Video Stories
കാലവര്ഷം 29ന് എത്തുമെന്ന് പ്രവചനം, അപകടകരമായ ചുഴലിക്കാറ്റിന് സാധ്യതയെന്ന് കാലാവസ്ഥാ കേന്ദ്രം
സ്വന്തം ലേഖകന്
തിരുവനന്തപുരം
സംസ്ഥാനത്ത് ഈമാസം 29ഓടെ കാലവര്ഷം എത്തുമെന്ന് കാലാവസ്ഥാ കേന്ദ്രം. ഇതിനും രണ്ടു ദിവസം മുമ്പേ എത്താമെന്ന് ചില നിരീക്ഷകരും പറയുന്നു. ശ്രീലങ്കയില് ഇന്നുമുതല് കാലവര്ഷം ആരംഭിക്കും. കേരളത്തില് ഇത്തവണ കാലവര്ഷം നേരത്തേയെത്തുമെന്ന് പ്രവചനമുണ്ടായിരുന്നു. കന്യാകുമാരി തീരത്തു രൂപമെടുക്കുന്ന ന്യൂനമര്ദമാകും ഈ വര്ഷത്തെ മണ്സൂണിന്റെ ഗതി നിര്ണയിക്കുന്നത്.
അതേസമയം അറബിക്കടലില് വീണ്ടും ചുഴലിക്കാറ്റ് രൂപം കൊള്ളുന്നതിനാല് ലക്ഷദ്വീപ് ഭാഗത്തേക്ക് മീന് പിടിക്കാന് പോകരുതെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ‘സാഗര്’ ചുഴലിക്കാറ്റിന് പിന്നാലെയാണ് അപകടകരമായ മറ്റൊരു ചുഴലിക്കാറ്റു കൂടി രൂപം കൊള്ളുന്നത്. ന്യൂനമര്ദ്ദം ഇന്ത്യന് തീരത്തുനിന്ന് നീങ്ങിപ്പോകുന്നതിനാല് ഇവിടെ കാലാവസ്ഥയില് പ്രത്യേക മാറ്റങ്ങള് അധികൃതര് പ്രവചിക്കുന്നില്ല. ഞായറാഴ്ച രാവിലെ ലക്ഷദ്വീപിന് വടക്കായി രൂപംകൊണ്ട ന്യൂനമര്ദ്ദം ശക്തിപ്രാപിച്ച് അഞ്ചുദിവസത്തിനകം ചുഴലിക്കാറ്റായി ദക്ഷിണ ഒമാന് വടക്കന് യെമന് തീരത്തേക്ക് നീങ്ങും. തെക്കേ അറബിക്കടലില് കാറ്റിന് 65 കിലോമീറ്റര്വരെ വേഗമുണ്ടാകും. അതിനാല് 21 മുതല് 23 വരെ ലക്ഷദ്വീപ് ഭാഗത്തേക്ക് മീന്പിടിക്കാന് പോകരുതെന്നാണ് നിര്ദ്ദേശം. ന്യൂനമര്ദ്ദം ഇപ്പോള് ലക്ഷദ്വീപിന്റെ പരിസരത്തായതിനാല് അവിടെ ശക്തമായ കാറ്റിന് സാധ്യതയുണ്ട്.
ഈമാസം 10ന് ശേഷം തിരുവനന്തപുരം മുതല് മംഗലൂരു വരെയുള്ള പതിനാലോളം കാലാവസ്ഥാ മഴമാപിനികളില് എട്ടിടത്തെങ്കിലും രണ്ടു ദിവസം തുടര്ച്ചയായി 2.5 മില്ലീമീറ്റര് മഴ രേഖപ്പെടുത്തിയിട്ടുണ്ട്.
