‍ മാര്‍ക്കറ്റുകളില്‍ ഗംഭീരമായ ഉദ്ഘാടനത്തോടെയാണ് ഏറെ പ്രതീക്ഷയോടെ കാത്തിരുന്ന ഷോപ്പിംഗ് ഫെസ്റ്റിവലിന് തുടക്കമായത്.

ഖിസൈസ് ലുലുവിലെ ഉദ്ഘാടനം ഇമാറാത്തി നടന്‍ അഹ്മദ് സെയ്ഫ് നിര്‍വഹിച്ചു. അബുദാബി അല്‍ വഹ്ദ മാളില്‍ നടന്ന ചടങ്ങില്‍ ഇമാറാത്തി ഇന്‍ഫ്‌ളുവന്‍സര്‍ അമ്മാനി അല്‍ ഷിഹി ഉദ്ഘാടനം ചെയ്തു. ഷാര്‍ജ ലുലുവിലെ ചടങ്ങില്‍ ആര്‍.ജെയും നടിയും ഇന്‍ഫ്‌ളുവന്‍സറുമായ മീരാ നന്ദന്‍ ഉദ്ഘാടനം ചെയ്തു.
അല്‍ ഐനില്‍ ചലച്ചിത്ര താരം അനാര്‍കലി മരിക്കാര്‍ ആണ് ഉദ്ഘാടനം നിര്‍വഹിച്ചത്. ലുലു മാനേജ്‌മെന്റ് ടീമും മറ്റു പ്രമുഖരും ചടങ്ങില്‍ സന്നിഹിതരായിരുന്നു.

ലുലു എമിറേറ്റ്‌സ് എന്‍ബിഡി 247 ക്രെഡിറ്റ് കാര്‍ഡുകള്‍ ഉപയോഗിക്കുമ്പോള്‍ ഷോപര്‍മാര്‍ക്ക് 20% അധിക കിഴിവ് ആസ്വദിക്കാം. കൂടാതെ, ലുലു പോയിന്റുകളില്‍ 7% വരെ നേടാം. നവംബര്‍ 24 മുതല്‍ 26 വരെ എക്‌സ്‌ക്‌ളൂസീവ് ഓണ്‍ലൈന്‍ ഓഫറുകളോടെ കോംപ്‌ളിമെന്ററി ഡെലിവറിയില്‍ നിന്ന് പ്രയോജനം നേടാം.
സൂപര്‍ ഫ്രൈഡേ ഓഫറുകള്‍ നവംബര്‍ 29 വരെ ലഭ്യമാണ്. ഇത് എല്ലാ ലുലു സ്റ്റോറുകളിലുമുണ്ടാകും. ഓണ്‍ലൈന്‍ ഷോപ്പിംഗ് പോര്‍ട്ടലായ
www.luluhypermarket.com വഴി ആക്‌സസ് ചെയ്യാനും കഴിയും. ഉയര്‍ന്ന നിലവാരമുള്ള ഉല്‍പന്നങ്ങള്‍ക്ക് അസാധാരണമായ കിഴിവുകള്‍ ലഭിക്കുന്നുവെന്നും ബന്ധപ്പെട്ടവര്‍ പറഞ്ഞു.