മലപ്പുറം: കുറ്റിപ്പുറം രാങ്ങാട്ടൂര്‍ ഭാരതപ്പുഴയില്‍ കളിക്കുന്നതിനിടെ വിദ്യാര്‍ത്ഥി മുങ്ങി മരിച്ചു. കാലടി കച്ചേരിപ്പറമ്പ് തലക്കാട്ടുമുക്കില്‍ അല്‍താഫ് ആണ് മരിച്ചത്. 20 വയസായിരുന്നു.

ഉമ്മയുടെ വീടായ രാങ്ങാട്ടൂരില്‍ വിരുന്നെത്തി പുഴയില്‍ കളിക്കുന്നതിനിടെ കൈയില്‍ നിന്ന് പോയ ഫുട്ബോള്‍ എടുക്കാനായി ശ്രമിക്കുന്നതിനിടെ കയത്തിലകപ്പെടുകയായിരുന്നു. നീന്തലറിയാത്തതിനാല്‍ വെള്ളത്തില്‍ താഴ്ന്ന് പോയി. നാട്ടുകാര്‍ ചേര്‍ന്ന് പുഴയില്‍ തെരച്ചില്‍ നടത്തി പുറത്തെടുത്തു. തുടര്‍ന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല.

മുസ്‌ലിംലീഗ് നേതാവ് സിദ്ദീഖലി രാങ്ങാട്ടൂരിന്റെ സഹോദരീപുത്രനാണ് മരിച്ച അല്‍താഫ്.