1971 മുതലുള്ള 47 വര്ഷത്തെ കണക്കു നോക്കിയാല് കൃത്യമായി ജൂണ് ഒന്നിന് മഴ തുടങ്ങിയത് മൂന്നു വര്ഷങ്ങളില് മാത്രമാണ്. 1980, 2000, 2013 വര്ഷങ്ങളിലാണിത്. മഴ ഏറ്റവും നേരത്തെയെത്തിയത് 2004ല് ആയിരുന്നു- മേയ് 18ന്. ഏറ്റവും വൈകിയെത്തിയത് 1972ല്- ജൂണ് 18ന്. 47 വര്ഷങ്ങളില് ജൂണ് ഒന്നിനോ അതിനു മുമ്പോ മഴ എത്തിയത് 20 വര്ഷങ്ങളില് മാത്രം. ഇതില് പത്തു വര്ഷങ്ങളില് മേയ് 26ന് മുമ്പ് എത്തി. ബാക്കി 27 വര്ഷങ്ങളിലും ജൂണ് ഒന്നിന് ശേഷമാണ് മഴയെത്തിയത്. ഇതില് ഒന്പതു വര്ഷങ്ങളില് ജൂണ് അഞ്ചിന് ശേഷമാണ്. ഏറ്റവും നേരത്തെ തുടങ്ങിയ 2004ല് 86 ശതമാനമായിരുന്നു മഴ. ഇത് ആ വര്ഷത്തെ വരള്ച്ചയിലേക്ക് നയിച്ചു. എന്നാല് ഏറ്റവും വൈകി തുടങ്ങിയ 1983 ല് 113 ശതമാനം മഴ ലഭിച്ചു.
എന്നാല് ഇത്തവണ ജൂണില് കനത്ത മഴ പ്രതീക്ഷിക്കാമെന്നാണ് നിഗമനം.
ബംഗാള് ഉള്ക്കടലിനേക്കാള് അറബിക്കടല് ചൂടു പിടിച്ചു കിടക്കുന്നതാണ് ഇന്ത്യന് മണ്സൂണിന്റെ കരുത്ത്. ഇന്ത്യന് ഓഷ്യന് ഡൈപ്പോള് എന്നാണ് ഈ പ്രതിഭാസത്തിന്റെ പേര്. ബംഗാള് ഉള്ക്കടല് തണുത്ത് നെഗറ്റീവ് ഐ.ഒ.ഡി രൂപപ്പെടുന്നതു ന്യൂനമര്ദങ്ങളെ മുക്കി മഴയുടെ മുനയൊടിക്കും. മഴ ദിവസങ്ങള് കുറഞ്ഞ് പേമാരി പെയ്യുമെന്നു മാത്രമല്ല, എല്ലായിടത്തും മഴ എത്തുകയുമില്ല. ഐ.ഒ.ഡി മെല്ലെ പ്രതികൂലമാകുന്ന സ്ഥിതി രൂപപ്പെടുന്നതായാണ് സൂചന. ഇത് ഗുണകരമല്ല.
ഫെബ്രുവരി—മാര്ച്ച് മാസങ്ങളില് ശീതകാലത്തെ വകഞ്ഞുമാറ്റി എത്തുന്ന പശ്ചിമവാതങ്ങള് (വെസ്റ്റേണ് ഡിസ്റ്റേര്ബന്സ്) ഏപ്രിലോടെ പഞ്ചാബ് വഴി ഇന്ത്യവിടും. അപ്പോഴേക്ക് ഉത്തരേന്ത്യ ചുട്ടുപഴുക്കാന് തുടങ്ങും. 45 ഡിഗ്രിയില് തിളച്ചുയരുന്ന വായു സൃഷ്ടിക്കുന്ന ശൂന്യസ്ഥലത്തേക്ക് നിറയാനാണു ദക്ഷിണ ധ്രുവത്തില് കാത്തുകിടക്കുന്ന തണുത്ത വായു മധ്യരേഖയും പിന്നിട്ട് ആഫ്രിക്കന് മുനമ്പില് തട്ടി കിഴക്കോട്ടൊഴുകി മേയ് ഒടുവില് തെക്കു പടിഞ്ഞാറന് കാലവര്ഷമായി കേരളത്തിലെത്തുന്നത്.
Film
‘ജയിലര്2’ന്റെ സെറ്റിലേക്ക് ‘പറന്ന്’ മോഹന്ലാല്
‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ്..
ജയിലര്2 ന്റെ ഷൂട്ടിങ് ലോക്കെഷനിലേക്ക് ‘പറന്ന്’ മോഹന്ലാല്. ‘ദൃശ്യം 3’യുടെ ഷൂട്ട് കഴിഞ്ഞയുടനാണ് താരം ‘ജയിലര്2’ന്റെ സെറ്റിലേക്ക് പോയത്. മോഹന്ലാലിന്റെ പേഴ്സനല് കോസ്റ്റ്യൂം ഡിസൈനറായ ജിഷാദ് ഷംസുദ്ദീനാണ് ഫ്ലൈറ്റില് നിന്നുള്ള ചിത്രം പങ്കുവച്ചു. മോഹന്ലാലിനൊപ്പം ഫ്ലൈറ്റില് സഞ്ചരിക്കുന്ന ചിത്രം ‘ഓഫ് ടു ജെ2’ എന്ന അടിക്കുറിപ്പോടെയാണ് ജിഷാദ് പങ്കുവച്ചത്.
