അറബിക്കടലില് രൂപം കൊണ്ട ക്യാര് ചുഴലിക്കാറ്റ് കൂടുതല് ശക്തിപ്രാപിച്ച് അതിതീവ്ര ചുഴലിയായി മാറുന്നു. ചുഴലിക്കാറ്റ് ഒമാന് തീരത്തേക്ക് നീങ്ങിത്തുടങ്ങിയിട്ടുണ്ട്. ഈ സാഹചര്യത്തില് മഹാരാഷ്ട്ര, ഗോവ, കര്ണാടക എന്നീ സംസ്ഥാനങ്ങളില് കനത്ത ജാഗ്രതാനിര്ദ്ദേശം നല്കി.എന്നാല് ക്യാര് ചുഴലിക്കാറ്റ് കേരളത്തിന് ഭീഷണിയാകില്ലെന്നാണ് വ്യക്തമാകുന്നത്. കേരളം ക്യാര് ചുഴലിക്കാറ്റിന്റെ സഞ്ചാര പഥത്തിലില്ലെന്നും ചുഴലിക്കാറ്റിന്റെ സ്വാധീനഫലമായി കേരളത്തില് വിവിധയിടങ്ങളില് ഒറ്റപ്പെട്ട ശക്തമായ മഴക്ക് സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
ഒക്ടോബര് 29 ന് കിഴക്കന്മധ്യ അറബിക്കടലിലും ഒക്ടോബര് 28 മുതല് 31 വരെ പടിഞ്ഞാറന് മധ്യ അറബിക്കടലിലും മത്സ്യബന്ധനത്തിനായി പോകരുതെന്നും മത്സ്യത്തൊഴിലാളികള്ക്ക് നിര്ദ്ദേശം നല്കി.