Connect with us

kerala

വാക്‌സിന്‍ ചലഞ്ചിന്റെ പേരില്‍ കുടുംബശ്രീയില്‍ നിര്‍ബന്ധിത പിരിവ്

സംസ്ഥാനത്ത് 2.75 ലക്ഷം അയല്‍ക്കൂട്ടങ്ങളിലായി 44 ലക്ഷം അംഗങ്ങളാണുള്ളത്. ഒരു അയല്‍ക്കൂട്ടത്തില്‍ 20 കുടുംബങ്ങളാണുള്ളത്. ഇങ്ങിനെ ഓരോ വാര്‍ഡിലും 22 മുതല്‍ 28 വരെ  അയല്‍ക്കൂട്ടങ്ങളുണ്ട്. ഇവര്‍ 10 രൂപ വീതം നല്‍കിയാല്‍ തന്നെ 4.40 കോടി സര്‍ക്കാറിനു ലഭിക്കും

Published

on

 

വാക്‌സിന്‍ ചലഞ്ചിന്റെ പേരില്‍ കുടുംബശ്രീയില്‍ നിര്‍ബന്ധിത പിരിവ് കോവിഡ് രണ്ടാം തരംഗം തീവ്രമായതോടെ വാക്‌സിന്‍ ലഭ്യമാക്കാന്‍ സര്‍ക്കാര്‍ നടത്തുന്ന യജ്ഞത്തിലേക്ക് കുടുംബശ്രീ അംഗങ്ങളില്‍നിന്ന് നിര്‍ബന്ധിത പിരിവ്. ഒരംഗം ഏറ്റവും കുറഞ്ഞത് 10 രൂപ നിര്‍ബന്ധമായി നല്‍കണമെന്നാണ് നിര്‍ദേശം. അതില്‍ കൂടുതല്‍ നല്‍കാന്‍ കഴിയുന്നവരോട് അതും ആവശ്യപ്പെട്ടിട്ടുണ്ട്. സംസ്ഥാന സര്‍ക്കാറിന്റെ വാക്‌സിന്‍ ചലഞ്ചിലേക്ക് സ്വമേധയാ നിരവധി പേരാണ് സംഭാവന നല്‍കിയത്. തങ്ങളുടെ സാമ്പത്തിക സ്ഥിതി അനുസരിച്ചും പൊതുകാര്യത്തിലുള്ള പങ്കാളിത്തം ഉറപ്പിച്ചുമാണ് ഓണ്‍ലൈനിലൂടെ സംഭാവന നല്‍കിയത്. എന്നാല്‍ കുടുംബശ്രീക്കാരോട് 10 രൂപ വീതം പണമായി നല്‍കാനാണ് ആവശ്യപ്പെട്ടത്. ഇന്നലെയാണ് പണം നല്‍കേണ്ട ദിവസമായി അറിയിച്ചിരുന്നത്. എന്നാല്‍ ലോക്ഡൗണ്‍ കടുപ്പിച്ചതോടെ നീട്ടി.