ഇന്നലെയാണ് ‘ദൃശ്യം 3’ സിനിമയുടെ മോഹന്ലാലിന്റെ ഷെഡ്യൂള് പാക്കപ്പ് ആയ വിവരം പങ്കുവച്ചുകൊണ്ടുള്ള വിഡിയോ അണിയറ പ്രവര്ത്തകര് പങ്കുവച്ചത്. ഇതിന് ശേഷമാണ് ജിഷാദ് ഫ്ലൈറ്റില് നിന്നുള്ള ചിത്രം പങ്കുവയ്ക്കുന്നത്.
‘ജയിലര്’ സിനിമയില് ശ്രദ്ധേയമായ മോഹന്ലാലിന്റെ കോസ്റ്റ്യൂം ഡിസൈന് ചെയ്തത് ജിഷാദ് ഷംസുദ്ദീന് ആണ്. ചിത്രം സമൂഹമാധ്യമങ്ങളില് വൈറലായതോടെ ആരാധകരും ആവേശത്തിലാണ്. ‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ് ആരാധകര് ആവശ്യപ്പെടുന്നത്. മാത്യുവിന്റെ രണ്ടാമത്തെ വരവിനായി കാത്തിരിക്കുന്നു എന്നും ആരാധകര് കുറക്കുന്നു.
Film
ദി റൈഡിന്റെ’ ട്രെയിലര് പുറത്തിറക്കി; വെള്ളിയാഴ്ച തിയറ്ററുകളില്
ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര്..
ഒരു കാര്യാത്രക്കിടയില് എടുക്കുന്ന ഒരു കുറുക്കുവഴി ഒരു കൂട്ടം ആളുകളുടെ ജീവിതം മാറ്റിമറിക്കുന്നതാണ് ചിത്രത്തിന്റെ പ്രമേയം. ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര് പുറത്തിറങ്ങി. നിവിന് പോളിയാണ് ട്രെയിലര് റിലീസ് ചെയ്തത്. നേരത്തെ പുറത്തിറങ്ങിയ ടീസറിനും മികച്ച സ്വീകരണമായിരുന്നു ലഭിച്ചത്.
ചിത്രം വെള്ളിയാഴ്ച്ച തീയേറ്ററുകളിലെത്താനിരിക്കേയാണ് അണിയറ പ്രവര്ത്തകര് ട്രെയിലര് പുറത്തുവിട്ടത്. തങ്ങള് ചെയ്ത ചില തെറ്റുകള് ഏറ്റുപറയുന്ന ഒരു കാറിലെ യാത്രക്കാരാണ് ട്രെയിലറിന്റെ കേന്ദ്രബിന്ദു. തങ്ങളുടെ പ്രിയപ്പെട്ടവരെപ്പോലും ചതിച്ചതിനെക്കുറിച്ച് അവര് അജ്ഞാതനായ ഒരാളോട് തുറന്നു പറയുന്ന രംഗങ്ങളാണ് ട്രെയിലറില് നിറയുന്നത്.
എന്നാല് ഇതിലേറെയും പറയാനുണ്ടെന്നും ബാക്കി ആര്് പറയുമെന്നുമുള്ള അയാളുടെ ചോദ്യം പ്രേക്ഷകര്ക്ക് കൂടുതല് ആകാംഷ സമ്മാനിക്കുന്ന നിമിഷങ്ങളാണ് സമ്മാനിക്കുന്നത്.
ഡയസ്പോര് എന്റര്ടെയ്ന്മെന്റ് പ്രൊഡക്ഷന്സിന്റെ ബാനറില് ദര്പണ് ത്രിസാല് നിര്മ്മിച്ച് റിതേഷ് മേനോന് സംവിധാനം ചെയ്യുന്ന ചിത്രത്തില് സുധി കോപ്പ, ആന് ശീതള്, മാലാ പാര്വതി, ശ്രീകാന്ത് മുരളി, പ്രശാന്ത് മുരളി, ഗോപിക മഞ്ജുഷ എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ സുഹാസ് ഷെട്ടിയുടേതാണ്. റിതേഷ് മേനോന്, സുഹാസ് ഷെട്ടി എന്നിവരാണ് നിര്മ്മാതാക്കളും. ഇവര് തന്നെയാണ് ചിത്രത്തിന്റെ തിരക്കഥയും സംഭാഷണവും തയ്യാറാക്കിയിരിക്കുന്നത്. വിജേന്ദര് സിംഗ്, ഹരീഷ് ലഖാനി, ജിതേന്ദ്രയാദവ്, വി.കെ ഫിലിംസ് ആന്റ് എന്റര്ടെയ്ന്മെന്റ് എന്നിവരാണ് ചിത്രത്തിലെ സഹ നിര്മ്മാതാക്കള്.
ക്രിയേറ്റീവ് പ്രൊഡ്യൂസറായി റീന ഒബ്റോയ്, ഹെഡ് ഓഫ് പ്രൊഡക്ഷനായി ശശി ദുബൈ എന്നിവരും പ്രവര്ത്തിക്കുന്നു. ഛായാഗ്രഹണം നിര്വഹിക്കുന്നത് ബാബ തസാദുഖ് ഹുസൈന് ആണ്. ഈ വര്ഷത്തെ മികച്ച എഡിറ്റര്ക്കുള്ള സംസ്ഥാന പുരസ്കാരം കിഷ്കിന്ദകാണ്ഡത്തിലൂടെ നേടിയ സൂരജ് ഇഎസ് ആണ് ചിത്രത്തിന്റെ എഡിറ്റര്.
എക്സിക്യൂട്ടീവ് പ്രൊഡ്യൂസര് വികാശ് ആര്യ, ലൈന് പ്രൊഡക്ഷന് ഒക്ടോബര് സ്കൈ പിക്ചേഴ്സ്, കലാസംവിധാനം കിഷോര് കുമാര്, സംഗീതം നിതീഷ് രാംഭദ്രന്, കോസ്റ്റിയും മേബിള് മൈക്കിള്, മലയാളം അഡാപ്റ്റേഷന് രഞ്ജിത മേനോന്, സൗണ്ട് ഡിസൈന് അരുണ് വര്മ്മ, സൗണ്ട് മിക്സിംഗ് ഡാന് ജോസ്, കളറിസ്റ്റ് ലിജു പ്രഭാകര്, ആക്ഷന് ജാവേദ് കരീം, മേക്കപ്പ് അര്ഷാദ് വര്ക്കല, സൂപ്പര്വൈസിംഗ് പ്രൊഡ്യൂസര് അവൈസ് ഖാന്, ലൈന് പ്രൊഡ്യൂസര് എ.കെ ശിവന്, അഭിലാഷ് ശങ്കരനാരായണന് എന്നിവര് വിവിധ ചുമതലകള് വഹിക്കുന്നു.
പ്രൊഡക്ഷന് കണ്ട്രോളര് ജാവേദ് ചെമ്പ്, പ്രൊഡക്ഷന് മാനേജര് റഫീഖ് ഖാന്, കാസ്റ്റിംഗ് നിതിന് സികെ ചന്ദ്രന്, ചീഫ് അസോസിയേറ്റ് ഡയറക്ടര് വിഷ്ണു രഘുനന്ദന്, ചീഫ് അസോസിയേറ്റ് ക്യാമറാമാന് ജിയോ സെബി മലമേല്, അസോസിയേറ്റ് ഡയറക്ടര് ശരത്കുമാര് കെ.ജി, അഡീഷണല് ഡയലോഗ് ലോപസ് ജോര്ജ്, സ്റ്റില്സ് അജിത് മേനോന്, വിഎഫ്എക്സ് തിങ്ക് വിഎഫ്എക്സ്, അഡീഷണല് പ്രമോ മനീഷ് ജയ്സ്വാള്, പബ്ലിസിറ്റി ഡിസൈന് ആര്ഡി സഗ്ഗു, ടൈറ്റില് ഡിസൈന് ഹസ്തക്യാര, മാര്ക്കറ്റിംഗ് ഏജന്സി മെയിന്ലൈന് മീഡിയ, ഫോര്വേഡ് സ്ലാഷ് മീഡിയ, പിആര്ഒ സതീഷ് എരിയാളത്ത്, മാര്ക്കറ്റിംഗ് കണ്സള്ട്ടന്റ് വര്ഗീസ് ആന്റണി, വിതരണം ഫിയോക്ക് എന്നിവരാണ് ചിത്രത്തിന്റെ പിന്നണി പ്രവര്ത്തകര്.
