കോയമ്പത്തൂർ :- സ്നേഹം സഹാനുഭൂതി സഹിഷ്ണുത എന്നീ മൂല്യങ്ങൾ നഷ്ടപ്പെടുമ്പോഴാണ് സമുദായങ്ങൾ തെറ്റായ പാതയിൽ എത്തുന്നതെന്നു മുസ്ലിം യൂത്ത് ലീഗ് അഖിലേന്ത്യാ വൈസ് പ്രസിഡന്റ്‌ പാണക്കാട് സയ്യിദ് മുഈനലി ശിഹാബ്തങ്ങൾ പ്രസ്താവിച്ചു. കോയമ്പത്തൂർ ജില്ല കെ എം സി സി എന്‍എസ്‌കെ ഓഡിറ്റോറിയത്തിൽ സംഘടിപ്പിച്ച സ്നേഹസംഗമം പരിപാടി ഉൽഘാടനം ചെയ്തു സംസാരിക്കുകയായിരുന്നു അദ്ദേഹം .

മാനവികതയുടെ ഏറ്റവും വലിയ പ്രണാമം പരസ്പരം തിരിച്ചറിയലും സഹവർത്തതിലൂടെയുള്ള സഹായ സഹകരണവുമാണ്. മറ്റൊരാളുടെ വേദനയിൽ പങ്ക് ചേരുമ്പോഴും പ്രതീക്ഷിക്കാത്ത സഹായം ചെയ്തുകൊടുക്കുമ്പോഴും അയാളുടെ കണ്ണുകൾ അനീതിയിൽനിന്നും നീതിയിലേക്ക് വഴി മാറുന്നു. യഥാർത്ഥത്തിൽ ഇത് വഴി സംജാതമാവുന്നത് സ്നേഹത്തിന്റെ സന്ദേശമാണ്. സേവനമനസ്ഥിതിയിലൂടെ നമുക്ക് കാഴ്ച വെയ്ക്കാൻ കഴിയുന്ന ഓരോ നടപടിയും മറ്റൊരാളുടെ ജീവിതത്തെ മാറ്റാൻ ശേഷിയുള്ളതാണ്. മാനവികതയുള്ള ഹൃദയങ്ങൾ ലോകത്തെ മാറ്റാൻ കഴിവുള്ള ഏറ്റവും വലിയ ആയുധമാണ്. നിങ്ങളുടെ ജീവിത വിജയക്കുതിപ്പിലേക്കു എത്തിക്കാൻ സഹായിച്ചവരെ ഒരിക്കലും മറക്കരുത്. സാങ്കേതിക വിദ്യയുടെ പുരോഗതിയിലും സാമ്പത്തിക വളർച്ചയുടെ നേട്ടങ്ങളിലും നമ്മൾ പലപ്പോഴും മാനവികത മറന്നുപോകുന്നു. സ്നേഹത്തിലൂടെയും സൗഹാർദ്ധത്തിലൂടെയും പരസ്പരം കൈപിടിച്ച് ചേർന്നു നിൽകുമ്പോഴാണ് നാം ഒരു സമൂഹമായി ഒരു രാജ്യമായി ഒരു ലോകമായി ഉയരുന്നത്. ആഗോളത്തലത്തിൽ ഇന്ന് കാണുന്ന പ്രതിസന്ധികൾക്കു സ്നേഹമില്ലായ്മയും മാനവികതയുടെ അഭാവവുമാണ് കാരണം. ഇത്തരം പ്രശ്നങ്ങൾക്കു പരിഹാരമാവുകയാണ് കെ എം സി സി പോലുള്ള സംഘടനകൾ നടത്തുന്ന സ്നേഹസംഗമം പരിപാടികൾ എന്നും അദ്ദേഹം പറഞ്ഞു.

എംഎസ്എഫ് അഖിലേന്ത്യാ സെക്രട്ടറി പുളിയാൻഗുഡി അമീൻ മുഖ്യ പ്രഭാഷണം നടത്തി പ്രശസ്ത മോട്ടിവേഷൻ സ്പീക്കർ പിഎംഎ ഗഫൂർ ,എ ഐ കെ എം സി സി അഖിലേന്ത്യാ പ്രസിഡന്റ്‌ എംകെ നൗഷാദ് അഖിലേന്ത്യാ വൈസ് പ്രസിഡന്റ് കെപി മുഹമ്മദ്‌ , തമിഴ്നാട് സംസ്ഥാന പ്രസിഡന്റ്‌ കുഞ്ഞിമോൻ ഹാജി സംസ്ഥാന ട്രെഷറർ എംഎ റഷീദ് ,ഹാഫിസ് ഷമീർ വെട്ടം , എന്‍ ഹർഷാദ് ,ഷാഫി പുതിയാടം റഷീദ് കെകെ, ശിബ്‌ലി നുഅമാൻ മുസ്ലിംലീഗ് നേതാക്കളായ ബി അബ്ദുൽ ഗഫൂർ, എം ഇ ഷാഹുൽഹമീദ് , എസ്എം അയ്യൂബ്, എ ഹാജ അമാനുള്ള എന്നിവർ ആശംസകൾ അർപ്പിച്ചു സംസാരിച്ചു .വേദിയിൽ സാമൂഹിക സാംസ്‌കാരിക മേഖലകളിലെ പ്രമുഖ വ്യക്തിത്വങ്ങൾ സന്നിഹിതരായിരുന്നു.