സംസ്ഥാനത്ത് 2.75 ലക്ഷം അയല്‍ക്കൂട്ടങ്ങളിലായി 44 ലക്ഷം അംഗങ്ങളാണുള്ളത്. ഒരു അയല്‍ക്കൂട്ടത്തില്‍ 20 കുടുംബങ്ങളാണുള്ളത്. ഇങ്ങിനെ ഓരോ വാര്‍ഡിലും 22 മുതല്‍ 28 വരെ  അയല്‍ക്കൂട്ടങ്ങളുണ്ട്. ഇവര്‍ 10 രൂപ വീതം നല്‍കിയാല്‍ തന്നെ 4.40 കോടി സര്‍ക്കാറിനു ലഭിക്കും. പലരും രണ്ടു ഡോസ് വാക്‌സിന് എന്നു കരുതി 20 രൂപവീതമാണ് നല്‍കുന്നത്. അതിലധികവും നല്‍കുന്നവരുണ്ട്. ഫലത്തില്‍ വാക്‌സിന്‍ ചാലഞ്ചിലേക്ക് കുടുംബശ്രീയില്‍ നിന്ന് എട്ടുകോടിയോളം രൂപ ലഭിക്കും.
അതതു എഡിഎസ്, സിഡിഎസ് വഴിയാണ് പണം സമാഹരിക്കുന്നത്. പാര്‍ട്ടി അനുകൂല അയല്‍ക്കൂട്ടങ്ങളില്‍ വലിയ തുക പിരിച്ചെടുക്കുന്നുണ്ട്. ചലഞ്ചില്‍ പങ്കാളികളാവാന്‍ താല്‍പര്യമുള്ള എല്ലാവരില്‍നിന്നും ഇവര്‍ സംഭാവന സ്വീകരിക്കുന്നുണ്ട്.
നേരത്തെ പ്രളയ സമയത്തും കുടുംബശ്രീയില്‍ നിന്ന് പണം സമാഹരിച്ചിരുന്നു. പല സമയത്തായി 11 കോടിയോളം രൂപയാണ് കുടുംബശ്രീ സര്‍ക്കാറിലേക്ക് നല്‍കിയത്. അതേ സമയം കോവിഡ് ദുരിതാശ്വാസമായി നല്‍കിയ വായ്പക്ക് സര്‍ക്കാര്‍ പലിശ ഈടാക്കുന്നുമുണ്ട്.

Film

ലാഭവിഹിതം വാഗ്ദാനം ചെയ്ത് കബളിപ്പിച്ചതായി പരാതി; ‘മഞ്ഞുമ്മല്‍ ബോയ്‌സ്’ നിര്‍മ്മാതാക്കളുടെ ബാങ്ക് അക്കൗണ്ട് മരവിപ്പിച്ചു

സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു പരാതിയിൽ പറയുന്നു

Published

on

കൊച്ചി: കലക്‌‍ഷനിൽ റെക്കോർഡുകൾ സൃഷ്ടിച്ച ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ ബാങ്ക് അക്കൗണ്ടുകൾ മരവിപ്പിക്കാൻ ഉത്തരവ്. അരൂർ സ്വദേശി സിറാജ് സമർപ്പിച്ച ഹർജിയിലാണ് എറണാകുളം സബ് കോടതി ഉത്തരവിട്ടത്. സിനിമയ്ക്കായി 7 കോടി രൂപ മുടക്കിയിട്ടു ലാഭവിഹിതമോ മുടക്കുമുതലോ നൽകിയില്ലെന്നു സിറാജ് പരാതിയിൽ പറയുന്നു.

ചിത്രത്തിന്റെ നിർമാണ കമ്പനിയായ പറവ ഫിലിംസ്സിന്റെയും പാർട്ണർ ഷോൺ ആന്റണിയുടെയും 40 കോടിരൂപയുടെ ബാങ്ക് അക്കൗണ്ടാണ് സബ് കോടതി ജഡ്ജി സുനിൽ വർക്കി മരവിപ്പിച്ചത്. 40 ശതമാനം ലാഭ വിഹിതം വാഗ്ദാനം ചെയ്തു നിർമാതകൾ പണം കൈപ്പറ്റിയ ശേഷം ലാഭവിഹിതമോ മുതൽമുടക്കോ നൽകാതെ കബളിപ്പിച്ചതെന്നാണ് ഹരജി.