Video Stories
പുതിയ മാറ്റത്തിനായി മെറ്റ; ഇന്സ്റ്റഗ്രാമില് ഇനി ഒരു പോസ്റ്റിന് മൂന്ന് ടാഗുകള് മാത്രം
ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള്…
കാലിഫോര്ണിയ: ഇന്സ്റ്റഗ്രാം പ്ലാറ്റ്ഫോമില് പുതിയ മാറ്റം പരീക്ഷിക്കാന് ഒരുങ്ങി മെറ്റ. ഒരു പോസ്റ്റിന് മൂന്ന് ഹാഷ്ടാഗുകള് മാത്രം എന്ന പരിധി അവതരിപ്പിനാണ്് മെറ്റ ഉടമസ്ഥതയിലുള്ള കമ്പനി എന്നാണ് റിപ്പോര്ട്ടുകള്. 2011 മുതല് ഇന്സ്റ്റഗ്രാം തുടര്ന്നുവന്നിരുന്ന നിയമത്തില് നിന്നുള്ള മാറ്റമാണിത്. 2011 മുതല് ഇന്സ്റ്റഗ്രാമില് ഉപയോക്കാള് കണ്ടന്റ് കണ്ടെത്തുന്നതിന്റെ ഒരു പ്രധാന രീതിയാണ് ഹാഷ്ടാഗുകള്. ഒരു പോസ്റ്റില് 30 ഹാഷ്ടാഗുകള് വരെ ചേര്ത്തുകൊണ്ട് കണ്ടന്റ് ക്രിയേറ്റേഴ്സിന് അവരുടെ പോസ്റ്റുകളുടെ റീച്ച് വര്ധിപ്പിക്കാമായിരുന്നു.
എന്നാല് ഇപ്പോള് ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള് ഒരു എറര് സന്ദേശം കാണുന്നതായി ചില റെഡ്ഡിറ്റ് ഉപയോക്താക്കള് റിപ്പോര്ട്ട് ചെയ്തിട്ടുണ്ട്. എങ്കിലും ഈ ഫീച്ചര് നിലവില് എല്ലാ ഉപയോക്താക്കള്ക്കും ലഭ്യമല്ല. ഇത് സൂചിപ്പിക്കുന്നത് മെറ്റ പരിമിതമായ എണ്ണം ഉപയോക്താക്കളില് ഹാഷ്ടാഗ് നിയന്ത്രണ ഫീച്ചര് ഇത് പരീക്ഷിക്കുന്നുണ്ടെന്നും പിന്നീട് പ്ലാറ്റ്ഫോമില് ഉടനീളം ഇത് നടപ്പിലാക്കും എന്നുമാണ്.
ഈ പരീക്ഷണത്തെക്കുറിച്ച് ഇന്സ്റ്റഗ്രാം ഇതുവരെ ഔദ്യോഗിക പ്രസ്താവനകളൊന്നും പുറത്തിറക്കിയിട്ടില്ല. മുമ്പ് ഘട്ടം ഘട്ടമായി പുറത്തിറക്കിയ നിരവധി ഫീച്ചറുകളെപ്പോലെ, ഈ മാറ്റവും ഒരേ പ്രക്രിയയുടെ ഭാഗമാണ് എന്നാണ് റിപ്പോര്ട്ടുകള്.
എന്നാല് കാലക്രമേണ, ഇന്സ്റ്റഗ്രാമിന്റെ റെക്കമന്ഡേഷന് സംവിധാനം മാറി. ഇപ്പോള്, എക്സ്പ്ലോര് വിഭാഗം ഉള്ളടക്കം, അടിക്കുറിപ്പുകള്, ഉപയോക്തൃ പെരുമാറ്റം എന്നിവയ്ക്ക് മുന്ഗണന നല്കുന്നു. റീച്ച് വര്ധിപ്പിക്കുന്നതില് ഹാഷ്ടാഗുകള് ഇനി അത്ര ഫലപ്രദമല്ലെന്ന് ഇന്സ്റ്റഗ്രാം മേധാവി ആദം മൊസേരി ആവര്ത്തിച്ച് പ്രസ്താവിച്ചിട്ടുണ്ട്. ഹാഷ്ടാഗുകള് ഇപ്പോള് ഉള്ളടക്കത്തെ തരംതിരിക്കുന്നതിനുള്ള ഒരു മാര്ഗമായി മാത്രം മാറിയിരിക്കുന്നു എന്നാണ് അദേഹം പറയുന്നത്.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
india3 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
News1 day ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala3 days agoകലൂർ സ്റ്റേഡിയം നവീകരണം; സ്പോൺസർ പൂർത്തിയാക്കിയത് പകുതി ജോലികൾ മാത്രം