Connect with us

Culture

കേരളത്തില്‍ 4 ദിവസത്തേക്ക് തണുപ്പ് കൂടും; കോട്ടയത്ത് കൂടുതല്‍ തണുപ്പ്

Published

on

ഉത്തരേന്ത്യയിലെ അതിശൈത്യം കേരളത്തിലേക്കും നേരിയ തോതില്‍ വ്യാപിക്കുന്നു. ഏറ്റവും പുതിയ കാലാവസ്ഥാ സാഹചര്യം വിലയിരുത്തുമ്പോള്‍ അടുത്ത 4 ദിവസത്തേക്ക് കേരളത്തില്‍ രാത്രി തണുപ്പുകൂടുമെന്ന് കേരള വെതര്‍. ഇന്‍ നിരീക്ഷിക്കുന്നു. ഈമാസം 7 വരെ കേരളത്തില്‍ വരണ്ട കാലാവസ്ഥയായിരിക്കും. കേരളതീരത്തോട് ചേര്‍ന്ന് കിഴക്കന്‍ മധ്യ അറബിക്കടലില്‍ ട്രഫ് രൂപപ്പെട്ടതിനാല്‍ അറബിക്കടലില്‍ നിന്ന് ഈര്‍പ്പം കൂടിയ കാറ്റ് കേരളത്തിലേക്ക് പ്രവേശിക്കാത്തതിനാല്‍ മഴക്ക് സാധ്യയില്ല. എന്നാല്‍ തമിഴ്‌നാട്ടില്‍ നാളെ കൂടി ഒറ്റപ്പെട്ട മഴ തുടരും.

തണുപ്പിന് കാരണം

കഴിഞ്ഞ ഡിസംബര്‍ 29 ന് ഞങ്ങളുടെ പോസ്റ്റില്‍ 31 മുതല്‍ കേരളത്തില്‍ വരണ്ട കാലാവസ്ഥ തുടരുമെന്നും നാലു ദിവസത്തേക്ക് തണുപ്പു കൂടുമെന്നും വ്യക്തമാക്കിയിരുന്നു. ഉത്തരേന്ത്യയില്‍ കഴിഞ്ഞ 10 ദിവസമായി റെക്കോര്‍ഡ് തണുപ്പാണ് അനുഭവപ്പെടുന്നത്. 50 വര്‍ഷത്തെ ഏറ്റവും കൂടിയ മൂന്നാമത്തെ ശൈത്യകാലമാണ് ഉത്തരേന്ത്യയിലേതെന്ന് കേന്ദ്ര കാലാവസ്ഥാ വകുപ്പ് പറയുന്നു.

പുതിയ സാഹചര്യം എന്ത്

വടക്കന്‍ അഫ്ഗാനിസ്ഥ്‌നു മുകളില്‍ 3.1 കി.മി ഉയരത്തിലായും വടക്കന്‍ പാകിസ്താനും ജമ്മു കശ്മിരിനും സമീപത്തായി 5.8 കി.മി ഉയരത്തിലുമായി രണ്ട് പശ്ചിമവാതം രൂപപ്പെട്ടിട്ടുണ്ട്. മെഡിറ്റേറിയന്‍ കടലില്‍ നിന്നുള്ള കാറ്റാണ് പശ്ചിമവാതം. തുര്‍ക്കിവഴിയെത്തുന്ന ഹിമക്കാറ്റ് ഗുജറാത്ത്, രാജസ്ഥാന്‍, പഞ്ചാബ് വഴി ഉത്തരേന്ത്യയിലേക്ക് വീശുന്നതാണ് കൊടുംശൈത്യത്തിന് കാരണം.

കേരളത്തില്‍ കഴിഞ്ഞ ദിവസം വരെ ഈ കാറ്റ് ദക്ഷിണേന്ത്യയിലേക്ക് നീങ്ങി യിരുന്നില്ല. എന്നാല്‍ ഇപ്പോള്‍ വടക്കുകിഴക്ക് ദിശയില്‍ നിന്നുള്ള കാറ്റ് വടക്കന്‍ തമിഴ്‌നാട് വഴി കേരളത്തിലേക്ക് വീശുന്നുണ്ട്. തമിഴ്‌നാട് വഴിയാണ് എത്തുന്നതെന്നതിനാല്‍ കൂടുതല്‍ ശൈത്യം അനുഭവപ്പെടുക തമിഴ്‌നാട്ടിലാകും. ബംഗളൂരു, ഊട്ടി, കൊടൈക്കനാല്‍, ആന്ധ്രാപ്രദേശ്, വടക്കന്‍ തമിഴ്‌നാട് എന്നിവിടങ്ങളില്‍ നോര്‍മലില്‍ നിന്ന് നാലു ഡിഗ്രിവരെ രാത്രി താപനില കുറയാം. എന്നാല്‍ കേരളത്തില്‍ ഈ സീസണിലെ സാധാരണ താപനിലയില്‍ നിന്ന് പരമാവധി രണ്ടു ഡിഗ്രിവരെ മാത്രമേ തണുപ്പ് കുറയാന്‍ സാധ്യതയുള്ളൂ.

കോട്ടയത്ത് രാത്രി താപനില സാധാരണയില്‍ നിന്ന് 2.9 ഡിഗ്രി കുറഞ്ഞ് ഇന്നലെ 19.2 ഡിഗ്രി കുറഞ്ഞ താപനില രേഖപ്പെടുത്തി. കരിപ്പൂരില്‍ 1.2 ഉം തിരുവനന്തപുരത്ത് 1.6 ഉം ഡിഗ്രി താപനില കുറഞ്ഞു. കൊച്ചിയില്‍ 23 ഡിഗ്രിയും കോഴിക്കോട്ട് 22.8 ഡിഗ്രിയുമായിരുന്നു രാത്രി താപനില.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending