News
ലുലു ഫിനാന്ഷ്യല് ഹോള്ഡിങ്സിന്റെ 250-ാം ശാഖ തുറന്നു
പത്ത് രാജ്യങ്ങളില് സാന്നിധ്യമുള്ള ലുലു എക്സ്ചേഞ്ചിന്റെ യുഎഇയിലെ 87-ാമത് ശാഖ കൂടിയാണിത്.
ദുബൈ: ആഗോളതലത്തിലെ മുന്നിര ധനകാര്യ വിനിമയ സേവന ദാതാക്കളായ ലുലു ഫിനാന്ഷ്യല് ഹോള്ഡിങ്സ് അവരുടെ ഇരുന്നൂറ്റി അമ്പതാമത്തെ ശാഖ ദുബായില് തുറന്നു. ദുബായ് സിലിക്കണ് ഒയാസിസിലാണ് കമ്പനിയുടെ ഏറ്റവും പുതിയ ബ്രാഞ്ച് പ്രവര്ത്തനം ആരംഭിച്ചിരിക്കുന്നത്. പത്ത് രാജ്യങ്ങളില് സാന്നിധ്യമുള്ള ലുലു എക്സ്ചേഞ്ചിന്റെ യുഎഇയിലെ 87-ാമത് ശാഖ കൂടിയാണിത്.
ഇന്ത്യന് കോണ്സല് ജനറല് ഡോ. അമന് പുരി പുതിയ ബ്രാഞ്ചിന്റെ ഉദ്ഘാടനം നിര്വഹിച്ചു. ലുലു ഫിനാന്ഷ്യല് ഹോള്ഡിങ്സ് മാനേജിംഗ് ഡയറക്ടര് അദീബ് അഹമ്മദ് ഉള്പ്പടെയുള്ളവര് ചടങ്ങില് സന്നിഹിതരായിരുന്നു.
ജനങ്ങള് അര്പ്പിച്ച വിശ്വാസത്തിന്റെയും, ഒരുമിച്ച് ഒറ്റക്കെട്ടായി പ്രവര്ത്തിച്ചതിന്റെയും ഫലമാണ് ഇരുന്നൂറ്റി അമ്പത് ശാഖകളിലേക്ക് എത്തിയ കമ്പനിയുടെ ജൈത്രയാത്രയെന്ന് അദീബ് അഹ്മദ് പറഞ്ഞു. യുഎഇയില് മാത്രമല്ല, മറ്റ് വിപണികളിലും ഏറ്റവും മികച്ച സേവനം ഉപഭോക്താക്കള്ക്ക് നല്കിയതിനുള്ള അംഗീകാരമാണിത്. ഉപഭോക്താക്കള് ധനകാര്യ ഇടപാടുകളില് നേരിട്ടിരുന്ന പ്രായോഗിക തടസ്സങ്ങള് നീക്കി ഏറ്റവും എളുപ്പത്തിലും വേഗത്തിലും സേവനങ്ങള് ലഭ്യമാക്കാനായതാണ് കമ്പനിയുടെ നേട്ടത്തിന് കാരണമെന്നും അദ്ദേഹം കൂട്ടിച്ചേര്ത്തു.
ഇരുന്നൂറ്റി അമ്പതാം ശാഖ ഉദ്ഘാടനം ചെയ്ത അതേ ദിവസം തന്നെ ഷാര്ജയിലെ പുതിയ രണ്ട് ബ്രാഞ്ചുകളുടെ ഉദ്ഘാടനവും നടന്നു. ഷാര്ജ അല് മജാസ്, മാസ മേഖലയിലാണ് പുതിയ ബ്രാഞ്ചുകള് തുറന്നിരിക്കുന്നത്.
അബുദാബി ആസ്ഥാനമായി പ്രവര്ത്തിക്കുന്ന ലുലു ഫിനാന്ഷ്യല് ഹോള്ഡിങ്സ് ജിസിസിയിലും ഇന്ത്യന് ഉപഭൂഖണ്ഡത്തിലും ഏഷ്യപസഫിക് മേഖലയിലും വ്യാപിച്ചുകിടക്കുന്ന ബിസിനസ് ശൃംഖലയാണ്. പണമിടപാട്, വിദേശ കറന്സി വിനിമയം, എംഎസ്എംഇകള്ക്കുള്ള ഘടനാപരമായ ധനസഹായം, ഇന്ത്യയിലെ റീട്ടെയില് ഉപഭോക്താക്കള്ക്കുള്ള മൈക്രോ ഫിനാന്സ് തുടങ്ങി, നിരവധി ധനകാര്യ സേവനങ്ങളാണ് ലുലു ഫിനാന്ഷ്യല് ഹോള്ഡിങ്സ് ലഭ്യമാക്കുന്നത്. വിവിധ രാജ്യങ്ങളിലായി പതിനഞ്ച് ദശലക്ഷത്തിലധികം ഉപഭോക്താക്കളാണ് കമ്പനിയുടെ സേവനങ്ങള് പ്രയോജനപ്പെടുത്തുന്നത്.
-
india9 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF22 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News11 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?