ആഗോള തലത്തിൽ ഇതുവരെ 220 കോടി രൂപ ചിത്രം കലക്ഷൻ നേടിയിട്ടുണ്ടെന്നും ഒ.ടി.ടി പ്ലാറ്റ്‍ഫോമുകള്‍ മുഖേനയും ചിത്രം 20 കോടിയോളം രൂപ നേടിയിട്ടുണ്ടെന്നും ഹരജിയിൽ പറയുന്നു. ചിത്രത്തിന്റെ നിർമാതാക്കളായ സൗബിൻ ഷാഹിർ, ബാബു ഷാഹിർ എന്നിവർക്കു കോടതി നോട്ടിസ് അയച്ചു. ഹർജി ഭാഗത്തിന് വേണ്ടി അഡ്വ. സൈബി ജോസ് കിടങ്ങൂർ ഹാജരായി.

Continue Reading

kerala

‘മോദിജിയെ ഞങ്ങള്‍ കാത്തിരിക്കുകയാണ്’; മന്ത്രി റിയാസിന്റെ വീഡിയോയുമായി ബിജെപിയുടെ പ്രചാരണം

ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്

Published

on

മന്ത്രി മുഹമ്മദ് റിയാസിന്റെ മോദിയെ പ്രശംസിക്കുന്ന പ്രചാരണ വീഡിയോയുമായി ബി.ജെ.പിയുടെ തെരഞ്ഞെടുപ്പ് പ്രചാരണം. കേരള സര്‍ക്കാരിനെ എപ്പോഴും പോസിറ്റീവായി കണ്ട മന്ത്രിയാണ് നിധിന്‍ ഗഡ്കരിയെന്നും അദ്ദേഹത്തിന് നന്ദി പറയുന്നതായും റിയാസ് പ്രസംഗിക്കുന്ന വീഡിയോ ആണ് പരസ്യ ചിത്രത്തിനായി ഉപയോഗിച്ചിരിക്കുന്നത്.

മോദിജിയെ ഞങ്ങള്‍ കാത്തുനില്‍ക്കുകയാണെന്നും എത്രയും പെട്ടെന്ന് കേരളത്തിലേക്ക് വരണമെന്നും റിയാസ് പറയുന്നുണ്ട്. ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്. ബി.ജെ.പിയുമായി ഈ തെരഞ്ഞെടുപ്പില്‍ സി.പി.എമ്മിനുള്ള ബാന്ധവത്തിന്റെ തെളിവായിട്ടാണ് ഈ വീഡിയോ പ്രചരിക്കുന്നതെന്ന നിലയില്‍ വലിയ വിമര്‍ശനങ്ങള്‍ ജനങ്ങള്‍ക്കിടയില്‍ നിന്നും ഉയര്‍ന്നിട്ടുണ്ട്.

Continue Reading

kerala

ഒരാഴ്ചക്ക് ശേഷം സംസ്ഥാനത്ത് സ്വർണവിലയിൽ കുറവ്; പവന് 560 രൂപ കുറഞ്ഞു

Published

on

സംസ്ഥാനത്ത് സ്വർണവിലയിൽ കുറവ്. ഒരാഴ്ചക്ക് ശേഷമാണ് സ്വർണവില കുറയുന്നത്. ഇന്നലെ സർവകാല റെക്കോർഡിലെത്തിയ സ്വർണവിലയിൽ പവന് 560 രൂപ ഇന്ന് കുറഞ്ഞു. നിലവിൽ ഒരു പവൻ സ്വർണത്തിന്റെ വില 53,200 രൂപയാണ്.

ഇന്നലെ അന്താരാഷ്ട്ര സ്വർണവില 2400 ഡോളർ കടന്നിരുന്നു. പിന്നീട്  2343 ഡോളറിലേക്ക് കുറഞ്ഞു. ഇതാണ് സംസ്ഥാനത്തെ വിലയിലും മാറ്റമുണ്ടാകാൻ കാരണമായത്.

ഒരു ഗ്രാം സ്വർണത്തിന്റെ വിപണി വില 6650 രൂപയാണ്. 18 കാരറ്റ് സ്വർണത്തിന്റെ വില ഗ്രാമിന് 5560 രൂപയാണ്.

Continue Reading

Trending