ഗുണ്ടാനേതാവ് ഓംപ്രകാശ് പ്രതിയായ ലഹരിക്കേസിലെ റിമാൻഡ് റിപ്പോർട്ടിൽ പേര് വന്നതിന് പിന്നാലെ ഇൻസ്റ്റഗ്രാം സ്റ്റോറിയുമായി നടി പ്രയാഗ മാർട്ടിൻ. കേസിൽ പോലീസ് അന്വേഷണം നടക്കുന്നതിനിടെ ഹാ..ഹാ..ഹി..ഹു എന്നാണ് പ്രയാഗ മാർട്ടിൻ ഇൻസ്റ്റഗ്രാമിൽ സ്റ്റോറി ഇട്ടത്. ഇപ്പോഴത്തെ സംഭവവികാസങ്ങളെ പരിഹസിച്ചാണ് നടിയുടെ ഇൻസ്റ്റഗ്രാം സ്റ്റോറിയെന്നാണ് വിലയിരുത്തൽ.

റഹൂഫ് കൂട്ടിലങ്ങാടി

മലപ്പുറം: സിന്തറ്റിക് ബയോളജിയിലെ നൂതന ആശയങ്ങൾ പ്രദർശിപ്പിക്കുന്നതിന് പാരീസിൽ നടക്കുന്ന ആഗോള വേദിയായ ഇൻറർനാഷണൽ ജനിറ്റിക് എഞ്ചിനീയറിംഗ് മെഷീൻ ( ഐ.ജി.ഇ എം) ഗ്രാൻ്റ് ജംബോരിയിൽ മത്സരിക്കുന്നതിന് മലപ്പുറം കൂട്ടിലങ്ങാടി സ്വദേശിനിയായ ഗവേഷക വിദ്യാർത്ഥിനിയും.

ലോകമെമ്പാടുമുള്ള വിദ്യാർത്ഥികൾക്കായി വർഷം തോറും സംഘടിപ്പിക്കുന്ന ഈ എക്സ്പോയിൽ പങ്കെടുക്കാനായി കൊൽക്കത്ത ഐ.ഐ.എസ്.ഇ.ആർ (ഐസർ ) ടീമിൻ്റെ പ്രതിനിധിയായാണ് മലപ്പുറം കൂട്ടിലങ്ങാടി സ്വദേശിനിയായ ഇ.സി.ഫാത്തിമ അൻജും തിരഞ്ഞെടുക്കപ്പെട്ടത് . ഈ മാസാവസാനം നടക്കുന്ന പത്ത് ദിവസത്തെ മേളയിലേക്ക് 21 ന് സംഘം യാത്രതിരിക്കും . സംഘത്തിൻ്റെ യാത്രയുൾപ്പെടെ മുഴുവൻ ചെലവുകളും ഐസർ വഹിക്കും.

കൊൽക്കത്ത ഐസറിലെ പത്തംഗ യുവ ശാസ്ത്രജ്ഞരുടെ ടീമിലെ ഏക മലയാളിയും നായികയും കൂടിയാണ് ഫാത്തിമ അൻജും.

കാലുകളിലെ ഫംഗസ് അണുബാധകളെ പ്രതിരോധിക്കാൻ ഉതകുന്ന പാദരക്ഷകൾ എങ്ങനെ വികസിപ്പിച്ചെടുക്കാം എന്ന തങ്ങളുടെ കണ്ടെത്തലുകൾ ജംബോരിയിൽ ടീം അവതരിപ്പിക്കും. ജനിതക എൻജിനീയറിംഗിലൂടെ മാനവരാശിക്ക് വിപ്ലവകരമായ മാറ്റങ്ങൾ വരുത്താൻ കഴിയുന്ന സാങ്കേതിക വിദ്യകളെ പ്രോത്സാഹിപ്പിക്കുക എന്നതാണ് ഈ ആഗോള ശാസ്ത്ര മേളയുടെ ലക്ഷ്യങ്ങളിൽ പ്രധാനം.

മലപ്പുറം കൂട്ടിലങ്ങാടി മൊട്ടമ്മൽ സ്വദേശി റിട്ട: ആർമി ഉദ്യോഗസ്ഥൻ ഏലച്ചോല അബ്ദുൽ റഷീദിൻ്റയും തറയിൽ നുസീബയുടെയും മൂന്നാമത്തെ മകളായ ഫാത്തിമ അൻജും മലപ്പുറം കേന്ദ്രീയ വിദ്യാലയത്തിലാണ് ഒന്ന് മുതൽ പ്ലസ് ടു വരെ പഠിച്ചത്.
തുടർന്ന് എൻട്രൻസിലൂടെയാണ് കൽക്കത്തയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജുകേഷൻ ആൻഡ് റിസർച്ചിൽ പ്രവേശനം നേടിയത്. ഐസറിലെ നാലാം വർഷ ബി.എസ് എം എസ് വിദ്യാർത്ഥിനിയാണ് അൻജും.